زوجي تخلى عني وعن بنته :(

[Miss_Tiger79]

مشاركة: زوجي تخلى عني وعن بنته

واى الله يعينج انشالله ويصبرج ويهدىلج خالتج ويسخرها لج انشالله
بس ترى صج لا تحاولين اتبينين حق ريلج انج تحبينه خل ايحس انه عادى عشان ما يستغل هالسالفه

 

[شهدQ]

مشاركة: زوجي تخلى عني وعن بنته

عسى الله يعينك ويسخره لك حبيبتي

 

[أميرة الورد]

مشاركة: زوجي تخلى عني وعن بنته

والله ماقدر أقولج اكثر من البنات ما صروا بس الصلاة والدعاء أختي واقرى هالدعاء دايما بصلاتج والله يسهل عليج ويسخر لج زوجج انشالله


اللهم إني أحبك . وأحب أن أقوم بكل عمل يرضيك ، وأنا أعلم أن صبري على زوجي يرضيك عني . اللهم فالهمني حسن الصبر عليه ، وامنحني طاقة أكبر على احتماله ، وأعني على مقابلة اساءته بالإحسان
اللهم ولا تحرمني الأجر على هذا الصبر ، واجزل لي ثوابك عليه ، وابن لي عندك بيتا في الجنة .

 

[نورالدنيا***]

مشاركة: زوجي تخلى عني وعن بنته

حبيبتي الرجل طفل كبير وصدقيني انتي عندج مفتاح اللغز يعني عندج نقاط ضعف زوجج وتعرفين شنو اللي يحبا فيج انتي عرفتي اني مايرضي علي اهله هذا انسان طبيعي خلاص لاتيبين سيرتهم ابدا الريال مايرضي علي اهله بالعكس لو هاوش امه ولا زفها صدقيني يطيح من عينج اهم شئ احتوي زوجج وقعدي معاه قعدة رومانسيه يعني تكون البنت نايمه وسولفو بكل حب وذكريه بايام الحب خليه يطلع كل اللي بقلبه ووعلي طول حفظيه هل الجملة مهما تصير ظروف ما لنا الإبعض وكرري هذي الجمله علي طول واي مشكله انحلها بغرفة النوم بينا وقوليلا امك احترمها واعتبرها مثل امي قوليلا اهوه علشان اذا حس انج اتحبين امه راح ايحبج ومايرضي عليج لاشعوريا يدافع عنج ودلليه فاهمه قصدي قعدي مع نفسج قعده صريحه وفكري بكلامي عدل مالش شغل بأمه لاتقوليلها شئ سلام عليكم السلام يس حتي اخته حطي ثلاجه اصغيره بغرفه ثانيه وحطي اغراضج فيها وخلي هذيج جنا مو صايرشئ

 

[أم الطيب]

مشاركة: زوجي تخلى عني وعن بنته

الله يعينج وترى اول سنه وسنتين توصل المشاكل للقمه

واذا العيب والمشاكل مو من ريلج مباشره

حرام تهدمين بيتج بإيدج

واهله شوي شوي غيري علاقتج فيهم لين تستقلون عنهم

والله يعينج على ما بلاج

اختي الله يفرج همج ويهديج للطريق الصواب
انا مع رأي الاخت جولي

 

[جوريه]

مشاركة: زوجي تخلى عني وعن بنته

اختي حاولي تحلين مشاكلج وحده وحده يعني لا تجمعينهم كلهم مع بعض تتعبين ولا توصلين لشي
حسيت من كلامج ان قلبج متروس من البداية على سالفة البيت وعقب على سالفة اهله واخته والخدامة والمصرف ووووووووو
حاولي ترتبين افكارج وتشوفين شنو اللي ينصبر عليه وشنو اتللي ما يتاجل
شنو اللي ممكن تتاقلمين معاه وشنو اللي لازم يتغير

ونصيحتي لج كسبي ريلج حاولي تكسبينه بالاول ولي كسبتيه عقب تقدرين تشكلينه مثل ماتحبين السالفة تبي صبر وايد ودعااااااااااء
خلج انتي الزينة ولا تعطينه مجال يمسك عليج الغلطة وبينج وبينهم خلج رسمي جدا وجبيهم بالمناسبات وغيرها خلج رسمية معاهم وشبعيه من الحجي اللي يحبه الريالمهم عنده ان مرته تقول له انشاء الله بس مو مهم عنده اذا طبقت كلامة ولا لا
حاولي تسايرينه والله يوفقج

انا مع كلام نفوووووووووووووش صاجه وبعدين مو كل يوم الوحده لها ريل تحملي علشان بنتج وحاول تجاملينهم وتكسبينهم

 

[Brounzi_girlly]

مشاركة: زوجي تخلى عني وعن بنته

تسلمون خواتي على ردودكم الطيبة ودعواتكم والله يسمع منك وربي يفرجها آنا صرت ماهتم حق ريلي أحس قلبي عافه من تصرفاته الحين خالتي صارت زينة معاي وكسبتها نفس ماقلتولي بس ريلي كله هايت ولسانه طويل وماكو شي اسمه احترام كل يوم والثاني متهاوشين على سبة عدم احترامه لي ولا مجابل بيته ومرته وبنته حتى طلباتنا يعلعنا على مايسويها وريلي أصلا تقريبا مفلس معاشه مايكفينا والسبب من عمي الله يسامحه ورد ريلي بالقروض بسبة مشاريعه الفاشلة معاشي تقريبا اهوة الي قاعد يلبي احتياجاتنا وآنا اقول الحمدالله إني توظفت بس هذا مو معناته إنه يعتمد علي أهوة قاعدة يعطيني بس بالقطارة لازم يحاول يلقاله حل وآنا صراحة ودي أيمع لي فلوس سبحان الله هذي دنيا ماندري شيصير علينا ربي يفرجها
هم أرد أقول الحمدالله
مع تحياااااااااااتي...............

 

[واحشنى موت]

مشاركة: زوجي تخلى عني وعن بنته

الله يعينج اختى ويفرج همج -- وكلامج صح ميه بالميه لازم تردين بيتج وتصبرين وتغيرين طريقتج معاهم وتخلين فى خصوصيه اكثر وتعاملج معاهم يكون رسمى عشان لا يتعدون عليج اكثر وتبينين لزوجج انج منجرحه من طريقته هو واهله وانج تتعبين وتصرفين مثله --- والله يوفقج يارب

 

[kajool]

مشاركة: زوجي تخلى عني وعن بنته

بصراحه دوامي انتهى ولكن
انا مع lolly لا تشدين ولا ترخين
ولا تنسين الدعاء وايد زين والله كريم

 

[Brounzi_girlly]

مشاركة: زوجي تخلى عني وعن بنته

تخيلو يا بنات السالفة وصلت لي أهلي الأسبوع الي فات خاتلي يت حق أمي تقولها بنتج مو قادرة تصبر المرا اهية الي لازم تتحمل أمي قالت ولدج لا يطلعها ولا رضي ايبلها خادمة ولا حتى سوالها استمارة السيارة قالت ماعليه لازم تتحمل ويوم وصل الخبر حق زوجي يقول آنا ماني شايف مرتي محتاجة خدامة كل شغلها زاهب يقصد خادمة اهله اهوة مادري ليش عنيد وآخر شي الحين لما شافني كاشته فيه منصدم مني شلون حاقرته طبعا خالتي تطلعني غلطانة وحتى أمي تقولي لازم تكلمين ريلج ريلي كله طالع مايدري عني آنا وبنتي حتى مصاريفنا نساها وقمت ماكلمه عن أي شي
بس ساعات أقول المرا مو كل يوم لها ريل ويمكن ريلي بعده صغير وماشبع من الوناسة بس هم آنا وبنته لنا حق عليه

 

[الأصيله]

مشاركة: زوجي تخلى عني وعن بنته

يا قلبي الله يكون بعونج والله

 

[أميرة الورد]

مشاركة: زوجي تخلى عني وعن بنته

برونزي قيرل هدي الموضوع شوي وحاولي تكسبينه باللين لأنه العناد ما يفيد مع الريال والله ما تقدرين عليه بهالطريقه ادعي وايد واستغفري وايد بس باستمرار وان شاء الله بتحسين بالفرق وصبري وانشالله مأجورة يارب

 

[Brounzi_girlly]

مشاركة: زوجي تخلى عني وعن بنته

تسلمون خواتي الأصيلة وأميرة الورد أول أمس كلمني ريلي وقالي انتي مقصرة بحقي قتله أي حق قالي أبيج تلبسين لي وترقصين وتشتغلين بالبيت أبي أشوفج حرجة إذا آنا مهمومةوأدش البيت الساعة 3 وعندي بنتي وإذا نامت انام متى أفضى ولا مو تقوليلي شنو تبي عشا لا تسوين عشا وتتصلين فيني وتقولين العشا جاهز آنا جذيه أستحي وأي وخدامة شيليها من بالج كافي إنج باردة أيبلج خدامة بعد طبعا كلامه شوي كان قاسي علي وأحس إني تأثرت بس يارتى شنو ممكن أسوي عشان أقربه صوبي
مع تحياااااااااااتي...........

 

[عمري الكويت]

مشاركة: زوجي تخلى عني وعن بنته

شوفي يا اختي انا نصيحتي لج أنج ما تهملين زوجج يعني اول ما يرجع من دوام استقبليه في الاحضان والله ما تتصورين شنو راح يتغير عليج زووج ولو طلبج في الفراش لا تقولين لا مو الحين بعدين عطيه حققه حتى لو ما تبين لانه راح تكسبين اجر وبنفس الوقت تكسبينه والله وقومي في واجباته من عشى وغدا وهذي سوالف وغير لبس شكليله لبس مره قصير حتى لو ما عنج مكان انا عايشه مع حمولتي والله وبغرفه وحده ومعاي بنت تنام تصوري واهله مو مخليني في حالي مشاكل معاهم بس مع هذا زوجي عطيته كل إلى يبيه لدرجة ان امه سببت لي مشاكل لانه زوجي مداريته ومداريني نصيحتي لج لفيه حواليج لا تخلينه يضيع منج والله ساعتها راح ما يرضى احد يتكلم عنج .

 

[Brounzi_girlly]

مشاركة: زوجي تخلى عني وعن بنته

تسلمين أختي عمري الكويت الله يسمع منج وإنشالله يصير كل شي على خير

 

[Kuwait]

مشاركة: زوجي تخلى عني وعن بنته

اختي انا اقول فكري عدل
حياتج مو سعيده فيها
انتي لج غلطات مبينه
مثل انج مبينتله انج تحبينه حيل ومتقاضيه عن اغلاطه
مثل سهره بره البيت
ومتقاضيه عن اهله يدشون الثلاجه والشقه ويلعبون

ولكن النقطه الاخيره مالج ذنب اذا ريلج ماحطلج هيبه عند اهله
شوفي حطيلج مفتاح للثلاجه << انا مقهره من حركتهم
بس ياربي شالفايده بيقولج بطلي لهم ولا تقفلين
يا اختي والله حرت
بس مادري ريلج ماتعجبني تصرفاته ابدا
وانا ماقدر اصبر ولا افكر اييب منه يهال بعد لين استقر ولا بكون هبله


واذا حدج تبينه ومتعلقه ردي وحشمي نفسج عنهم جنه طوفه جدامج لا تحتكين فيهم
واخته الصغيره صدقيني صرخه توديها ورى عين الشمس واذا قالتلج ليش زفيتيها صيري بريئه
قولي انا ؟؟ماسويت شي بحط عقلي بعقل ياهل ؟

اما امه فحاولي تتجنبينها وخلاص لانها امه شبتسوين


الله يعينج يا حبيبتي

 

[Brounzi_girlly]

مشاركة: زوجي تخلى عني وعن بنته

تسلمين اختي كويت الحين آنا أتمنى من ربي أن يحنن قلب زوجي ويفكر فينا واكسبه صوبي عشان مع الوقت يدافع عني لو بدرت غلطات من اهله بيكون ماله عذر واضاهر مالي غير المساحل الله كريم

 

[asma_alyousef]

بالنسبة حق اهل الريل اخذي وطوفي عادي (( بالكويتي استقبلي )) والله ماتنفع لا الطيبة ولا القلب الابيض طبعا مو للكل واصابع ايدج مو سوا... انا كنت اسوي كل شي حتى امي الله يرحمها قالتلي انتي تعزين خالتج اكثر مني تخيلي لي اي درجة ونفس حالتج والله حمواتي كانوا حتى غرفة نومي اقعدهم فيها وعيالهم 24 ساعة عندي... ليما يوم سبحان الله انحطينا بموقف وبينت المشاعر الصجية طلعوا نفاق واستغلال ومصلحة ... تخيلي حامل بالثاني ومجهضة قبله 3 وماعندي خدامة وادرس اولدهم ياربي ريلي شكثر كان متعبني غسيل وكوي وحتى خدامتهم مايخلونها تجيسلي العود معني اعطيها فلوس علي تسويه وخالتي شتقول ولدي مو ملزوم يصرف عليج (( حدها اي شي )) عيل ليش متزوج تقولي اشتغلي وصرفي على نفسج... صج اهو ماكو احساس بالمسئولية بس الحمدلله يعطيني مايقصر واسوق وكل يوم والثاني اسويله واحطله وجذي واغير واسنع طبعا صج مرات النفسية زفت بس امي كانت قايلتلي نصيحة طبقيها حتى اذا انتي مالج خلق مثلي على ريلج والحمدلله الله ناصرني من هالناحية يوقف معاي لاني مراعيته وعمري ماطولت لساني عليه اللهم مرات انفجر صج ابجي بس بدون ماسب واغلط والحمدلله ماشي حالي انتي شيلي نفسج عنهم وقفلي غرفتج وحسسيهم البيت كله مايهمني مملكتي غرفتي هذا اللي انا مسويته الحين والله يعينج صبري.
ذكرتيني والله هالسوالف يبيلها قعدة مو منتدى

 

[فرحتي يتيمه]

برونزي قيرلز كسبي حماتج صغيره وعتبريها مثل اختج صدقيني خلتج ام ريلج راح تحبج ودايم مدحيم عند زوجج عشان اذا حشو فيج وقالو مرتك ومرتك يقول بينه وبين نفسه مرتي تمدحم وهم يذمونهااااا خليج بريئه عنده ومسكينه يعني خلي عندج كيد الحريم

 

[DLOOL]

السالفه يا حبيبتي
تبين خدامه
وتنتهي كل مشااااكلج
وعيب التحسب ورى الناس
يعني لا اخذوا اكل قولي عليهم بالعافيه وماسمعت احد مات من الجوع بالكويت
وخاااااااااالتج تهووووووووون
ولا الطلاق
والسبه خلصوا الاكل من الثلاجه
اقووووووووول كبري عقلج
وانت الليفيج ارهااااق عمل
وحماااااتج الصغيره ((سفهيها))
ومو على اي شيء اطلعين السانج على اهل رجلج
حبيبتي اكيد بيطقج
ما يصير تتهاوشين مع اهله ومعاه وتقولين حياتي في خطر
تنازلي شو
وخلاص حب واخذتيه عن حب
يعني يهون كل شيء في سيبل الحب
ياااااااا دلع