زوجي بيسافر ال.......

[دانة_ دبي]

بصراحة مسوي لج فلم تركي

كيف يشتري و يرتب اموره و بعدين يقولج انا بسافر ؟؟؟؟؟؟؟

لا ترضين و خاصة لو الدول اللي خبري خبرج نفس بانكوك و ها الدول انا انصدمت ان شفت فيديو من حد من اهلي ان حرييييييم يسون لهم مساج بشكل فظيع يعني مو مساج بس بدلع و غنج و خرابيط


انتهي ع زوجج انتبهي

قولي انا مو راضية عليك لو سافرت و ازعلي منه يمكن يهون عن السفرة
لا تتحسبين و تدعين عليه مو زين ادعي له بالهداية


الرجال ع ما تعودينه عودتيه يسافر دايما مع ربعه بيتعود و كل سنة بيسافر انتبهي

 

[basoOomah]

هههههههههههههههه امانه انتي مصدقه ؟؟؟ وربي لو اقول لبنتي الصغيره ماتصدق سفاول شي هذا فلم مبين ثاني شي أأيد اختنا ، حطيله منوم وقت السفره وقوليله انه نام وراحت عليه وبس يقوم قوليله ثاني مره لايحلفون عليه خصوصا ع المغرب لأن كلنا ندري شنو هناك

 

[~mmm~]

ليش لا يمكنه صاج !
ورايح مقناص مع انه ماتوقع وقت مقناص
بس حرام والله لا تظلمينه
يعني مو كل الرياييل مثل مثل
ودامه حلف مستحيل يحلف بالله جذب
طمني قلبج مو شرط الكل رايح للخراب
الله يسخره لج :*

 

[اللّہ معي ، ♡]

اه ياقلبي انتي نفس موضوعي اللي من شوي

وربي قلتيها لو اثق فيه هو ماثق بربعه ولا اللي معه

ولا الشيطان

الله يسسر امورج حبيبتي واموري


حاسه بشعورج

 

[سيلينا]

تبين الصراحه ..!

مو داشه عقلي حالفين علي لو ما يبي محد يقدر يجبره لو حلفوا عليه من اليوم لي باجر
وسالفه لو الجواز منتهي لج 1000 دينار !! اعذريني يحاول يحنن قلبج انه مايبي لانه رجل محد يقدر يجبره على شي

مع العلم ماني ضد سفر الزوج طالما بينكم ثقه وتعرفينه بتقولين الشيطان بقولج الشيطان موجود بعد بديره موالمحك سفر زوجج مع ربعه المهم اخلاق زوجج وانتي الي اخبر فيها

 

[الهما]

حرج ريلج و ان مضطر .... مو منطقي
حسيته عياار
و مومال تثقين فيه بعد هالحركة ابداااا
خير ان شاء الله يتكفلوون بمصارييفه!!!! فللللممم
انا رائي انك تمنعيه بكل ما اوتيتي من قوة و من افكار
تلغين الحجز مثلا
او تضيعين جوازه
بس صج فلم رايح و شاري و مضبط شغله للسفر بعدين يقولك مجبوووور

 

[سعادة قلبي وياه]

وين بيسافر يعني ؟؟

الزوجة اللي واثقة من زوجها بتخلية والله فوقة عليه

 

[طيبة83]

لا يروح لا يروح لا يروح

نصيييحه

انا رفيج ريلي مطوع وراح يدرس هناك شريعه او شي جذي

رجع منبهر يقول حق ريلي 200 دينار تزوجك صغيره وحلوه!!

 

[فنر 7]

خل يقول حق ربعه جوازي طلع منتهي
او جوازي ضايع وقدمت بدل فاقد وترا ياخذ شهرين وهذي ترا معلومه صحيحه
شدراهم خو مو طالين بجوازه

خوفج ربعه بيوم من الايام يحرجونه ويخطبوله ويقول انحرجت وماقدرت اردهم
شهالعذر اللي اقبح من الذنب!!!
قول مشتهي اسافر
صير ريال وااجهه
مو تدور اعذار سخيفه

 

[فنر 7]

الحمدلله ع كل حال ..

انا عارفته ومتأكده انه رجل متزن وواعي وماتهمه هالأمور اهو ايحب الصيد والمقانيص بس انا خفت من هالروحه سمعت الديره موليه ..
سافر الفير عقب ماحلف مليون يمين وحلف ع المصحف انه ماتمشي ريله لمكان حرام ولا يلمس حرام ولا ايطب هالديره مره ثانيه ..
ربعه رياييل كبار وعقال بس مهما كان الواحد ايخاف.
ايقول ربعه متفقين مع ناس هناك يأمنون لهم خيام وطباخ واسلحة صيد ..
وقبل لايطلع دق عليه واحد منهم قاله ييب وياك عوده ومبخر لان عازمين اعضاء السفاره اهم معرفه وياهم واهم اللي عازمينهم..

والله كرييييييم،، اللهم اني استودعتك دينه وامانته وخواتيم اعماله ..
اللهم احفظه بخير ماتحفظ به عبادك الصالحين.
اللهم اعصمنا واعصم ازواجنا شياطين الأنس والجن ياحي ياقيوم.

اهااا
مدام سافر كثر الحجي مايفيد ولايعيد
استودعيه رب العباد والله يحفظه من الشر والفتنه ويرده سالم غانم وكثفي الدعاء
ولي رد استقبليه وشقي جوازه وانا ختج

 

[كويتية توتة]

مابي اعور قلبج اكثر وازيد كلام
الله يهديه
استودعيه الله بكل دعاء ادعي ان ما يروح للخراب ويكررهه فيه ويكرهه بالسفرة والله يعينج

 

[زوجة عزيز]

واهو اشعليه من ربعه لو مايبي يروح جان ماراح بس اهو بيشوف انتي من اي نوع اذا سمحتي له بيستحلي السالفة وكل مره بيروح تالي حتى اذا رفضتي مابيتفكر من البدايه رفضي لا اتعودينه على هالسفرات اللي مالها داعي اهو مورايح حق شغل واذا خاطره يسافر روحي معاه انتي وعيالج حبيبتي