زوجي اللي انحاش من البيت طرشلي مسج

[haya20]

والله ماادري الله يسهل عليج ويهديه

 

[انثى مجنونه]

رد : زوجي اللي انحاش من البيت طرشلي مسج

بالعكس حلو ردك عليه لا تسكتين عن حقك اقولك سالفه وحده تقربلي من يوم جابت البيبي الثاني وزوجها مخليها زي المسيار وينام بالاستراحه الحين ولدها بالجامعه تخيلي اذا بغاها جاء اخذها ورح فيها للاستراحه كنها خويته هذي عيشه لا تسكتين نصيحه من اخت لختها لو اسكتي خلاص بتصير عاده واذا بعدين تكلمتي بيقول صحى النوم وينك عني اول انا هذ راي الرجل ماينعطى وجه ونتي ابخص في زوجك والله يسير امركم ويهدي بالك

 

[محسن ولدي]

الله يفرج همج ويوفقج مع زوجج

 

[بدورة القمورة]

انا متابعه السالفه من اول

لالا لا تخسرين زوجج

حولي تكسبينه:flower:

 

[ام عفاف الكويت]

رد: رد : رد: زوجي اللي انحاش من البيت طرشلي مسج

بس كلامه مايقنع يا ام عفاف الحين انا ليش مابيه ينام بره زوجي معطيني الثقه ومعطيني الحريه واخوانه مو مخليني بحالي طلعو علي سوالف واتهموني بشرفي ودايما يقولون لحريمهم هذي حلوه وصغيره شلون هذا هادها عشان جذي انا مابيه ينام بره الحين يا ام عفاف مايصير ولا يحقلي اطلب رضوه انا ماراح ارجع لما يطلع لي درج خارجي وافتك من مشاكل اخوانه انتي شرايج

شوفي كلامه اخذي وقطي صدقيني
مهما سويتي بلحظه وحده ينسى الشي الحلو ويتذكر المر
شنو فايده الثقه والحريه ان كنتي محكوره في بيتج نفسه
وحماج شلون له حق يسولف جذي ويتفل والله ماعطاج لسان تقولين له
حاط دوبك دوب الخدامه تبي شي روح قوله لاخوك انا مره مو تستقوي عليه
وقولي له الرسول صلى الله عليه وسلم قال بمعنى رأفه بالقوارير
اللى يتهمج بشرفج ردي عليه قولي هالشرف اللى تتكلمون عنه شرف اخوكم
كما تدين تدان وطوفي وخلج رسميه وطاااااااااااااااف ان كان كلامهم قيل وقال عوار قلب على الفاضي
الحين جايه المنحه قولي ابي فيها سلم خارجي ماطلبت شي من المعاش
شي جانا من الله والرضوه ياختي مافيدج مو كل الناس بتعطي وتسوي انتي ابخص برجلج مو احنا
خلي رضوتج هي سلمج الخارجي وانتي بسألج عندج عيال اخاف مو مرتاح من صراخهم ؟ او مو ماخذ راحته كله لاهيه عنه بالجهال ؟ او ينامون عندكم ؟ ترى الرجال يبي راحته وسالفه البر صدقيني كلها لنهايه شهر 3 ويشيلونهم

 

[الدلع عندي]

رد : رد: رد : رد: زوجي اللي انحاش من البيت طرشلي مسج

شوفي كلامه اخذي وقطي صدقيني
مهما سويتي بلحظه وحده ينسى الشي الحلو ويتذكر المر
شنو فايده الثقه والحريه ان كنتي محكوره في بيتج نفسه
وحماج شلون له حق يسولف جذي ويتفل والله ماعطاج لسان تقولين له
حاط دوبك دوب الخدامه تبي شي روح قوله لاخوك انا مره مو تستقوي عليه
وقولي له الرسول صلى الله عليه وسلم قال بمعنى رأفه بالقوارير
اللى يتهمج بشرفج ردي عليه قولي هالشرف اللى تتكلمون عنه شرف اخوكم
كما تدين تدان وطوفي وخلج رسميه وطاااااااااااااااف ان كان كلامهم قيل وقال عوار قلب على الفاضي
الحين جايه المنحه قولي ابي فيها سلم خارجي ماطلبت شي من المعاش
شي جانا من الله والرضوه ياختي مافيدج مو كل الناس بتعطي وتسوي انتي ابخص برجلج مو احنا
خلي رضوتج هي سلمج الخارجي وانتي بسألج عندج عيال اخاف مو مرتاح من صراخهم ؟ او مو ماخذ راحته كله لاهيه عنه بالجهال ؟ او ينامون عندكم ؟ ترى الرجال يبي راحته وسالفه البر صدقيني كلها لنهايه شهر 3 ويشيلونهم

اي عندي 3 والبيت هذا بيتي وعايشه بغرفتن والعيال ماينامون عندي بغرفتهم
والاخوان محتلين البيت كله شفتي القهر البيت بيت ابونا والقوم حاربونا

 

[الدلع عندي]

رد : زوجي اللي انحاش من البيت طرشلي مسج

الله كريم بشوف بكره راح يرجع بس انا عند اهلي ماراح ارجع الا وكرامتي تردلي والله كريم ومشكوره حق كل وحده ردت علي والله يوفقها ويهدي زوجها لها

 

[ديانا سبنسر]

تقدرين تاخذين كل اللي تبينه من ريلج بالمسايس والدلع والركادة انسي تاخذين من اللي تبينه بالصراخ والهواش اساليني وسالفة رضوة ومارضوة انسيها لاتشدين لاملكتيه تاخذين منه اكثر من الرضوة والله يهديكم

 

[حربيه سعوديه]

شوفي حبيبتي زوجك لاتسكتين عليه والله لو رضيتي بسرعه راح يتمادى دخلي ابوك بالموضوع الرجال هم يحلونها وخليه يعطيه كلام رجال انه مايعيدها ولايزعلك ولاينام بره ......

واذا على حماك حاولي ماتسولفين معه مره ولاكانه موجود اذا شفتيه اعتبريه طووووفه ولاكلمك طنشيه وامشي ....

وحاولي معه يخليك درج لحالك او اصري عليه ....

والله يسخرلك زوجك حبيبتي ويسعدك ان شاءالله دعواااتي لك ....:denya:

 

[الـوايـلـيـة]

لا حول ولاقوة الا بالله
شكو اخوانه يتدخلون بعد هذا اللي ناقص
كلمية وتناقشوا واتفقوا بس وجها لوجهة
وان شاء الله توصلون لحل يرضيكم اثنينكم
والله يهديه ويسخره لج اللهم امين

 

[غنوة ستايل]

عسى الله يهديه يارب

 

[انسام الكويت]

الله يعينج ويهدي سر زوجج شوفي حبوبه

إنتي لا تقولين أبي رضوه قوليله مراح أرجع إلا بشرط

وأنت أبوعيالي وادري ماتقصر يعني كلميه بالأسلوب الحلو والمسايس

ترإ الزوج بالكلام الحلو تكسبينه وأنا مجربه هالشئ

اتفقوا بالمسجات على الشغلات اللي تهمج ؤاللي من أهمها

انه يسويلج درج بروحج وهدوا النفوس وأمسكي أعصابج مرات

الوحده فينا من تقط كلمه شكبرها اتحسف وأنتي حاولي تمسكين

أعصابج حتى لو أهو غلطان إذا فيج حره كتبي اللي مضايقج بمسج ودزيه له

لمن يقعد من نومه بيقراه وبيحس باللي سواه والله يخليكم لبعض

 

[زينبو]

رد : زوجي اللي انحاش من البيت طرشلي مسج

يا مرة تأسف اتفقي معاه وحلو السالفه بسيطة قولليله ماحبك تنام برى وايد وبس لاتقعدين تغلطين عليه حتى لو الحق معاج قوليليه حصل خير وتالي اتفقي وياه شنواللي يريحج

 

[lovemyself]

اتوقع انج غلطانه
جان فتحتى معاه مجال للصلح لا تسدين الباب بويهة

 

[*سويسرول*]

عليييييييييج يالاستغفار
كثرررري حيييييييل منه وشوفي شلون تنفرج امورج باذن الله :hjy5jewf:

 

[جذابه بنت ذيابه]

رد : زوجي اللي انحاش من البيت طرشلي مسج

انا مع ام عفاف


والله يهديه ويسخره لج يارررب

 

[الدلع عندي]

رد : زوجي اللي انحاش من البيت طرشلي مسج

الله لا يحرمني من نصايحكم -------------- انا انسانه مواضبه على صلاتي والاستغفار من قبل هالمشكله ولله الحمد وناطره الفرج من الله سبحانه

 

[امواج الكويت]

عسى ربي يهديكم ويصلح ما بينكم

 

[نشيج الروح]

الله يهدي زوجج ويسخره لج ... بس حبيبتي أنتي عارفة مشكلتج وهي العصبية ... حلي مشكلتج وخليج هادية معاه ... وإن شاء الله تمشي الخطوة الأولى بعدين ابدي شوووووي شووووي بصبر وحلم أنج تغيرين من طبعه .... وإذا في تحرشات من حموانج فنفس ما قلتي خل يبني لج دري بروحج أووو تطلعين وتسكنين بشقة بروحكم ... وطبعا أنتي شوي شوي قولي له مو بهجوم ... يعني حليها خطوووووووووة بخطووووووووة

 

[ديمة الشوق]

الله يصلح مابينكم يااارب هدي نفسج وامسكي اعصابج وشوفي شلي مضايقه منج انتي مقصره بشي حسسيه بالحب والاهتمام وخلج هاديه الله يرده لج ولاتعاندين