زوجي خايني وساكته....ابي حل عقلاني

[مرا دلع]

حبيبتي وربي ع ماقول شهيد اذا هم صدق بناااات سعودياااات وتعرفين الرقم سعودي دزيه للهيئه عندنا الهيئه مايصدقون خبر وصدقيني بكل سريه يحلون المسكله ويرسلون لها رسايل انذار وتحديد موقع ومن هالشغلات ويحذرونها وتكون تحت المراقبه

معليش حبيبتي مشكلتها مو واقفه على البنات السعوديات
مشكلتها بزوجها اساسا هو خاين سواء مع سعوديات او غيرهم

 

[amami al-kuwai]

حليله نايف

الموضوع مايسوى واكيد البنات مايدرون انه متزوج

وحتى اذا شنو الدليل غير الرقم

المشكله بالزوج وطبع الخيانه

انا قلت رايي اذا وصلت له الوضع هني كبريها الزم ماعليج صحتج

 

[حظ من عنده انا]

تبين الحل ؟


الدعااااااء


حل عجيييب

ادعي باخر الليل باللي تبين وبكل شي تبينه

وتصدقي بنية ان الله يستجيب دعواتج او بالنيه اللي تبين


اعرف وحده دعت ان ربي يبعد زوجها عن رفقاء السووء ربعه اللي مو زينين وكان متعلللق فيييهم ومسستحيل يتركهم

بس بفضل الله ثم الدعاء الحين مايبيهم وكل ماجا بيروح ودق علي فلان وعلان منهم طلعو مشغولين


فتغيرت حياتها معااه للاحسن الحمد لله


فانتي تعلقي برب العالمين وخلي املج بالله كبير ان شاء الله هذي ازمه وتزول اذا انج دعيتي ان الله يصرف قلبه وعقله وكله عن الحرام

 

[نشيج الروح]

الله يهديه ويستر عليه بما أنكم تفاهمتوا وحلف خلاص صدقيه ولا تشكين ..... هو وضح لج انه شريف سواء اقتنعتي او لا ،،، حاليا عطيه فرصة لان الاتهام بهالامور خطر وان ثبت العكس هني عطيه كلام قوي يخرعه..... وعساه يبتعد عن كل هالامور*

 

[المكسيكيه]

الله يعينج

 

[شادن33]

خلاص الحين لاتزنين على راسه وريحي بالج

اهو دري انج حاسه في شي غلط اذا يحبج ويبيج بعدل من سلوكه

والله وياج حبيبتي مايسوى هالتوتر والاعصاب وكلي امرج لله

 

[انثى عاشقة]

الله يعينك ويمسح ع قلبك اصعب شي الخيانة
انتي اهم شي خذي موقف حازم وجاد معاه
مو بكيفه يسافر ويخربط ع حساب حياتكم
يايحترم الحياة الزوجية يا مايشوف شر​

 

[رحمانكq8]

ملدري شسوي

 

[أعشقه]

ياشيخه دامه حلف لك ووعدك خلاص
فتحي صفحه جديده معه ..
ولا ياخذ كتاب الله واسم الله لعب ..
عامليه باحسن معامله تدلعي له
حاولي تجلسين معه اكثر وتتكلمين معه ..
الرجال مايحب الي كله ساكته كانها طرمه وماتضحك وتفرفش المكان
خليك وسيعه صدر .. وفكرة الاخت الي قالت حطي كلام الله في الغرفه وحطي اي شي فيه عن العضه والعبره والتقوى
وان شاء الله ربي ييغير حالك ويصلح امورك
حاولي تشوفين وش الي ناقص منك وتكملينه عشان ماتصير حجه يقول انتي مقصره معي بكذا وكذا

 

[طمعانه برضى ربي]

ياقلبي الزوووج يبي الي تطنش اهووووووووو يركض وراهاااااااا سوي نفسك ايزي موهامك او موعارفه من الذكاء ان يتغابي المرء في بعض المواقف وشوووفي شلووووووووووون يلحقك

 

[بيلسسان]

لاتقولين له انج تشتي
وانتي من الاساس لاتفتشين من وراه
دامه مريحج ومومقصر معاج
بس انتي عطيه حقوقه وخليج بالزينه
واهو من نفسه يتغير
فتره وتعدي

 

[انامل ناعمه]

الله يسخرة لك يارب

 

[نوفااااا]

صدقيني مافي رجال مايخون بس انصحش نصيحة اخت ل اختها لاتفتشين وراه وتراقبينه لانش بتتعبين خليه يلعب مصيره بيطخ ويرجعلش صبرا جميل والله المستعان

 

[mnor]

الله يشرح صدرج وييسر امرج

جبيبتي كثري استغفار ودعاء والله سبحانه يسمع كلامج وهو يعلم بمافي الصدور

محد راح ينفعج غير الخالق الرازق السميع العليم بكل شي

الله يوفقج ويسعدج دنيا وآخره

 

[كليـ دلعـ]

وااي قلبي قلبي

بتييني جلطه

وااي وواااي

 

[يا كويتنا]

الله يعين قلبج


ابن ادم احساس ومشااعر

حنا حريم نتعب ونشقا مع الجهال والزوج

والبيت وانربي وفوووق كل هذا خليج علا سنقت عشره لو ميته من التعب


ليش

عشان سبع البورمبه لا يطير من ايدج



الله يرحمنا برحمته

 

[هيبة ملك]

يبه سكتي وسوي نفسج ماتدرين وإلا بعدين بيسوي كل شئ قدامج

دامه ماخاف الله ماراح يخاف منج أدعي له بالهداية وأحتوي وإن شاء الله يطخ

 

[رحمانكq8]

يااارب ادعولي تكفون


ومشكورين لدعواتكم ومروركم



مشكله تاخر بليل بعد هلوحده يرد اذا بجر

 

[رحمانكq8]

محد منكم صارله هلشي محد مر ب هلتجربه وشلون تصرفت وصار وادا ماتبي علعام خ تكلمني علخاص تفيدني

 

[عسل مرت قيمر]

قريت ردود البنات وماشاءالله كل وحده نصيحتها احلا من الثانيه


اتبعي كلامهم


وادعي ربج ان يهديه ويبعد عنه الحرام



الله يسخره لج يارب العالمين