غلا ماجد ميخالف ياختج هذي الدنيا والله ما عليها مستريح والله يعوضج خير يارب العالمين ؟
نفسيتي تعبانه لا تقولين انه مو حاس مستحيل رجال قاعد عله على نفسه وعلى الناس ويطر العشره وعادي عنده لا اكيد لا بس هو قاعد ينحاش من واقعه مايبي يفكر وان قعد عندج كله تحنين
نصيحه من اخت انصحج لوجه الله لا تعايرينه لا تكفين ترا راح يكرهج ويملج شنو شعورج لي قال انا جذي عاجبج اهلا وسهلا مو عاجبج الباب يوسع جمل ؟
لا ياحياتي تعاليله بالمسايس حسسيه انه قادر وموناقص واذا احتاج شي وعندج عطيه وقولي ادري باجر راح ترد دبلهم لي الله رزقك ؟
وشوي شوي بيتعدل وضعه ترا ماراح يطول دامه متزوج له الاولويه بالديوان ؟ انا قعدت سنه ونص ما اشتري لنفسي شي اكسر خاطر امي وخواتي يتنقصولي وما ارضى اخذ اقول لا مو محتاجه ماله داعي وجذي ؟ وارد البيت اقوله اللي صار واحسسه اني متضايقه هم من غير لا اجرحه ؟ وكل هذا ما نساه لي لاني وقف وقفه معاه ؟ وحتى اهله يشهدون لي لي قالوا ريلج لي رطلع من وضيفته وعنده عيال وووو اقولهم جدامه اهم شي عندي راحته ؟ لا تشوفين اشلون يستانس ؟
حبيبتي انا مريت بنفس تحربتج وتعديتها لو انا رايحه بيت اهلي وماخذه قشاني جان استانس افتك من الحنه وخلاني اخيس لين يتوظف عاد شوفي متى بس هو لا شاف ردت فعلي وما نطر الديوان قدم الداخليه وجاب واسطه وسعى ؟
