موضوع حيوي ومهم في العلاقة الزوجية تشكرين عليه صاحبة الموضوع
من وجهة نظري مفهوم الصداقة بين الزوجين يختلف عن مفهوم الحب بينهم وأعتبره أكبر وأعلى من منزلة الحب..ومن الطبيعي إن الإنسان ما يصادق ويفتح قلبه إلا لشخص يميل له ويحبه وبجذي الصداقة اهي اللي ترفع وتعلي مقدار الحب بينهم..وما يصير بينهم أي تكليف ولا مجاملات ولا رسمية ويتشاركون الأفراح والأحزان والألم ويستشيرون بعضهم في كل الأمور ويتشاركون في إتخاذ قراراتهم...
بالنسبة لي هالعلاقة جداااااااا رااااااااااائعة والوصول لها مو سهل ويحتاج مجهود جبار ووقت طويل خاصة مع الرجل الشرقي والكويتي بالذاااات...
واللي تبي تعرف إذا كانت وصلت لهالنتيجة ولا لأ؟ تشوف تصرفات زوجها معاها..إذا عرض عليج تشاركينه مشاويره حتى لو ما تخصج وفضل الطلعة معاج على ربعة..إذا حب السفر معاج إنت دون أي أحد ثاني..إذا شفتيه يشكيلج بدون ما تسإلينه ويفتح قلبه ويقول كل الاولي والتالي ويتكلم بأريحية..أبشرج وصلتي:eh_s(9):
نصيحة تقربي له ورافجيه حسسيه إنج رفيجته مو زوجته وبس خليه ياخذ راحته بوجودج معاه في كل مكان وعطيه متعة ولذة بمشاركتج له كل شي ولازم هو بعد يعطيج هالشعور..وهالشي موبس علشان تسعدينه لأ علشان إنت بعد تسعدين بحياتج وعلاقتج معاه لأن برايي المرة بعد محتاجة هالإحساس..
كوني له كل شي الزوجة في البيت وجدام الناس والعشيقة في لحظاتج الحميمة معاه والصديقة بكل وقت ووقفاتج الصادقة معاه والأم اللي تغفر زلات ولدها وبيكون لج كلللللل شي الزوج والعشيق والصديق بمواقفه معاج والأبو اللي يسامح بنته لي غلطت...وكل علاقة في الدنيا أساسها واحد ما يتغير(الإحترااااام)..
آنا أطلع معاه ويفضل طلعتي على طلعته مع ربعه مثل ما أفضل طلعتي على غيره ونقعد بالمطاعم والقهاوي وانتمشى بكل مكان ونضحك ونعلق (كويتيين)وأحيانا لما يشوف وحدة حلوة ويقول موحلوة بالعكس أمدحها لأني أحب الزين وأحسه قاعد يجامل والشمس ما اتغطى بمنخل وبحسسه إن الوضع عادي لكن مومعناته إنه يمدح لأأأأ لكن في هالمواقف الصمت أفضل من تعليق غير صحيح...آسفة على الإطالة
الله يسخر لكم أزواجكم ويوفقكم بحياتكم يارب ويعطي كل وحدة على قد نيتها
بارك الله فيج
