زوجها اختفى ودقق عليه مايرد ولمن تلفونه دق سند سمعت بلاويه

[one two 3]

واااي الله يستر

زمن يخوف

 

[_j'aime mon mari_]

رد : زوجها اختفى ودقق عليه مايرد ولمن تلفونه دق سند سمعت بلاويه

لاحول ولا قوه الا بالله
والله الموقف مو هين بس اهيا ادرى بنفسها وبريلها
يعني لو انا مكانها والله لالعن خيره واوريه ام الاحمر شلون صايره
اللي يبيعني ابيعه وادوس عليه بنعالي ... اللي يروح يوسخ نفسه مع هالاشكال مايستاهل انه يكون ريلي وابو عيالي

والله يصبرها يارب

 

[~عشق المطر..~]

اااااااااااااااااااااااااااااااااااااااااااه اااااااااااااه يالقهر الله يعينها
انا زوجي يسهر بمخيمات وادري ميه بالميييييييييه انه يسوي السوالف هذي بس قهررررررررررررررررر ماني قادره امسك عليه شي
خلها تواجهه ليش تسكت وتخلي الحره بقلبها بعدين يصير فيها شي:23_asmilies-com:

 

[جيكره(و)تتغلى25]

امبيه عشت القصه


انا من نوعي بالنقاش اصير هاديه اطلع كل قمصاني الحمرا واحطهم عالسرير واقوله شرايك مقصره واتنااقش بهدوء ترا ماراح يجيب نتيجه بيقول شيطان والر بع قصو علي


ولله من راي تقوله تعطيه خبر انها تدري لان ماتلقى عذر ممقنع

 

[$ SHRMN $]

اااااااااااااااااااااااااااااااااااااااااااه اااااااااااااه يالقهر الله يعينها
انا زوجي يسهر بمخيمات وادري ميه بالميييييييييه انه يسوي السوالف هذي بس قهررررررررررررررررر ماني قادره امسك عليه شي
خلها تواجهه ليش تسكت وتخلي الحره بقلبها بعدين يصير فيها شي:23_asmilies-com:

لا ليش اظنين فيه ظن السوء يمكن مع شباب دامج مو ماسكه عليه شي لا تظنين اهو ابين اكيد من الريحه والملابس ومن رغبته لج بالفراش

 

[شقرديه كيوت]

رد : زوجها اختفى ودقق عليه مايرد ولمن تلفونه دق سند سمعت بلاويه

خل اتأكد اخاف حاطينه ع غنوه ومندمجين بالردح وكل واحد يعلق - يمكن ليش لا

 

[~عشق المطر..~]

لا ليش اظنين فيه ظن السوء يمكن مع شباب دامج مو ماسكه عليه شي لا تظنين اهو ابين اكيد من الريحه والملابس ومن رغبته لج بالفراش

من حقج تقولين جذي لان له سووووووووووووابق قلت الكلام هذا ورغبته لي بالفراش كلش اصلا ماينام معاي الانادرررررر لعلمج يعني بس مالي الا الله والاستغفااااااار والدعاء

 

[نورهـ]

هذا راعي قعدات يعني مافيه عيضه

اكرره هلاشكال والله يعينها

 

[نور بوبيان]

خل تروح بيت أهلها وتاخذ أغراضها المهمه ....وتدعو ربها يصب في قلبها الصبر صبا وتقدر تواجهه...وتكثر من لستغفار ...وتستعين بربها

وتتصل فيه إذا قدرت تمسك أعصابها أو تدز له مسج وتقول له :

الحمدلله من دعائي الله سبحانه اكشفك على حقيقتك ومن مصادر موثوقه عرفت إنت قاعد مع منو وشنوقلت ...

إذا تبي أقولك اشصار واشجرى حاضره بالتفصيل الممل وصكي بويهه التيلفون وخليه يتصل ولا تردين ويدز مسجات ولا تردين

مثل ماحرج حريه وخليه على نار ....

حسبي الله ونعم الوكيل على أصدقاء السوء

 

[ماركة انثى]

رد : زوجها اختفى ودقق عليه مايرد ولمن تلفونه دق سند سمعت بلاويه

اولا الله يعينها وخل تصلي ركعتين وتطلب الله يهدية

ثانيا خل تواجة بكل هدوء وبرودة اعصاب (لكي ينقد على نفسة )

ثالثا تكلمة برسمية تامة وتذكرة بعذاب الاخرة وذا مانفع تدخل احد كبير بس ماردة يرجع

​

 

[*ريما*]

رد : زوجها اختفى ودقق عليه مايرد ولمن تلفونه دق سند سمعت بلاويه

خل تواجه احسن
والله يهدية

 

[اكسبلانكا]

الله يعينها

 

[فوفو..]

انا اقول لوتواجه يكون افضل ...وبعدين هذي مومكالمه عابره هذي فيها جلسات وانتم خابرين وش يصير...تخاف على نفسها ينقلها الامراض وقبل كل شي ...اللي ماخاف الله فيها لاتخاف الله فيه ...

 

[shak!shoka]

رد : زوجها اختفى ودقق عليه مايرد ولمن تلفونه دق سند سمعت بلاويه

اول شي السنه هاذي من اولها مبينه كبيسه عليه !

انا من راي الاخت الي قالت تفرش قمصانها الحمرا ع السرير وتواجه بهدوء وثقه
خليها تنقده وتطلع الي بقلبها بس بهدووووء

ولا تقوله مصادر موثوقه وما ادري شنو يقلب السالفه عليها ويطلع اهوا الضحيه ! حركاتهم المعهوده

وعقبها تزعل وتشيل قشها وتخلي له قميص احمر ذكرى
مالت عليه قذر

 

[Mia_mIa_miA]

يمكن يطالعون تي في

 

[RoSe PeRFuM]

رد : زوجها اختفى ودقق عليه مايرد ولمن تلفونه دق سند سمعت بلاويه

كلمة وحدة اتهزه
7
7
حسبي الله ونعم الوكيل

 

[^noonaa^]

لا حول ولا قوة الا باللله


الله يهديهم هالرياييل

 

[وردة-الكويت]

مارد البيت :krkrkr::krkrkr:

البنت فيها حره وفعلا اهي مزهبه اللون الاحمر له

والعين الحمرا :krkrkr::krkrkr:

 

[Daleela]

لازم تواجهه وتحط النقاط عالحروف ووووووين قاعدين تسكت

 

[mich79]

رد : زوجها اختفى ودقق عليه مايرد ولمن تلفونه دق سند سمعت بلاويه

ذكرتيني بسالفتي الصيف اللي طاف
طبعا كلكم عارفين إن الصاحب ساحب وريلي ولله الحمد من ربع بو هبّه كل شوي متعرف على ناس يدد
وطبعا من تعرف على شباب بالاسطبل كل يوم عندهم لدرجة إنه يطلع من الدوام يبدل ويروح لهم على طوووول ويقعد لي الفير أو ينام هناك ويسحب علي وعلى دوامه
ماأجذب عليكم إني كرهتهم كره موووو طبيعي وقلبي قارصني منهم
يوم من الأيام كالعاده أدق مليوووون مره يالله يرد علي وهالمره شكله كان بيحط الفون سايلنت جان يفتح الخط ولا شنو أسمع ؟؟؟*
زوجي المصون شريف روما قاعد يخطط مع رفيجه على حفله وطبعا آنا قلبي صار طبل من كثر مايطق ولا أسمعه يقول إذا تبيها بيخت ولا بشقه آنا أعرف خوش مكان والبنات علي !!!!!! هني على طول سكرته ورديت دقيت مارد جان أدز له مسج معتبر خلاه يدق بنفس اللحظه وبعد ماواجهته عطيته جم كلمه تبين حجمه ومستوى تربيته الواطيه دقيت سيارتي سلف ورحت بيت أهلي وحياتكم 12 يوم كل يوم ببيتنا يترجى أسامحه قويت قلبي مع إني كنت صج منهااااره حطيت شروط لردتي أولهم يقطع علاقته بكل الحثاله اللي تعرف عليهم ويغير رقمه وهددته لو شفت عليه شي ماراح أسكت ولا أسامحه لو يموت وفعلا والحمدالله من يومها نغير وعقل وأمس كان بالمخيم وكل شوي يدز لي تصوير فيديو ع الإيميل عشان أشوف الأوضاع وبصراحه نوعا ما مرتاحه مع إني فقدت الثقه فيه
أدري وااااايد طولت بالكلام بس اللي أبي أوضحه شي واحد.. الريال يكررررره شي اسمه مره بجايه وضعيفه وتسامح بنفس اللحظه .. خليج قويه بالمواجهه وبيني لي إنه أهو الخسران لأن الشخص الخربان يدري إنه بيطيح بجبد نفسه من فعايله
وقولي لرفيجتج خل تواجهه وأبدا لاتحر قلبها وتكتم لأنها إذا ماتكلمت راح تحتقره بينها وبين نفسها وراح تنفهر ليش ماتكلمت بحزتها يعني لاتنطر أسبوع ولا شهر وتفتح الموضوع لأ .. خل تطق الحديد وأهو حامي