زوجي اختبر شغالتي شوفوا وش صااار....

[روح الوتين]

وانا بعد اضم صوتي للاخوات وراي انك تبعدين هالشغالة والله يعوضك بالاحسن منها...ودمتي.

 

[شقا دنيا]

ياحبيبتي فتحي عيونج@@ على زووجج عدل مدل
والاشكو يختبرالخدامه بهالامور
الاوراه شي ثاني نصيحه غيري الخدامه وحطي حدود لزوجج مع الخدم
بالذات الاندونيسيات حقيراات لان زوجج فتحلها مجال انه يبي منها شي لان عندهم الاندونيسيات معتقد استغفرالله مادري من وين جايبينه ان من السره فمافوق لله ومن تحت السره لولي الامر واهنيه يقصن صحاب البيت انه ولي امرهن
والله يكفيج شرهم وشر زوجج اذا ناوي شر

 

[đeɱɛɼɑ™]

:
.

لومِنج اتمشكَل معاها على ايييييي شغلَه تسويها واكبر السَالفة واسفرهَا
شتبين فيها مِن صِجج من عقب كلامها اقضبهَا البَاب

و زوجِج صَراحة اختبارَه مال امه داعي.!
​

 

[شموخي قاهرهم]

حبيبتي غيريها وما عليج خل يرتاح بالج

 

[Miss Cherry]

صراحه زوجج غلطان حيل حركته بايخه


فهميه انه اللي سواه غلط لو انه الشغاله مو خربانه بتخرب وبتحط هالسوالف ببالها

 

[غنج السالم]

اي اختبار واي بطيخ ؟





اختي رجلك ماسوا هالشي على اساس اختبار هو سواه وخاف ان الشغاله تقولك

ف قال اسبقها واقولك انه اختبار

انتبهي ترى الرجال عيونهم زايغه حتى لو شايلته على كفوف الراحه قوليله لاتقرب منها ابد ولاتختبره ولالك شغل فيها هي تخدم وتحت عيني وانا اللي بربيها على يدي

 

[ام نجـــلاء]

سفريها اختي لان ريلج شكله ناوي عليها فلاتعطين له مجال

 

[كرزة ضايعه]

وعوووو غيريها الاندونسيات رعاة رياييل وسحور الله لا يبليج ولا يبلي المؤمنين نصيحة غيريها وخذي هندية وتكون متزوجة وعندها عيال صدقيني وايد زينين مع العيال ولا يضرون

 

[يااسمينه]

الله يعطيكم العافيه ..
بالنسبه اني اسفرها ؟اولا صراحه ماشوفها غلطت غلط فااادح وواضح ..اي وحده مثل وضعها رجال بيلمح وش بتسوي؟وهي ماتمادت..انا اشوف حتى الصديقات مايصدقون الا نادر كم صديقه اخذت زوج صديقتها فكيف شغاله ..وانا مرتاحه منها في عدة اشياء هي ماشيه على نظامي ماتقرب من زوجي وتستحي وترتبك حتى معاي ولا تكلمه واذا تبي شي تقولي وتحب بنتي الصغيره ولا تعصب هاديه ..صحيح تجي اوقات تقهرني ببعض التصرفات الي متعلقه بشغلها لكنها في اغلب الاوقات تمام ولا انا من النوع الي اصفي لها الجو ابد يا اني موجوده واغلب الوقت زوجي في العمل او في مشاغل ثانيه واذا غير موجوده وزوجي مش معاي اخليها في بيت اهلي ..وزوجي مايجلس لحاله في البيت وبصراحه مالقيتها تناظر والا تتميع والا تعمل حركات وزوجي موجود وحتى اذا لبست شي خفيف تلبس داخل لبس ثاني عشان لا يبان اي شي من جسمها ..شغالتي الي قبل كانت بس تشوف زوجي احسها تنبسط مره لكني ماعطيها فرصه هذي ماشفتها كذا ابد ..احسها ممكن تميل للاجانب ..لكن ماعندها فرصه لاني مفتحه عيني ودايم اكلمها واخوفها ..وعارفه الشغل وانا حامل مو شايفه سبب قوي عشان اسفرها واجيب وحده من جديد افهمها وخوفي تطلع سيئه والا تهرب وياكثر هروبهم عندنا الغريبه ان زوجي اصلا مايميل للشغالات ..ولا من هواته الشغالات وعلاقتي فيه كويسه ..
امس لما لقاني متضايقه مرره على الي سواه وحاولت افهم مره ثانيه النقاش الي صار بينها وبينه قالي انها قالت له انها تبي شغل ماتبي تتزوج ..هذي كلمه جديده ..وبعدين قالي خلاص انا بواجهها قلت له لا ابي بعدين وكنت ابي لما يطلع عشان اتكلم معاها انا عارفه انها بترتبك لما تشوف زوجي الا اصر واتلقف ونادى عليها وقال لها مش انا قلت لك كذا وكذا الا ارتبكت مره خافت مني وظلت تطالعني وتقول مدام انا ابي شغل مابي زواج بعدين لما طلع الا تقول لا تزعلين مدام انا قلت له ابي شغل وانا مااسوي شي من وراك لكن اخاف لا تصير مشاكل مع زوجك عشان كذا انا مافيه كلام ..الخلاصه اني عرفت انها قالت لزوجي انا ابي شغل..وخاصه لما واجهها قدامي وهو قال ايوه قالت تبي شغل ماتبي زواج وتبي تجلس بعد عشان عارفه ان الاندونيسيات ممنوعات فاذا راحت صعبه ترجع ..وبعدين ظلت تعتذر لي وتقولي انا احبك مدام مابي تزعلين ومن هالكلام ...رااايكم بنات

 

[PuPa^^SWeeT]

عاد هذا اختبار ؟؟؟؟


انا اقووول استخيري و شوفي

 

[يااسمينه]

بالنسبه اني اغيرها عشان الي سواه زوجي ..هو اذا عيونه زايغه ويوسوس له الشيطان حتى لو جبت جديده نفس الشي ويمكن الي بجيبها تعطيه وجه اكثر من هذي ..لان هذي بصراحه مو شايفه عليها شي وحتى تستحي تناظر في زوجي وحتى لو بالصدفه زوجي عطاها امر ترد لي تطالع فيني وتسألني ..يعني احس اهم شي عندها انا ..والجديده الي بجيبها وش ضمني كيف تطلع ؟هذي على الاقل عارفه الشغل وحركيه ماشاء الله ..حتى اوقات هي الي كل شوي وتسألني تبين شي مدام ..حتى اذا بطلع شي من الثلاجه تجي لي تبي هي تساعدني ..وانا الي اسمع عن بقية الجنسيات كسولات وبعضهم عصبيات ..انا هذي افهمها حتى الامور الدينيه وصارت تسألني في القرآن الكلمات الي مو فاهمتها ..علمتها على اغلب الاشياء فصعبه من جديد اجيب لي وحده مادري كيف تطلع وافهمها ..الغلط الكبير من زوجي مش منها ..هو الي فتح عينها..ولو اني امش وضحت لها ان اختبار وانا عارفه بس نشوف كيف قلبها معاي ..

 

[• JoJo •]

ويلوموني لما اقول مابي اندنوسية تخرع سوالفهم

 

[بخـــارى]

لاحول ولاقوة الا بالله
ديري بالج من زوجج وفتحي عينج عليه هالانسان خبيث

 

[يااسمينه]

وانا اقرأ الردد لقيت الاغلبيه اذا مو كلكم تقولون سفريها ..؟؟طيب واذا المشكله في زوجي ؟! ترى الشغاله يابنات ماتتميع لزوجي ولا حتى تبتسم حتى زوجي دايم يقول ثقيلة دم ..لو فيها شي اتوقع بشوف بحس تعرفون حنا حريم وعارفين حركات الدلع ولفت الانتباه ..بالعكس حتى ملابسها من نفسها محتشمه..ماشاء الله ..وتستحي مرره ..الاخلاني اجيب اندونيسيه لانهم اكثر جنسيه نشطين ويتشغلون الاغلبيه اسمع كسولات ..والشي الثاني انا عايلتنا كلهم عندهم اندونيسيات والله بعضهم 6سنوات جالسين واشوفهم حلوين مررره من ناحية الشغل والاخلاق ..ولا عليهم شي ابد ..وهذي صغيره ويالله على ماعرفت الشغل ..الغلط زوجي مادري وش يقصد مع انه مايهوى الشغالات ولا يحب حتى تقدم شي على السفره حتى الصحون والملاعق انا الي اغسلهم بالماي احسه ينقرف منهم كيف ينظر لها؟معقووول مو مستوعبه رغم اني كثيير متضايقه على حركته وخاصه لما قالي قالي لا تقولين لها ؟!

 

[أنهار الورد]

انا ما اشوف له داعي اختبارها بهالطريقة
احس زوجج تسرع ونصيحتي سفريها لان شكلها تعشمت بأشياء وهذيل اذا ما اخذوا الشئ بالطيب ياخذونه بالقوة

 

[غـرامـي أنـت]

زوووجك حيييييل سخيييف شكوووو !!!!

والله شكله مو مضبوووط

 

[شوكلت هاوس]

بصراحه زوجك غلطان .. والاختبار يجي منك انتي للشغاله هو ماله علاقه

يختبر الشغاله والا لا .. هو مجرد مسؤول عن تسفيرها والا يجيبها لك من المكتب

بصراحه احسن حل انك تغيرينها في اقرب وقت بس لاتعلمينها جهزي اوراقها وتذكرتها

وسفريها على طول .. واذا تضايق زوجك .. فهميه ان الي سواه غلط وترك مجال للشغاله

تسبح بالاحلام وويمكن انها ساكته تخطط على زوجك بعد وانتو ماتدرون ..

وخاصه انك قربتي تولدين .. يعني بالنفاس طبعا الرجال يكون وقتها في وضع حرج !!

ديري بالك حبيبتي واهتمي بزوجك وبيتك .. وسفري الشغاله دامها ماعلمتك للحين !

ربي يستر عليكم ويوفقكم ولا يفرقكم ​

 

[misS Sooso]

انتي مو تبين راينا
سفريهاااااااااااااااااااااااااااا
الخدامه مافيها شي بس شكله زوجج الي فيه بلا على خدامتج
يمكن مايحب الخدم قبل بس عجبته خدامتج
سفريها بيعيها اي شي
وجيبي لج هنديه وصخه عشان يعرف ينقرف منها ومايكلمها جيبي كبيره شوي

 

[_Pure_]

وين قاعدين يختبرها ؟؟ سالفه يديده هاذي بعد

بعدين اهي مجرد خادمه ماهي اختج ولا اهي بنت عمج ولا اهي ارفيجتج عشان تخاف عليج ويكون قلبها عليج وتتمنالج الخير

اشعليها منج ؟؟ ومن ريلج ..؟؟ يبي يتزوج يبي يخطب يبي يملج اهو الغلطان شكو يروح يطيح ويا الخادمه ويسولف وياها ؟؟
واهي كل الي عليها تنظف بيتج وتسوي شغلها هالسوالف الثانيه مو من شغلها وانتو الي قاعدين تدخلون فيها وتفتحون عينها عليها

وبعدين يقول موزينه ..؟؟ اهي مايت من نفسها اتدلل على بنات انت الي رايحلها بريولك .. واكيد كفيلها وبتاخف منه وبتعطيه على جوه ..

الصراحه ريلج غلطان وسوالفه مالها داعي

معاها 100٪

المرا يايه تشتغل حالها حال موظفة عندهم بالبيت شكو هالسوالف
حركة ريلج مو حلوة

و انا لو منج اغيرها بدون تفكير
و لو تييبين وحدة كبيرة و متزوجة و عندها عيال احسن و لو يكون زوجها موجود بالبلد احسن و احسن

 

[بنت.المطيري]

مابي لخرب بيوت بس انتي ادرا بزوجج

شكله توهق وألف هالقصه

لان دام انتي محرصه عليه اكيد مو واثقه فيه وبعدين دام انتي مومخليتله مجال يقرب منها او انه مايتعامل معاها ليش تغافلج؟ ليش ماكلمج وعطاج خبر؟؟

شكله خاف وتوهق وجا الحين يرقعها


انتبهي بس واقلعي اللي عند*ج