زوجي بيروح لديرة الخياس تايلند

[مشتاقه لك يبا]

رد : زوجي بيروح لديرة الخياس تايلند

ااااااااااااالله يكوون بعوونج

 

[نـعـومـه]

رد : زوجي بيروح لديرة الخياس تايلند

شنو صار معاج ؟؟

قرر يسافر ولا هون ؟؟؟

 

[عيني عليه]

وجع اللي يوجع بلييس واهله ....

ماادري شلوون هالرجااال يفكروووون ... تقهر زوجتك ام عياالك قسيمة عمرك عشااان سفره كم يوووم ..

والله مااااااااايسوى ...

حااسه احسااسج ... انا توني متزوجه ماصار لي سنه .. بس احااتي اليوووم اللي بيجي فيه زوجي ويقولي بساافر مع ربعي ....

يااربي مااحب سفرااات الشبااااب مااااااااااحبهاااااا ... وادري مارااح اقد ارده ولا امنعه ...

انا لو مكانج بتصرف على اسااااس معرفتي بزوجي ... يعني بسوي شي ادري انه بيقهره ...

ماراااح اكلمه طوول فترة سفرته ابدددددد .... واذا جااا من السفره بستقبله كاني شايفته قبل سااعه ...

وعاادي بخلي الامور طبيعيه .... ادري انه بيموووت قهررر ومارااح يستانس بالسفره ...

الله يساعدج حبيبتي

 

[غمزه وإبتسامه]

الله يرده عن هشي قولي امين
خليه يااااخذج

 

[الفدنه]

الله يهديه

 

[&الماس&]

قبل لايروح ذكريه بربه وقوليله انا ماشوفك بس تذكر الله فوقك وحلفيه مايقرب البلاوي الوصخه والا ماراح تخلينه يقربج وقوليله انا قلبي بيعلمني وانه هالشي بتذكرينه طول حياتج والله يعين قلبج ويهديه يارب <<<<<<<<<<<<<<ويهدي عيال الكويت شفيهم كلهم مراهقين؟

 

[om MaRyooM]

وشنو الفايدة مزهبتله العقاب عقب مايرد . .!!

وبعدين اذا خايفة من الامراض اللي يخلي الواقي هناك موجود بكل غرفة بالفندق .. وبكل زاوية اكو فحص للايدز
يعني الحين ماقامو يخافون من هالسوالف ..


شوفي قلبي ادري ان مارح تقدرين توقفينه لأن الريال اذا حط براسه شي مايهزه ريييييييييح

الله يعينج .. بس انا لو منج والله يحححححلم يسافر

انا وحدة متعقد من هالامور ..

سنة من السنين ريلي قاللي عيال عمي بيروحون البحرين .. وانا بروح

وانا ادري بريلي نظيف الحمدلله .. بس عيال عمه ابليس يقصون عليه ..

جان اقوله اذا بتبيعني جذي وبتروح تخربط عشان تجاريهم انا موافقة وانا اللي بجهزلك جنطتك .. بس جنطتي بعد بزهبها لأني بنطر ورقتي
ولفيت وهديته ..



بعد يوم كنسل الفكرة من باله .. لأن يدري الطريج هذا شنو وراه.
فاللي اقووله لج وقفيه عند حده .. والله والله الرياييل مايوقفون عند حدهم الا اذا المرة كانت قووية وحادة ..


غير جذي وكلي امورج لربج

 

[Deema1]

شوفي حبيبتي اللي بيغلط يقدر يغلط واهو بديرته مايرده شي

الا اذا اهو انسان يخاف ربه وعارف انه هالشي حرام فمراح يسوي هالشي

لاتزعلين وياه بالعكس اخذيه بالتحايل يمطكن يغير رايه قوليله تصدق

يافلان امس حلمت حلم يخرع عنك وان سألج شنهو هالحلم عاد ألفي قصه

تخليه يخاف ويحاتي يعني قولي حلمت انه الطياره اطيح لوووول

بس اذا زعلتي بيعاند زياده وبيعطيج طاف وطافين ساحليه بكذا طريقه

والله اختي بصراحه هذا بلااااااء عظيم إبتليت فيه أمة محمد حسبنا الله ونعم الوكيل

والخوات ما قصروا لكن اللي خلاني أرد لأن لقيت ناس كثييييييييره تقع بهذا الخطأ الشنيع وهو

( الكذب بالحلم أو بالرؤية )

يا أختي الكريمة حراااام الكذب بالمنام حتى لو كانت غشمررره فهذا لا يجوووز

لأنه يعتبر كذب على الله والعياذ بالله لأن الكثير من الناس يأخذ الضحك بالمنام من باب المزاااح والضحك

والغشمره ولو أنهم علموا ما هي عقوووبته لما فعلوا ذلك

عقوبة الكذب بالمنام هي أن يصب الرصاص في أذنية يوم القيامة والعياذ بالله ولكي أختي الكريمه هذا :













لسلام عليكم

حياكم الله



ما حكم من يكذب في الرؤيا؟



جاء الوعيد الشديد لمَن كذب في منامه، وعقد البخاري في صحيحه
باب: مَن كذب في حُلْمِه، وساق فيه حديثين:

الأول: حديث ابن عباس عن النبيّ صلى الله عليه وسلم
قال: (( مَن تَحَلَّم بحلم لم يَرَه كُلَّف أن يعقد بين شعيرتين ولن يفعل، ومَن استمع إلى حديث قوم وهم له كارهون أو يَفرُّون منه صُبَّ في أُذُنه الآنكُ يوم القيامة، ومَن صَّور صورةً عُذِّب وكُلِّف أن ينفخ فيها وليس بنافخ))
رواه أحمد والنسائي من رواية قتادة رضي الله عنه.
وجاء في رواية أخرى عن أبي هريرة: (( مَن كذب في رؤياه)).



والثاني: حديث ابن عمر أنَّ رسول الله صلى الله عليه وسلم
قال: (( مِن أفرَى الفِرى أن يُريَ عينُهُ ما لم ترَ ))، وفي رواية: (( ما لم يريا ))
( الفتح _12/427)
ومعنى: أفرى الفرى أي أعظم الكذبات، والفِرَى جمع فرية وهي الكذبة العظيمة.



ومعنى: أفرى الفرى أي أعظم الكذبات، والفِرَى جمع فرية وهي الكذبة العظيمة.
ومعنى: مَن تَحَلَّم أي مَن تكلّف الحُلْم هذا.
وتلاحظ من الحديثين شدة عذاب الكاذب في المنام؛ وسبب ذلك يوضحه لنا الإمام الطبري،
قال: إنما اشتد فيه الوعيد، مع أنَّ الكذب في اليقظة قد يكون أشدُّ مفسدة منه؛
إذْ قد تكون شهادةً في قتل أو حدّ أو أخذ مال؛
لأن الكذب في المنام كذب على الله أنه أراهُ ما لم يَرَهْ، والكذب على الله أشدّ من الكذب على المخلوقين
لقوله تعالى: { وَمَنْ أَظْلَمُ مِمَّنِ افْتَرَى عَلَى اللّهِ كَذِباً أُوْلَـئِكَ يُعْرَضُونَ عَلَى رَبِّهِمْ وَيَقُولُ الأَشْهَادُ هَـؤُلاء الَّذِينَ كَذَبُواْ عَلَى رَبِّهِمْ أَلاَ لَعْنَةُ اللّهِ عَلَى الظَّالِمِينَ} [ هود: 18 ]
وإنما كان الكذب في المنام كذباً على الله لحديث: (( الرؤيا جزء من النبوة))،
وما كان من أجزاء النبوة فهو من قِبل الله،
وأعود لكلمة: (الآنك)؛ والآنُكُ هو الرصاص المُذاب، يُصَبُّ في أذنه لأن الجزاء من جنس العمل،
وهنا لا حظ أنَّ الرسول صلى الله عليه وسلم في الحديث
قال: ((من تحَلَّم بحُلْم )) وسماه حلماً ولم يُسمِّه رؤيا لأنه ادّعى أنّه رأى ولم يرَ شيئاً فكان كاذباً والكذب إنما هو من الشيطان،
والرسول صلى الله عليه وسلم قال مرّ بنا: (( الحُلْم من الشيطان ))،
وما كان من الشيطان فهو غير حق.
وهنا لا حظ تشابه عقوبة المصوّر وهي: (( فليخلقوا حبة أو ليخلقوا شعيرة...)) الحديث،
وعقوبة الذي يكذب في الحُلْم وهي: [ أن يعقد بين شعيرتين ] ومعنى العقد بين الشعيرتين: أن يَفْتِل إحداهما بالأخرى، وهذا عادةً مستحيل،
والتشابه هنا بين المصوّر والكاذب في منامه:
أن الرؤيا خلقٌ من خلق الله وهي صورة معنوية فأدخل بكذبه صورةً لم تقع، كما أدخل المُصوِّر في الوجود صورة ليست بحقيقة، لأنَّ الصورة الحقيقية هي التي فيها الروح،
فكلف صاحب الصورة اللطيفة _ وهو الحالم _ أمراً لطيفاً وهو الاتصال المُعبر عنه بالعقد بين الشعيرتين،
وكُلف صاحب الصورة الكثيفة _ وهو المصوِّر _ أمراً شديداً وهو أن يُتم ما خلقه بزعمه بنفخ الروح،
ووقع وعيد كل منهما بأنه يعذب حتى يفعل ما كُلِّف به وهو ليس بفاعل، فهو كناية عن تعذيب كل منهما على الدوام، إلاَّ أن يرحمهما الله، وهذا التشديد على الكاذب في حلمه لأنه كذب على جنس النبوة، والمُصوِّر نازع الخالق في قدرته.






اللهم بلغت اللهم فاشهد

​

 

[جنون العشق]

عسي ربي يصخره لك



ويرجعه لك باقرب وقت ماعليه شده وتهون

 

[المحبه للاستغفا]

رد : زوجي بيروح لديرة الخياس تايلند

استغفري بنية ان زوجج مايسافر

 

[Tom ♥ Jerry]

.

حبيبتي مو كل من رآح تايلند يخربط !
آنتي وآثقه فيه ! آكيد تعرفين زوجج آكثر منآ آحنآ !
انا اقول خليه يروح و عطيه قرآن و سيآده
على شآن مآ ينسى صلأته !
و قوليله انا و عيالك نآطرينج دير بآلك تسوي شي حرآم ! :*
و اذا أهوه يخآف ربه مستحيل يسوي شي .. :*
آدعي من ربج آنه تمر هالسفره على خير
و آن شاء الله يرجعلج حبيبتي
لا تفكرين و لا تعورين قلبج آن شاء الله مآكو الا الخير
بس ساعات الوآحد > خصوصا الريال
يشتهي يسآفر مع ربعه أو آلشباب من آهله .. خليه
و اذا ربعه مو زينين وصيه قبل لا يروح
و قوليله على طول يدق عليح و يطمنتج
و آنتي دقي عليه و كلميه بالمسن و مسجآت و عسى الله يطمن قلبج

:*

 

[قمـر بين البشـر]

رد : زوجي بيروح لديرة الخياس تايلند

وااااااااااااي الله يعينج بس اذا على قولتج ان اهمه مخربينه تلاقين متحدينه ان يروح وبيروح غصب هذي سوالفهم قطيعه واحنا اللي نبتلش بس دااام بيسافر ويدري انج مطنقره ومن قبل لايروح كل واحد بدار بعد مايرجع خليه يفحص يبا من حقج بعد السفره الفجاه تشكك شالسالفه الزم ماعليج عمرج
عاد اقولج شي ترى اللي هناك يا جنوس يا بويات يا بنات سحووووووت قطع يعني كلششششش مايغرون

 

[queen pink]

حبيبتي لا تحاتين انتي عارفه زوجج ان مو مال هسوالف
بالعكس المفروووووض انتي الحين تقربين من زوجج اكثر علشان يشتاقلج ويوله عليج
وشي ثاني انا زوجي سافر مرة مع ربعه تايلند وبصراااحه كنت حيل مثلج وهم زعلت بس فكرت شنو بستفيد كافي انا اعرف زوجي عدل ماعنده هالامور
اتوكلي علي الله وقوليله روح استانس ودربالك علي نفس لاني محتاجتك انا وعيالي وذا حلوة تايلند بروح مرة ثانيه انا وانت بس ((شهر عسل ثاني ))
واهم شي لما اترتبين جنطته من غير مايدري حطي اوراق كتبي عليها عبارات رومنسيه وحطيها بين بنطروناته وقمصانه والله العظيم انا حتي بالمخبات والدلاغات حطيت ((تدرين والله العظيم كل اشوي ايدق علي مستانس من الحركات الي سويتها واهم شي شغلت تفكيره واهو بوسط تايلند))
واهم اهم اهم شي حطي مصحف فوق ملابسه لما يشوفه والله راح يتاثر بشكل موطبيعي وهم ادعي الله يبعده ويحرسه من الحرام

ويرده لج سااااااالم

عدل كلامها خليج معاها مع هالراي :ggdw:

 

[جنون العشق]

يحرام الحين سافر ؟؟؟ وين يا صاحبه الموضوع نحاتي طمنينا

 

[احلى ـآ وحده]

ادمج واثقه فيه ماعليه ياقلبي الريال لازم يبيله فترة نقاهه اهو صج شي يقهر بس ماباليد حيله ..

وتايلاند ترى مو كلها خياس فيها رحلات وجزر رووعه وقمة الروعه

الله يهديه ويسخره لج

 

[الراقيه 81]

رد : زوجي بيروح لديرة الخياس تايلند

اهلين الحمدلله زعلت وشلت قشي ورحت بيت اهلي ويوم سفرته بالليل ياني اخذني وانا مطنقره جان يقول غيرت رايي صليت الاستخاره وما ارتحت قلت ارجع للي حنت علي والحمدلله يمكن خيره لي ويمكن لان نيتي صافيه لاني احبه واعار عليه

 

[وسن^^86]

رد : زوجي بيروح لديرة الخياس تايلند

وااااااااااااااي الله ياخذ هالديره ويفكنا منها انا ريلي بتايلند راح الاثنين اللي طاف وبيرد4\11 .....
والله حبيبتي انا حاسه فيج وهم انا نفسج قبل لايروح ماكنت راضيه وزعلت ونفست جم يوم بس مردي رضيت وسكت وانا بعد كنت كاتبه موضوعي عنوانه((بنات ريلي بيسافر تايلند تكفون ساعدوني بموت من التفكير))
واله البنات ماقصرو انصحوني باشياء واايد وانا قبل لايروح نفسج كانت نفسيتي تعبانه وكنت كل يوم قبل لانام والله ابجي من القهر مع ان ريلي رايح بحر لانه غواص واعرفه مايخربط لانه يخاف من الامراض بس الديره هذي تحر لانها وصخه وشنو بيقولون الناس ريلها مخليها ورايح تايلند؟؟
بس الحين عقب ماراح عادي ماقمت لفكر والله وبيصير عندج الموضوع عاادي بالطقااااااااااااق عيشي حياتج طلعي واشتانسي لانج ماراح تقدرين توقفين سفرته ولابتروحين معاه لو تموتين لان مايبونا يبون ربعهم...
انا اقول والله لاتفكرين ولاتنقهرين بس اذا راح لانردين عليه ولاتدقين انا يدق علي وماادر وعقبها يشكله وعقب مايدق عشرين مره ارد وارد ببرررروووووووووود اقوله سوري ماسمعته وكل مادق اقوله طالعه مره المرينا مره الافنيوز واهوا حده محتر ...
ومالج الا الدعاء حبيبتي ان الله يحفظه عن الحرام انشالله
وخلج معاه عادي لاتنامين بدار عادي نامي عنده بس لاتكشخين ولاتهتمين عشان يحس شوي وحتى جنطته لاتزهبينها حقريييه
واللله يعينا انا وياج

وسوووووووووري طولت عليج وقرقت بس والله حاسه فيج

 

[وسن^^86]

رد : زوجي بيروح لديرة الخياس تايلند

سووووووووووووي حبيبتي انا لاديت وماقريت اخر رد لج.
بس اقولج كللللوووووووووووووووووووووووووووووووووووووووووووووششش زييييييييييييييييييييين الحمدالله ان ماراح والله يهنيكم انشالله وريلج يحبج الحمدالله ومالاداعي نشكين فيه مره ثانيه الله يهديه ويسخره لج انشالله والله العظيم اني فرحتلج وتستاهلييييين :

 

[M!Ss Un!VerSe]

زين غير رايه الله يهنيهكم حبيبتي.. أكيد هذا من دعواتج له

 

[الراقيه 81]

رد : زوجي بيروح لديرة الخياس تايلند

اي والله الحمدلله مو مصدقه بس توقعته انه ما يكلمني ومعصب علي بس الحمدلله طلع العكس والحين توني راده معاه من مطعم شهريار اللي بالشيرتون والحمدلله والله يجزاكم الف خير على نصايحكم وعساكم ما تمرون بالموقف اللي مريت فيه والله لا يوريكم مكروه تسلمون يقلبي