زوجي اموووت فيه وماني مصدقة انه يخوني

[Sweetq8]

الي أتقول واجهي اكبر غلط

قولي له كل السالفه بس يعني انها اختج رفيجتج الكلوز وياج وشرفي ردة فعله

 

[Vouge]

رد : زوجي اموووت فيه وماني مصدقة انه يخوني

المها .. ما أدري عن ريلج .. بس في رياييل لي خانو .. يحسون بتأنيب الضمير
و عشان يريحون ضميرهم .. يدللون زوجاتهم


أنا من رايي عشان ما تفقدين هالدلال ..

أول شي .. ألفي عليه مشكلة .. رفيجتي بالدوام .. بنت خالتي قالت لي
ألفي


ثاني شي .. ما دام إنج من أول ما شفتي المسج ما هبيتي بوييه معناته ما شاء الله عليج
عقلج براسج و تقدرين تخططين

فاللي عليج تتأكدين بعلاقته معاها .. علاقة يديدة و لا قديمه
إذا يديده يعني طبعه من الله يدلل .. إذا قديمه يمكن معاناها إن الدلال كله اللي عايشه فيه بسبب تأنيب ضميره


حطي لج خطه .. و إذا بتواجهينه حطي لج أدله و خليج عارفه الموضوع بالضبط
لأن ما شاء الله عليهم .. الجذب عندهم سهل .. أبسط ما فيها
هاذي صاحبة رفيجي و بينهم مشكلة و اهي يايتني طالبتني أكلم رفيجي عشانها
و لا من هالحجج الواهية


أهم شي .. قبل أي شي
اعرفي بالضبط نوع العلاقة و عمقها!

 

[kindar]

رد : زوجي اموووت فيه وماني مصدقة انه يخوني

ستووووووووووووب

نقطة نظااااااااااااام


البنات اللي يقولون لا تواجهينه وسكتي ليييش !!

ماعندها احساس اهيا مو انسانه عندها مشاعر وبتكمل حياته طبيعي بعد ؟؟

اصلا بتظل طول عمرها شاكه فيه وبتصرفاته


واللي تقول بعدين اذا درى انج دريتي بيصير عنده عادي وماراح يخاف وبسويها جدامج :eh_s(12):

اهيا مو بنت ناس واوادم ومحترمه

ومتزوجه تبي الستر والراحه والامااااان

استغرب من بعض الردود

ترى اهوا ما خذها معززه مكرمه مو من الشارع !!!
وبعدين المره اهيا تقدر تحط حد حق ريلها

ومثل ما اهيا تحترمه وتصونه اهوا ملزوم انه يحترمها ويصونها ويحطها فوق راسه بعد


الحل اختي العزيزة انج تواجهينه اهم شي تريحين نفسج وماتعيشين بدوامه

بصارحج ريلج على العين والراس
ماراح يصارحج يمكن مايبي يطيح من عينج لانه يحبج

قوليله انا مو مرتاحه حق الاي فون اذا تحبني وتبي راحتي غير جهازك


وانتي عاقله وفاهمه وشوفي الحلول المناسبه لج

 

[جـــواهر]

حبيبتي انا كان عندي هالايفون الوصخ هذا وع

والله والله في برنامج نزلته ع نياتي يدشون علي شباب ويحطون صور بعد مخله بالاداب الحمدلله زوجي ماشافهم
والله جان انا من صيد امس ..

يدشووون ع طووول لان الاي فون ماكو حمايه وفي برنامج سردادي مردادي حتي اللي بالصين يدش عليج ..

طنشي

 

[dectora 7elwa]

لاااااااااااااااااااااا تواجهيييييييييييييينه
المشكله الكبيره قولي هوشه بالدوام رقعيها
لكن تاكدي اول من حجم الخيانه لان رد الفعل راح يختلف
اهدي
واذا ماتمالكتب نفسج قولي رفيجتي
لا تواجهينه الحين ارجوج

 

[شقرديـه عالطل]

شككيه بنفسه قوليله ليش ماتبيني امسك تلفووون
ليش مو واثق من نفسك والا مسوي شي ماتبيني اشوفه شوفي رده
والله يهديه لج انشاءالله وتكون نزوه

 

[lovely jojo]

الله يعينج على هالمصيبة

 

[انسام الكويت]

حبيبتي كأن شيئاً لم يكن

إن كلمتيه راح يغير اسم البنت لولد

وعلاقتج وياه راح تتغير

هالرومانسي راح يصير جماد وماراح يهتم فيج

بالأول لازم تعرفين شنو العلاقة اللي بينهم

بعدين إذا عرفتي إنها مجرد سوالف مسنجر طنشي ولا تعورين قلبج

ترى إذا فاتحتيه راح تقوى عينه ويتكلم جدامج ولا يهمه

فديري بالج من هالموضوع ​

كلام هالاخت عدل عن تجربه صارلي موقف مثلج بالضبط بس طبقي كلام

هالاخت اللي فووق لانه لوو عرف انج عرفتي بيطلع نفسه مثل الشعر من العجين

وتالي بتطور الامور وبيطلعج انتي الغلطانه عشان نبشتي وراه وماتثقين فيه ومن هالحجي

وعلى قولتها اذا طلعت مجرد سوالف طنشي وعيشي حياته وياج ولاتخربين على عمرج

 

[آهات قلبي]

هدي بالج وارتاحي.......

تبين أنصحج من قلب والا أقص عليج وأماشيج ؟؟؟؟؟؟؟؟ تبين خبرة 18 سنه زواج ماقعد شي من البلاوي والمصايب مامرت علي والتجارب المره اللي خذيت من دروس مو درس .............

تبين الزبده كبري مخدتج ونامي وطنشي الموضوع كله ولاكأنج شفتي شي أدري صعبه بس عودي نفسج وتحملي الحياة الزوجيه يبيلها صبر.......شكلج ليلحين بالخمس سنوات الاولى وأنا أسميها السنوات النكبه ههههههه والله ما أتفلسف عليج بس هذا الصج .....أنتي تبين تواجهينه عشان ترتاحين صح ؟؟؟؟؟؟؟ والله ثم والله ماراح ترتاحين بالعكس راح تحترين أكثر يعني شنو راح يقولج وشنو راح يبرر بيخربط بالكلام وبيطلع نفسه برئ وأنتي راح تطوفين له وهو راح يستانس إن الكذبه مشت عليج ولا راح يخاف بعدين بيقول هاذي درت وأسكتت والرجال الكويتي بالذات يموت على الخيانه حتى بعد الزواج طبعا البعض مو الكل بس اللي يحب الحريم ماراح يتوب ولا راح يخاف منج كلش .......ورب الكعبه عن تجربه إنتي من خلال سوالفج معاه هدديه بطريقه غير مباشره وألفي سوالف من عندج اليوم وحده معاي بالدوام درت إن زوجها يخونها شنو سوت فيه عفست حياته عفس وأبدي ناقشي الموضوع والله لو أنا منها أفضحه بالله وخلقه وأسوي وأسوي وخرعيه بنظرات عيونج ورب الكعبه الرجال يخاف من التهديد بطريقه غير مباشره ويقعد يحسب لج ألف حساب (مجربه والله) ولا تعورين راسج ولاتخربين بيتج( مرد الكلب على القصاب ) مع أحترامي لج ولزوجج بس والله المثل صحيح وين بيروح مرده لج وأنتي طبعا أهتمي بنفسج وخليج كاشخه على طول وطلعي معاه ولاتخلينه بروحه وعليج بالدعاء والاستغفار وإن الله يصرفه عن بنات الحرام ويرده لج والله يوفقج وأسمحيلي على كثر الكلام بس والله تجربه ومستفيده منها ويشهد ربي من كل قلبي أنصحج ........وشكرا لج

 

[3sho0o8a]

رد : رد: زوجي اموووت فيه وماني مصدقة انه يخوني

@@ بصراحه من راي اختي اهات

 

[ياعزوتي]

:eh_s(15):

•


هذي ضريبة برامج الايفون اللي كلها ببلآش ..!!

واجهيه لأن انتي مانبشتي بس طلع لج تنبيه ع الشاشه يعني ماراح يقولج ليش فتحتي الفون ونبشتي

واذا ما واجهتيه راح تموتين من القهر بداخلج

والله يسخره لج يارب ..~

معاااااااهااااااااااااااا:eh_s(15):

 

[شمس 20]

الله يهديه لج ان شالله
بس ماسنجر تليفون مجرد دردشه بسيطه خلاص
انسي الموضوع ولاتقوليله

 

[شمس 20]

البنت غطت مادري وين راحت ياخوفي صكت هوشه وباعتها

 

[BiiShOoO]

البنات ما قصروا

 

[ba6bo6a1]

alla ysahil amreg o sawy ely ray7ig etha 7asa ena el mowagaha afthal fa wagheh o ana an97 bil mowagaha

 

[&الماس&]

الله يهديه

 

[*المها*]

فديييتكم بنااااات بعد قلبي انتوا ماقصرتوا والله

بقولكم شصار امس مر علي زوجي ياخذني من الدوام
اول ماركبت الا يقولي شفيج حبيبتي شنهي المشكلة الكبيرة الي قلتي لي عنها في المسج انا لازم اعرف
انا على طول قعدت ابجي
قلت له ماقدر اقولك الحين الوقت غير مناسب بعدين اقولك
قام سفط وقال ماراح احرك ليما تقولين
بنات انا قلبي بغى يوقف ماني قادرة اقوله انه طاح من عيني لنه متدين ويضرب فيه الوصف في الاخلاق
قلتله شوف المشكلة فيك انت
حسيت ويهه صار اصفر ومتفشل بعد عمري
قلت له من كم يوم شفت موبايلك جايلك مسج من وحده والي اكد لي خيانتك انك اخترعت وانحشت مني يوم طلبت اشوف البرامج الي عندك
قالي بقولج الصراحة
انا قص علي ابليس دخلت موقع نفس الشات وسوالف بنات وشباب وفي بنت تحب تسولف معاي وانا مشيت معاها
وقعد يحلف لي انه يوم حس اني شاكة فيه على طول حذف هالبرنامج
وقعد يتاسف ويبوس راسي وانا ميييييته من البجي
قلت له انا مازعلت لنك خنتني انا زعلت عليك لأن اخلاقك ودينك المفروض ماتهون عليك تسوي شغل المراهقين هذا
وقلت له لو انا مقصرة في شي علمني عشان اصلحة
عاد هو خنقتة العبرة وانكسر خااااطرة
ورحنا البيت وانا مالي نفس اطلع ويهه بنات طاح من عيني والله