زوجج و تايلند!!!

[whisper]

السلام عليكم

حبايبي اذا زوجج ياج و قالج بروح تايلند مع ان اهو مو متعود يسافر بدونج وبروح مع ربعه اذا انتي تثقين فيه وايد بس المشكلة ان بعض اللي معاه خرباطيه و بعضهم خوش ناس شلون تقنعينه مايروح؟؟؟؟؟؟


ما ينفع اسلوب التهديد يا انا يا السفر لان ممكن يطقج بالطوفة !!!

فا شتسوييييييييييييييييييييييييييييييين؟؟؟؟

 

[Gatwa]

حبيبتي دام واثقه من ريلج لاتخاافين من شي وريلج مرده لج مهما يسوي مهما يقول انتي بعيونه

 

[فارسة خالد]

حبيبتي دام واثقه من ريلج لاتخاافين من شي وريلج مرده لج مهما يسوي مهما يقول انتي بعيونه

:ggdw::ggdw::ggdw:

 

[brettey]

شوفي انا زوجي يسافر بروحه واوثق فيه بس انا مو راضيه على سفراته وعناد فيه اطلع مع رفيجاتي واهيت معاهم وهو موراضي يس اسوي نفس مايسوى اقول له مثل ما انت مو حاط لي قدر وبتسافر انا بعد بطلع مع رفيجاتي وبستانس وفعلا اطبق اروح مجمعات وقهاوي وسينما ومطاعم يوميا
خل عشان اذا احد من اهله شافني خل يقولون اي مسافر ومهيت زوجته من رداه
وطبعا هون عن السفر لان اخر مره ما استقبلته رد يعني يسوي لي مفاجاه لقاني طالعه مع رفيجتي ورد معصب قلت له شين وقواه عين هم مسافر وانا مو راضيه وهم تبيني استقبلك وكنت حيل بارده معاه بالمعاشره وحسسته اني كلش مو ولهانه عليه وطبعا استخف ومن عقبها ماسافر بس لو يفكر يروح تايلاند اذبحه مافيها روح وتعال ولو رد ما اخليه يلمسني حتى لو واثق فيه كلش ولا تايلاند بعد هذا الي ناقص

 

[قصه طويله]

يابنت الحلال اللي هاديه الله ماعليج منه

ليش بالكويت ماعندنا فساد ؟؟ كل شي متوفر وشغل نظيف بعد نسال الله العافيه


انا وحده اخليه والله وراح تايلند وغير جو وجاب لنا الهدايا واستانس

يااختي ودج مرات تعطين الزوج فجه شوي من الروتين وهم من وجيهنا ههههههههه

ترا عادي بس احنا وحده توز وحده والله جد انا يوم سافر يوووووه راح يعربد راح يخربط راح مادري شنو ؟؟
والله يعين

 

[تآعِبنْ قَلْبِيْ]

ليش العنآآد بعد ..

أخليه يسآفر ويستانس يكفي ثقتي فيه ^.^

 

[Gatwa]

:ggdw::ggdw::ggdw:

فديتج ياحياتي انتي :eh_s(8):

 

[whisper]

الله يعطيكم العافية انشالله :dddds:

 

[*يارا*]

قوليله بصراحه أحبك وأغار عليك واذا سافرت راح أكون طول الوقت متضايقه إذا ترضى علي سافر الله يحفظك

وإذا ما نفع هذا كله وسافر

استغفري وادعي الله يحفظه ويخليج بين عيونه ماكو أحسن من حفظ رب العالمين

ولا تعطين من نفسج وايد لأن راح يكون سافر وفكر بنفسه وناسته بس

ما أقصد إن يكرهج أو ماله خلقج لا حبيبتي بس اهوا فكر بنفسه أكثر منج

فبتكونين سويتي إلي عليج فلا تعطين من نفسج وايد

ادعيله الله يسهله ويسخره حق رب العالمين وسخره لج

وانتي اذا سافر دلعي نفسج ولا تدقين عليه كلش ملش خلي باله على طول معاج طلعي وروحي

ولما يسافر ودق لا تسألين وين رحت وشسويت خليه يسولف عشان شيين أول شي خل يطلع الكو والماكو

وثاني شي خليه على طول يسأل نفسه شفيها ووينها خلي باله كله معاج

اسفه على الطواله وبالتوفيق يافلبي

 

[~*~الملكة~*~]

دام واثقه فيه اول مره ميخالف

خل يرووح دام بخاطره السفر

بس ذكري بربه

والي يبي الخراب يلقاه بكل مكان مو محتاج يسافر

علشان يدوور الخراب

اهم شي لي بغى يسافر رتبي جنطته

وحطيله رسالة فيها تذكرينه بحبكم وانج بتشاقينله

وذكري بربه وحطيله مصحف

وانتي ادعي ربج ان الله يحفظه ويصونه لج

 

[رافعه الحاجب]

اذا اهو متعود مالج الا انج تدعين ربج اذا سفرت فيها شر له ولدينه انه يصده عنها واذا فيها خير ييسرها له والله يعينج

 

[noorq8]

حبيبتي يمكن اللي مخليج موسوسه ان في معاه ناس مو مضبوطين ..........ترى تايلند مو بس اللي ببالكم تايلند ونييييييييسه للشباب سياكل بقيات جت سكي باراشوتات سباحه حداق يعني وناااااسه فانتي الوحيده اللي تقدرين تحكمين على ريلج اذا هو راعي وناسه وبحر معناته لقى ضالته فخله يروح يستانس .

 

[asooomaQ8]

والله لا بغى السفر ما يرده احد

الله يهديهم بالكويت ولا برا

انا توه قالي باجر ماشي مصر قلتله ماتشوف شر شسوي بعد اشق اهدومي


بس مو ناويه ادق عليه وبفرفر كل مكان مثل ماهو يبي يستانس حتى انا ابي استانس

الله يعين قلبي

 

[*peace*]

وعليكم السلام ورحمة الله وبركاته

والله ياقلبي ماادري

بس قوليله صل استخاره

وانتي همن صلي استخاره عشان ترتاحين نفسيا

تايلند مثل ماليزيا سوالف بحر وسباحه وملاهي يعني سوالف وناسه

وانتي لي بغاى يروح ادعي استودعك الله اللذي لاتضيع ودائعه واكو دعاء ثاني بس ناسيته بس معناه

اللهم اني استودعك زوجي وقلبه .....

بس همن بنفس لوقت لاتبينين له انج موافقه ميه بالميه لاخليه يحس بالذنب شوي عشان مايكررها​

 

[ام جناتي]

يا انا يا تايلند

 

[روعه الأحساس]

حبيبتي عمر العناد مانفع بس إنتي قوليله أنا أخاف بروحي وبيتي مايسوى من دونك وأنت شمعه البيت ومن هالكلام الحلو لاتسمعين كلام البنات إلي يقولون لك هديه وروحي ترى محد راح يدوملك ومع احترامي للبنت إلي تقول إذا سافر أهيت لا موبالطريقه هذي تصلحين الموضوع وإذا أصر لاحول ولاقوه شتسوين بعد الله كريم

 

[whisper]

ماقصرتو يا بعد عمري كلكم ,,

انا والله مارحت تايلند من قبل فماادري شلون الوضع هناك رحت ماليزيا بس ,,
فما ادري شنو فيها وشلون الوضع هناك

 

[*ريما*]

عادي خلية يسافر
بالعكس الرجال يحب ياخذلة فترة راحة شوي ويرجع لزمان العزوبية
ودام الثقة موجودة
قولي لة تروح وترجع بالسلامة حبيبي

 

[ALSHD]

حبيبتي لو يبي الخرابيط بيلقاها هني دام الثقه موجوده لاتحاتين

بس مايمنع انج تكلمينه اكثر من مره واذا كان خاطره يروح ومصمم انه يروح خلاص استودعيه الله

ولا تخلين الشيطان يدخل بينكم

والله يسخره لج

 

[شووكولاته]

ادعي ان الله يصرفه عن هالسفره