زوجي دايما يقولي انتي شينه.... جيكره... مو حلوه

[eman84]

مايستحي على ويهه وماعنده ذوق ابدا والا هذا اسلوب يعامل فيه زوجته

الله يعينج عليه

 

[R'3wa-P!nKya]

لا والله !! اذا مو حلوه عيل ليش ماخذج ؟؟؟ قوليله محد طقك على ايدك وقالك غصب اخذني

بصراااحه المرا تبي ريلها يمدحها مو جذي الله يعييينج يااارب ...

 

[ديانا سبنسر]

مع احترامي لكل الردود السالفة موتدش المخ والاسلوب اسلوب ولد والله يسامحني اذا كنت ظالمتها

 

[ميس الورد والشوق]

زوجج مايستحي

عباله صريح بهالسالفه

في شي اسمه مجامله

احترام

 

[نسناس الورد]

رد : زوجي دايما يقولي انتي شينه.... جيكره... مو حلوه

اخخخخخخخخخخخخ لو عندي والله اكسر في مجاديفه اح حرني
خليج واثقه من نفسج اهم شي انت اكشخي مو عشانه اكسري عينه تدلعي عنده خليها طبيعه فيج
قول له الكل يبيني اصلان
وقولي له لو اني مو حلوه جان ماخذتني

 

[pretty sarona]

ليش يقول جذيه ,, و اهو لما خذاج ما كان في قبول ؟,, ما كان قابل فيج و بشكلج ؟ ولا مه الوقت قام يقول جذيه .. انتي كله مدحي نفسج

 

[& مــشــايــخ &]

لاااااااااتسكتين له

كسري فيه

حقير

ياويله من ربه

 

[FeShinGoOo]

رد : زوجي دايما يقولي انتي شينه.... جيكره... مو حلوه

ليش تزوجج مدام مو عاجبته ؟؟؟؟

 

[سموة الزين]

رد : زوجي دايما يقولي انتي شينه.... جيكره... مو حلوه

الله يهديه بس لاتسكتين عنه اذا قالج مو حلوه قوليله مااخذت ذوقك لووول الحمدلله اني احلى منك
وخليج دايم واثقه من نفسج ترا الثقه بالنفس تخلي الريال يراكض وراج واذا عطاج وحده عطيه عشر
والله يهديه لج يااااارب ويشووفج احلى بنت بالعالم

 

[كويت-حلوة]

السلام عليكم







من تزوجنا و زوجي يقولي انتي شينه... انتي مو حلوه.. و انا مو مثل ما يقول انا عاديه مقبوله.....


حتى بوقت الجماع يقولي وجهج ما يساعد!

و اذا سألته عن شي قلت له شرايك فيه؟ يقولي جنه وجهج، اقوله يعني حلو؟ يقول لا من قال انج حلوه؟؟

لدرجه كرهت انه يشوفني,,,, صرت احس بعدم ثقه بنفسي....

ليش يقولي جذي؟؟ و شنو ارد عليه؟؟

كرهته

ياحبيبتي لاتزعلين مني انتي غلطانة الانج سكتي عنة من البدادية لاتسكتين قوليلة انا حلوة غصبن على اليرضا والي مايرضا وبشهادة كل الناس وانا واثقة مننفسي لاتسكتين لانج ليمة تسكتين يركبج ويتمادى والحين حبيبتي مافية احد موحلو وعرفي بطريقتج الخاصة شنو اللوك الي يحبة وسويه من غير مايعرف مثلا صبغي قصي شعرج لبسي ملابس مثل الممثلات واهم شي لاتبينين انج صدقتي كلامة

 

[نـور الكويت]

اذا قالج جنه ويهج قولي اي والله ويهي يهبل حريه

وما عليج منه وخلي ثقه بنفسج ... جان قلتيله لوني مو حلوه

ما اخذتني ولا طقيت بابي .. عسى الله يهديه ويجملج بعينه ويخليكم لبعض

 

[Ga6waah83]

رد : زوجي دايما يقولي انتي شينه.... جيكره... مو حلوه

وااااااااااي كل يوم عن يوم يزييد كرهي حق هالرياييييل بس والله هالاشكال ما تتسمى ريايييل استغفر الله

الله يجملج بعينه ويهديه لج يارب ...

 

[ليتني مـآ كبرت]

رد : زوجي دايما يقولي انتي شينه.... جيكره... مو حلوه

بنت الروضان : و الله آنا نفسج

صاحبة الموضوع الله يعينج .. بس اتوقع هو جيكر و سحت و انتي احلى منه
عشان جذي يحبطج عشان ماتشوفين نفسج عليه

 

[Tom ♥ Jerry]

>3


قوليله اذا انا جيكره شحقه تزوجتي !
مآ شفتني قبل الزوآج

و بعدين تقول انا جيكره شدعوه الأخ برآد بيت !

.

 

[zoom]

مالت عليه
شوفي حبيبتي اولا واخيرا ثقتج بنفسج لا تهتز علشانه مايستاهل اهتمب بنفسج لنفسج مو علشانه ودايما قوليله رايك ما يهمني المهم عاجبه نفسي
واذا كررها لاتسكتين الموضوع موهين هذي حيات وعمر امسكيه وقوليله اذا ماتبيني ودني لاهلي اعيش بكرامتي العيشه مو غصب وذكريه اما امساكن بمعروف او تسريحن باحسان والرسول صلى الله عليه وسلم وصى بالنساء خيرا وشوفي وطبعا قوليله اما تحترمني او ماابي اعيش معاك بهالاسلوب ومالج شغل لوماتغير وقرر الانفصال يمكن ابرك بس لاتسكتين لانه راح يطيح فيج والله يعينج

 

[الاخلاص]

قولي حتى انت وجهك مايسااااااعد بس شسوي

 

[امووله المزيونه]

حسبي الله المريض

كلام البنات وفى وكفى قولي مثل ماقالوا والله ماقصروا فديتهم
وربي يسخره لج ويشوفج اجمل مره بالكون اللهم امين بس بضيف شغله امشي بالمثل اللي يقول داويها بالتي كانت هي الدائو

يعني قوليله يووه يافلان اشفيك عيونك مورمه وتجاعيدك بانت ويوم قولي اسنانك اشفيهم جذي وشعرك خف وايد خليه يولي قهر

 

[الورد667]

رد: رد : زوجي دايما يقولي انتي شينه.... جيكره... مو حلوه

كش عليييييييييييييييييييه !!:rgewrg:
اسمحيلي :eh_s(2): بهالكلمة بس صدق يقهر ! شهالدفاشة ؟ شهالاسلوب استغفرالله !!
لا قالك كذا لاتقولين اجل ليش ماخذني !!
قولي الحمدلله عاجبني وجهي وشحلاتي واهبل وكلن ميت علي ! وكل الناس لاشافت البوم العرس قالوا حرام فيك انا !!
إكسري فيه ! بس مو بهواش ! على ضحك ، بس مو تضحكين صدق !!!
لا ضحك الخباثة !! خل يعرف الكلام السخيف يعور والا لا !!
ودايم رفعي في نفسك قدامه ، وخلي ثقتك بنفسك للسما !!!!! حطي في بالك حريم صدق جياكر ورياجيلهم خواتم باصابعهم !!
لاتمشين ورى كلمه وتنكسرين !!
يغثثثثثثثثثثثثثثثثثثث استغفرالله !! حظه مو عندي ! :rerrerek:وربي لأكسر فيه لين أخليه يعرف ربه !!!​

معاها

قوليله جذي يمكن يحس

 

[@أجمل سنيني @]

والله الدنيا حظوظ



والله اعرف وحده سمره وقصيره والله جنها ريال ونظافتها موشئ وزوجها مززززززززيون يهبل وكل الحريم ميتين عليه
وفوق هذا عنده شهاده ومثقف ومعاشه قوووووووي
وتعالي شوفيها شاريلها بيت بروحها ومدلعها وكاره اهله عشانها ع الرغم انها مو عافته عن الحرام
يعني الريال من وراها يلعب
واذا قالووووو له ليش تزوج عليها يقوووووووووول لا ما ابي اجرح شعوووووووورها وتتضايق :eh_s(22):
القصد الريال يداري شعورها ومدللها واهي مقصره بحقه
نرد ونقووووول الدنيا حظوظ
والله يعينج

 

[SaD FaCe]

استغفرالله

الله يهديه بس