زوجي خاطره بالولد ..

[قلب حنين]

ربي يرزقك بما تحبين يارب مثل ماقالوا البنات الجماع بيوم التبويض ويكون منتصف الدورة والحساب يكون من اول يوم للدم وفترة التبويض استخدمي غسول بيكربونات الصودا قبل الجماع بربع ساعة والجماع تكوني علي ظهرك وتحت اسفل الظهر مخدة وبعد الانتهاء تنامين علي جنبك اليمين اقل شئ مدة نص ساعة اهم شئ لاتاخذين اي نوع حبوب ولافيتامينات ويفضل بيوم الجماع يكون باليل واتركي الاكلات اللزجة وكثري من الاكلات المالحة وربي يوفقك

 

[شقرا كويتيه]

الله يرزقكم بالولد الصالح

 

[أأأميرة الورد]

الله يرزقج بالولد الصالح

 

[ايمانو حلوة]

الحقن المجهري مع اختيار الاجنه

 

[صحكة الايام]

بختصار نزلي قبله تجربة صديقتي وبيوم التبويض واللي حابه بتفاصيل اكثر ترسلي ع الخاص

 

["*آآآنؤؤؤقهـ*"]

الله يرزقج بالحمله الجايه بالولد

ولاتفكرين ولا تعبين نفسج واللي الله كاتبه يصير

 

[mirrorsweet]

يارب ترزق انوفه وصاحبه موضوع والكل

الحمل بلولد الصالح والولاده طبيعيه سهله

 

[afaf]

الله يرزقج ويرزقني الولد الصالححح ياااربب

 

[noo7a]

شوفي في شي صار معاي بالصدفه
و حملت و يبت ولد و كتبت عنه بتجمع الي يبون ولد بقسم تجمعات الحوامل

الله يسلمج قبل حمالي كنت يوميا ريوقي بالجامعه سندويجه بطاط و بيديان
و الحمدلله حملت و يبت ولد
عاد مره قريت بالصدفه ان البطاط و البيديان يساعدون عالحمل بولد
كانو كاتبين بالتفصيل الشرح ليش و شحقه ماذكر
المهم ان البطاط و البيديان يفيدون

والله يرزقج

 

[توكلت على الله 22]

الله يرزقج ويرزقني بالاولاد الصالحين

ماقصروا البنات

 

[كررزه]

الله يرزقج حبيبتي اللي تتمنونه ويفرح قلب امه وابوه
قولي امين"""

 

[انجبر قلبي]

شقولكم حبيباتي ما قصرتوا والله

والحمدالله والشكر حامده ربي حتى لو اظل على بنتي هذي نعمة حاسه باللي فاقدينها عسى الله يرزقهم

مجرد محاولة والرزق من الله ان صار الحمدالله وان ما صار الحمدالله


الحمدالله احب بطاط و بيديان هههه


بس بسالكم شنو التلقيح الصناعي و ليش يسوونه ؟ *

 

[tbola]

اهم شي الدعااء وبعدين روحي سالي الدكتوره اي احسن وقت وتوقع اليوم 16

 

[tbola]

دشي قووقل وكتبي التلقيح الصناعي وترا التلقيح نجاحه كلشش مو مضمون ولحمدالله انتي حملتي وولدتي خليج طبيعي احسن

 

[انجبر قلبي]

مشكورة يا عمري

اي والله كل ششي طبيعي احسن

الحمدالله على كل حال

انزين النظام الغذائي شنو اكلات غير البطاط و البديان و الطماط و الذرة و الموز و التفاح و الفاصوليا

يعني المعكرونية و الخبز شنو ؟ لان جنه اللي اعرفه ان الخبز الابيض في كالسيوم و المفروض ابتعد عن مصادر الكالسيوم بس مو متاكدة من هالمعلومة ؟ *

 

[nezgha.85]

انا عندي ولدين وسويت برنامج تحديد جنس الجنين ولله الحمد ضبط معاي كنت اتابع عند دكتوره نداء بوخضور برويال حياة وقالت لي اهم شي وقت الجماع والغسول ومو لازم يكون الجماه بيوم 13و 14 و 15 انا صار الجماع بيوم 17 من الدوره وحملت ابنت والحمدلله لان لازم اتباعين التبويض وكل وحده تبويضها غير وطبعاً الأهم من هذا كله الدعااااء ومو بس الدعاء الإلحاح بالدعار والاستغفار والله يعطيج اللي تبينه ​

 

[Vip qatar]

حبيبتي في فريق سعودي عباره مخترعين يحدوون جنس البيبي عن طريق يوم التبويض والغسول وماشاء الله وايد ناس جربوهم وضبط معاهم وانا هاي الشهر تابعت معاهم واذا ضبط معاي ان شاء الله بخبرج ^^

ويوم سالته عن الحمية قالي مو مهمه اهم شي نزول البويضة والغسول القلوي وانه لازم تستمرين على العزل يعني قذف خارجي او تستخدمين واقي لين نزول البويضة

 

[Model Look]

حبيبتي انجبر ارتاااااحي توج واالده قيصري

وادعي ربج وجربي الغسول القلوي بايام التبويض

>> امي جربته ويابت اخوي ،، يوم ١٤ و ١٥

 

[مفرفشة ومنعنشة]

دايما رددي
:yaaaaaarb: اللهم اني رضيت فارضني وارضي زوجي :yaaaaaarb:

حبيبتي في وايد اسباب ممكن انه الوحده تاخذ فيها مثل
الغسول / وقت الجماع / أيام التبويض
ويوم التبويض يفرق من وحدة لوحده على حسب طول دورتج وانتظامها

لكن كل التجارب والدراسات تأكد انه مافي طريقة مضمونه 100/% لتحديد جنس الجنين ولا حتى الحقن المجهري او طفل الانابيب
كلها اسباب وطرق لها نسبة نجاح معينة
لكن ولا طريقة مضمونه
وتقدرين تقرين تجارب البنات وتتأكدين من هالشي

ما في الا طريقة وحده بس اهي المضمونه 100 %

لجأي لرب الاسباب

الله سبحانه وتعالى

ادعي رب العالمين الي قال في كتابه

( واذا سألك عبادي عني فإني قريب اجيب دعوة الداع اذا دعان )
( وقال ربكم ادعوني استجب لكم )

يعني رب العالمين وعدنا انه لو دعيناه بيستجيب لنا :ggdw:


تحري اوقات الاجابة والتزمي بآداب الدعاء وشروطه
واذا دعيتي ربج خلي عندج يقييييييييييين بالاجابة لانه سبحانه وعدنا انه يستجيب لنا اذا دعيناه

وما راح تلقين الا الخير

قيل يا رسول الله ( اي الدعاء اسمع ، قال : جوف الليل الآخر ودبر الصلوات المكتوبات ) رواه الترمذي
دبر الصلاوات المكتوبات : اي بعد الانتهاء من التشهد الاخير وقبل التسليم

رب العالمين جل جلاله ينزل كل ليله للسماء الدنيا في الثلث الاخير من الليل فيقول : ( من يدعوني فاستجيب له ، من يسألني فأعطيه ، من يستغفرني فاغفر له )

:ggdw:استغلي هالوقت في الثلث الاخير من الليل ولا تطوفينه :ggdw:

وتأكدي انه الي الله بيرزقج فيه اهو الخير سواء
:eh_s(7): بنت أو ولد :eh_s(7):
بس دايما وانت تدعين ربج يرزقج بالولد تذكري انج تشكرين الله وتحمدينه على انه عطاج بنت بصحة وعافية وانج تحملين وتولدين ، لانه العيال والحمل كلها نعم من رب العالمين لاااااازم نحمد الله ونشكره عليها


ونصيحة دخلي عاليوتيوب وسمعي حلقة ( المجيب ) من برنامج ( باسمك نحيا ) للاستاذ : عمرو خالد

وشوفي شلون بعدها باذن الله بتحسين براحة ورضا وان رب العالمين ما يكتب الا الخير ، وانه سبحانه قرييييييييييييييييب سميع مجيب الدعاء

وشي ثاني : بدال لا تقعدين ساعات عالنت تقرين عن طريقة الحمل بولد وغيرها ، دشي عاليوتيوب وسمعي مقاطع عن فضل الاستغفار وفضل قيام الليل وفضل الدعاء وفضل الصدقة بتحسين باذن الله انج قريبة من رب العالمين وانه رحمن رحيم ما يكتب لنا الا الخير


آسفة اختي طولت عليج بس لاني حاسة فيج ... وأنا الحين حامل واتمنى يكون الي برحمي ذكر
بس صدقيني الناس ما تفيدج وما بايدهم شي
الامر كله بايده سبحانه اذا اراد شيئا ان يقول له كن فيكون


الله يرزقني وياج الولد الصالح السليم البار يااااااارب العرش العظيم

 

[&موناليزا&]

الاستغفاااااااااااااااااااااااااااااااااار