زوجي تكلم علي وطردني وسب اهلي عشان مابي اسافر معاه شورو علي ياكبيرات####

[عسوله ونص]

فديتكم والله

مشكورين والله نصايحكم على عيني وكلها من صالحي

وفعلا انا اهتميت ببنتي واهملت نفسي وزوجي وبيتي وهو متعود طول السنين بس اهتم فيه وفي بيتي وفجئه خلاص حتى مابي اطالع بويهه

والسفر ذابحني ياعالم كل اسبوع يسافر في الاف 3 ايام الاف ومطفشني يسافر كل اسبوع مكان ولازم يسحبني معاه والله مليت شنطتي مخليتها فوق الكنبه بالصاله لانا نرد من السفر نجلس 4 ايام ونرد نسافر وربي مليت يحب السفر يسافر بروحه انا مليت منه ومن تصرفاته ولسانه الوسخ يبيني معاه بكل مكان مو حب فيني الا تحكم

بنات فيه مشكله ثانيه الا وهي اني كنت سمينه دوبا يعني وسويت دايت ونحفت كثير ومن نحفت وهو متغير يبيني ارجع مثل اول وانا مابي كذا حلو علي ولا السمنه تعتقدون مل مني لاني مو عاجبته في الفراش يبيني سمينه ؟؟

جزاكم الله خير

 

[غدووور الكويت]

حبيبتي خليج رشيقه واهتمي بنفسج وفي بنتج وبيتج اهو شكله رفيجه تزوج الثانيه واهم يبي يسوي مثله بس ان شاء الله انت زوجته الوحيده والله يفرج همج

 

[* ملكني الخوف *]

حسبي الله عليه اللي مافيه خير لاهله مافيه خير للناس

 

[* ملكني الخوف *]

عسوله ترا في رياييل يحبون المتن اذا عاجبه سوي اللي يبيه ولاتخلينه يطالع غيرج

 

[om-3azo-83z]

الله يهديه
طنشييييييييييييييييييه ولا تفكرين تعتذرين و اذا قال بتزوج قوليله روح و اذا لقيت وحده ترضى فيك و تتحملك مثلي الله يهنيك
تصبري و ادعي الله يهديه و كثري من الاستغفار و اقري سوره البقره

 

[ياغفور اغفر لي]

شوفي حبيبتي انا عندي رفيجتي جميله وزوجها شكله عادي حيل واقل من كذا
وهم بالعشرينات هو 28 وهي 22 وكله يحقرها بكلامه يعني من زينج مو من حلاتج روحي وانتي وجسمج الاسود مع انها جميله حيل واحلا مني بعد

فهو ليش يقول جذي لان الناس تمدحها فيبي بكسر شوكتها مايبي يكبر راسها الله ينصرها يارب
فاتوقع عشان زوجج كبير ويدري انج صغيرة بالعمر فمو مرتاح نفسيا يبي يكسرج باي شكل في نقص
لا قال بتزوج قولي تزوج بس مااظن بتلقا اصغر مني لان محد بيرضا فيك رجال مابقا لك ع الخمسين شي
حطميه شويه
وادعي الله ماراح يخسرج

 

[زوجة عزيز]

الله يشفي امج وابوج ويخليهم لكم ويرحم اخوج ويغمد روحه الجنه زوجج متسبب بس يبي يتهاوش الصراحه اخذيه على قد عقله ولا اتقولين لاهلج انه يسبهم والله يهديه ويسخره لج واذا عندج اكون احد تامنين بنتج عندهم لين اتردين بالسلامه يكون احسن

 

[سكوتي بذوقي]

لاحول ولا قوة إلا بالله

الله يكون بعونك اختي

بس دقي على اهلك مايصير تجلسين لحالك

الله يهديه ويسخره لك يارب

 

[! بــدويه وآآيــد !]

،


لاحول ولاقوة الا بالله والله عوورني قلبي مادري شقول
حسبي الله ونعم الوكيل فيه عسى حوبتج ماتعدااااه
بس بنفس الوقت امشي على شوره لاتعاندينه فيه وحده زوجها يقولها يلا نسافر تقول لا؟
الله يشااافي امج وابوج يارب

 

[دلوعة صلوح]

الله يعينج ويحنن قلبة عليج يارب العالمين.

 

[نـعـومـه]

احس سكوتج عنه اهوه مقوي عينه

وحرام ليش تعقدون البنت !!! والله حرام تصير معقده بسببكم

تقعدين لاهلج تعيشين معاهم معززه مكرمه صاينه بنتج ولا هالعيشه اللي كلها مذله واهانه وتعقيد للبنت

ويسب اهلج تسكتين !!! انا رايي هذا موكفو تعيشين معاه ادبيه روحي لاهلج قوليله تسنع بعدين تعالي

 

[نونه المنكوشه]

الله يبرد ع قلبج ويفرجلج ان شاءالله

 

[ielmazyona]

بقولج شغله حبيبتي


يمكن انا مو متزوجه بس واضحه


الرجال عمره صاك الاربعين عادي تجيه هالنفسيه هاذي هو متضايق من نفسه

مو منك

انتي طنشيه

على فكره مصيبتك جدا هييينه ما اجامل

لان رجالج متضايق نفسيا
هو مبين زعلان من نفسه مو راضي على نفسه كلش
طيب ليه مارحتي معاه
للسفر يمكن تغيرون جوو
خليج ساكته لا تلاسنين معاه كل شي قولي ان شاء الله قوليله في خاطرك شي اسأليه

ماذكرتي هو من شنو متضايق

 

[عسوله ونص]

تسلمون ياقمرات على النصايح

والله هو جاء امس الساعه 4 الفجر ودخل نام ولا دريت عنه كنت اقلي بطاطس بالمطبخ ولا سمعته لمن اكلت انا وبنتي وغسلتها وسويت لها مميه دخلت الغرفه تخيلو نايم انا صحت انفجعت اقول منو ذي وكيف دش علينا

وهو فز وشفيه وانا بكيت وطلعت الصاله وبنتي ركضت له تبغاه وتسحبني وتقولي مامت بابا انا طنشتهم

نمنا انا بغرفتي وهو طلع المجلس

العصر قلت له بروح لاهلي قالي لا روح لاهلك مافيه لا تحلمين تشوفينهم مره ثانيه

انفصام بالشخصيه شكله لانه طردني لاهلي ولا ابغاك والحين يقول لا مافيه روحه لاهلك ووشدينا بالكلام شوي وقلت له اهلي لا تجيب طارهم على لسانك ماضروم بشي جزاتهم انهم جابوني وربوني وكبروني وزوجونياك واعطوك امانه اخرتها تتكلم عليهم وانا اصيح عليه وهو يقول اسكي لا اعيد كلام امس كله يعني استغفر الله ماتاب اعوذ بالله

بس قلت له اسئل الله ان ياخذي حقي منك قلتها 3 مرات ويارب يجي احد عندك ويسب امك وابوك وانت ماتقدر تقول كلمه اللي سويته فيني ربي بيرده فيك
قلت له اخوانك وابوك حلوين والسنتهم نضيفه انت لمن طالع قالي انا كذا عاجبك ولا طقي براسك قلت له والله اهلك مربينك عدل لاكن كل ذي الاخلاق واللسان الوسخ من الصحبه الزينه اقصد ان اصحابه شينين وقلال ادب

هو قال ايوه وش عندك وانا ثرت عليه وقلت له تجي نتفاهم ولا بذبح نفسي قال اذبحي نفسك وحلفت اني لقفل الباب علي وانتحر وخل بنتك الحالها ولا بذبحها معاي تفتك منا وسكرت بوجه

طبعا كل هالكلام في الجوال لانه طلع العصر

وخلصت شغلي وسويت لبنتي مميه واخذتها على غرفتي قلت بننام الى المغرب شوي والباب ينفتح جاء وسلم علي رديت السلام وقال لبنتي تعالي تعالي لولاك ولااااا ..... زبس ماكمل كلامه واخذها وراح المجلس

وانا مسويه انه قطعه من قطع الكنب مطنشته وهو نفس الشي وجاب عشاء وبس

ماتناقشنا ابد بس ححسيته هدي بعد التهديد والانتحار خخخخخخخخخ


والله شكله متضايق من شي وحاط حرته فيني لان مافي سبب واقوله قولي وش غلطت عليك فيه يقولي فقعتي قلبي طيب من ايش يقول خلاص كل شي انتهى والله لو ماسك علي شي ولا مسويتله شي كان يقول بس عارفني ماضريته بشي

وشكله خاف من دعائي له وقلت له والله لدعي بعرفه بكره عليك وان ربي ياخذ حقي منك عاجلا غير اجل وكمان يوم قلت له ان شاء الله احد يتكلم على امك وابوك قدامك وانت ساكت تحسف شكله واللله اعلم

شكله مريض نفسيا الله لا يبلانا

وهو كذا اذا عرف ان الدوره جاتني ينبسط على الاخر ويروق ماااااااااااااااااااااااااااادري ليه انا شاكه فيه واقسم بالله

 

[semaasem]

الله يفرج همج ان شاء الله

 

[نور خانوم]

لاصج ريلج فيه انفصام بالشخصيه ؟

شيبي بالضبط ؟ مايبي يزعلج ويتحسف ويسب وبعدين يجيك عليج وعلى بنتج ؟ واشفيه مايبي يقرب صوبج انتي شاكه بشنو بالضبط؟

الله يعينج ياقلبي ويهدي ريلج

 

[حناينq8]

حبيبتي يأسفني اقول لج هذي ضريبه التنازل في اول ايام الزواج بمثل ما قلتي انه حتى لو اهو الغلطان انتي تعتذرين
وهو تعود على انج قاطه كرامتج جدامه وانت نسيتي انه ولدج على ما تربينه وريلج على ما تعودينه

ما حبيت اكدرج بس هذي نتايج التنازل الغير مقنع منج

الحين ما املك لج الا الدعاء وانصحج بالاستغفار واذا زادت الامور عن حدها الافضل اهلج يتدخلون وانتي شرحي لهم السالفه بطريقه مبسطه والتدريج عشان لا اتعبينهم اكثر

 

[عسوله ونص]

انا شاكه في امور الخاصه اللي بين الزوجين المغاشره ماينبسط الا اذا جاتني الدوره مدري اشلون اشرح لكم بس يبيلها خاص لانه كلام مشفر ومو حلو فيه بنات ورجال امكيد يقرون مايصير

وفعلا انا طول عمري اتنازل اول حياتي اتنازل لاني حساسه واطفش الحالي كنت ساكنه بمدينه ماعرف حدا فيها والحين اتنازلت عشان بنتي لانها تسحبني له وتقولي بابا وتبوسه رحمتها متفاجئه ليش ماكلمه ولا اجي عنده

لاكن فرج ربي قريب

 

[ELFAD3Ah]

ربي يهديه ويصلحه

 

[Twinke]

تبين الصراحه؟؟؟؟

انا اقول انتي صغيره و اهو هال عوود هذا شايف نفسه عليج و الظاهر يدري انج ما تبين تتحجين حق اهلج لانج خايفه على صحتهم و ماخذ راحته.
وقفيه عند حددده و الله ما يرضى احد يذل احد بهال طريقه. و اذا انتي ناطره يتغير فاقول لج ما راح يتغير القطو العود ما يتربا . لا تضيعين شبابج مع واحد مثل هذا.
و الله يساعدج و يساعد الجميع..