زوجج يحط قفل حق ؟؟؟

[^noonaa^]

انا بالنسبه لي ماحب يحط رقم سري

وزوجي الحمدالله تلفونه مقطوط بكل مكان واخذه ساعات اتعبث فيه بس اهو مايحب يقولي جدامي لا تتعبثين فيه ومن وراي كيفج لوول

 

[zozoوبس]

صباح الخير حبيباتي بالنسبه لي انا حاط رقم سري حق جهازه ولا عمري قتله ليش حاط رقم سري لان الحمدلله واثقه فيه
وصدقوني الريال اذا عنده خرابيط يحطله خط ثاني وانتي ما تدرين عنه واذا اهوا عنده سوالف صدقيني راح اي اليوم الي ينفضح فيه لانج انتي نيتج زينه معاه فلاتحاتين ولا تفكرين احنا اكبار وعندنا عقل صح ولاكلامي فيه خطأ

 

[كويتية صغيرة]

رد : زوجج يحط قفل حق ؟؟؟

لا اهو حاط رقم سري وتلفونه على طول مقطوط منى و مناك جدامي

ولا انا حاطة رقم سري وتلفونى على طول مقطوط جدامه

و برغم هذا
يمكن تستغربون
انى عمري ما لمست تلفونه او شفت مسجاته او اشوف او اتعبث فيه
و اهو بعد عمره ما لمس تلفونى ولاعمره جاسه

احنا متفقين مع بعض ان كل واحد عنده خصوصيات خاصة فيه
اقصد مثلا علاقتى مع اهلي و خصوصياتى مع صديقاتى و مسجاتى معاهم ما احب اهو يشوفهم
ونفس الشي احترم خصوصياته
و مادام في ثقة متبادلة من الطرفين ..... الموضوع كله ماله داعي لان المراقبة تجيب عوار الراس ...و الوسواس ...والشك ....والشيطان شاطر .....

وانا عندي مبدأ الصراحة
الرجال اذا يبي يلعب والا يخربط .... مو محتاج تلفون يحط عليه قفل
ممكن يطلع بره يسوي اللي يبي ويرجع اذا ماكو خوف من الله ماراح يخاف منك يا زوجته
وحتى سالفة القفل ..... ماله سالفة اصلا
لان اذا يبي يلعب على كيفه من وراك ...... ممكن بكل بساطة يحط تلفون ثاني و يخشه عنك ..... يخشه بالسيارة بالدوام ..... كل شي يقدر يسوي ..... فليش اتعب راسي واجيب مشاكل و شك ووسواس و اقعد احاتى
كل واحد حسابه عند ربه

بس اهم شي عندي انى دائما احسسه .....ان انا واثقة فيه و احترمه ....و اعتبره انسان كبير عن هالأمور ..... بالتالي حتى لو وسوس له الشيطان راح يستحي من نفسه جدامي و مايخلي صورته تهتز و يحافظ على الثقة المتبادلة

علشان جذيه تلفونه كله جدامي و مبطل .... بس عمري مالمسته

 

[كميثره]

لا ما يحط رقم سري وانا ما احب امسك تليفونه وانبش واثقه فييييه .

 

[جنى الجنتين]

الحين مو بس مو بايلات ومسجات الحين طالعين طلعه بالاي فووووووون في برنامج اسمه ويتس اب محادثه يقولون وكالة يقولون او يمكن

يجذبون ان هذي المحادثات مو جاااااات بمعني اصح مادي شنو السالفه بس طالعين طلعه بهشي وهذا اللي قاهرني اشوف ريللي وده يحط له 10 عيون ومكيييف حده ما دري شالسالفه اللي تعرف تقولي او تفهمني شنو سالفة الويت ساب

 

[قطووه حلووه]

رد : زوجج يحط قفل حق ؟؟؟

حلاات الواااحد يكون له خصوووصيات حتى لو متزوووجيييييين يمكن هو يحب الخصوووصيه اذاا وااثقه فيه بعد شحقه القهر

 

[سندبادماركت]

رد : زوجج يحط قفل حق ؟؟؟

صراحة انا اشوف الي يبي يلعب وعنده سوالف وخرابيط ما يفيد معاه الهوشة وان يشيل القفل او لا
اهم شي براييي ان الزوجه تنتبه لابو عيالها بالتفاهم والمحبة و انها ادلعه حتى ما يشوف غيرها بالدنية

 

[سموة الزين]

رد : زوجج يحط قفل حق ؟؟؟

انا حاط رقم سري وللاسف مايخليني احوشه لوول كيفه يقولي مسجات بيني وبين ربعي انتي شكو؟؟ آآه يالقهر وفوق هذا اذا وراني صوره بتلفونه اهو يمسك التلفون ومايخليني اشوف ولي قال قال هذي خصوصيات وانتي اشتبين بالرياييل ياما تهاوشت وياه عسالفه ليما تعبت خلاص وعطيت الموضوع طااف

 

[قنــــــــــوت]

رد : رد: زوجج يحط قفل حق ؟؟؟

مشكووووورين بنات على الردوود


بس الحيين الي عرفته أنه الأغلبيه مايرضون أزواجهم يحطون قفل ولا حاطييين أصلا
شمعنه ريلي:flower:انا الحيين متزاعله معاه بس طبعا مو عشان هالسبب سبب
ثاني ما أحب أذكره وأهوا الحييب يبيني أرد وانا قايلتله خلني أفكر وانشاااءالله
بقوله شرط من شرووطي مافي قفل من يوم ورايح أو يعطيني الرقم ومايغيره
وترى بنااات انا كلش كلش مو طبعي أنبش بالتلفوون ولا أتعبث بالبووك وغيره
بس انا قلت لما يحط القفل أنقهر وأشك الصراااحه

المهم بنات ياريت تدعولي أنه الله يجمعني مع زوجي ويصلح بينه

عسى الله يجمعكم على خير ويهدّي سركم ...
ويصلح بينكم ياااااارب ...

 

[سارووه الاموره]

ليش يحط رقم سري شي غريب بصراحا اكيد في شي مخشووش داخل

..

 

[أم يزيد &سديم&]

ليش يحط رقم سري شي غريب بصراحا اكيد في شي مخشووش داخل

..

يا معودة اتركي البنت بحالها
بدل ما تهونين عليها زدت الطين بلة
الزوج إذا عنده شيء مخشوش ولا مو مخشوش
شكو تنبش بجواله شنو راح تستفيد أهم شيء الثقة بين الزوجين
أنا زوجي حاط رقم سري عشان اليهال ما يلعبون فيه وبسس
وأنا بعد ما أعرفه لكن إذابغيت شيء من الجوال مقطع أو بكلم امي يعطيني إياه
لو خاش شيء فعلا هذا شيء بينه وبين رب العالمين
والله بيحاسبه وبجازيه على سواته

 

[حبيبه بدر]

ايه حاط وما اعرف لانه هذي خصوصيه

وهو انا اعلمه اهو هم عنده عادي

واذا كنت يمه عادي اشوف اذا ياه مسج معاه او ايميله

بس اهو يموت لقافه اذا احد دق علي او دز لي مسج

يقعد منو ..منو ؟؟ بس فضول خخخخخخخخخخخخخ

 

[حبيبي مالكني]

رد : زوجج يحط قفل حق ؟؟؟

هاي حرية شخصية
انا ماحب زوجي يتعبث بتلفوني وانا كذلك ما حب اتدخل بخصوصياته
المهم اني واثقة فيه واهو واثق فيني