زوجي الغيور يخنقني

[سحــابه]

نحن مالجين من شهرين وعرسنا مطول بعد رمضان ان شاء الله

يا بنات حاسه اني اختنق دوم يسألني .. وين طالعه.. شو تسوين.. شو اشتريتي

تحقيق ذبحني.. حتى الوالد واخواني مب جيه

اقول فخاطري هو من الحين جيه عقب العرس كيف بيصير :eh_s(11):

تصوروا يابنات يوم اسير المول بروحي طول الوقت يكلمني على بي بي

فاي محل انتي.. شو اشتريتي ويتصل فجاه

وغير جيه فضولي جدا .. حد يقول لي هذا من علامات "الحب"

بس انا اشوفه تقييد لحريتي.. انا انسانه ومن حقي يكون لي سبيس

اتنفس وريلي ماعاطني هالمجال طول الوقت يبا يعرف شو اسوي ..


شيء الثاني الاحظ على بي بي مرات يصير جريء شوي وانحرج

بس فالفون انسان ثاني يمكن لانه يستحي .. مااعرف..


كيف اتصرف وياه وابين له اني ما احب جيه..

نسيت اقولكم هو حساس ويزعل بسرعه

بليز يابنات احتاج اراءكم

اهلي محد راضي يسمعني يقولون لي من الحب

وانتي الحين حرمته وهذا حق من حقوقه...
​

 

[سحــابه]

نسيت اقولكم يشتغل فمدينة ثانيه وينزل ويكند بس..

وفضوله لازم يعرف بضبط شو اشتريت مهما حاولت اغير

الموضوع يرجع له يبا يعرف...

 

[شربـــات لـــوز]

يمكن اهوا طبعه جي متعود يسأل وفضووولي او يمكن لان بمدينه ثانيه يحب يكون قريب منج
عادي حبي تساهلي
او قوليله بطريقه حلوه بدون ماتجرحينه ان تبين سبيس لج
الله يسخره لج ويخليكم لبعض

 

[جذابه بنت ذيابه]

بالعكس خلج صريحه معاه و ادعيله دوم و قوليله كل شي بس الاشيا اللي خاصه فيج لا يدري عنها

يكفي انه نصفج الثاني .. ولا تقصرين بحقه

 

[مذهلة2013]

حبيبتي طبعه جذي اكيييد بس حاولي يعني مو كل شي يسال عنه الواحد وً كل شي يقوله
موفقه حبيبتي

 

[بنت الكويت90]

عاادي حبيبتي الكل جذي



لاتخبين عليه وقولي وين رايحه و شنو تسوين



عادي هذا زوجج تحمليييه صدقيني مع الايام رااح يفج شوي بس بالبداايات دايمن يهتم مع الاياام راح يخف والله الكل جذي

 

[M!SS.LOBY]

الله يعينج

 

[Sohai]

نحن مالجين من شهرين وعرسنا مطول بعد رمضان ان شاء الله

يا بنات حاسه اني اختنق دوم يسألني .. وين طالعه.. شو تسوين.. شو اشتريتي

تحقيق ذبحني.. حتى الوالد واخواني مب جيه

اقول فخاطري هو من الحين جيه عقب العرس كيف بيصير :eh_s(11):

تصوروا يابنات يوم اسير المول بروحي طول الوقت يكلمني على بي بي

فاي محل انتي.. شو اشتريتي ويتصل فجاه

وغير جيه فضولي جدا .. حد يقول لي هذا من علامات "الحب"

بس انا اشوفه تقييد لحريتي.. انا انسانه ومن حقي يكون لي سبيس

اتنفس وريلي ماعاطني هالمجال طول الوقت يبا يعرف شو اسوي ..


شيء الثاني الاحظ على بي بي مرات يصير جريء شوي وانحرج

بس فالفون انسان ثاني يمكن لانه يستحي .. مااعرف..


كيف اتصرف وياه وابين له اني ما احب جيه..

نسيت اقولكم هو حساس ويزعل بسرعه

بليز يابنات احتاج اراءكم

اهلي محد راضي يسمعني يقولون لي من الحب

وانتي الحين حرمته وهذا حق من حقوقه...
​

هذه شك مو غيره أدعي أن الله يغيره من حال إلى حال الله يسعدك دنيا وأخره

 

[فوشيـأ]

انا مـا اشوفه شك

شي طبيعي يعني الغييره و خصوصه ان للحين ماعشتي معاه

و لااا تفكرين ان شك اوغييره

شي طبيعي بيعرف وين رحتي

ليش ماتشوفينه اهتـــمام !


الله يوفقكم

 

[جوري الصالح]

حبيـبتي هـــذا نصفـــج الثاني
صـــــارحيه بالشــــئ المعقـــول

 

[كيـف أسيـبكـ]

شدخل الشك بالموضوع

بالعكس
هذا احساس بالمسؤوليه
وحب متروس غيره


يمكن طبعه انسان يحب التملك



الله يسعدكم ان شاء الله
اتوقع بس بالبدايه لي صرتي تحت عينه يخف ومايكثر الفضول
وراح يعرف ان في شغلات صعب تقولها المره وهي خصوصيات




الله يهنيكم لا احد يلعب بعقلج ويكبر الموضوع براسج
هذا زود اهتمام ومسؤليه
او حب وغيره

 

[شندوخه]

لاتخلين بليس يلعب براسج بالعكس هذي غيره وهذي من علامات الحب الله يتمم عليكم
كوني معاه صريحه جدا ومع الايام لم يكتشفج ويعرف الروتين مالج راح يخف شوي شوي بس السالفه يبلها صبر
والله يتمم عليكم ان شاءالله

 

[أمورته]

انا بعد حسيت انها اهتمام وغيره ويبي يكون قريب منج
ادعي الله دايما يكون مثل ماتحبين وتبين ..
والله يسخره لج يارب ..
طبعا راح تخف لا كنتي عنده بالبيت
حبيبتي الله يفرجها علينا وعليج ويسعدني ويسعدج ..
ولج بالمثل يالي تقولين امين

 

[حناينq8]

خلج ريلاكس حبيبتي

ما اشوف انه شك ابدا

يعني تخيلي لو يخليج ولا يهتم ولا يسال ولا يدقق - ساعتها شبتقولين

جامليه ترا ما سال عنج الا من معزتج عنده

والله يسخره لج يارب

 

[كستنائيـة ع ـسل]

بعض الرياجيل جذذذيه بالبدايه بس بعدين شوي شوي يخخخف

انا زوجي كاان كل مكان لازم اقوووله ببدايه العرس ويسوووي تحقيق

اللحين لااا بس المهم يعزف وين راحيه ماله داعي التفاصيل وشنو سويتي ما سويتي
ان شالله زوجج بعد العرس يتغيررر ����

 

[عزوتي خمس صقور]

احس عادي وناسه جيه

 

[بوح الحنين]

عاااااااااااااتي انا كنت اجهز وملكتي وزاجي اسبوعين وكنت احوس انا وخواتي مايمدي للتجهيز ومع هذا يدق ويرسل وينك طولتي بالسوق ارجعي عااااااااااتي مع انه هو من هنا بالكويت وانا بالسعوديه كنت مستانسه يغار علي ومهتم فيني وهذا يدل انه راعي مسؤؤؤؤؤؤليه يعني من صرت مرته يخاف علي لاتفكرين قولي بينك وبين نفسك اهتممممام والاهتمام دليل انه يحبك وخايف عليك

 

[Cherrrry]

في ناس لما يحبون حبهم يخنق.. ممكن هذي اول فتره بس ان شي يديد عليه و يبي يحس انه معاج كل وقت فتلاقين يتصل و يسأل و جذي لانه مرحله يديده و متحمس لها


او ممكن يكون هذا طبعه و من نوع اللي فيه لقافه و هذا شي في وايد من الشباب

الحل سهل و مايبيله اي شي:

الصراحه ..
قوليله في شي بطبعي يمكن ماتدري عنه بس ساعات احب يكون لي وقت لنفسي بروحي اقضي في مشاويري و افكر مع نفسي


و احس ان هالشي يضايقك و باين من تصرفاتك

اكيد راح يسأل ليش شنو سويت

عاد تقولينله المواقف ان تكونين رايحه تشترين شي و اهو 24 ساعه مسجات و تلفونات يخليج على اعصابج و لا قادره تشترين ولا تسوين شي

و قوليله في شغلات تسألني شنو شريت اكون مابي اقول عشان ممكن تكون مفاجأه لك بس انت وايد تدقق على كل شي و مو عارفه السبب

خلي يقول رايه و ليش يسوي جذي

عادي مافيها زعل

هذا انسان انتي تبين تعيشين معاه طول عمرج و اذا ماقدرتي تتفاهمين معاه الحين متى راح تتفاهمين

الملجه و الخطبه عشان الناس تعرف بعض و تتفاهم مو عشان كل واحد يبين انه احسن شي و بعدين يصدم شريكه وقت اللي يعيشون مع بعض

و باين ان انسان على طبيعته و هذا شي زين

فاستغلي الفرصه هذي و تفاهمي معاه احسن قبل العرس عشان ماتصير مشاكل بعدين دام ان هذا الشي وايد مضايقج

و موفقه ان شاء الله

 

[اناظرك وكلي حزن]

الله يعينج على هالطبع بعضهم مايتغيرون وبعضهم يتغيرون بعضهم مريضين نفسيا وان شاء الله زوجج يتغير بعد الزواج

 

[عروسة اكتوبر]

انا اشوف انه شي طبيعي انه يسأل وعندنا وعندج خير