انا عندي 32 سنة و جوزي اكبر مني بأقل من سنة
الحياة بيننا كويسة و هادية و مفيش مشاكل .. لان انا مبحبش المشاكل فلو حصل حاجة كنت بتحامل على نفسي علشان بيتنا يفضل هادي و من غير نكد
و بالنسبة لاهتمامي بنفسي فانا متوسطة .. مش كل الايام على سنجة عشرة ساعات كده و ساعات كده
و كل فترة اجيب له هدية
و افكار رومانسية
لكن اللي حصل ان في ايام حملي الاخير كنت مكتئبة .. ده غير ان شكلي بيبقى وحش اوي ايام الحمل.. ببقى مورمة و ملامح وشي بتكبر و لوني كلي بيغمق .. ده غير الكلف بيبقى عندي فظيع..
و في الايام دي بعد عني جدا و اتعرف على واحدة و كان بيقابلها في عربيته .. و بالرغم من اني حسنت من نفسي و جبت كمية كريمات و حاجات و لبس للبيت من لارين و فردت شعري و صبغته و وضبت نفسي أيام بعداول 3 شهور و بعد الولادة كمان ..
الا انه استمر في علاقته بيها و الموضوع تطور .. ان بعد ولادتي على طول قعدت فترة عند مامته علشان كنت والدة قيصري .. في الفترة دي جابها البيت .. و اتجرأ على كده انه يجيبها البيت و انا عند أهلي .. و استمر الموضوع لمدة سنة تقريبا و كان معايا كويس .. لكن كنت حاسة انه بعيد عني و كنت بعيط كتير و اقرا في مواضيع زوجي لا يحبني..
لاني كنت بشوفه في اي قعدة فيها ستات غيري .. اللي في العيلة و مراة اخوه و كده يعني .. ( اصله بيحب يتكلم مع الستات أوي) بيبقى مندمج معاهم أكتر مما بيبقى معايا ..
المهم انا اكتشفت و واجهته بالدليل و اعترف و عيط و حلفلي انه قطع علاقته بيها و انه مش هيكررها ابدا و سامحته بس حلفت له انا كمان ان لو اتكرر منه حاجة زي كده مفيش غير الطلاق
و بالرغم انه مر سنتين الا اني عمري ما بنسى ..
و جوايا جرح صعب اوي لا يندمل ..
و ساعات لما بفتكر بحس بألم حقيقي و وجع في صدري ..
و حاولت ادور على الاسباب اللي ادت للي حصل :
لاقيت ان اول سبب مباشر اني معنديش ثقة في نفسي ابدا .. و وصلت له ده بمنتهى الغباء .. وصلت له اني اقل من غيري .. لحد ما بقى عنده يقين بكده ..
خاصة انه كمان أجمل مني ..
و لاني بحتاج دعم خارجي .. فساعات كنت لما اقول على نفسي حاجة ابقى مستنياه يقوللي( ليه يا حبيبتي بتقولي على نفسك كده .. ده انتي و انتي ).. لكنه كان بيسكت و تترسخ الفكرة عنده و عندي اكتر ..
ده من اهم الاسباب المباشرة لكده
لكن السبب الجوهري فعلا .. اكتشفته لما فكرت .. ان كل امر بيحصل بيبقى بمشيئة الله و بحكمة الله في خلقه..
فكرت في ليه ربنا عمل فيا كده ؟ ..
و عرفت ..
اني أيام الخطوبة غلطت مع زوجي ..و خنت ابويا و اهلي .. مش زنا لكن مقدمات الزنا ..
وأيام اكتشفت خيانته .. حلف لي على المصحف انه لم يزني معاها ..
يبقى كان بيعمل معاها زي اللي كان بيعمله معايا ايام الخطوبة..
يبقى الجزاء من جنس العمل
و حاجة تانية مهمة جدا..
اني اتعلقت بيه أكتر من تعلقي بربنا ..
ازاي ..
كنت من الصبح لحد ما انام و انا كل اللي بعمله علشان ارضيه .. و اقول ما هو رضا الزوج من رضا ربنا و هيدخلني الجنة ..
لكني كنت بكذب على نفسي لان لو كلامي صحيح و همي هو رضا الله ..
كنت هرضي ربنا بالخشوع في الصلاة و الاكثار من النوافل و القيام و قراءة القرآن و الصيام و العبادة بجانب رضا الزوج .. مش يبقى همي رضا الزوج بس
..
لكن مش تبقى صلاتي اي كلام و بدون خشوع و ساعات بعد ما يعدي وقتها كمان ..
و مفيش قيام ولا اجتهاد في العبادات ..
في كلام لابن القيم:
( و من أحب أحدا سوى الله عذب به و لابد )..
و ربنا قال في كتابه:
(وَمِنَ النَّاسِ مَنْ يَتَّخِذُ مِنْ دُونِ اللَّهِ أَندَادًا يُحِبُّونَهُمْ كَحُبِّ اللَّهِ)
المهم لسان حالنا بيقول ايه ..
لازم نتدبر احوالنا و نتفقد قلوبنا و علاقتنا بالله ..
لو رجع بيا الزمن
عمري ما هغلط مع خطيبي و لو حتى بكلمة
و هيكون همي الاكبر هو رضا الله و التعرف على الله و صفاته و الارتقاء بنفسي بالعلم و العمل على رضا الله بالاكثار في العبادات و الابتعاد قدر الامكان عن معصيته و التوبة الخالصة
و ارضاء زوجي عبارة عن أمر من ضمن اوامر امرني بيها ربي و علي تلبيتها على أكمل وجه
طبعا احبه .. جدا جدا .. بس لما الاقيني ببعد عن طاعة ربي او بقصر في حق ربي بسببه .. يبقى اعمل ستوب و اراجع نفسي انا هدفي ايه بوضوح علشان مخسرش لا دنيا و لا آخرة
و هيبقى عندي ثقة في نفسي .. اني طالما بعمل اللي عليا ..
و بهتم بنفسي
و زوجي اختارني انا .. محدش ضربه على ايده و لا شربه حاجة أصفرة علشان يتجوزني .. يبقى ليه اهدم نفسي بنظرة دونية .. و لو هو غلط و بص هنا و للا هنا .. يبقى الذنب ذنبه و هو اللي غلطان مش أنا .. هو اللي وحش مش انا..
الحياة بيننا كويسة و هادية و مفيش مشاكل .. لان انا مبحبش المشاكل فلو حصل حاجة كنت بتحامل على نفسي علشان بيتنا يفضل هادي و من غير نكد
و بالنسبة لاهتمامي بنفسي فانا متوسطة .. مش كل الايام على سنجة عشرة ساعات كده و ساعات كده
و كل فترة اجيب له هدية
و افكار رومانسية
لكن اللي حصل ان في ايام حملي الاخير كنت مكتئبة .. ده غير ان شكلي بيبقى وحش اوي ايام الحمل.. ببقى مورمة و ملامح وشي بتكبر و لوني كلي بيغمق .. ده غير الكلف بيبقى عندي فظيع..
و في الايام دي بعد عني جدا و اتعرف على واحدة و كان بيقابلها في عربيته .. و بالرغم من اني حسنت من نفسي و جبت كمية كريمات و حاجات و لبس للبيت من لارين و فردت شعري و صبغته و وضبت نفسي أيام بعداول 3 شهور و بعد الولادة كمان ..
الا انه استمر في علاقته بيها و الموضوع تطور .. ان بعد ولادتي على طول قعدت فترة عند مامته علشان كنت والدة قيصري .. في الفترة دي جابها البيت .. و اتجرأ على كده انه يجيبها البيت و انا عند أهلي .. و استمر الموضوع لمدة سنة تقريبا و كان معايا كويس .. لكن كنت حاسة انه بعيد عني و كنت بعيط كتير و اقرا في مواضيع زوجي لا يحبني..
لاني كنت بشوفه في اي قعدة فيها ستات غيري .. اللي في العيلة و مراة اخوه و كده يعني .. ( اصله بيحب يتكلم مع الستات أوي) بيبقى مندمج معاهم أكتر مما بيبقى معايا ..
المهم انا اكتشفت و واجهته بالدليل و اعترف و عيط و حلفلي انه قطع علاقته بيها و انه مش هيكررها ابدا و سامحته بس حلفت له انا كمان ان لو اتكرر منه حاجة زي كده مفيش غير الطلاق
و بالرغم انه مر سنتين الا اني عمري ما بنسى ..
و جوايا جرح صعب اوي لا يندمل ..
و ساعات لما بفتكر بحس بألم حقيقي و وجع في صدري ..
و حاولت ادور على الاسباب اللي ادت للي حصل :
لاقيت ان اول سبب مباشر اني معنديش ثقة في نفسي ابدا .. و وصلت له ده بمنتهى الغباء .. وصلت له اني اقل من غيري .. لحد ما بقى عنده يقين بكده ..
خاصة انه كمان أجمل مني ..
و لاني بحتاج دعم خارجي .. فساعات كنت لما اقول على نفسي حاجة ابقى مستنياه يقوللي( ليه يا حبيبتي بتقولي على نفسك كده .. ده انتي و انتي ).. لكنه كان بيسكت و تترسخ الفكرة عنده و عندي اكتر ..
ده من اهم الاسباب المباشرة لكده
لكن السبب الجوهري فعلا .. اكتشفته لما فكرت .. ان كل امر بيحصل بيبقى بمشيئة الله و بحكمة الله في خلقه..
فكرت في ليه ربنا عمل فيا كده ؟ ..
و عرفت ..
اني أيام الخطوبة غلطت مع زوجي ..و خنت ابويا و اهلي .. مش زنا لكن مقدمات الزنا ..
وأيام اكتشفت خيانته .. حلف لي على المصحف انه لم يزني معاها ..
يبقى كان بيعمل معاها زي اللي كان بيعمله معايا ايام الخطوبة..
يبقى الجزاء من جنس العمل
و حاجة تانية مهمة جدا..
اني اتعلقت بيه أكتر من تعلقي بربنا ..
ازاي ..
كنت من الصبح لحد ما انام و انا كل اللي بعمله علشان ارضيه .. و اقول ما هو رضا الزوج من رضا ربنا و هيدخلني الجنة ..
لكني كنت بكذب على نفسي لان لو كلامي صحيح و همي هو رضا الله ..
كنت هرضي ربنا بالخشوع في الصلاة و الاكثار من النوافل و القيام و قراءة القرآن و الصيام و العبادة بجانب رضا الزوج .. مش يبقى همي رضا الزوج بس
..
لكن مش تبقى صلاتي اي كلام و بدون خشوع و ساعات بعد ما يعدي وقتها كمان ..
و مفيش قيام ولا اجتهاد في العبادات ..
في كلام لابن القيم:
( و من أحب أحدا سوى الله عذب به و لابد )..
و ربنا قال في كتابه:
(وَمِنَ النَّاسِ مَنْ يَتَّخِذُ مِنْ دُونِ اللَّهِ أَندَادًا يُحِبُّونَهُمْ كَحُبِّ اللَّهِ)
المهم لسان حالنا بيقول ايه ..
لازم نتدبر احوالنا و نتفقد قلوبنا و علاقتنا بالله ..
لو رجع بيا الزمن
عمري ما هغلط مع خطيبي و لو حتى بكلمة
و هيكون همي الاكبر هو رضا الله و التعرف على الله و صفاته و الارتقاء بنفسي بالعلم و العمل على رضا الله بالاكثار في العبادات و الابتعاد قدر الامكان عن معصيته و التوبة الخالصة
و ارضاء زوجي عبارة عن أمر من ضمن اوامر امرني بيها ربي و علي تلبيتها على أكمل وجه
طبعا احبه .. جدا جدا .. بس لما الاقيني ببعد عن طاعة ربي او بقصر في حق ربي بسببه .. يبقى اعمل ستوب و اراجع نفسي انا هدفي ايه بوضوح علشان مخسرش لا دنيا و لا آخرة
و هيبقى عندي ثقة في نفسي .. اني طالما بعمل اللي عليا ..
و بهتم بنفسي
و زوجي اختارني انا .. محدش ضربه على ايده و لا شربه حاجة أصفرة علشان يتجوزني .. يبقى ليه اهدم نفسي بنظرة دونية .. و لو هو غلط و بص هنا و للا هنا .. يبقى الذنب ذنبه و هو اللي غلطان مش أنا .. هو اللي وحش مش انا..
