زوجــي وغيــرته مـن ؟؟

[أتراب]

يمكن اخاف عليج
وبعدين هو مو مقصر وياج بالمشاوير
اريح لج تقعدين بالسياره اميره
والسياره خليها يمكن تحتاجين
شي ضروري وهو مو موجود
​

 

[خشف العذارى]

كلها ايام ويتعود

 

[ام دلال ومنال]

صدقيني هذي مو غيره حب بس انتي خليه على راحته والسياره خليها للمشاوير الضروريه والله تنفع

 

[لمسه حزن]

حبيبتي
اذكري الله وقولي الحمدلله
واخذيها من جانب ايجايبي
زوجج ماشاء الله
يحبج ويخاف عليج ويغار
ولو مو هذا كله
ترا عاتي بيخليج تسوقينها
لان في غيرج تتمنى بس
يشيل عنها العبء والضغط
والمشاوير
ربي يوفقج

 

[ترجمة احساس]

بالعكس حلو انه اهو اللي يوديج وملتزم
ماشاء الله

 

[دياري قلب زوجي]

اذا نويتي تبيعن السياره انا بشتريها بس شنو سيارتج اتمنى تكون تشارجر يااااااااااااي ابيها

 

[leeny]

انا ريلي اول ماتزوجنا ماكان يرضا اسوق يخاف علي بس مشكلته مايحب المشاوير حطلي سايق وانا اسوق بعدها انسي ان هو يروح مكان مسكين السايق صار له هو ههههههههههه عادي انا عارفه شعورج حبيبتي مستانسه بتلسيارة وتبين تروحين وتيين بروحج قوليله هالشي بصراحه قوليله اول ماسقت انته موكان ودك 24 ساعه تسوق؟ وان شاء الله يفهمج حبيبتي

 

[leeny]

واذكر كنت اطلع معاه وانا اللي اسوق ههههههههه كنت توني ماخذه الليسن لاطلعتو قوليله خنروح بسيارتي وسوقي انتي

 

[زهراء 24]

بالعكس المفروض تستانسين لانه مبين انه يجبج ويخاف عليج
ودام انه مو مقصر ويوديج اي ماكن تبين لا تتضايقين
مع الايام راح يمل ويغير رايه رويخليج تروحين وتردين بروحج​

 

[Beautiful soul]

احسن لج خلي السياره حق المشاوير اللي كلش كلش ضروريه
صدقيني لو يجرب الراحه وان يعتمد عليج في كل شي بتكررررهين نفسج
خليه هو يتكفل بكل مشاويرج

 

[miss_7sawiya]

حبيبتي ما عليه ترى انتي نفس حالتي صارلي سنة من تزوجت والسياارة بس اذا برووح الدواام او بيت اهلي بس تبين الصج اريح لمن اهوو يووديج وييبج على الاقل حتى لو يتأخر عاادي >> ما يقعد يقوولج ليش تأخرتي او اي شي
وبعدين اذا حملتي تتمنين يوديج وييبيج >> حالتي الحين وانا بجرية