زوجي تخلى عني وعن بنته :(

[DLOOL]

السالفه يا حبيبتي
تبين خدامه
وتنتهي كل مشااااكلج
وعيب التحسب ورى الناس
يعني لا اخذوا اكل قولي عليهم بالعافيه وماسمعت احد مات من الجوع بالكويت
وخاااااااااالتج تهووووووووون
ولا الطلاق
والسبه خلصوا الاكل من الثلاجه
اقووووووووول كبري عقلج
وانت الليفيج ارهااااق عمل
وحماااااتج الصغيره ((سفهيها))
ومو على اي شيء اطلعين السانج على اهل رجلج
حبيبتي اكيد بيطقج
ما يصير تتهاوشين مع اهله ومعاه وتقولين حياتي في خطر
تنازلي شو
وخلاص حب واخذتيه عن حب
يعني يهون كل شيء في سيبل الحب
ياااااااا دلع
حريتيني

 

[غلطة حياتي]

حبيبتي انا حالتي تشبه حالتج بأن خالتي متسلطه وما يخلون شي بالثلاجه والمشكله انا اللي اشتري وخدعوني وولدهم حافي منتف وعليه ديون الدنيا وخذيت قروض عشان اعيش انا وعيالي وصرنا على حافة الفقر (والحمدالله على كل حال) تدرين شنو المشكله ان احنا لازم نسأل عن الناس عدل قبل لا نتزوج والحب ما يفيدنا وامي قالت(اخذي اللي يحبج مو اللي انتي تحبينه) لأنه فعلا راح يسعدج وراح اتحبينه بعدين بس المهم يحبج والله يعينج بس لا تردين بيتج بسرعه ولا تدقين عليه علقيهم اشويه وخليه اهو ياخذج ويردج البيت صدقيني راح اييلكم بس يبيله صبر اشويه حاولي تمسكين نفسج وشوفي شنو راح ايصير فيه راح يموت قهر لأنه تعود انج انتي تدقين مو هو لا تنسين عنده بنت بيسأل عليها يوم من الأيام ثقلي اشويه والريال ما يحب المره تلحقه صدقيني والله يصلحه والله يعينج ويعينا على بلوانا0

 

[@حور@]

الله سياعدج

 

[Brounzi_girlly]

مشكورين خواتي كلكم على تفاعلكم معاي والأوضاع وااايد تحسنت طلبت خدامة وتحاشيت اهل زوجي وصرت رسمية وبنفس الوقت محترمتهم والحين زوجي مسافر بدورة بيطول وآنا عند اهلي
أما الأخت DLOOL
السالفة مو سالفة أكل السالفة بيتي مملكتي المفروض محد يدخل بخصوصيتي إلا بإذني كل إنسان وله طبع
على العموم رايج وانتقادج وصل ومشكورة
مع تحياااااااااااااااتي..............

 

[DLOOL]

مشكورين خواتي كلكم على تفاعلكم معاي والأوضاع وااايد تحسنت طلبت خدامة وتحاشيت اهل زوجي وصرت رسمية وبنفس الوقت محترمتهم والحين زوجي مسافر بدورة بيطول وآنا عند اهلي
أما الأخت DLOOL
السالفة مو سالفة أكل السالفة بيتي مملكتي المفروض محد يدخل بخصوصيتي إلا بإذني كل إنسان وله طبع
على العموم رايج وانتقادج وصل ومشكورة
مع تحياااااااااااااااتي..............

حبيبتي والله انا لما احتر واتفاعل مع المشكله
ما يطلع مني غير الكلام السلبي
ما ادري
تخيلتج اختي
لاني
مااااااا ادري اشلون اقولج
بس الله يعينج ع مصيبتج
ولا تعرضينها بشكل تفصيلي
لاني اتوه واقضب بعض الاشياء السخيفه واكبرها براسي
وادرى ما عليج رجلج والباقي في مهب الريح
حيااااااااااااااااااااااااااااااااتي
اعتبري هذا الكلام اسف مني
وموفقه

 

[sHa6o0ra]

الله يعينج حبيبتي كسرتي خاطري

كثر ماتقدرين سايسي ريلج واهله وحاولي تكسبينها مو عشانهم عشانج انتي
عشان راحة بالج وان شالله منتي تامه عندهم للابد ولاهما تامين بهالبيت الاجار
للابد


الله ينصرج يارب ويغيرهم ويعرفون قيمتج وعسى الله يهديلج ريلج

 

[Brounzi_girlly]

مشكورة اختي sHa6o0ra على ردج وتفاعلج
وحبيبتي DLOOL أسفج مقبول
مع تحيااااااااااااااااااااتي...........................

 

[blue ocean]

اختي اول شي بقولج الله يعينج
ولازم تعرفين انه محد راضي بعيشته وكل بيت فيه مشاكل واحزان ووو
وانتي كثر الله خيرج عاللي تسوينه وسوي خير وقطيه بحر
ولاتعتقدين انه اللي قعد تسوينه بيروح .. الله فوق يشوف تعبج وعطائج وصبرج

اختي بختصار صبري على بلواج بس مو معنى هذا تقعدين كتفة الايدي
نصيحه لج يالغاليه لاتعلين لسانج على ريلج لأنه هذا بالنهايه ماراح يفيدج
العصبيه تييب عصبيه مثل منتي عارفه .. اخذي كلشي بالهداوه والعقل
حاولي تتفاهمين مع ريلج بهدوء وخاصه انج مثل ماقلتي تحبينه
يعني تعرفين شلون تتفاهمين معاه .. اخذيه بالكلمه الحلوه وقوليله حط نفسك مكاني
اكيد بتتضايق وبتزعل الخ.. ) حاولي تمتصين غضبه اذا عصب..
ونفس الشي تعاملي مع اهلج واهل ريلج ولاتنسين تعاملين اخت ريلج بنفس الاسلوب
واهي فعلا ياهل او بالاحرى مراهقه !!! حاولي تكسبينها وتسئلينها (ليش تعامليني جذي ترى انا احبج وابيج ترضين قوليلي شنو تبين اسوي )

والله يوفقج ويهدي سرج امين يارب العالمين

 

[**Jumana**]

بنات حبايبي الموضوع قديم من وين نبشتوا وطلعتوه؟؟ ههههههه

برونزية دام انه الامور تعدلت ولله الحمد .... يا ليت تكتبين لنا شلون حليتي المشكلة واذا اكو نصايح حق البنات علشان تعم الفايدة وكل يستفيد

 

[:: عائشه بقلبي ::]

مريت ببلاوي العن

لكن مالك الا الصبر

صدقينى

الله بيعوضك

صبري على اهله ووسعى صدرك وخلك اعقل من العقل

وكسبي ريلك بالطيب والخاطر الحلو
وعيب تطولين لسانك عليه

اكيد بيمد ايده
تري الرياييل ما يتحملون

صبر صبر صبر

وانت الرابحجه بالاخر
بيت وعايله
البنات بيتزوجون
والشيبان
الاعمار بيد الله

ريلك بيبقى لك

وصدقينى بيذكر صبرك

 

[مـ سهله ـو]

الله يعينج وترى انا صغيره بس افهم شوي وانا بعطيج حديث
قال رسول الله صلى الله عليه وسلم (( خير النساء من اذا نظرت اليها أسرتك : واذا امرتها اطاعتك ، واذا اقسمت عليها أبرتك ، واذا غبت عنها حفظتك في نفسها ومالك ))
صدق رسول الله
حبيبتي لازم تبينين لزوجج حبج وتضحيتج
وخالتج وخري عنها (( الحقران يقطع المصران ))

والله يوفقج

 

[@ الرسامة @]

حطي النقاط على الحروف

شنو تبين بالضبط بحدود المعقول
يعني مثلا خصوصياتج مثل شقتج وغيرها ما لازم احد يدشها غيرج القفل غيريه
حطيلج خدامة بدال عوار الراس علشان لاتصير مشاكل بينج وبين خالتج
صيري رسمية حيل من حماتج وتجنبيها




والله يصبرج

 

[فدى لتراب الكويت]

اختي الحبيبه بامكانك بعد التوكل على الله

اللجو للمحكمة لانصافك

واهم شيء اثبات ضررك

والمحكمة ان شاء الله تخصص لك نفقه انتِ وابنتكِ

وبيت شرعي خاص بكِ لا تشاركك فيه الام ولا الاخت

وايضا خلي والدك او اخوانكِ الشباب يتدخلون بالموضوع

ويوقفون معك لان الرجل لازم يهاب الرجال الي واقفين وراكِ

بروحك ما راح تقدري تسوي شيء

ولان لـ هنا وبس انتِ تعبتي من تصرفاتهم الطائشة


وفقكِ الله

 

[choclatecho]

حبيبتي ضروف ريلج صعبه و انت عارفه ان اهوه ماراح يقدر يفتح بيت و بعدين حطي في بالج ان خالتج حسبت امج نا الي اقوله ردي البيت و حبي راس خالتج و اعتذري و قوليلها انا حسبت بنتج و نادري حماتج و قوليلها انا اعتذر اذا بدر مني اي خطاء بس اخنه في بيت واحد و يا ليت تعديني اختج الكبيرة و حسسي حماتج ان انت معاها كسبيها مثلا خليها تشيل مسؤؤلية بنتج شوي و انت من بعيد لي بعيد راقبي و ريلج بالهداوة و الحجي المعسول و خلي كل شيء يصير جدامه وصديني الريال كل شيء يلاحظ بس مرات يصعب عليه نفسة و يصعب عليه اهله و يتكبر بس راح اي اليوم الي يحب فيه راسج و يردلج جمايلج و يوقلح ان اهوه ملاحظ كل شيء و عارف انت شكثر متاذية و راح يوعدج يردلج الي سويتيه و ماعليه الخلافات تحلي الحيا الزوجية شوي و الله يهديهم و يهدي ريلج

 

[marioom]

اهله ماراح يتغيرون اخذيها مني
واذا بتردين لازم تكونين عارفه هالشي
والحل يا انج تتحملين يا انج اتخلين اهلج يدخلون
والله يوفقج ياررب​

 

[الوردة المكنونة]

عزيزتي انا كنت نفسج 24 ساعه مشاكل مع ريلي والسبب اهله ماكو خصوصيه لدرجه اني اكون نايمه وشقتي مقفوله بالمفتاح يبطلون باب الشقه بمفتاحهم ويدشون يقعدوني من النوم وبغيت اتطلق اكثر من مره وصارت مخافر ومحاكم بس الحمدالله اخر مره رديت فيها بيتي سويت الآتي

1- يبت نجار للبيت وخليته يحطلي في جميع الكبتات قفل ما يتبطل بسهوله وخشيت المفاتيح معاي

2- رحت لوازم العائله وشريت اقفال للابواب وبدلتهم بيدي وخشيت المفاتيح معاي

3- ارفضت خالتي احط خدامه وهذا كان احد الاسباب اللي بغينا ننفصل عشانها بس هم صرت احسن منها صرت اييب خدم خواتي اذا كنت مريضه وانا اسوي شغلي بروحي اذا صاحيه

4- بيني وبينهم بس سلام يا جاري انت بحالك وانا بحالي بس في يمعتهم اقعد معاهم في البدايه ازعلت خالتي بس تحججت لها اني مو فاضيه يالله يمديني اخلص شغل البيت ولاهيه مع ريلي واليهال طبعا ما عجبها الكلام بس حقرتها واذا اترست راس ريلي اول ما احس ان بعصب او يناجر اخذ بالسياسه والبركه بنصائح نفيشه اقريهم وااايد راح تستفادين وصدقيني راح تشوفينه مع الوقت صار معاج ضدهم

5- اهم شي تمدحينهم جدامه صدقيني راح يحطج ملكه عليهم

6- بطنه ترسي بطنه اكل لا تخلينه يوعان ولا لحظه وصدقيني اللي قال اقرب طريق الى قلب الرجل معدته ما كذب اسأل مجرب ولا تسأل طبيب

7- بالنسبه للبنت اللي يبي يشوفها حيالله او نزليها عندهم وصعدي شقتج انا جذي اسوي انزل بنتي واصعد شقتي متى ما ملاو منها صعدوها

صدقيني طبقي هالشي وشوفي التغيير

 

[MISS^^CHANEL]

واااااااااااااااااااي الله يعينج

ادري الموضوع قديم بس ذكرتيني بحماتي قطييييييييييييييييييييييييييعه هم جذي كانت سوسه

وعمرها 16 تخلي ريلي الخروف يحاجي رفيجاتها وريلي مايجذب خبر
ولمن اقوله ليش يقولي مو شغلج وتسوي الهوشه بيني وبينه وتيي تقولي الله يهداكم انتو ليشس كلا هواش؟؟!!!!

واخر هوشه يوم طقني جدام اهله كانت بسبتهااااا


الله يعينج ويهدي سركم

 

[Dancing^Queen]

الموضوع قديم جدا وخذا حقه من النقاش