زوجي الله يهديه قوووولوا آميييييين

[انا لها شمس]

لمى الهاجري

ياااااكرهج وثقل طينتج وردودج اللي دايم كلها انانيه وسذاجه

اتمنى ماتلوعين جبودنا بهالردود

 

[انونا]

حبيبتي انا بقولج طريقه

لان صراحه مجربته واهي تلين من قبل الطرفين

والحلو انكم ساكنين بالبيت

كل يوم اقول حق ريلي وعليه على خالتي تحاتيك
احنن قلبه عليه وعاد تيبله طبق من بيت عمج قوليله خالتي متنقصلتك او توديله شي دايم خالتلج اتيبله يعني هالحركات والمركات او اذا خالتج تعبانه سمله عليها تقوليله او متضايقه همن تقوليله
وبنفس الطريقه حق خالتج
لمن تحسين ها لانوا
تيبن بوكيه ورد وتكتبين احبج يالغاليه ولاتزعلين مني
وتخلين مال الود اهو يبيه وتكونين حاطه رقم ريلج
واسم فيوم توقع الاستلام تشوفه
وبجذي بيهدا الوضع وبدق عليه

اذا قالج ريلج شي قوليله ما احب اشوفك متضايق او متكدر اموت مليون مره واةت متضايق وجم دمعه
ودايم ادعي ان ربي يهون بينهم



تدرين شنو اكثر شي مزعل ريلج مو الهوشه لا حبيبتي يمكن اخذ بخاطره
بس ان ماردت السلام ولا والاكثر ان انتي تدرين ان امه ادقرته ترا هالشي وايد صعب عالريال

وجد يارب الله يكثر من امثالج

 

[ماتغير شي]

الله يهديه ويحنن قلب امه عليه

آنتي حاولي بين فتره وفتره تذكرينه بجزا البار لآمه وعقاب العاق يمكن قلبه يلين


وخلي علاقتج مع اهله زينه

 

[الغـــــزال]

الله يهديه ويصلح حاله..وحالهم
و ذكريه أن رضى الله من رضى الوالدين

ولا راحة الا برضاها...

 

[سمر شمر]

قوليلة الدنيا دوااارة واللي تسويه بامك يسوونه باجر اعيالنا فينا

وبادري واعزمي خالتج البيت وخواته على عشا او حتى فنجان قهووة

ترى ربي بيبارك لج بذريتج

والله يهديه

 

[مـزآج ــــية]

اللـه يهديه

حاولي تنصحينه و تقربينهم لبعض

 

[قهرني]

رضا الوالدين من رضا رب العااالمين والجنة تحت اقدام الامهات إذا اهوا مو زين مع اهلة تأكدي مليون في المية ماراح يكون زين معاج ( اللي مافية خير في اهلة مافية خير في الناس)
( وكما تدين تدان.....اعيالة باجر بيسون فية مثل ماسوا في امه)

وجزاج الله خير حبوبة ع حرصج بأن يراضي اهلة وخلييج وراه لوتزعلين وماتكلميينة

 

[Um Tuki]

الله يهديه ويصلحه

انتي تقربي من اهله وايد خصوصا امه
لا تدخلين بينهم يمكن يعادونج بسبته ما يسوى عليج

انتي لما تشوفين رايق قوليله امك سألت عنك والا طبخت لك والا اي شي

 

[love love]

ريلي واخته كانو جذيه

اهي ماتدري اني ادري بسالفتهم (مادري شنو السبب بس ادري مايكلمون بعض )

ماكلمته لانه اهو ساسا مارضى اعرف السبب فادري بيزف ولا يقول لا تتدخلين

كنت استعبط وقت الاكل اقولها طاوليني شغله واهي تطاول اقول حق ريلي اخذه منها

او اكلمها وارد على ريلي اقوله شرايك؟؟؟

غصب طيب ادخلهم بنقاش واخلي اخذ وعطى

وحمدالله ردو يكلمون بعض

مع كل هالسنين لووول مايدون بالي سويته اجري عند ربي

 

[أنهار الكويت]

المراااياااا<<<<<

حبيبتي اولا .... سواء امه ملاك او مو ملاك اهو ما يحاسبها ولا يعاملها على اساس اهي زينه او لا.... اهو مجبور يبر والديييينه وبالذاااات الام

امك ثم امك ثم امك <<<< مو عبث التكرااااار


وعاد اذا الام قاسيه او مقصره هالشي الله بيحاسبها فيه على امومتها مو ضناهااا



والام ليما تكبر معروف ترجع صغيررره تقوم تزعل وتتغلى على عيالها تبي تشوف للحين عيالها بحاجتها او استغنوا عنها عقب الزواج والعيال خلاص صارت شي عادي



وبعدين صاحبه الموضوع قالت بس بالبدايه حاول يكلمها يعني بوقت السالفه اكيد صعب ترضى ومارد حاول بعد



وبعدين ولو امه غلطانه الطبيعي اهو ايي ويطيح على راسها ويقولها انا الغلطان وحقج علي وانتي الغاليه وانا من غيرج ولا شي... انا هذا اللي اعرفه الصراحه واللي تربيت عليه ... مو ان اتعامل مع تمي وابوي بالمنه او كأني اتعامل مع رفيجه واقول والله سويت اللي علي ومارضت رشسوي بكيفهاااا



وبعدين لمى كان ردها ينرفز >>>> دام ان معاج زين خلاص مالج شغل


يعني اللهم نفسي


واكيد صاحبة الموضوع بتنغث من ريلها اذا مع امه جذي اكيد بقول هذا معاي بيصير العن والعنييين بااااجر


والله تحب ريلها من قلب ماتحب ياخذ ذنب او اثم او تنام امه ومو راضيه عليه
مو اللهم نفسي وتحب نفسها وبسسس

 

[مزيان الروح]

حبيبتي اول شي الله يجزاج كل خيرعلى طبية قلبج وصفاء نيتج وان شاء الله هذا ما يضيع عند رب العالمين ويعطيج على قد نيتج
انا لو منج وامون على خالتي اقعد معاها وقولها خالتي ترا ريلي يحبج ويحب التراب اللي تدوسين عليها ولا قاعد ينام الليل ولا مرتاح بعيشته علشان هو مو قاعد يكلمج مو مرتاح شكثر يكلمني ان هو يبي يكلمج ويكلم خواته ومو مرتاح على هالوضع

وخلي زوجج يبدي يكلم خواته ويخلي الأمور ترد مثل ماكانت معاهم بعدين يحاول هو وخواته يراضي امه ، وانتي دورج حاولين تذكرينه برضا الوالدين ولا تيإسين وادعي لهم الله يهديه ان شاء الله
الله يهديه يارب ويصلحه ويسخركم لبعض

 

[أنثى بزياده]

الله يعطيكم ألف عافيه حبيباتي ويجزاكم كل خيييير على الردود وفي ميزان حسناتكم ان شاءالله ،،،،

بعد الخلاف بكم يوم كلمتها وكانت حييل متضايقه منه

وزعلااانه عليه لدرجة انها قالت اذا مت لا يحضر دفنتي وآنا هني انصدمت من كلامها وعرفت اشكثر اهي متضايقه منه

وقالت لي انه خواته صارله كم سنه ما يكلمهم وهذا اللي انا أشوفه وملاحظته انه ما يكلمهم ،،

الله يهديه ان شاءالله ،، انتوا ألحين شجعتوني اني ارد اكلم أمه مع اني حيل متردده وحاسه انها بتردني

وأكيد بتقول اشلون ارضى عليه وهو قاطع السلام ،،

والله ما ألومها 

الله يعين ويوفق ....

*

 

[تفاءل بالغد]

الله يصلح مابينهم


اكثري من الاستغفار بنية هدايته ..

 

[المرايه]

المراااياااا<<<<<

حبيبتي اولا .... سواء امه ملاك او مو ملاك اهو ما يحاسبها ولا يعاملها على اساس اهي زينه او لا.... اهو مجبور يبر والديييينه وبالذاااات الام

امك ثم امك ثم امك <<<< مو عبث التكرااااار


وعاد اذا الام قاسيه او مقصره هالشي الله بيحاسبها فيه على امومتها مو ضناهااا



والام ليما تكبر معروف ترجع صغيررره تقوم تزعل وتتغلى على عيالها تبي تشوف للحين عيالها بحاجتها او استغنوا عنها عقب الزواج والعيال خلاص صارت شي عادي



وبعدين صاحبه الموضوع قالت بس بالبدايه حاول يكلمها يعني بوقت السالفه اكيد صعب ترضى ومارد حاول بعد



وبعدين ولو امه غلطانه الطبيعي اهو ايي ويطيح على راسها ويقولها انا الغلطان وحقج علي وانتي الغاليه وانا من غيرج ولا شي... انا هذا اللي اعرفه الصراحه واللي تربيت عليه ... مو ان اتعامل مع تمي وابوي بالمنه او كأني اتعامل مع رفيجه واقول والله سويت اللي علي ومارضت رشسوي بكيفهاااا



وبعدين لمى كان ردها ينرفز >>>> دام ان معاج زين خلاص مالج شغل


يعني اللهم نفسي


واكيد صاحبة الموضوع بتنغث من ريلها اذا مع امه جذي اكيد بقول هذا معاي بيصير العن والعنييين بااااجر


والله تحب ريلها من قلب ماتحب ياخذ ذنب او اثم او تنام امه ومو راضيه عليه
مو اللهم نفسي وتحب نفسها وبسسس

حبيبتى انا فاهمه قصدج عدل لكن لو اهى ماقالت انه راح لامه كذا مره ويبي يبوس راسها واهى اللى ماتقبل ماكنت قلت هالكلام..انا عارفه انه الام رضاها من رضى رب العالمين ...وشنو يدريكم انه الريال ماقاعد يتعذب في داخله ويتالم وحاسب حساب لهالشى وعلى هالاساس راح يبي رضاها ومارضت ...شيسوي بهالحاله مثلا...!!
ودي بسؤال يجول فى خاطرى من زمان ...احنا كابناء مالنا حقوق عند ابهاتنا وامهاتنا وبعيدا عن هالموضوع عمركم ماسمعتوا عن قسوه اب ولا ام ...!!
ماسمعتوا عن جحدان الاهل للابن ولا البنت ونزع كل حقوقهم بهالحياه ماسمعتوا عن ام متسلطه تطق وتحرق وتعذب بنتها او ولدها هالحاله هذى ام ولا شنو ..!!
ودام انها تزرع الحقد والالم والقسوه بقلب هالطفل لاتجي بعدين تحصد مالم تزرع والطفل ابن بيئته
حلو انه احنا نتمسك بدينا ووصايا الله ونبينا لكن هالشئ ماينطبق على الابناء بس انهم لازم يبرون والديهم الابناء هم لهم حق واللى تزرعونه تحصدونه بنفسياتهم انا اللى على كام اربى واهتم واحاول كل قدرتي اني اهيئ لاطفالى الحياه الكريمه المليئه بالمحبه والحنان ويوم اكبر انتظر مردود هالشئ
لكن مااعامل بقسوه وجفا واهدم نفسياتهم ومستقبلهم وتالى اجي ابى حقوقي كام لا مالى اى حق ...
وياما ابناء رغم قسوة اهاليهم كانوا بارين وحاولوا يكسبون رضى الله ورضى الوالدين بس سبحان الله يبقي طبع هالام والاب النكران والقسوة وسد اى باب للتواصل بهالحال شنو نسوى مثلا ...!!
اللى ابى اوصله انه مثل مالرسول صلى الله عليه وسلم قال امك ثم امك ثم امك بعد قال كلكم رااع وكلكم مسؤول عن رعيته وياامهات ازرعوا خير تجنون خير وحتى ان ماجنيتوا يكفي انكم اديتوا امانتكم قدام الله وانفسكم والناس لاتجعلون من اولادكم يتاما بوجودكم ...ولحد ينكر هالواقع لاتحسسونا انكم عايشين بالمدينه الفاضله هذا واقع عشته وشفته موجود ان كنتوا انتوا ماعايشتوه غيركم الكثير عاش بعذاب شوهه كثير من المعانى بداخله..