زوجي بيتزوج علي عشان ماعندي ولد

[Bloom]

الله يرزقج توام صبيان

 

[Bloom]

خاله امي على ايام اول يابت بنتين وتزوج عليها زوجها وحملوا اهيا وشريجتها
اهي يابت ولد وشريجتها يابت بنت !
سبحان الله

 

[أم عزيـز]

لا حول ولا قوة الا بالله
الله يهديه ويصلحه ويرزقج بالولد الصالح

للاسف اغلب الرياييل جذي حتى لو يحبون بناتهم يبون ولد عشان يشيل اسمه ويكون له ذرية من بعده
وينادونه بو فلان
بس هذي قسمه الله والريال اهو اللي يتحكم في جنس البيبي المره مالها شغل

تخيلي يارتنا عندها 4 بنات وزوجها مطوع تزوج عليها وماقالها
واهي بهالفتره حملت وما تدري ان زوجها متزوج عليها ولما ولدت يابت ولد !!
فرح وايد بس للاسف قالها انه تزوج عليها بالسر جان يحوشها نزيف وتتعب نفسيتها وحالتها تنتكس فقيره
وفوق هذا اللي خذاها عليها يابت بنت وحده ومن الله ما قامت تييب عيال !!

شفتي ربج اشلون يكتب الارزاق وله حكمه ؟
بين له ان كل شي بيد الله مو بيد احد ثاني يعني اللي خذاها على مرته مايابت له غير بنت وماقامت تيب عيال
ومرته يابت له ولد

غير جذي خل يشوف غيره اللي ما عندهم ذرية ويتمنون الضنا منوه
الواحد يتمنى مو شين ويستغفر بنية الولد ويطلب من ربه في صلاة انه يعطيه الذريه الصالحه
والاهم الصحه والعافيه

ان شاء الله ربج يكتب لج الولد الصالح ويفرح قلبج وقلب زوجج فيه ويهديه ويسخره لج

 

[ام علي الطيبه]

تبين الصراحه انا فعلا متفاعله معاج حيل
لاكن الله يرزقج وانا اختي عندها بنات وقبل
شهرين قالولها عن ماجده التلقيح الصناعي وهو
فرز الحيوانات الذكريه عن الانثويه بس مو ميه
بالميه بس ياخذون الاسرع وبعدها يضيفون عليه
محلول للفرز بعدين جهاز يفلترون الحيوان المنوي
طبعا اذا نسقتي مع الدكتوره قبلها. في اعلاج واذكرته
بعض الخوات بالمنتدي ماقصرت والله يوفقج 
واآآآآسفه اقولج ان زووجج مايخاف الله وحرام عليه

 

[غنج بدويـه]

استغفر الله!!
هو اللي يحدد انتي شذنبج يهددج!؟

ع العموم لاتتضايقين كثري من الدعاء والصدقه والاستغفار بنية انجاب الولد

والله يرزقج يارب ياكرييييييييم*

 

[بنت ابويه]

الله يخلي بناتج ويرزقج بتوووم اولاد كاملين الخلقه ياررب العالمين
مجتمعنا متخلف عافانا الله للحين هالتفكير سايد عندنا
الله المستعااااااان

 

[*ريمي*]

عورتي قلبي الله يسهل امورج ويرزقج بالولد يارب

 

[Denya-3'areeba]

الله يرزقج بتوأم صبيان ويهدي زوجج
والله يحفظ بناتج

 

[آهات الليل]

الله يفرجها عليج يارب
ويرزق ويرزقني بتووووووووووووووووووووم اولاد ان شالله

 

[بناتي غير]

حبايبي اشكر تفاعلكم معاي ..

 

[(حكاية قلب )]

صج الريايل مامنهم آمان

سوي التلقيح بتوم بعد اولاد عشان يملي عينه
​

 

[بسانت]

الله يرزقك يارب بلولد الصالح اللي يبط عينه ويفرح قلبج

 

[العمرلحظة]

الله يهديه ريلج ما يدرون ان الرجل اهو المسول عن جنس الجنين المهم حبيبتي ان ما عندكم مشاكل ترا عمليه تحديد جنس المولود سهلة وفي شيخ سمعت اجازها لوحدة اعرفها ان كان عندها اولاد وتبي بنت او العكس فستخيري رب العالمين وسالي شيخ وشوفي دكتور معروف وتوكلي على الله وسويها ان بخاطرج تشوفين ولد مع ان البنت احن واهي اللي باجر بتقوم بابوها بس شنقول الله يهديه ويرزقكم وكا وحدة تبي حمال وترا العمليه يقولون رخيصة وايد

 

[مزيونه وشقره]

الله يرزقج الولد الصالح يارب

 

[بناتي غير]

بنات دعواتكم لي

 

[ٱستۆطنت خٱفقهْ]

عسا ربي يرزقج بتوأم العيال اللي يفرحونج

ويكونون عون لج ولخواتهم


الله يرزقج من فضله

 

[rora_q8]

الله يرزقج بالي تتمنينه
بس دام تفكير ريلج جذي هذا مو طبيعي

 

[حبيبة عز]

ماجدة اليتامى عندها تلقيح صناعي تحديد الجنس

والله يرزقج ويسخر لج ريلج ولا يشوف أو يبي غيرج

والله يعينج ومالت على الرياييل على هالعقليات

والله يلوم اللي يلومج

أمي يابت حق أبوي 3 صبيان ودايما يعايرها بكثرة بناتها لأن أحنا 7 ماشاء الله

مادري شلون صايرين

لا وأبشرج أمي نفسها تدعيلي أن الله ما يرزقني ولا بنت

أستغفر الله

البنات يا حلوهم والله هذي رزقه حلوة من الله

مادري شفيهم الناس

 

[BeNt PaRiS]

استغفر الله

من صجه


قوليله اصلا الزوج اهو اللي يحدد الجنس


انا قبل شايفه مقابله مع دكتور


يقول المرأه بس تستقبل


و النوع حسب الحيوان المنوي


قوليله هالحجي



و عسى ربي يرزقج بالصبيان التوأم


و الله يعينج و يصبرج يا رب

 

[ام زينه المطيري]

الله يرزقج ان شاء كثري استغفار بس الوحدها موبيدها شي اتكلي علي الله لان محد مرتاح *وانا سمعت معلومه واهو رجال يحدد جنس الجنين بس سوي لي عليج وحمدالله علي كل حال