زوجي انحاش من البيت

[الدلع عندي]

رد : رد: زوجي انحاش من البيت

امبيه مو انتي تقولين انح جاكته اهني بعظمه لسانج>>>واحد ينام برا البيت ويدور الزله عشان ينام براااا انا مايبت شي من مخباتي:gr4uu:

تدرين شنو عندي الخيانه ان يكلم اي وحده وانشاءالله من الششارع وهذي اللي جكيتها مره متزوجه ام عيال وكان بينها وبينه معامله وقالت لي زوجج محترم والكل يحترمه بس انا صارت ببالي خيانه وحلف لي ان يغير رقمه ومايعطيه اي موظفه عنده وانا صارت ببالي خيانه وفعلا اهي خيانه وانا شكي زايد بس بقولج جمله صغيره ( لاتضحك على اخيك فيشفيه الله ويبتليك ) واذكريها زوجج راح يسويها وينام بره وايد مثلج يقولون نفس الكلام ويتشمتون فيني واقسم بالله انها جكت زوجها بفراشها مع وحده وكان زوج مثالي وحده ضحكت علي زوجج مخليج ومسافر واقسم بالله العلي العظيم باسبوعها سافر وين لسوريا وحماتي جدام الحريم قالت خلي اخوي يستانس راح عند هالبنانيات واقسم بالله العلي العظيم ان زوجها تزوج عراقيه وسافر معاها سوريا وتزوج ملكه جمال اضحكي ياحلو ضحكتج

 

[ام شووووق]

رد : زوجي انحاش من البيت

فرصه تراجعون نفسكم

 

[Queenleo]

رد : زوجي انحاش من البيت

لاتمكنين الشيطان منج ولاتخربين بيتج
انا ماقول الريال مو غلطان بالعكس واجبه انه يباريج ويهتم فيج
مو منه ولا صدقه
والرسول صلى الله عليه وسلم وصى بالنساء بس منو يفهم اعوذ بالله
المهم
تعووودي دايما لما تبين شغله لاتطلبينها من العباد طلبيها من ربج
ولاتحطين ثقتج بالناس عشان اذا طلعوا مو قد الثقه ماتنهززين
حطي ثقتج بربج واي شيء يصير بحياتج زين او شين ثقي تماما ان الله له اسباااب وان كل شيء بيصير لصالج
نصيحتي لج
خلي ريلج يبعد هالخمس ايام
وانتي بهالفتره تقربي من ربج اكثر وفرصه لج كثر من قيام الليل وخلي دموعج بينج وبين ربج ودعي ان الله يرده لج ردا جميلا
وكثري من الاستغفار
وحلوو تغير بلووكج وباثاااث البيت :ggdw:
لاتدفنين نفسج بالحيااا
ربج كرييم بس احنا نتكيسل
حجزززي موعد بالصالون وروحي سووووي مساج واستانسي وووصبغي شعرج خليه لما يرد ينصدم فيج ان شاء الله :fun22:
غيري من ديكورات البيت
وتقربي من ربج
لاتخلين دنيتج كلها توقف لان ريلج طلع جم يوم برى البيت
والله يسعدج وويمسح على قلب ويسخر ريلج لج امين ان شاء الله

 

[nwir72]

رد: رد : زوجي انحاش من البيت

دنيتي زوجي ----وحوراء -----وبتبوتا ----- صمت ----- والله عيني دمعت لما رديتو عالاخت الغاليه لاني النفسيه اكس ومحتاجه كلام يريحني انا شكاكه ولساني طويل وقمت اتجرا عليه بكلام من حرتي واهو والله مره بجى تحت ريولي ويقول والله اني احبج وماخونج ويحلف بعيالي بس انا ياجماعه المشكله مني تغيرت حيل واشك واذا دقيت ومارد اقول وياك وحده صح واسوي مشكله كبيره

اختي اسمحيلي
انتي غلطانه لازم تتركين الشك عنج
وتحترمين زوجج شوي اسلوبج معاه كلش مو حلو
واذا غلط نبهيه مره واثنين وثلاث
الله يهديه لج انشالله

 

[الدلع عندي]

رد : زوجي انحاش من البيت

لاتمكنين الشيطان منج ولاتخربين بيتج
انا ماقول الريال مو غلطان بالعكس واجبه انه يباريج ويهتم فيج
مو منه ولا صدقه
والرسول صلى الله عليه وسلم وصى بالنساء بس منو يفهم اعوذ بالله
المهم
تعووودي دايما لما تبين شغله لاتطلبينها من العباد طلبيها من ربج
ولاتحطين ثقتج بالناس عشان اذا طلعوا مو قد الثقه ماتنهززين
حطي ثقتج بربج واي شيء يصير بحياتج زين او شين ثقي تماما ان الله له اسباااب وان كل شيء بيصير لصالج
نصيحتي لج
خلي ريلج يبعد هالخمس ايام
وانتي بهالفتره تقربي من ربج اكثر وفرصه لج كثر من قيام الليل وخلي دموعج بينج وبين ربج ودعي ان الله يرده لج ردا جميلا
وكثري من الاستغفار
وحلوو تغير بلووكج وباثاااث البيت :ggdw:
لاتدفنين نفسج بالحيااا
ربج كرييم بس احنا نتكيسل
حجزززي موعد بالصالون وروحي سووووي مساج واستانسي وووصبغي شعرج خليه لما يرد ينصدم فيج ان شاء الله :fun22:
غيري من ديكورات البيت
وتقربي من ربج
لاتخلين دنيتج كلها توقف لان ريلج طلع جم يوم برى البيت
والله يسعدج وويمسح على قلب ويسخر ريلج لج امين ان شاء الله

حياتي والله كلامكم صح بس انا من اشوفه مادري شنو يصير فيني اقلب ويهي واذا كنت اضحك اكشر دايما احط ببالي ان يخون مادري شلون اخلي هالشغله تروح مني مع اني جميله ويحبني وكشيخه وكنت حيل ادلعه بكل شي بس مادري شصار خلاص انا برتاح واريحه يمكن اطلب الطلاق انا بستخير ربي اليوم والله كريم

 

[dectora 7elwa]

اتوقع رد المخيم يستانس
عطيتيه العذر على طبق من ذهب
اذا شاطره استخدمي هال5 ايام مثله واحسن واستمتعي فيهم ولا تشغلين بالج فيه وايد ولا تتصلين
الله يهديه لج

 

[Miss Chanel]

رد : زوجي انحاش من البيت

انا مع الاميره جوري...
والله يوفقكم ويخليكم لبعض:yaaaaaarb:

 

[الدلع عندي]

رد : رد: زوجي انحاش من البيت

اتوقع رد المخيم يستانس
عطيتيه العذر على طبق من ذهب
اذا شاطره استخدمي هال5 ايام مثله واحسن واستمتعي فيهم ولا تشغلين بالج فيه وايد ولا تتصلين
الله يهديه لج

ا اي عندي خبر انه بالمخيم واصلا كل مايروح يرد علي اسمع صوت ربعه والله وناسه ولعب ورقه يسمعني كل شي انا سامحه له خميس وجمعه وانا البسه واكشخه اهو دايما يقول احبج تلبسيني على ذوقج طبعا ترينقات وانقي له تكرمون الجواتي بس الاخ زودها يبي حتى بايام الاسبوع عيالي محتاجينه تدرين جا مره من المخيم قال تجهزي انتي والعيال انا حاجز فلم طارق العلي ودانا ورجع المخيم مت من القهر يحب قعده ربعه اكثر

 

[الغاليه ام احمد]

حبيبتي لا تزعلين انتي غلطانه

تقولين له طلقني وبنفس الوقت تحبينه وهو يموت عليج

لا يا حلوه ترى اسرع طلاق اهو طلاق الغاليه عند ريلها

فخلي الريال الحين لما ترتاح اعصابه

ولا رد البيت تاسفيله وقعدوا تفاهموا بهدوء

وكل واحد يطلع اللي بقلبه على الثاني

 

[لينا لانجري]

رد : زوجي انحاش من البيت

الله يهدي بالج ويجعلك قرة عين لزوجج

 

[dectora 7elwa]

يااا بنت الحلال
المخيمات حدها لين 13-3 2011
يعني اللي باجي شهر ونص
قزريها بالطول ولا بالعرض وونسي عيالج بروحج سويلهم برنامج او طلعيهم مع عيال خواتج او رفيجاتج
اصلا اذا حسستيه انج مو فارقه معاج وانج مستمتعه بو قتج هو بيغار ويردلج

 

[الجفووول]

بصراحه اختي انتي قلتيها بنفسج
انتي نفسيتج تعبانه

حاولي اول شي تغيرين من نفسج عشان اهو يتغير
يعني اذا شفتي نفسج بتغلطين بالكلام او بتتهمين بالخيانه او انه طالع مع وحده امسكي نفسج وتعوذي من ابليس دوسي على مشاعر الغيره هذي عشان عيالج
صدقيني الرجال مايحب الشك الزايد ترا وربي لو مو باله هالشغلات انتي تحطينها في باله
مدام المحبه موجوده بينكم ولله الحمد اكسبيه دامه يحبج ..
قوليله بطرق غير مباشره انج تغارين عليه
لا تحسسينه انه بموضع اتهام ..

سافروا يومين واخذي عهد على نفسج انج ماتفتحين معاه اي موضوع يضايقكم شوفي شلون بيتغير ..
وسالفه انه ينام بالمخيم كلنا جذي عادي فتره وتعدي
مستانس مع ربعه وبالجمعه .. احسني النيه لا تخلين الشيطان يهدم بيتج


والله اعرف بنت شكاكه لدرجه مو طبيعيه وحرام اهي تتعب نفسيتها بنفسها .. وكان مايتحمل عصبيتها وكله طالع برا

اخر شي مسكت نفسها عن الغيره وتعالي شوفيهم مثل العسل الله يتمم عليهم

والله يهديه لج

 

[lovely jojo]

حبيبتي ادعي الله يهديه ومهما يصير لا تغلطين بالكلام

 

[Om_3bady]

الله يهديه ويسخره لج يارب ​

 

[لا تحزن يا قلبي]

رد : زوجي انحاش من البيت

اختي والله الهواش والنجره واللسان الطويل ما يجيب شي
كل شي بالتفاهم يمشي

 

[انيقه جداً]

الله يسخره لج يااااااااااااااااااااااااااااااااااااارب

بس انتي سوي نفسج مب مهتمه وونسي نفسج تسسلي بأي شي

اكشخي لنفسج ، دلعي نفسج لا تعصبين لما يرجع البيت ، لا تنكدين على نفسج ولا عليه ولا تلومينه


اذا طنشتي بيجيج ، ولما يجي ، لا تعاتبين ولا تلومين ولا تصيحين ، خلج فرفوشه وواقترحي عليه انكم تسوون اي شي حلو مع بعض

:blueSmCLR:

 

[cherry67]

الله يعينج كل الرياييل جذيه عندي وعندج خير بالصيف حداق وبالشتا بر وحتى عياله يقولون لي ليش ابوي ما يقعد ويانا وعيالي كبار ويفهمون بس شسوي اخليه على راحته لأني اعرفه عدل عشرة عمر وياه
والله يعينا وانت حاولي تتفاهمين بهدوء والكلمة الحلوة تهد جبل

 

[الدلع عندي]

رد : زوجي انحاش من البيت

انشاءالله بحاول مشكورين عالردود بنات والله يوفق كل بنت ردت علي

 

[فاهييه]

رد: رد : رد: زوجي انحاش من البيت

اهو سلبي ديما اقول له اذا انت رجال طلق بس يطلع ويخليني

:080402ask_prv:




ماكو ( بنت + متزوجه) مثقفه بنسبة 10% ماتدري ان هالجمله خطيـــــــــــــــــــــــــــــــــــــــــــره

و انتي ماقلتيها مره وحده +++++++++++++++ انتي دايما تقولينها .



ديربالج لا بيوم من الايام يصير رجال و يطلق

لاتظنيين انه رده على هالجمله على طول بيكون انه (( يطلع و يخلييج ))

 

[Tom ♥ Jerry]

رد : زوجي انحاش من البيت

.


الله يهديكم من صجكمـ آنتوآ طلاق مره وحده ؟!
يبه صلوآ على النبي ؟! آنتي نفسيتج تعبانه يمكن من الدورة !
اذا مآكو دورة يمكن حآمل ؟ روحي جيكي !
انا جذي لمآ آصير حآمل على طول آتهاوش مع ريلي و بس آنطر الزله عليه !


قوليله خلاص تعال و مآكو الا كل خير
و مآ بيني و بينك الا كل خير ، شكو طلاق عشان رآح البر بآيآم الآسبوع و مآدري شنو ؛@ !
لأزم تكبرون عقولكمـ الله يهدآكمـ يارب .. قوليله خلاص !
لأزم نحط حد حق سالفه البر ؟ آنته مو قلت بس الويك آند ؟ خلاص ليش مآ تلتزم بكلآمك !
و بس خليه يروح البر بس بالويك آند !

آنتي تقولين بينكمـ عيال ! يعني معقوله طلآق و تشتتين هالعيال عشان بر !
الله يهديكمـ يارب ،