زوجي بارد جنسيا وعاطفيا

[qazlaan]

بنات انا متزوجه وعندي بنت عمرها سنة وسبعة شهور وثاني طفل يبته نص شهر فبراير عمره شهر وثلاث اسابيع المشكله اني احس زوجي بارد عاطفيا وجنسيا عفوا عالكلمة يعني هو طيب وحبوب ومحترم وكريم ويحبني بس مشكلته ما يوريني هالحب يعني ساكت هادئ وان تكلمت معاه بالهموضوع يقولي احبك تدرين ما اعرف اعبر او اقول كلام حب طيب ما تعرف بالقول وريني بالفعل يعني الحين طلعت من اربعين نهاية شهر مارس ما حاول يجي عندي عذرته لانه يقول للحين ما التئم جرحك وخايف عليك والاسبوع هذا كان عندي دوره بس عالاقل مفروض يقولي اشتقت او يسأل متى اقدر اجي عندك بنات قبل ما اولد شهر يناير ما عاشرني الا مره وحده كان خايف علي وعلى البيبي وبعد مشاكل اهله ومشاغل الدنيا كان ما خذ تفكير وشهر ديسمبر كان طايح بالفراش كحه وسخونه وجسمه كان يعوره من سخونه يعني من شهرديسمبر لحد هذا شهر ما عاشرني اش رايكم والمصيبه انا الحمدالله اهتم بنفسي وحلوه بس هو ما يحاول يجي صوبي ان قعدنا مع بعض نسولف عادي وان شافني زعلانه يراضيني ما يحب يراضيني الحين انا عندي طفل رضيع اغلب اوقاتي معاه وعندي طفله سنة و٧ شهور انوم ساعه ٩ بالليل واجي اقعد عنده لعله يطلب حقه لكن دون فائده يسولف بس بنات انا صار لي ٣ اسابيع انا في غرفه لحالنا انا وطفل الرضيع وزوجي وبنته سنة وسبعه شهور ينامون مع بعض انام مع رضيع غرفة لحالنا علشان بنتي اذا بكى رضيع بالليل تقوم من نومها وماترد تنام بسهوله فهمتوا بنات شنو اسوي مع برود جنسي الي زوجي تقولون لي حطي ولبسي وكشخه ماكو فايده الحين ابي اصبغ شعري ماادري انا متزوجه ٣ سنين احس اني متزوجه ٣٠ سنه واكثر بنات منو عنده زوج مثلي ما يعاشر زوجته معاشره زوجيه اسابيع وشهور

 

[بنت الاخلاص]

الله يعينج هذا احساسه ميت اشدعوه من شهر ديسمبر مافي ريال يصبر جذي انتبهي حق تصرفات ريلج شوفي وين يقضي حاجته وحتا اذا كشختي مايقرب لج

 

[كررزه]

الله يكون في عونك حبيبتي برفع الموضوع لعيونك

 

[(أم نونو)]

الله يكون في عونج بس انتي بادري بالموضوع يعني قوليله ( ابي شيسمونه )


والله يسخرة لج ان شالله ​

 

[أم توتو]

مافيها شي ليطلبتي حقج انتي انسانه وتبين تحسين بانوثتج الله يهديه

 

[كويتيه مذهله 87]

ليش ماتقعدين معاه وتسولفين عن هالشي وتصاارحينه

 

[أتراب]

يمكن عنده مشاكل تمنعه
مريض مثلا
​

 

[<ام تركي>]

احسن شي تسوينه تصارحينه قعدي معاه وقولي كل إلي بخاطرج مو معقوله جذي
بس بدون هواش تعاليله بالاسلوب الهادي وناقشيه

 

[FeShinGoOo]

مادري شقولج والله .. الله يهدي زوجج ويسخره لج

 

[آنا من دونك أندمر]

تكشخي بس لا تبينين انج تبين ذيج الشغله

وحاولي تغيرين من ستايلج .. قلبي نفسج فوق تحت

 

[Tom ♥ Jerry]

.


لا تحآتين اغلب رياييل الكويت جي
مآ يعرفون يعبرون و مآ يطلعون مشاعرهم ..
بس على قولتهم الحب بالقلب .. !

آممم عليج بالدعاء .. و ظلي كاشخه و حلوة
و الله كريم

 

[اناقتي الملكيه]

الله يعينج يمكن عنده هرمون الغدد الغده تخلى الواحد ما يشتهى والله اكيد فيه غده وهو يمكن ما يدرى

 

[لوفيه]

عسى ربي يسخره لج ويهديه

أدعيله يمكن لاسمح الله فيه شي دام انج تقولين يحبج بس موقادر يقربلج

انتبهيله ولاتضغطين عليه

روحيله بأسلوب حلو وذرب وناقشيه بهدوء .. والله يطمنج

 

[أحبك أمي]

مافيها شي ليطلبتي حقج انتي انسانه وتبين تحسين بانوثتج الله يهديه

برافووووووووووووو:ggdw:

 

[ام الدرر]

حبوبة اول شي لازم تعدلين من وضعكم
ليش تنامين بغرفة بروحج
بالعكس المفروض بنتك الكبيرة تكون بغرفه لحالها والبيبي بغرفة نومك مع زوجك
عدلي لها الغرفة وسوي لها ديكور بناتي والعاب وجهزيها عشان تحطين البيبي معاه
لا تعودين زوجك على الراحة وانت تشقين
كلنا ازواجنا تعبوا من بكي المواليد وهددو ينامون بروحهم الطناش احسن حل اذا كانت المناقشه عقيمة بهالموضوع
ثانيا حاولي تتقربين منه خطوات بسيطة وتافهه بس تنفع راح ادزها عالخاص
اذا مانفع جلسة مصارحه بينج وبينه انتي حلاله وهو كذلك اساليه اذا في شي مضايقه
عسى الله يهديه ويسخره لج​

 

[qazlaan]

حبيباتي هو مو مريض والحمدالله ويقولي كل شئ وملتزم دينيا ما يطوف ولا صلاة ويحبني ويخاف علي ويصرف على بيته والحمدالله مو ناقصنا شئ شهر ديسمبر كان عندنا ظروفنا بس الحمدالله مفروض بعد ما ولدت يسألنا عن هذيكي شغله انا اقولكم مشكلتي مو حبا هذيكي شغله لا بس مستغربه على فكره هو رجال وسيد رجاجيل انا في بنتي البكر ولدت عادي بس تعبت في ولاده حاشني جرح المنطقة السفلى مع بواسير وخلاني على راحتي مدة ٣ شهور او ٤ وبعد ما كنت استعمل شئ كنت خايفة احمل فأتوقع ما يجيني علشان يقول للحين توها ولاده وبعد ما فكرنا نستعمل شئ يمنع الحمل وخايف احمل لاني توني والده قلت له عن قشمره ليش استعمل شئ احسن شئ لا تقرب مني ٧ شهور او سنة او اكثر وقالي يا سلام هذا مو كلام منطقي هو مافيه شئ ويحبني بس بارد بارد وعن هذيكي شغله يقولي ابيكي لما تستردي عافيتك يعني جسمك للحين تعبان من ولاده والمنطقة تحت الجرح محتاج راحه يعني يخاف علي وعلى جسمي مو اكثر عالفكره تصرفاته تصرفات رجال ملتزم محترم وماعنده خرابيط وحريم و اخلاقه عاليه وصحته الحمدالله بخير مو مريض لا سمح الله بس المشاكل حولينا كانت اكثر واقوى منا وانا كنت تعبانه من الحمل ف ماادري انا قمت اطنش هذيكي شغله قمت اصير بارده مثله جنسيا وعاطفيا بنات الي قالولي كلميه مره كلمته قبل ما اولد وانا كنت في شهر تاسع قلت له هذيكي شغله من اشياء الي تسهل الولاده قالي صج وسوينا مره وحده اما الحين بعد ما ولدت وطلعت من اربعين قمت اطنش هذيكي شغله بس علاقتنا من نواحي ثانية ممتازه هو عنده رأي ان الحرمه بعد الولاده بعد الاربعين ما يجيلها زوجها بسرعه يعطيها فرصه اكثر فمتوا قبل اذا لبست قميص نوم شفاف بالليل ما يقدريمسك نفسه وكان يجينا بس الحين اولا انا ما انام عنده وثانيا ما اقدر البس قميص شفاف هالفترة لانه امه موجوده عندنا هالفتره

 

[qazlaan]

حبيبتي ام الدرر احنا ناطرين يطلع لنا بيت وثانيا انا انام في غرفه مع رضيع علشان بنتي ما تقوم كل مره وبعدين اذا صوت بكاء الرضيع زوجي ما عنده مشكله بس احنا اتفقنا على اني انام مع ولدي الرضيع وهو ينام مع بنتي الصغيره على ما ننتقل من هالبيت واسوي لها غرفة لحالها

 

[ونات الخفوق]

اساليه سؤال صريح
قوليله ما اشتقتلي
اذا قالج ايه
قوليله انا بعد اشقتلك
ليش حارمني من حنانك
محتاجه لحضنك

 

[بعدك طيب !]

اهلين حبيتي غزلان

بجد بجد ربي يعينج ..

لأن فعلا ً هذي مشكله او هم كبير تشيله الحرمه اذا زوجها ما عطاها حقها ..

وعن تجربة البنت لما تتعود على معاشرة زوجها ما تقدر تتركها ابدا ً ابدا ً ..

حبيبتي دايمن الأزواج تجيلهم فترة مالهم خلق ويبردون جنسيا ً وعاطفيا ً فـ الدور عليج انتي الحين ...

بما انج طلعتي من الأربعين لازم تروحين تشترين لبس جديد ومكياج جديد وعطر جديد وبليلة حلوة جذي تقومين تشدين حيلج وتاخذين لج شاور وتتكشخين وتلبسين وتتعطرين وتتبخرين وعلى فكرة ترى البخور يلعب دور كبير بشهوة الرجل يخلي اللي ماله خلق يصير له خلق لي ثاني يوم هههه

طبعا ً يبيلج قبلها حف ما حف وشيرة وحمام زيت ومغربي وبخار وسنفرة وبعد ما تضبطين امورج انتي اللي تبادرين وتجيله تحرشي فيه بوسيه اهمسيله بإذنه بصوت واطي حيل قوليله كلام يخليه يروح فيها وبعدها عاد ان شاء الله يعطيج حقج ويبادرج ..

صدقيني هالشي عن تجربة انا مرات يصير بيني وبين ريلي فتور واقوم اتكشخ له واسويله واتبخر واتعطر والله يستانس حيل ويقضي معاي وقت طويل وشرايج لو اقولج مرة سويتله هالشي وقعد معاي لغاية اليوم الثاني وقالي ماني مداوم اليوم !!!

ترا الرياييل لا شافو المرة شدت حيلها وسوت لها شي يستانسون ونكبر بعينهم

انا عن نفسي جذي يصير معاي لا بغيت ريلي مادري ان جان ريلج ما ينفع معاه شي الله يعينكم اثنينكم ...

وياليت اطمنينا عنكم .. موفقين ..

 

[يآسمينه]

و ليش يعني ما تبينين له إنج تبينه شفيها يعني ؟؟!

ولا عيب ولا حراام

ريلج حلااالج !!

ليش مخليه السالفه كلها عليه و منتظره رغباته اهوه !!

إنتي بعد لج رغباااتج

و مانتي توج عروس جديده عشان تستحين منه بهالشي !!

ترى الرجال هم يحب يحس إنه مرغوووب

مافيها شي لو تدلعتي عليه و تقربتي منه و بينتي له من نظراتج إنج تبينه

تشيطني وياه بهالمواضيع خليها تكون عاديه بيناتكم

هذا كله من ناحية ( إنج تبدين وتتقربين منه و تبينين له انج تبينه )

أما لو بعد كل هذا حسيتي بفتوره ناقشيه بدلع وشطآنه ,, لكن لا تكونين جديّه بالنقاش

وشوفوا شنو المشكله و حلوها

والله يوفقج حبوبه ​