زوجي تعبان

[147147]

شخباركم حبيباتي كويتيات
حبيت افضفض لكم انا ملجه واكلم زوجي انزين وانا منعودة يدق علي انزين اشوفه قلت اتصالاته واثارية تعبان المهم انا مادريت لان ماقالي. لمن امس حاجيته وقتله انا احس فيك شي خايفه عليك طمني ولا قالي سوري بس اشوي تعبان عاد قتله انا اخر من يعلم قال انا مااحب اتكلم عاد قتله لازم اعرف كل شي فيك مافيك من لي غيرك من هالسوالف وقتله مرة ثانيه لا تعيدها
المهم يابنات بعرف ليش ماقالي يعني انا مو زوجته ؟! اشلون اخليه يقولي ؟! اشلون اخليه يتكلم باللي فيه ؟

 

[147147]

الحمد الله واخيرا نزل موضوعي
☺

 

[صدفه نسيتك]

لا تضغطين عليه خليه على راحته بس ادعيله وقوليله بمسج يروح للطبيب . وفي رياجيل ما يحبون يشكون حق احد شي مو شرط ماقالج يعني ما يحبج!

 

[لمى الهاجري]

هو مايبي يخرعج وخايف عليج عشان لا تحاتينه

 

[كليـ دلعـ]

موشرط. قالج تعبان صازخلاص مريض

وفيه مرض وفيه شي!!

سالتيه وينك قال تعبان ولاعلمج شفيه

معناته تعبان. ماله خلق تعبان زهقاان

ماله نفس موو تعبان فيه مرض وخااشه!!

خلاص خليه براحته الريال مايحب اللي تنشب فيه

اذا يبيج بيدق وبيدورج لاتلحقينه انتي
ثقلي عليه

 

[صادقة بكلمتي]

حبيبتي باجر لا صرتوا فبيت واحد تفهمون بعض اكثر وتعرفين شخصيته عدل لا تحنين من اولها ولا تكبرين الموضوع دام اهو شافه صغير والله يباركلكم افبعض امين

 

[147147]

لا خواتي قصدي انا فيه دمل واخذ المضاد وكان نايم وخفت عليه بس لان شفته غاب ف قلت اخاف فيه شي ولا انا الحمد الله مومناشبته ولا غاثتة بس انصدمت ان ماقالي ان تعبان

 

[فوفو22]

يوم دريتي شنو تغير بمرضه تتوقعين

خليج طبيعية ومعتدله بمشاعرج

وهذا مو كلامي

كلام سيدنا على بن ابي طالب

بمعنى لا تعطوا كثيرا حتى لا تندموا كثيرا

يعني الانسان حلو يكون بمشاعره معتدل

اذا مرض ....اباشره

واذا ماقالي ....ما اعاتب واسويها قصه

وهكذا

فوفو

 

[آسآس الغلآ]

هو مايبي يخرعج وخايف عليج عشان لا تحاتينه

معآها:rerrerek:
ليش يقولج ويخرعج!​

 

[اميره1980]

ان شاء الله التعب اللي فيه ما يستدعي ان يخرع الناس عليه
هو قالج تعبان مو مريض صح؟؟ في فرق بين التعب و المرض
يمكن تعبان من الدوام او في شي ما يحب يقوله لج ترا مو كل شي ينقال حتى لو زوج و زوجته
انتو بعد توكم مالجين يعني لا تتوقعين منه بيقولج كل شي عن حياته من البداية خطوة خطوة
حبيبتي لا تهولين الامور اي انسان طبيعي يتعب من اي شي بالدنيا
موففففففففففففقة

 

[((غلاي))]

عادي اختي مو الكل يقول
الله يوفقكم
باجر لي صرتو مع بعض بتعرفين كل شي

 

[كليـ دلعـ]

الله يهديج تعبان وتعبان واخرتهاا

دمــــــــل!!!

 

[الخـشـف~]

الله يشفيه

 

[كويتية بروما]

اخاف ارد رد مايعجبج خل البنات يفيدونج

 

[كويتيه شماليه]

سهالات يا اختي اهو مافيه شي بس يبي يحسسج فيه لي قل اتصاله
الله يوفقكم*

 

[147147]

حبيباتي مشكورين ماقصرتوا ع ردودكم فديتكم ��

 

[عسل مرت قيمر]

عادي حبيبتي كلش عادي

ورايي من راي البنات بلي قالوه

 

[نونه المنكوشه]

ويه حبيبتى وااايد مستعيله ومسويه قصه يعنى بسم الله توكم مامداج اتحبينه وله يحبج شى طبيعى مايكون مهتم انه يقول لا صرتى عنده وبينكم عشره ذيج الساعه لج حق اتشرهين توج وتبين كل شى اتعرفينه مايسير حبيبتى الركاده زينه وبعدين لاتبلشين حياتج من اولها زعل وتشره تمسكنى لحد ماتتمكنين وبعدين سوى اللى تبين وقتها بتقبل كل شى لانه يحبج اما الحين لا

 

[Tom ♥ Jerry]

,


حياتي يمكن مآ حب يضايقج
عآد آنتي لا تعاتبينه الحين لآنه مو وقته يمكن يتنرفز منج !
دقي عليه وكلميه عآدي طبيعي و تطمني عليه بين فتره وفترة ..


سلامته

 

[أجمل إنسـآنـه ~]

الله يسخركم لبعض,~|> ومايبي يقوولج لأنه مايشوف الوقت مناسب,~~~~~~~~~~~~~><!