زوجوووووووووووني !!!!!@@@@@@@@@

[شادن33]

صاجه تأخير الزواج له حكمته عند ربي

وكله خيرر والي عندها هالمشكله يمكن بيرزقها بشي افضل من الي تتوقعه

ابشرج

العضوه الي تكلمتي عنها للحين تصرخ وتقول زوجوني لوووووول

يحليلها الله يرزقنا اللي اتمناه

شكرًا مفعمه :eh_s(17):

 

[شادن33]

صاجه تأخير الزواج له حكمته عند ربي

وكله خيرر والي عندها هالمشكله يمكن بيرزقها بشي افضل من الي تتوقعه

ابشرج

العضوه الي تكلمتي عنها للحين تصرخ وتقول زوجوني لوووووول

,


مآدري ليش بعض البنات مآ يبون يستوعبون انه الزوآج مو كل شي و الله !
المره اهيه الي تكمل حياه الريال مو العكس ..

بس الحين للآسف اغلب البنات العزآبيه يبون يتزوجون !
تشوفينهآ تلبس مآدري شلون و تكلم 60 وآحد على بو آنه تبي تتزوج
و مآ تدري انه الزوآج عمره مآ ايي هالطريقه
ترا في مليون شغله و شغله تسوينهآ عشان تشغلين حياتج
غير الزوأج في مشاريع وآيد غير الزوآج ..

سوي اي شي مفيد بحياتج و خلي الزوآج و النصيب اييبه رب العآلمين
لآنه صدقيني لو تتكلمين من اليوم ليه السنه اليايه و تقولين بتزوج و بتزوج
مآ رآح تتزوجين الا باليوم الي الله كآتبه لج .. فـ عليج بالدعاء
و خلي الباجي على الله ! و الزوآج مآ يعتبر هروب من المشاكل .. بعض البنات
يبون يفتكون من بيت ابوهم الي يكون كلا مشاكل طبعا ..!
عن طريق الزوآج و هاذا شي غلط غلط غلط !


الله يرزق جميع بنات المسلمين الزوج الصآلح !
و يشغلهم يارب بآشياء مفيده

اي هذا اللي اقصده يضيع العمر بالكابه وندب الحظ واهي ماسويت شي تفرح فيه او يفيدها
ما نقولها لا تدعين استغفر الله لا الحي بالدعاء وهذا مطلوب بس لاتخلين هالموضوع شغله الشاغل

 

[شادن33]

والله عدل كلامج شدون محد يدري وين الخيره؟؟؟؟؟
البعض يمكن يقول ايه علشان متزوجات يتفلسفون علينا جان قالو حق روحهم الحجي فبل لا يتزوجون !!!!!
بس الواحد بعد التجربه صج عرف ان نصيبه بياخذه بياخذه والمفروض الوحده تطلب من الله الخيره لانه اهو اخبر سبحانه بالي فيه الخير لنا .... ياما بنات حنو على الزواج وتزوجو وعقبها قالو عوووووووووووووع ياريتني ما تزوجت ! وفي العكس بس والله ماندري وين الخيره هم ارد واقول مثل المصريه الي عندي بالدوام القعده في الخزانه ولا الجوازه الندامه اي والله وهي صاجه​

هههه قموووور

لا والله أنا لما تزوجت ماكنت اقول حق البنات ويع قطع الزواج لوعه وهم و اكره هالنوعيه من الحريم اللي تعقد البنات

الا اقولهم الزواج حلو ومر مثل كل شي بالدنيا ما اعقد هم خخخخ

والمصريه اللي بالدوام عليها امثاااال خخخ

 

[شادن33]

يقولون المصريين

((النصيب مطرح ما يصيب ))

وفعلا هذا مقدر ومكتوب وهي امها حامل فيها مسجل قدرها ونصيبها وشقاها بالدنيا

ولكن انا مع (( ان الام تبرز بناتها بالمناسبات ....حتى لو وحده تدور لولدها ممكن تلفت نظرها

اذكر لما كنا ندور لاخوي ......ادور البنات بالحفلات والاستقبالات .....واسال عنهم

فوفو

أنا بعد معاج أنا الام لااااازم تبرز بناتها بالمناسبات هذا شي من غلط بالعكس لصالح البنات

 

[شادن33]

لو ان البني ادم مؤمن برب العالمين وواثق ومقتنع ان كلشي بالدنيا بتدبير وامر وقسمه من رب العالمين

جان ماسمعنا وحده تقول زوجوني
ولا سمعنا وحده تقول ليش ماتوظفتي
ولا سمعنا وحده تقول ليش ماحملتي
ولا سمعنا وحده تقول ليش تطلقتي
ولا سمعنا وحده تقول ليش ياربي ليش وتعترض على حكمة الله
انتي منو عشان تواجهين رب العالمين وتقولينله ليش بكل اعتراض وبجاحه
الانسان يسعي وهذا كل اللي يقدر عليه وياخذ بالاسباب ويتعب ويجهتد عشان يوصل حق هدفه
لكن سواء صار او ماصار لازم يكون مقتنع وحاط فباله ان هالامر يا يتم يا يتفركش
يعني لا يكون كل امله ان اهو بيمشي حياته على كيفه وتاللي يعترض لازم انحط كل الاحتمالات ونكيف نفسنا لكل الاتحمالات
والعضوه اللي تقول للبنات زوجوني لو تفرش سيادتها بدال ماتكتبلنا احنا اللي مابيدنا حيل ولا قوة وتدعي ربها يرزقها بالزوج الصالح وايد احسن
احنا شلون بنزوجها اذا اهي مسويه بروحها جذي ومسويه روحها فرجه وطماشه اشلون الناس اصلا بيفكرون يدعونلها ..
لو ادعي حق وحده من اليوم لي باجر وهالوحده اهي مو مقتنعه ولا عندها ايمان بقضاء الله وحكمته مستحيل يتغير شي
الانسان اهو لازم يدعي حق نفسه حتى دعوة الام حق بنتها يمكن ماتستجاب اذا هالبنت قلبها ميت ومافيه ايمان ..

باتشووو ترا هذا القصد التوكل على الله بككككل أمورنا المصيريه
كلامج عين العقل باتشوووو

 

[شادن33]

الاخوات المتزوجات . .. ليش قلبتم البنات فكاهه . ؟؟


مش عيب الواحده تدعي انها تتزوج .. طالبه الستر.. الحياه مليئه بالمغريات والواحده تخاف على نفسها .. تدعي الله انه تنستر .. تحس نفسها زي باقي الحريم . مش منبوذه .. والمجتمع كل واحد يرميها بطريقته هذا بنظره رحمه ..وهذا شفقه .. وهذا يقول مدري ايش فيها وايش عيبها ..



اتكلم عن نفسي عازبه .. المجتمع مايرررررررررررررررررحم اصبحت منعزله عن التجمعات والمناسبات لانهم يحسسوك انك نكره بالمجتمع .. خاصه ان الذي بنص عمرك متزوجات .. الواحده تحب تستقر .. تخاف توصل لعمر .. يتلاشى من قدامها حلم الامومه ...


لما تفتحين موضوع زي كذا تضحكين وتعلقين .. وتشوفين ان البنات قاتلات اروحهن يتززوجين .. ماطلبنا غير الستر .. والامومه ..


كل يوم بيمر من عمري بيصعب علي حلم الامومه .. اكثر ..


الزواج مش كل شيء بس .. يعتبر شيء مهم في الحياه .. هو نبض الحياه ..ومن حقنا نعيش زي غيرنا ..


الله لايحرم عازبه من زوج صالح وذريه صالحه عاجل غير اجل ..


ولاتنسين كنتين في يوم عازبات .. وتتمنين الستر .. والامومه .. كونك ماوصلتين لاعمارنا .. وانتين عازبات فاكيد ماتحسين فينا ..

قسم بالله مؤ قصدي الاستهزاء
يمكن انتي اول مره تقرين موضوع لي
وانا اكتب الموضوع عن الزواج يا على بالي ها لعضوه ماادري ليش
وصدقيني كل مااشوفها كاتبه زوجووووني يفز قلبي وابتسم وادعيلها
يعني ما استهزاء بس حبيت أوضح للبنات ان في هال تأخير خيره أكيد
وأكيد حياتي الوحده لازم تدعي وتلح بالدعاء لربها بكل شي مؤ بس بالزواج احنا ماقلنا غير هذا

يالين وضحت الصوره للكل

 

[شادن33]

^
^
^
^
الاخت اللي فوق ...
ترى شدون ما تتطنز على العزابيات ....
اهي تقصد عضوة ظريفة تضحكنا بتعليقاتها
وآخر كل تعليق تقول :
زوجووووووووني !!!
فنضحك عليها ...
وأعتقد نكها : الجمال العربي ...
على العموم مادام انها جميلة ... الله يرزقها وتتزوج ....
شادن... من شفت العنوان على طول طرت على بالي هالعضوة
على العموم موضوع حلو ...
وتسلمين حبيبتي على الطرح :eh_s(7):
وفعلا كل تأخيرة وفيها خيرة ...
والخيرة فيما اختاره الله ...
​

يا بعد عمري صمووووته شاكره لج على التوضيح :eh_s(17):

 

[شادن33]

صاجه شدوووون
البنات الحين بس يبون الزوووووواج
تدرين ليش اولها
تبي الفكه من اهلها
اخوها معقد حارمها من حقوقها لاوظيفه حكره ماتطلعين ماتسوين ....الخ
ابوها يطقهااو. ملعوزها

او لسبب انه اللي بعمرها تزوجوا. قرايبها بنات عمها وخالها ف تنحط بموقف محرج جدام عايلتها انه الكل تزوج بس انتي. ويبدا. حجي الناس الفاضي فلانه شفيها ليش ماتزوجت وتلاقينها تبي تتزوج باي طريقه!!!!!!

او اهلها يعايرونها الكل تزوج واشمعني انتي. ف تلاقين هالشي حيييل ياثر بالبنت


او لسبب بيمعة رفيجاتها تلاقين كل رفيجاتها تزوجوا وعيلوا. واهيا بعمرهم ماتزوجت ف هالشي ياثر فيها


صدقيني هالاسباب اللي ذكرتها اهي اللي تجبر البنت تفكر بالزواج وتسوي شغلات غلط تكلم شاب او تروح لخطابه نصابه او او او الخ


البنت الملتزمه اللي تحط كلام الناس تحت نعالها وانتوا بكرامه ماتهتم لهالاشيا


انا مايهمني كلام الناس ولااهتم له

كلام الحريم مايهمني. لانهم تافهات والحش عندهم مايخلص. ""حلال عليهم ذنوبي

انا ماتزوجت واذا وحده حاولت تجرحني بالكلام اوقفها عند حدها
لاني مومنه الزواج قسمه ونصيب
ونصيبي مكتوب عند الله

وبيجي يوم وبتزوج لازم يكون تفكيرنا جذي

ومايكون كل همنا الزواج

الزواج مو كل شي


هالشي مكتوب عند الله من ولادتنا


متي ما الله كتب بيجي


وانشالله الله يرزق كل بنت تبي الستر بالزوج الصالح اللهم امين

فديت قلبج فطووووم انتي اللي فاهمه خخخخ
باذن الله اييلج نصيبج ويكون عسسسسل نفسج :eh_s(17):

 

[شادن33]

خخخخخخخخخخ تدرين شادن من قريت العنوان وعبالي اهي نفسها العضوه منزله موضوع وجيت اركض عشان احذفه خخخخخخ

الله يرزق كل وحده بالزوج الصالح


ويعطيج العافيه

الله الله عل المشرفه النشيطه :eh_s(9):

ومبرووووك على الترفيه حبيبتي :eh_s(17):

 

[شادن33]

اذا الوحده وكلت وفوضت امرها لربها تثق تمام ان ربي راح يجازيها بالشي الزين لانها لجات له سبحانه وحطت الثقه فيه ماراح يخيب ظنها

والناس اللي تحجي فلانه ماتزوجت وليش شفيها؟؟

كلام الناس مايخلص يلحق الواحد استغفرالله لي قبره

ماعلينا من كلامهم دامنا تولكنا ع ربنا

والنصيب بيده سبحانه محد يعلم متى ومنو بيكون الزوج

انا بنوته

لكن ثقتي بربي تكفيني وتغيني

وانا عارفه ان راح يختار لي الشي اللي راح يكون افضل واحسن لي

ماخاب من توكل عليه

وكلام الناس يدش باذن ويطلع من الثانيه

اما اني احن والزم واصمم بتزوج اشووه هالشي مو موجود بقاموس حياتي

حبيبتي نبوض الله يعطيج اللي اتمنينه

 

[شادن33]

الزواج قسمه ونصيب صح والي الله كاتبه بيصير هذا عافينه بس ترى ما يمنع ان الانسان يسعى لحاجته ما اقصد طبعا انها تعرض نفسها ولا تروح تغازل لا!!!! بس تسعى بالطرق المشروعه تكشخ تلبس تبين نفسها حتى لو تستعين بخطابه مافيها شي كل بنت تبي الستر مثل ما كنا احنا بعد نبي الستر وتزوجنا بس القصد ان الانسان لازم يرضى بقضاء الله وبنفس الوقت يعرف ان تاخير الزواج خيره ربي يعلمها (( لو اطلعتم على الغيب لاخترتم الواقع)) ربنا سبحانه يختار لنا الافضل بعلمه ومثل ما قلت ان ما يمنع ان احنا نسعى لحاجتنا السيده مريم لمه ياها المخاض ربنا سبحانه قال لها وهزي اليك يجذع النخل تساقط عليك رطبا جنيا ... طيب ربنا سبحانه كان يقدر يخلي الرطب يطيح لها من النخله لكن سبحانه طلب منها انها تسعى علشان توصل لحاجتها اصلا منو الي يقدر يهز نخله مهما كانت عضلاته لي درجة ان الرطب يطيح منها ؟؟؟؟ محد لكن ربنا طلب منها السعي لحاجتها حتى لو كان سعيها بسيط وعلى قدها
القصد من الموضوع ان الانسان يسعى نعم لكن يكون راضي بقضاء الله والاخت معي احلى ... حبيبتي الموضوع مو للاستهزاء او الضحك لا والله بس فيه اخت الله يهديها كل موضوع تدخله حتى لو ماله علاقه بالزواج كتبت بالاخير زوجوني وشادن نزلت هالموضوع لهالاخت هذي ودها توصل لها رساله من اخت تنصحها مو للضحك ابد وعلى قولتج احنا كنا بنات وكنا ميتين نبي نتزوج حالنا حال اي بنت طبيعيه بس ان الانسان يقنع بامر الله وبنفس الوقت يسعى لطلب حاجته مو مثل البنت المقصوده الله يهديها ضحكت الكل عليها .... ربي يرزق كل بناتنا بالازواج الصالحين وبالذريه الصالحه ويصلح امورهم ​

حياااتي قموووور :rerrerek:

 

[شادن33]

شدون مشكوره حبيبتي موضوعج وايد حلوه
وفعلن نفس ماقلتي الزواج قسمه ونصيب والانسان مياخذا الا اللي كاتبه ربه

انتي الحلوه عشووووق

 

[شادن33]

ايي والله صااجة


عاد اللي اتلح بالزواج

اهي اللي حظها اييب لمرض



الحنة اتقصر العمر

صح بوبا اللي تحن أهي اللي تأخذ اخس واحد وايد ألاحظ

 

[شادن33]

السلام عليكم :
دعونا نتوسط في حكمنا !
هي بالدرجة الأولى مخطئة في هذه الإستغاثة اليائسة على العلن .. !! ولكن من جهة أخرى هي مدركة بأن من توجه لهم الرسالة قد لا يسعفونها
لانهم لايملكون شيئاً حيال مسألتها .، ولكنها تقول ذلك لتخفف عن نفسها الضغط العاطفي الذي تشعر به فترتاح بالمشاركة وتهدأ بالنصيحة !!
و بصورة عامة أقول أن ليس كل من لم تتزوج تتقبل المسألة بواقعية ورضا على مبدأ الرضا بالقسمة والنصيب ! لا المرأة تختلف في ذلك فمنهن من
تحمد الله وتدرك أن وراء ذلك حكمة ولا تلقي بالاً .. ومنهن من تصرخ بأعلى صوتها : زوجوني لأن عندها عواطف مكبوتة وهي تخشى على نفسها
من هذا الضغط وتخاف من الخطأ .. فلا يجب أن نحلل تصرفات هاته النسوة بناء على آراءنا فلكل ظروفه وطبيعته وأقول أخيرأ للتي تبذل نفسها
أمام الجميع اتجهي الى ربك بنداء أن يفتح عليك للزواج الطيب بكل قلبك واتركي البشر واصبري فلا تعلم نفس أين يكمن الخير ولعل الله يحدث بعد ذلك أمرا .

رووووح. أنا ما اقصد شخص العضوه هذي بالذات ولكن كلمتها الماثوره خخخخ


ويشهد الله اني اتمنى لها كككل خير كل ما اذكرها

 

[كريستال]

موضوعج جاء في وقته

سبحان الله توه على بالي

كنت افكر في الايه «الخبيثات للخبيثين و الخبيثون للخبيثات و الطيبات للطيبين و الطيبون للطيبات مافي اصدق من

كلام الله عز وجل

صفي النيه وسوي خيرتلقين خير

يابنات ياللي ماتزوجتوا او تاخر زواجكم عليكم بالدعاء وقيام الليل والصدقه

الزواج رزق من الله لاتشتكين لمخلوق وتخلين الخالق ادعي بالزوج الصالح

وبعدين في بنات توهم صغار تلقينها ام ٢٢او٢٥ سنه. وتقول عن. نفسها عانس لييش كله من المحيط اللي حولها سواء اهلها او صديقاتها ويحسسونها بالفشل كان الدنيا بس زواج

حبيبتي واختي اللي تاخر زواجها الدنيا ماوقفت على الزواج عيشي حياتج والتزمي الدعاء وابشري بالخير ولاتسمحين لحد يتشمت فيج او يقلل من قدرج وقيمتج

مشكوره شادن على الطرح المميز

 

[نهى الأحمد]

هلا والله شدونه ياقلبي


يا حلو مواضيعج

فرفروشيه ونقاشيه بنفس الوقت :eh_s(15):

يعطيج العافيه حبيبتي



والبنات كفو ووفو ماشاءالله عليهم



والزواج مو كل شي بهالدنيا


والزواج قسمة ونصيب



ولي جاه النصيب رح ادفعه غرامة تأخير ههههههههههههههههههه

 

[Huda alotaibi]

لوووووووووووووووووووووووووووووووووووووووول
في عقول ساذجه حتى في التصرفات اللي بقلبج على لسانج

اقصاها تنبح بالمنتدى والله مشكله وسالفه عويصه لنوعيه من البنات

عبالها كثر الدق يفج اللحام انا اقولج انتي ياللي ---- تحنين واايد
كبري مخده ونامي ترا النومه مامنه الا العافيه

have anice week end

 

[اميره1980]

كل شي قسمة و نصيب
انا وصل عمري 30 سنة و ما تزوجت و اشوف رفيجاتي عيالهم بيدشون المتوسطة و انا للحين قاعدة و الله رزقني ريال ماكو مثله 2 بالدنيا و تزوجنا
شوفو الخيره
ما ظلينا مع بعض الا سنة و نص و توفا فجأة من غير مقدمات
و الحين انا ارملة و عمري 32 سنة و من غير زوج او يهال
الحمدلله على كل حال و ان شاء الله ربي يعوضني خير

 

[white soul]

موضوع في الصميم

الزواج هوالطريقة الوحيدة في ديننا لاشباع الغريزة الجنسية والعاطفية والنفسية
فشي طبيعي كل بنت وشاب يرغب ويتشوق للزواج واذا تأخر الزواج يمكن يبالغ في التعبير عن مشاعره

ترديد البنات لكلمة ( زوجوني )او ( اريد الزواج ) شيء غير لائق ويعكس جرأة البنت
لكن مانقدر نلومها اذا تصرفها نابع من الحرمان العاطفي ورغبة ملحة في الزواج وتكوين عائلة مثل قريناتها
​

 

[sakura-san]

غريبة في موضوع لها من سنة 2010 في قسم معلمات رياض الأطفال تتشكى عن ولدها !!!

http://www.q8yat.com/t562989.html


وعقب حطت موضوع في سنة 2012 تبا تتزوج !!!

http://www.q8yat.com/t998848.html