زوجي ديوث

[Noor Alfajer]

لا حول ولا قوه الا بالله العلي العظيم
هذا مرض والعياذ بالله لازم يروح لطبيب ويتعالج
العلاج يبيله وقت وصبر واراده منه
واذا ما قدر فالافضل الانفصال والقانون معاج
الافضل عيالج ما يروحون عنده بيتهم اذا يبي يشوفهم اتفقوا مكان وسط ويكون مع عيالج احد تثقين فيه
لانه ممكن يأثر عليهم بأفكاره وهم يهال يتأثرون بكل غريب وجديد
الله يعينج وربي يسهل امورج

انا اوصي ولدي لما يروح له ما يطلع معاه بس يتم بيت ابوه. هم الحين عايش مع اهله بس بعد مب متطمنه. اهله اغلبهم افكارهم علمانيه و انا رافظه عيالي يتربون مثل ما هو تربا

 

[رورو 88]

قلبي عورني عليج حيل لا اتزعلين هذ

 

[رورو 88]

قلبي عورني عليج حيل لا تزعلين هذا فرقاه عييييد

انسان جد جد مريض لج الجنه والله على صبرج كل هالسنين

 

[ليالي العاشقين]

الله يعينج على مابلاج ..
وكله باجره ..
الحين جابلي عيالج ,.يسوى الدنيا ومافيها

 

[أم مشاري_88]

لا حول ولا قوة الا بالله
الله يعينج اشلون ظليتي معاه 10 سنين ..!!
المفروض من البدايه تخلينا دام هذي سوالفه
دام هذي سوالفه ليش اهله يخطبوله من الاساس !!
حياتي عيشي حياتج وربي اعيالج تربيه صالحه
وانشاءالله ما ياخذون من طبع ابوهم ولا مرت ابوهم

 

[أحبه موت]

الله يعينج ياقلبي شلون صبرتي طول هالسنين استغفر الله هذا مريييييييض وشاذ جنسيا مافي ريال بالدنيا يرضى يسوي بشرفه وعرضه جذي الا الريال المريض رفعي عليه قضيه وخليهم يحولونه على الطب النفسي عشان يتأكدون من سلامة قواه العقلبة وعيالج ديري بالج اتودينهم له لا تقولي هذا ابوهم بالعكس انتي بهالطريقه قاعده اتخلينهم يطبعون بطبعه ويقتدون فيه حافظي عليهم كثر ماتقدرين وحرميه من عياله لأن هذا أصلا مو كفو ان يصير ينقاله كلمه يبه حسبي الله عليه انشالله ريج ينتقم منه على كل الي سواه فيج

 

[LA TROO7]

ديري بالج على عيالج نصيحه

ترا الاب قدووة وهوو قدوة قذرة للاسف

انتبهي لهم لايشووفونه ويقلدونه

وكلي لج محامي انه مايشوفهم الا عندكم قدام عينج

والله يوفقج ويخليلج عيالج

 

[كويتيه مذهله 87]

انت صاجه. انا البنت خليتها تشوفه مرتين و مره اخذ اليهال بيت خطيبته و من بعدها ما خليتها تروح و هو الحمد لله ما يسال عنها. بس ولدي ابوه يوحشه ساعات و يبي يشوف ابوه. خايفه احرمه من ابوه و يكرهني ولدي و ساعات اقول يمكن يطلقني و ياخذ عيالي عني عشان يحرق قلبي.

حبيبتي اذا تطلقتي لج الحضانه
مايقدر ياخذهم


متي الي ياخذهم الابو اذا انتي تزوجتي وبس


شووفي الحين وكلي محامي علشان لج الحضانه ومايشوفهم فهمي المحامي ان هالانسان حقير وقولي انا احاف علش شرف بنتي وولدي

ومن ناحيه الولد يبي يشوف ابوه قوليله ابوك ساافر كل ما يسأل قوليه سافر لمن يكبر فهميه ان ابوهم مايبيهم

 

[الكويت غالية]

ياربي في ناس لهدرجة قمة في القذارة

والله العظيم ان ربج يحبج لان فكج من هالوصخ اللي لا له دين ولا مله

بعدين من صجج بعد كل اللي شفتيه واللي عرفتيه عن اخلاقه المنحطة تخلين عيالج يروحون له

باللعنه اللي تلعنه هذا وامثاله حرام تعامليهم زين

اخذي عيالج عندج واذا يبي يشوفهم يكون بحضور احد من افراد عائلتج خافي على عيالج لا يتطبعون بطبايعه

والا اهو بقلعته واللي خذها كفوووووووووه اهو واهله

 

[** شيخة **]

حبيبتي الله يعينج

انا دارسه قانون وان شاء الله اقدر افيدج بمعلومات بسيطه

انتي تقدرين ترفعين دعوى طلاق للضرر وبسهولة تتطلقين منه

والحضانه لج حبيبتي لاتحاتين بس اهو له حق الشووفه مره بالاسبوع او مرتين

لا تخافين على اعيالج قبل لايروحون له اقري عليهم قران وارقيهم وخل يروحون ونصيحه شركي اعيالج بدورات تحفيظ قران اذا كبار شوي ويفهمون وعلميهم على الصلاة

خلي ارتباطهم بربهم قوي من الصغر

والنفقه طبعا تقدرين عقب الطلاق ترفعين دعوى انتي مالج شي بس نفقتج على ذمته بالاشهر اللي طافت بس عقب الزواج مالج شي غير نفقة المتعة واعيالج اهما اللي يمشي لهم معاش شهري من 80 لي 100 او اكثر على حسب معاشه ومسؤولياته

ونصيحه لاتدعين على احد عشان لايرد عليج بس قولي حسبي الله ونعم الوكيل وفوضي امرج لله

الله يكتبلج الخير

 

[حد الزين]

الله يعوضك خير وصدقيني انتي بنت حلال مكانك مو عنده والله سبحانه قال الطيبون للطيبات والخبيثون للخبيثات . وانتي انسانه طيبه ومن بيت يحب الستر عليك بصلاة الوتر والدعاء والاستغفار صدقيني راح ترتاحين واكثري من الدعاء وماراح الله بيردك عشانك تبين الستر
اسال الله العظيم وباسمه الستار والرازق ان الله يوفقك وعوضك الرجل الصالح اللي يسعدك دنيا واخره

 

[يا قلبي أرتاح]

زوجج مريض واحمدي ربج ماسوى فيج شي انتي وعيالج لان مافية احد وماعتقد ان فية ريال يصلي خايف ربة يسوي جذية


واكيد زوجج مايصلي اكيد لان حركاتة ماتدل انة يصلي

 

[حبيبه بدر]

لا حول ولا قوة الا بالله اعوذ بالله شنو هالانسان .. الحمدلله اللي الله فكج منه !

 

[غلاي غير]

الله يعينج

 

[السمرة المزيونه]

الله يعينج والله ماتستاهيلن الي يصيرلج

 

[الشامريه]

لا حول ولا قوة الا بالله


الله يعينج


الحمدلله الي افتكيتي منه......... ابدي حياتج من جديد

 

[Noor Alfajer]

حبيبتي الله يعينج

انا دارسه قانون وان شاء الله اقدر افيدج بمعلومات بسيطه

انتي تقدرين ترفعين دعوى طلاق للضرر وبسهولة تتطلقين منه

والحضانه لج حبيبتي لاتحاتين بس اهو له حق الشووفه مره بالاسبوع او مرتين

لا تخافين على اعيالج قبل لايروحون له اقري عليهم قران وارقيهم وخل يروحون ونصيحه شركي اعيالج بدورات تحفيظ قران اذا كبار شوي ويفهمون وعلميهم على الصلاة

خلي ارتباطهم بربهم قوي من الصغر

والنفقه طبعا تقدرين عقب الطلاق ترفعين دعوى انتي مالج شي بس نفقتج على ذمته بالاشهر اللي طافت بس عقب الزواج مالج شي غير نفقة المتعة واعيالج اهما اللي يمشي لهم معاش شهري من 80 لي 100 او اكثر على حسب معاشه ومسؤولياته

ونصيحه لاتدعين على احد عشان لايرد عليج بس قولي حسبي الله ونعم الوكيل وفوضي امرج لله

الله يكتبلج الخير

مشكوره حبيبتي على النصيحه
حبيت اقولج اني شيعيه. و سمعت ان بعد الطلاق الولد يروح حق ابوه لين يصير عمره سنتسن و البنت 7 سنوات و انا خايفه ياخذهم من جذي مب لازم اطلق ولا ابي نفقه. يوم اول ما طلبت الطلاق قال انا ما باطلق انتي اخلعي و ردي مهري و تنازلي عن اليهال. قلتله خلاص مابي طلاق. انا مابي نفقه و خل فلوسه له اهم شي عيالي.

ولدي عمره 7 و ماشالله علمته يصلي معاي كل الفروض. و دايما اكلمه عن الله و بنتي فديتها عمرها 4 سنوات شريتلها سجاده فلله و علمتها تقرا كمن سوره.جبتلهم محفظ قران

والله من القهر ياختي كنت ادعي عليه يوم كانو خواته يخطبون له بس الله يحبني. كل ما اصلي استخاره ة صلات الليل الله يبعد شره عني و يسرلي اموري.

 

[حلوة وبس !]

الله يعينج وصراحه هالديوثي لاني ما راح اقول ريال فرقاه عيد

وديري بالج على اعيالج

 

[TamraBarney]

الحمد لله ان ربي فكج منه كله من هالبلاوي اللي يشوفها انا مره قريت عن الديوثيه سببها ان الشاب لما يتفرج على افلام اباحيه ولما تثيره البطله ترتبط الاثاره بحركاتها مع اللي في الفيلم عشان كذا لما يتزوجون مايحسون بميل لزوجاتهم الا لما يشوفونها مع واحد ثاني الحمد لله والشكر
عموما لاتضيقين خلقك ولاتتعبين نفسك عشان انسان مريض الله يشفيه واهله بدال مايعالجون ولدهم راحوا يخطبون له وحده سيئه الاخلاق !!! يعني يبون وحده توسع صدر ولدهم مو مستوعبين انه ولدهم ومرته الجديده بيعشون في الرذيله
طالما ان عندك اثباتات الحمد لله اتوقع تقدرين تمنعينهم من زياره ابوهم خليهم يبعدون عنه البعد عنه غنيمه
بكره اذا كبروا وفاحت ريحة ابوهم ومرته بيصيرون الناس يعايرونهم فيه
لكن اذا مابينهم علاقه ماراح يلاقون فرصه يتشمتون بعيالك
اهم ماعليك عيالك وبس وهذوليك خليهم يولون محد خسران الا هم ​

 

[توته كيوته]

الحمدالله انج افتكيتي منه و من بلاويه