زوجي تخلى عني وعن بنته :(

[Angel]

مشاركة: زوجي تخلى عني وعن بنته

اختي انا اقول امشي بنصيحة الوالدة الله يحفظها لج وردي بيت ريلج مثل ما انصحتج امج وصدقيني راح يموتون اهله من الحرة وقولي انجل ما قالت واهم الحين الفرحة مو سايعتهم وانتي ببيت اهلج يعني اهم اللي انتصروا عليج (فهمتيني )... وبعدين ما في شي اسمه عزت نفس بين الأزواج وخصوصا في سالفتج لأن اللي فهمته منج ان العلاقة بينج وبين ريلج لمن تكونون بروحكم عسل فهذا معناته ان ريلج مسكين وطيوب فلا تضيعينه منج لأن يحب اهله ويطيعهم ويحشهمهم ... الدور الحين عليج ولازمن تتعلمين اشلون تصبرين وتتكيفن مع الوضع ...وانتي صاحبة القرار الأول والأخير .. واكيد انتي فاهمة واجبج الديني من الدعاء وقراءة سورة البقرة وسورة ياسين وقيام الليل .. وان شاء الله يفرج همج وتردين انتي وبنتج لريلج.

 

[همسات ليالي]

مشاركة: زوجي تخلى عني وعن بنته

البنات كفواا ووفووا

الله يوفقج ويهنيج

يارب ياكريم

 

[ظلال القرآن]

مشاركة: زوجي تخلى عني وعن بنته

اختي برونزي
شوفي مسأله انج تطلبين الطلاق بسبه حماتج السونه فانا ماني معاج اهي ياهل سفيه اتركيه واذا كانت اهي جعدتهم فالله يعينج
لانهم يعتبرونها الملاك الذي لا يخطيء باجر تقبر وتزوج وتنشغل وتفتكين
وبعدين امج ليش تخرب علاقتها مع حمولتج وتلاسن مع خالتج غلط جذي اهما نسبى باجر يشوفون بعض بالمناسبات مو حلو يكون بينهم تش حتى خالتج اذا كرهت امج راح تكرهج معاها
وبعدين اذا ريلج ما عنده مشاكل اخلاقيه ويحبج قطي كل شي وراج وروحيله
وشاكلج عاديه مو كبيره

 

[Brounzi_girlly]

مشاركة: زوجي تخلى عني وعن بنته

مشكورين خواتي على ردودكم الطيبة
مع تحياتي.........

 

[فروحة توحة]

مشاركة: زوجي تخلى عني وعن بنته

حبيبتي بعد عمري انا بقولج نصيحة وهي اقوى من السحر
واي شي تبينه راح يصير بإذن الله


عليج بصلاة الليل والله طيعيني
وكلي امرج لله
وراح تشوفين الخير
وما خاب من رجاك يا ربي
الله كريم بعبادة يلطف
وبنفس الوقت يحب يسمج ينجوى عبادة
انا اكتب لج وخانقتني العبرة صج كان في بالي شي وكنت احسبة من المستحيلات لكن تسهلت اموري وبصورة الكل منبهر منها
سبحانك ياربي ما اعظم شانك
استغفري على طول

 

[Brounzi_girlly]

مشاركة: زوجي تخلى عني وعن بنته

تسلمين أختي فروحة توحة

 

[رشيقه]

مشاركة: زوجي تخلى عني وعن بنته

عليج بالدعاء يا اختي..

وعلى قولة فوزيه الدريع..خل يدخلون الرجال بالموضوع

دام انه يمد ايده عليج..ترى هالشي مو هيين كلش كلش

اذا مد ايده مره و ما عادها مو مشكله بس اذا اكثر من مره فا هاذا خطر

عسى ربي يهديه و يصلح ما بينكم و يجمعكم على الخير..آآمييين..

 

[Brounzi_girlly]

مشاركة: زوجي تخلى عني وعن بنته

تسلمين أختي رشيقة

 

[إشراق]

مشاركة: زوجي تخلى عني وعن بنته

يالطيبة عورتي قلبي والله
الله يكون بعونك
انا مريت بمشااااااااااااااكل وايد مع حمولتي
سنوات طويلة
لكن عمرهم ما سمعوا مني كلمة شينة
كل اللي اسويه امشي على حديث الرسول صلى الله عليه وسلم:
"من لزم الاستغفار جعل الله له من كل هم مخرجا ومن كل ضيق فرجا..."
والله ألزم الاستغفار وتنفرج بفضل الله


الله يكون بعونك
طمنينا عليك ..

 

[ام طلال]

مشاركة: زوجي تخلى عني وعن بنته

الله يعينج حبيبتي شتسوين تحملي حبيبتي ماكو ريّال يرضى على اهله ومادام انتي تحبينه تحملي وخالتج هالنسره اذا اهي قويه فربج اقوى منها وراح ياخذ حقج منها وسامحيني بس شكل ريلج سلبي يعني موهالهدرجه خو انتي مرته يعني كرامتج من كرامته okامه على عيني وعلى راسي بس يشوف اخته اللي لسانها يبيله قص تغلط عليج ويسكت ليش يعني مايقدر يأدبها حبيبتي لما اييج البيت خلي امج تأدبه وتعلمه ان بنات الناس مولعبه هذا وانتي ماخذته عن حب يسوي جذي لو مايحبج جان اسوى وبعدين لما كانت بنتج مريضه وينه عنها ولا اهي بنتج بروحج حبيبتي لاتدفعين من معاشج ولا فلس سمعتي اهو الريال مو انتي خليه اهو يتصرف ولاتبينيله انج قاطه نفسج عليه عزي نفسج

 

[Brounzi_girlly]

مشاركة: زوجي تخلى عني وعن بنته

تسلمين حبيبتي أم طلال بس آنا رديت بيتي وقلت الله يسامحهم ومهما كان هذا ريلي أبو بنتي باجر بيحس وآنا قلت أهله دواهم عندي مالهم غير الحقران بس هم مو وايد عشان بنتي والله يعطيني على نيتي
مع تحياااااااااااااااااااااتي......

 

[نفيشه]

مشاركة: زوجي تخلى عني وعن بنته

حبيبتي اذا السالفة فيها مدة ايد لاتسمحين له ابدا ولا في اي حال من الاحوال انه يمد ايده
وتجنبي الامور اللي توصله هالمرحلة يعني الواحد لمن يعصب بالتدريج يوصل لهالمراحل فانتي وقفي النقاش اذا لقيتيه معصب
يعني لاتوصلينه هالمرحلة
واذا اهو يمشي ويطق لا هذي بلوة ثانية والله يعينج والله لازم احد يتدخل كلشي ولا مدة الايد

 

[فروحة توحة]

مشاركة: زوجي تخلى عني وعن بنته

هونيها يا قلبي وديريبااااااااااااااااااااااااااااااااااااااااااالج تهدين بيتج
ميخالف تحملي بس اذا قعدتي ابريحاتج معاه فهميه قوليله انا احبك بس في اشياء تضيق خلقي
وناقشي الموضوع معاة بالراحة ولا تشدين

والله يا بنات الطلاق مو سهل باجر محد يدري عنج
ونادر ما تلقين واحد سيدا
كلهم حبايب اهلهم انا اقولج تحملي والله اني احبج واحب لج الخير
اعرف وحدة تطلقت ورجعت بيت اهلها وشافت المر من حريم الاخوان والاخوان
واي كلمة تأثر فيها
وتقول ياليتني ما تركت بيتي يا ليتني انطق كل يوم ولا الاهانات اللي اشوفها
حبيبتي فكري عدل بالموضوع
لا تتسرعين
ادعي ان الله يهديه لج ويصلح باله
اهوا بين عليه فيه الخير وطيوب بس تركدي
اهله هم سبايب علتج على قولتهم

اذا شفتيه عصب وخري عنة تركية وبدون ما تراددينه
خليه ليما يتعب من الصراخ ولا تقولين شي ولا تردين علية
صدقيني بتصرفاتج راح تملكينة بس السالفة يبيلها وقت

والله يهدي نفوسكم ..........آمين

 

[خبيرة اعشاب]

مشاركة: زوجي تخلى عني وعن بنته

هب يا وجيههم ...ذكرتيني باهل زوجي الله ياخذهم ..انتي على الاقل بيتج وياهم اشرايج انا الي بيتي منفصل عنهم بس انه قريب ...تدز هنديتها كل يوم علينا و كاتبين لها ورقه نبي روب و لبن و ما ادري شنو و اذا مسووين كيك دزوا لنا ...و الله لا يوريج و زوجي يا حووول ما يقدر يقول لا طبعا المسائل هاذي تافهه بس اشرايج تدق عمتي على مطعم و تطلب لها حق 15 دينار و تعطيه عنواننا و لا حاسبنا دزت هنديتها تجيب الطلب ...تقول جوها بناتها و مالهم خلق يطبخووون ...لا و بعد قبل يومين جايبه صباغ و صابغه صالتها ترخيم و الحساب على ولدي طبعاااااا... و زوجي ما يقدر يتنفس و لا يقول لا لامه و لا لخواته و لو ما عنده فلوس يتسلف ....تونا العام الي طاف شارين لها بطانيات جدد راحت ووزعتهم على اهلها و تقول الحين ما عندي يعني شنو اسوي ... انتي احمدي ربج ان السالفه بس على اكل و ما اكل ...في مفتاح للثلاجه و بيتج له مفتاح سكري على اغراضج ...و ليش انتي اصلا اتجيبين اغراض انزلي كل يوم ابلعي عندهم و خللي لهم المواعين يا الخبله ...انا خذيت سنه و نص من اول زواجي و انا ما اطبخ حتى بيض في بيتي لا جت حزة الغدا شلت عمري و تمشيت لبيتهم و كل ما قال لي زوجي انتي ليش ما تسويين اقول له الجمعه توكل ...و انا وياك بروحنا و الله ما ناكل .....
يعدين الحين انتي عندج بنيه الله يخليها لج يعني خلاص ردي لو علشان بنيتج و خليهم يولون و لا تشيلين في بالج ...بعدين انتي لا تهتمين فيهم و تقولين لا جبت لهم رح يحبوننني بالعكس كثر ما تسفهينهم و تحقرينهم اغلووووج

 

[فروحة توحة]

مشاركة: زوجي تخلى عني وعن بنته

يا حلوج يا سويل
يازين سوالفج صج بنت رجال

عيني عليج باردة

وانا مع معاج

 

[Brounzi_girlly]

مشاركة: زوجي تخلى عني وعن بنته

تسلمون خواتي أم طلا وفروحة توحة وسويل صح لسانج حبوبة وهذا إلي بيصير
أبشركم باجر بروح اطلبلي خادمة أدعولي ألله يهدي ريلي صارت سالفة إن خادمتهم ضيعت أغراض ريلي وتبلت على ريلي إن طاقها بس آنا كنت موجودة وخالتي صدقته وقال والله لسفرها ولا حولو إقامتها عليكم
جان تقوله خالتي عندك مرة أهية تطبخ لك وتغسلك كل الحريم يشتغلون ولا يدرسون وعندهم عيال وآنا قاعدة ها ماستحت جان يرد ريلي ترى مرتي لما تصعد خادمتكم ماتخليها تشتغل بروحها شرايكم؟؟؟؟؟
مع تحياااااااااااتي..........

 

[Dancing^Queen]

مشاركة: زوجي تخلى عني وعن بنته

هذا يدل ان ريلج زين يابنيه
الله يهدي سركم انشالله
ونصيحه يبي خدامه وخليها ماتطلع من شقتج الا وقت النوم
وخلي ريلج من البدايه يقول لهممالكم شغل بخدامتي والا بتروح عليج

 

[فروحة توحة]

مشاركة: زوجي تخلى عني وعن بنته

سبحانك ياربي اكيد انج دعيني وربي ينصرج
سبحانك ياربي ماخاب من رجاك

الله يمهل ولا يهمل
صار اللي يريحج وبعيد عنج
والله ريلج اذهبة بس انتي توكلي على الله وفكري وخليج ذكية اكثر

 

[Brounzi_girlly]

مشاركة: زوجي تخلى عني وعن بنته

صدقتها الخادمة أقصد مو ريلي

 

[MaYoOoma]

مشاركة: زوجي تخلى عني وعن بنته

عالبررررررررررررررررررررررررررركه برووووووووووووووووووووووونزي شفتي شلون قلتلج شوي شوي عليه بس ماتصدقين انتي
يالله الفال للباجي انشالله