زوجي الكويتي واهله المصريين

[الغاليه نونو]

لزقة عنزروت جبح شهالنماين بعد والله لو انا منج احط لهم بالاكل عشرج اسهل بطونهم طلهم والا احط لهم سم الهاري قطيعه شنو هذا يراد ياكلون اليابس والاخضر
ريلج وامه لهم حق عليج امه ماتت الله يرحمها منتي مكلفه بعيال خالاته وعيال الحته كلها هههههههههههههههههههههههه سمعيني اقول ترا القهر بياكل قلبج وانتي بعز شبابج حطيهم جدام الامر الواقع وطقيها بالويه اشكره قوليلهم بيتي يتعذركم انا مره لي خصوصياتي بتمرون نص ساعه والا ساعه حياكم غير جذى يفتح الله ياااااافتح الله سيب وانا سيب ههههههههههههههههههههه

وريلج هذا دلعيه سايسيه لبسي له كشخي له سوي له كسكبنس والله مادري شنو معناتها بس قالتها لي رفيجتي حسبي الله عليها ام جسوم علمتني البراعه هههههههههههه المهم سويله هاللي قلت لج عليه لاتعطينه فجه شغلي حياته خليه مايفكر يطلع من البيت ويجابلج علي طول
ون شفتي ماكو فايده دقي عالمخفر قوليلهم هذوله ياييين من مصر تهريب خل يقطونهم بالابعاد وتفتكين هههههههههههههه

 

[ورق عنب]

حبوبة روحي حق ناهدة العلي خل تفحصج ... ترا وايد حلووول لاتفقدين الامل

 

[أميرة الورد]

الله يكون بعونج ويفرج كربتج ويعوض صبرج خير ان شاء الله

ومثل ما قالوا البنات كفووا ووفوا خليج حازمة بمسأله غرفة النوم انتي ما تدرين شنو بقبلهم عليج وبعدين شلون تروحين البر بالوييك الأند وتخلين ريلج؟

ديري بالج من هالحركة ترا مو بصالحج خليج قريبه منه وحاولي باسلوب اللين والطيبه ينفع ان شاء الله والكلام الطيب والمقدمات السنعه قبل لا تفتحين له موضوع غرفتج وخصوصياتج ترا يأثر بالنفسيه ويخليه يتقبل الكلام يعني يابو فلان انت ما قصرت معاي والله لايحرمني منك ويجمعني فيك بجناته ان شاء الله والدعاء الطيب هالأشياء ممكن تخفف التوتر بالنقاش بينج وبينه


فيه شغله مثل ما انصحوج البنات اقري سورة البقرة واستغفري دايما باليوم حاولي تتحدين نفسج وتتحدين الشيطان لأنه الشيطان الله يلعنه يخلي الأنسان يأجل كل شي نسويه فحاولي تستغفرين أكثر من 100 مرة كتحدي والله راح تتعودين على هالطريقه يوميا وبتلاقينها سهلة ان شاء الله


أمه الله يهديها ويصلحها ويسخرها لج بريها انتي ملزومة فيها هذي امه بس هم لازم تحطين النقاط على الحروف يعني مثل ما قالوا البنات االأغراض مو شرط يعرفون بطريقتج الحلوة تجعمينهم والله يعينج ان شاء الله

وروحي حق فوزية القطان تراا وايد شاطرة والله يرزقج بالذريه الصالحه ونفرح فيج عن قر يب يااارب

 

[ألوي الكويت]

الله يعينك حبيبتى

 

[love love]

وااااااي شكو شكوووووووووو الله يعينج الحين اتوقع الي متضايقه من خالتها تطلع رحمه وايد من خالتج


مرت ولد خالته وقفيها ومو بكيفهااا تدش المطبخ لو مره مرتين اوكي مو كل مره شنووو بيت ابوهاااا

وريلج اول شي لازم يسويييه يمنع اي احد من دشت غرفه النوم

اصلا يقولون محد يدش الغرفه الي القرييب عليييج واييد طبعا من غير رياييل
مو اخوه حمدالله والشكر


الله يعييينج بس لازم كل شي يوقف عند حده ترى بتتعبين وايد

 

[makeup story]

الله يعينج مع احترامي لج حياااااااااة مؤرفه

 

[island]

ياربي راسي وقلبي عوروني من قريت موضوعج والله حرااااااااام شو هذا ؟ انتي حتى ابسط خصوصيه ماعندج شو ايونكم 5 مرات في الاسبوع وياكلون ويدخلون غرفة نومج شو هذا؟ كيف صابره انتي وليش ساكته ؟ انتي جان بتنتظرين المصريين يحسون بروحهم انهم مصخوها عزات يلستي طول عمرج وهم ماحسوا حبيبتي انا لاحظت المصريين والفلسطينيين مايفهمون شي اسمه حدود في العلاقات ولا يفهمون شي اسمه خصوصيه

حبيبتي مايصير جذيه ماتكون فيه حدود متى مايريدون يوا ومتى مايريدون كلوا عندكم؟ ماادري ماودي اقول شي يخرب عليج بس شوفيلج حل بس الله يعينج لو كنت مكانج جان من اول اسبوع انهيار عصبي عندي

 

[زهرة البيلسان]

يؤيؤ لاحول ولا قوة إلا بالله .. الله المستعان.. عورتي قلبي


عزيزتي انتي شكلك انسانه طيبه وتحبين زوجك وانت للأسف مع احترامي لك رضيتي من الاول .. ولكن المفروض انك ماتستمرين على هالحال لان راح تجيك امراض وتنقهرين ومااحد بنافعك .. وغير كذا ترا الحاله النفسيه لها دور وتأثر على الحمل..

وفي شئ غلط كبير بعد هو بصراحه روحتك للبر ... احس انه صار فجوه كبيره بينك وبين زوجك افتقدك.. بكذا يتعود وجودك او عدمه وااااااااااحد ((( انتبهي))) .. حاولي تقربي المسافات على شان يكون التفاهم سهل ويحس انه مايقدر يستغني عنك لا تحسسيه انك انسانه عاجزه عن الانجاب .. يمكن العيب منه هو.. مرض جديد صار فيه وهو اللي مأثر على الحمل ..

لان وحده من قريباتي زوجها مخلف من زوجته الاولى 2 ومنها3 من بعدها جلسو سنين ماخلفوا لما فحصوا طلع العيب فيه..وهو ان الحيوانات المنويه مشوهه!! وماتوقعوا هالشئ ابداً

احس انك عارفه الحل بداخل قلبك .. بس مو مطاوعك قلبك تنفذينه..

الله ييسر لك امرك ويجعل لك من كل هم مفرج ومخرج ياحي ياقيوم .. وماعندي شئ اكثر انصحك فيه البنات ماقصروا

 

[نسكافيه بالحليب]

اعتقد قريت هالمشكلة في منتدى عالم حواء

 

[ساره ستايل]

واي الله ايعينج عليهم

صج بلوة .. والمشكله ان ريلج معاهم ،وماسك عليج ممسك: انج اذا قصرتي ابشغله بيبيعج ابدقيقه للأسف

مادري والله شقول لج .. من كثر ما قلبي عورني عليج.. ماقدرت افكر لج ابحل

بس قاعده واتحسر عليج وعلى حظج

 

[همسات ليالي]

الله يعينج

صج بلوة

بس شتسوين اذا انتي وحيده ومالج الا هالريل

تحملي والايام كفيله بحل المشكلات

وكلي امرج على الله وكثري من الادعيه

 

[فررررح]

الله يكووون بعووونج

 

[العـذوب]

مريت ع الثمان صفحات كلها قبل لا أحط لج أفكاري ..

عندي لج حلول متعددة .. في منهن أشياء شريرة بس شوفي واحكمي ..

- دوري لج مصرية من مصر عطيها 20 دينار وخليها تتصل بهم وتقول لهم إن الجاموسة ماتت كخخخخخخخخخ !!!
ضحكتي؟!
يا محلا الضحكة ..
لا صدق خليها تقول لهم إنهم ربحوا 20 ألف جنيه .. بالكوتي 10 دنانير كخخخخخ !!
وشوفي إن ما طاروا على مصر ,,



- اقلبي الأم عليهم ..
انتي للحين ما كسبتي الأم .. أو ما عرفتي تكسبينها ..
ياماما المصريين نفااااااااااق لين يوم النفاق .. نافقيها .. هذا مو حرام ..

اقعدي وياها .. سولفي .. خليها تسولف عن أبو ريلج .. عن عيالها عن البلد والترعة والنجع !!
يا حب المصريين للهذرة ..
اسبوع واحد اتحملي صداعها ..

وسيري دوري لها سلسلة ذهب مكتوب عليها ( الله ) وهاتيها لها .. اعتبريها دفع بلاء عن بنتج .. وقوليها اشتهيتها لج خالة ..

من عقب السلسة .. بتستوين حبيبتها ..

سيري بدلي ثيابج وادخلي المطبخ واطلعي مكشرة .. بتسأل : مالك يا بتي كفا الله الشر!!

قوليها .. خالة .. ما أدري شو أقولج أنا مستحية .. الغلا ماكل كل شيء والمصروف ما يكفي البيت وأنا عندي التزام في البنك .. والأكل بسرعة يخلص.. البيت هذا بيتج انتي وفلا وبيتي بس نحن قالبينه مطعم ..

حسسيها إنج تعطينها صلاحية في البيت .. وهي اللي بتقلب على عيال أختها وأختها ..


في اليوم اللي تتوقعين زيارتهم .. شيلي عمتج وبشكارتج واطلعي أي مكان .. ان شاء الله بس تحوطين .,,


مرة ورا مرة بيزهقون ..

والعمة بتستوي ربعتج وهي اللي بتاخذ دور المحامي ..


سالفة الحمال اسألي عمتج عنها .. وقولي لها إنج تبينها تقرى عليج لأنج تحسين إنها طيبة وزينة .. وشوفي العمة كيف بتتغير ..



والريل أمه بتتولاه إذا زاد عن حده ..



وعليج بسورة يس لحد الآية 9 قبل لا تروحين لعمتج والا تكلمين ريلج في موضوع تعرفين إنه ممكن يتنرفز منه .. اقريها 7 مرات ..
آية الكرسي 3 مرات ..

ودعاء : اللهم إني أجعلك في نحورهم وأعوذ بك من شرورهم
7 مرات


وخلي هالدعاء ع لسانج : الالهم يسر لي أمري وأشرح لي صدري واحلل عقدة من لساني يفقهوا قولي ..

وبعد

ربي لا تذرني فردا وأنت خير الوارثين ..



وعليج بالحيلة والمكر .. موب بالسحر والخرابيط ..


وموفقة

 

[ام السلمي]

صج استغفر الله شوفي مالج غيرة سبحانة اهوه الي يسمعج وهوة مجيب الداعي اكثري من الصلاة والدعاء (باوقات الدعاء) ترا هالوصفة مجربة لاتقولين سحر والعياذ بالله ادعي انه الله ينصرج عليهم ويسخرلج ريلج وزيد محبتج بقلبة ويهدي وكثري من حسبنا الله ونعم الوكيل وانتي تدعين حاولي تعبرين عن الظلم اللي بقلبج وبجي وتوسلي سبحانة انة يفكج من هالبلوة وياجرج خير على صبرج سبحانة وحدة الي قادر على عبده وحاولي بريلج كلمية بطريقة جدية انج متضايقة وايد.... والله يعينج على بلواج.... وضع السفارة المصرية عندج باذن الله راح ينتهي.