زوجـي نــاشـف

[مولاي الفرج]

الظاهر نوعه يبين لج حبه بالمصروف والحياه الهاديه من غير مشاكل

مايحب سوالف الرومانسيه وانتي العكس طبعا

خلاص خلج عاديه وهاديه مثله بس هم سوي الي بخاطرج بحدود وان شاءالله يشتاقلج ويتعلم على طريقتج اللهم امين

لاتزعلين تكفييين

 

[Miss Eteket]

الله ييسر آمورج وبعدين مشكلة البنات قبل الزواج انها تهيأ نفسسها آنها بتززوج رومانسسي ؟ وبعدها تنصدم :")

 

[لسعة شقاوة78]

ياقلبي قلبج
صدقيني مع الوقت راح يشوفج الهوا اللي يتنفسه
تو ما صار لج سنة
عسى الباري يسخره لج

 

[Alias]

حبيبتي هذي شخصيه زوجج ما راح تتغير ركزي على مواقفه الحلوه

 

[Tom ♥ Jerry]

,


نعم هااذا أبو سروال و فانيلا

مادري شقولج مادري شالحل :/ احترت وياج !
لو اقولج بادري من كلامج قلتي مبادره بالحركات و الرومانسيات و الكلام الحلو ..

هاذا يعني انه اهوة طبعه جذي
تغيير الطبع شي صعب صعب وايد :*


بسألج انتي شنو عيبج ؟. لو تقولين لي مثلا عنيده !
هل ريلج رآح يقدر يشيل هالعناد :/.؟!
ما اعتقد لانه طبع فيج من وانتي صغيره !
و نفس الشي اهوة طبعه من زمان ماكو رومانسيه و يكتم شعوره
ترا الرياييل مو نفسنا يبون الحضن و اللم و البوسه

 

[يؤ !!]

حرام والله مااشوفها مشكله ياختي قولي الحمدلله ربي رزقني بزوج طيب ويخاف الله فيني ومو مقصر بواجباته الزوجيه واذا على االرومانسيه اللي تبينها هذا راجع لك انتي البسي عدل اكشخي له اغريه البسي قميص نوم مغري غيري لوكج
انتي بادري ترى مو اي مره ينجذب لها الريال

 

[انسام الكويت]

ليش مكبره الموضوع وشايله هموم الدنيا على راسج

حمدي ربج وشكريه واااااااايد عندج ريل الحمد لله زين مافيه عيوب ليش اطلعين فيه عيب

وتفكرين وحالتج حاله اولا اللي تشوفينه بالأفلام الأميركيه والمسلسلات التركيه هذا تمثيل

الواحد ما يكون رومنسي 24 ساعه كل شي وله وقته وقت للجد ووقت للحب ووقت للعب والغشمره

معقوله ريلج بيكون 24 ساعه رومنسي وغرقان بالحب لا حبوبه ريلج مافيه عيب ولا هو ناشف ولاهو رسمي

بس مايصير يصير لج 24 ساعه رومنسي وانتي اللي تبينه سويه ويمكن اهو شوي شوي مع الايام راح يبادلج الحركات

وريلج على ماتعودينه انتي عوديه وتالي اهو من نفسه يبادر واذا هو مايسولف سولفي انتي وبياخذ معاج ويعطي بس عاد موتهذرين فوق راسه ههههه

اهم شي حمدي ربج والله موضوعج ماشوفه يستأهل انج مهمومه ولا غير

 

[^_^ Coco Chanel]

صراحه قولي الحمدلله، غيرج عندها زوج اربعه وعشرين ساعة كلام حلو ودلع لكن بخيل او ما عنده اخلاق او مو دين ..
مستحيل تلاقين واحد كامل وفي كل الصفات التوب، ولازم تقتنعين بهالشي عشان تقدرين تعيشين مرتاحه وتكملين حياتج

 

[كتكات احمر]

نفس طليقي بالضبط ملييييت

حبيبتي

ياما أزواج مغرقين حريمهم بالكلام
المعسول

والرومانسية الكذابة ..

تلقينه يكلم عشر من وراها ..


شالفايده اذا صبحج ومساج بكلام معسول ؟؟

الأهم هو الاخلاص والوفاء
والصدق

الكلام مع الوقت يبرد وتروح قيمته

يبقى الفعل هو اللي يثبت مصداقية الشخص !!!

احمدي ربج انه مايخونج ويستغفلج ولا يبي من وراج
مصلحه

والله يوفقج

 

[mmloo7a]

حمدوا ربكم بنات
بسكم شكاوي على رياييلكم لمن تنطق جبودهم منكم يابعض الحريم

ويقولون باجر ماكو رياييل

 

[ام مشعل المطيري]

يابنات انتو مو فاهمينها عدل اهي ماتقصد رومانسية 24 ساعة شدعوة عاد اهي تقصد مافي علاقة عاطفية بينها وبين زوجها علاقة جافةما يخلي عليها قاصر اي مخليها ع راحتها هم ايه بس ماكو كلام حلو كلش ولو مرة باليوم ولا مرة دزلها مسج حلو ولامرة ذكرها بهدية واهو للاسف طيب وحليل بس حب بالكلام ماعنده
تتوقعون تقدر تعيش المرة بدون عاطفة! !!
اذا ماسمعت كلام حلو من زوجها ولايتتغزل فيها ولايشبعها عاطفيا حق منو تروح لأمها ولا رفيجتها حنان الام غير ةالرفيجة غير والزوج غيييييييير
انا حاسة فيج صاحبة المووضوع الله يكون بالعووون بس

 

[كتكات احمر]

ام مشعل صح كلامج ��

 

[ألماس من داماس]

اللهم صلٍ على محمد وعلى أله وصحبه اجمعيييييييييييين

 

[$قطوه$]

صراحه احسج حيل تعبانه ..
اصلا يحمد ربه ان في زوجه مثلج تهتم فيه حيييل ما شاء الله عليج

انا اقول حاولي تتقربين اكثر منه مو بس بالكلام حتى بالحركات واللمس صدقيني بيتعود ويقوم يتعود على هالشيء ولا تطنشينه غلط راح يتمادى وتبعدون عن بعض اكثر ..

الله يخليكم لبعض ..

 

[ام مشعل المطيري]

ياناس يابشر في اشياء قابلة للتغييير ةفي اشياء غير قابلة للتغير

 

[بكيزة هانم]

الله المستعان

 

[ليان ليون]

اتأكدي من شئ ما في حد كامل كل وحدة عندها نقص في حياتها وخصوصا من ناحية زوجها هذا طبع زوجك وانا زوج اختي مثل زوجك ارضي بنصيبك