زوجج والإنستغرام

[Ferkaita]

اييي عادي مافيها شي اذا انت واثقة من نفسج ومن ريلج شالمشكلة اذا ضاف بنات وترى الريال يحب المره الواثقه من نفسها وانا عندي انستجرام وعيزت اقنع ريلي اني اسويله اكاونت مو راضي يقولي هذي سوالف ناس فاضية لووول

 

[امـ خــزامـى]

انا اشوووووووووووف ان جدا عادي وين المشكله
هوايه ولازم تشاركينه فيها وتدعمين بعد وتساعدينه
بالعكس داائم وابدا كل الرجال يحبوون الحرمه اللي تهتم له ولهواياته
وتشاركه فيها

 

[احلى ديما]

لا ما ارضى لان كل سوالف الخيانات بدت بدون قصد

 

[سلاسل ذهبيه]

اذا هو محترم ماكو مشكله حنا بعد ضايفين دكاتره وعلما ومشايخ واصحاب محلات والانستغرام ارحم من المنتديات عالاقل مافيه خاص ولافيه مجال للكلام كلها صور وتعليقات بسيطه

 

[روحي82]

لا ما ارضى لان كل سوالف الخيانات بدت بدون قصد

اي والله صااااجه هذا من باب الشيطاان الله يكفيناا شرهم بعدين الاخت الي تقول كله علني علي فكره ترا حتي التعليقات يقدر يمسحهاا والصور بعد

الله يثبت رياااجيلنااا ويبعد عنهم بنات السوو ويبعدهم عن شباب السوء ويصلحهم اللهم آمييين

 

[Queen N]

انا اشوف الموضوع حييييييييييييل عادي
خاصه ان اهو مصور محترف يعني يبي راي الناس بهوايته و شغله اللي تعبان فيه
على فكرة , بالانستغرام ماكو وسيلة تواصل برايفت لووول
يعني ما يقدر يدزلها مسج او شي . . الكلام يكون عالصور و جدام الناس

و بعدين اللي يبي يخربط يقدر يخربط بكل مكان حتى لو حطيتي عليه بدي قارد

 

[ام خلوودي حبيبي]

اييي عادي مافيها شي اذا انت واثقة من نفسج ومن ريلج شالمشكلة اذا ضاف بنات وترى الريال يحب المره الواثقه من نفسها وانا عندي انستجرام وعيزت اقنع ريلي اني اسويله اكاونت مو راضي يقولي هذي سوالف ناس فاضية لووول

مشكوره حبيبتي عالرد بس مو موضوع ثقه موضوع غيره وحب وخوف عليه

 

[ناتشوو]

للعلم
الانستغرام فيه
خاص
في برنامج انستامسج
نفس اسماءنا بالانستجرام
وهات ياسوالف


ام خلودي
هو مستأذن منج اذا ايه خلاص قولي لا تضيف
واذا رايح برايه خلاص لا تسوين مشكلة
والانستجرام هبة وبينتهي

 

[a7la_7b]

لا طبعا ما أرضى

 

[بنت أبوي 1]

ما ارضى طبعا

 

[Miss Glamorous]

عادي الانستغرام ما فيه خرابيط كل شي واضح جدام الناس

اللي بيخربط يخربط بمكان ثاني ومدام انا واثقه بريلي ما عندي مشكلة

 

[نسمات 26]

الحين الانستغرام فيه خاص

في برنامج اسمه انستامسج الي موجودين عنده بالانستغرام يقدر يكلمهم برايفت

 

[nadra]

اذا الوحده واثقه من نفسها عاديييي

 

[الاحساس]

ما أرضى
أغاااااار

 

[الاحساس]

مثل ما أهوا مايرضى أضيف شباب حتى أنا ما أرضى يضيف بنات

 

[PuPa^^SWeeT]

لا ما ارضى

 

[english muffin]

كثرة الضغط يولد الانفجااااار
انتوا يا ماعندكم ثقة بنفسكم يا ماعندكم ثقة برياييلكم
الي بيخون او بيلعب عنده الف طريقة وحيلة

 

[Tulips]

حتى لو مارضيت وبينتله هالشي
بتقنعيني ماراح يسويله اكاونت ثاني ويسوي اللي يبيه فيه ؟
مافيها شي خليه يضيف ويعلق ويحط لايكات ما اقولج هيتيه لا بس انتي راقبيه من بعيد لبعيد

 

[نونه المنكوشه]

بالعكس مدام محترم وكل شي ع عيني وين المشكله حبيبتي اخذيها قاعده اللي بيخربط يحطله الف اكاونت واتحداج اتصيدينه وفرضا مارضيتي بعطيج ع جوج وبيفتح ثاني من وراج بالعكس عطيه الثقه ودشي معاه وشاركيه وشوفي كلامه وخليج معاه انا ماشوف فيها شي عادي مدام انه فارض احترامه تري الريال بالنهايه انسان وله كيانه وشخصيته مويعني تزوجة ملكته محد ملك احد كلنا ملك الله سبحانه انا ماحب حب التملك احب اعطي الانسان حريته واذا خان الثقه اكيد بيكون كلام ثاني و لكن اذا محترم خليه يعيش حياته وهوايته وانتي معاه ويمه وزوجته ورفيجته وكل شي والله يدوم عليج السعاده ويسخركم لبعض

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ