زوجج مايبيج؟! دشي مني

[حواري]

الله يعينج

 

[أسما]

مرحبا اختي انا بقول لك المختصر المفيد بمجموعة نقاط و ما ابي الا ان الله يهدي سرك و يسعدك و يحقق لك كل ماهو خير لك و مو شرط الخير يكون اللي تتمنينه.

اولا: لا تستشيرين الا المختص الامين و مشكلتك ما يحتاج لها طبيب نفسي. ان شاء الله راحتك بيد رب العالمين.
لا تسمعين اكثر من رأي لان الاراء المختلفة تزرع الشك بقلبك او تزيد على النار بنزين.

انا في عبارة احب ارددها وهي اننا لازم نعيد البناء لحل المشكلة لكن الترميم يغطي المشكلة ولا يحلها.

انصحك و من كل قلبي انك تتواصلين مع الدكتورة ناعمة الهاشمي و اتمنى انك تاخذين نصيحتي من محمل الجد.

ثانيا: كلمة اصبري مالك غير الصبر و كلمة اتطلقي اهم شي كرامتك امسحيها من قاموس حياتك نهائيا.

لأنه زوجك انتي لحالك و انتي لك الاحقية فيه سواء كان يعاني من اي شي او لا سمح الله على علاقات خارج اطار الزواج.

ثالثا: لا تقعدين تندبين حظك و انتي حاطة ايدك على خدك و تبكين طول الليل و هو بعالم ثاني ولا تتكلمين معاه بهذا الموضوع لان الفعل اهم من القول.

للأسف ما راح يكون الموضوع سهل عشان كذا لازم تكونين قوية لنفسك و لأطفالك.

ارجع و اقول اتواصلي مع الدكتورة ناعمة الهاشمي و بأسرع وقت و اذا ما قدرتي شوفي لك استشارية علاقات زوجية و اسرية أمينه و ثقة مو وحدة همها الفلوس و بس.

خلي شخصيتك قوية و اذا طلبتي من زوجك شي حطي عينك بعينه و انتي كلك ثقة.

و اذا ما نفع اي شي قولي له انا ابي رجال مسؤول قادر على انه يكون زوج بكل المقاييس لكن اذا ما قدرت توفر هذا الشي فأنا ابي اتزوج رجال يشاركني حياتي و يحسسني بوجودي و انوثتي لاني ما زلت صغيرة و المستقبل قدامي. يا امساك بمعروف او تسريح بإحسان.

لان يا حبيبتي الحب مو كل الحياة ياما ناس تزوجت عن حب و خف البريق لان الزواج ما ينبني على الحب.

و ادعي ربي انه يشرح صدرك ياااااا رب.
​

 

[دلع الشمال]

الحمد لله على كل حال احمدي ربج يختي على الخمس سنوات لو تعرفين قصتي شنو بتقولين

انا متزوجه من 33سنه ومن قبل اكثر من عشر سنوات صار لي الي صار لج بس انا صبرت عليه لانه عندي ولد وبنت

وصبرت وزوجتهم وكملت دراستي الثانويه انا صبرت عشان عيال والحين صار عندي فرااااغ كبيرررر

لانه مانعني من الشغل او سواقه السياره شنو برايكم الحل شفتي انه شي اهون من شي

الله يفرج هم الجميع حبيبتي

 

[سندس 90]

مع شادن

 

[اذوب بكلامه]

حرام تظلمين نفسك التعايش مع الوضع مو حل ابدا الطلاق اهون مية مره من العذاب النفسي الي عايشته
الله يعينك لا انتي قادره تتطلقين ولا قادره تتعايشين مع الوضع

 

[عزيز قلبي]

ذكرتيني برفيجتي كانت نفسج بالضبط تحس زوجها ما يبيها مع انه تزوجوا عن حب تلبس ما تلبس ولا
يتحرك فيه ساكن حتي ما يفكر يطالعها واهي لابسه وقاعده تمشي جدامه ولا يصير بينهم هالشي الا كل وين ووين
كانت تموت الف مره باليوم وبالليل بجي بجي مقهوره ليش لابستله ومتعطرتله واهو اول ما يحط راسه علي المخده
شخر وراح بسابع نومه وتقعد اهي تاكل بنفسها لين ما قالت بفتش سيارته وفعلا خلته نام وراحت فتشت ولا تلقي تلفون
خاشه وكله ارقام بنات ومسجات وصور مفاسيخ يابت التلفون وقطته بويهه وقالتله الحين عرفت ليش انت بارد وياي
وما تشتهيني لانك مشبع نفسك مع بنات الشوارع بالتلفون تسوون كل شي وتييني تعبان خلاص وشبعان قعد يتاسف ويبجي ويقول لها سامحيني والله احبج واهي صممت علي الطلاق لان كانت جرحها جرحين لكن بعدها حلفت انه ما راح يعنيلها شي
وشالته من راسها واهتمت اكثر بنفسها مع انها اساسا ما عليها قاصر لكن اندمت علي الايام اللي ضيعتها في البجي والسهر والتفكير في واحد مشغول بغيرها وبشهوته ونزواته وسبحان ربج الشي لما تعوفينه يرقض وراج قام زوجها يتحسن
شوفي حبيبتي زوجج شايفج وايد مشغوله فيه ويدري ان كل تفكيرج وياه فمطمن اخذي قرار انه يكون اخر شي ممكن تفكرين فيه
واهتمي بنفسج وبعيالج وصدقيني تقدرين تدربين نفسج شوي شوي لين ما تحسين ان ما عاد له اهميه في حياتج اعتبري نفسج مطلقه وعايشه عند اهلج بدون زوج عشان الياهال لا يضيعون وكله انشالله في ميزان حسناتج ولا تنسين الريال كالظل ترقضين وراه يرقض منج وترقضين انتي يرقض اهو وراج

 

[كياني المجروح]

عقب ما قريت مشكلتج بشاركج بمشكلتي وهي نفس مشكلتج بالضبط ما يدري عني ما يصير جماع الا من شهرين او اكثر لا ويقولي لا تحاسبيني خليني على راحتي متى ما جيتج جيت وقاحه على مستوى
وطبعا اللبس واكشخ وانا من الاساس حلوه بشهادة اللي حولي وجسمي مرتب ومليان على حلوو بس قام يشوفني درررام على قولته واهو جسمه جلد على عظم وانا ساكته ولا عمري علقت وانا اللي الكل يتغزل فجمالي وجسمي صار يشوفني قبيحه
وهو من الاساس صار ما ينام فالغرفه بالايام واذا جيت احاسبة يدخل الغرفة مغصوب
وانا الصراحه استحملت هالوضع 4 شهور وعقب انفجرت وصارت بينا هوشة وسب وطق وطردني من البيت وانا حاليا فبيت هلي لا وفوق هاي كله يقولي طلبي خلع
ماعرفت شنو مشكلته بالضبط لانه النقاش كان معدوم بينا

الحمدالله على كل حال

 

[كياني المجروح]

بليز اللي تعرف اشلون اتواصل مع الدكتورة ناعمة الهاشمي تساعدني وبكون شاكره لها

 

[سمراء كويتية]

اب اب

 

[تحب اختها]

لاحول ولا قوة الا بالله ... الله يفرج همك ويفرح قلبك عاجلا غير آآآجل

حبيبتي الحل سهلللللللللللل .... واستمري عليه وبإذن الله بتشوفين اللي يسر قلبك


الزمي الاستغفار يومياااا ..... استغفري 1000 مره واكثرررررررررر .... استغفري من كل ذنب .... الاستغفار حل لكل مشاكلنا ويكفي قول نبينا صلى الله عليه وسلم (( من لزززززززززززم الاستغفار جعل الله له من كل هم فرجا ومن كل ضيق مخرجا و رزقه من حيث لايحتسب)) .....

اختمي سورة البقره يومياااا او كل 3 ايام ولو مكسسسسسسسسسسسله ... بالاسبوع مرتين .... وانتي وشطارتك ..... لان اخذها برررركه وتركهااا حسررره ولا تستطيعها البطله أي السحره

الصدقه الصدقه ... ترا الصدقه امرها عظيييييييييييييييييييييم .... والاهم تتصدقين من الشي اللي تحبينه وتدورين اللي يستحقهااا

رددي لا اله الا انت سبحانك اني كنت من الظالمين

قووومي الثلث الاخير من الليل وصلي قيام ولو ركعيتن وادعي ررربك ... اشكي ... وقولي كل اللي بقلبك ... والتجأي لربك سبحانه اللي قلبك وقلب زوجك وقلب كل هالعالم بين اصبعين من اصابع الله يقلبها كيف يشاااء


لو استمريتي على هالشي بتشوفين نتيجه تسرررررررر خاطرك وراحه نفسيه ... وبتكونين احسن من غيرك ... ترا لك 5 سنين وانتي على هالحال والوقت يمرررررررررررر والحل بين يدك .......

 

[أإلع ـشق دلع ـهـأإ]

امممممم


مسستحيييل لازم في جزء مفقووود والجزء هذا عند زوجج

في انه مسستحييييييل

كلميه قوليله لي متى عالحال هذا ؟؟

ماتقدر تنام معاي ليش مجابلني ؟؟

ماتحبني لييش قاعد عندي ؟؟؟

حبيبتي ابحثي وابحثي ترا زوجج في شي مانعه عنج تقولين يكلم بنات يمكن هذا سبب بعده عنج

لا تقولين مايسوي شي الزمن هذا مافي ثقه مابي اشكك بزوجج بس لازم نعرف القضيه لازم نعرف

ابحثي يمكن اصدقاء السوء خربوه

مابي اتكلم اكثر انتي الحل بيدج

 

[Mamselle]

لازم لازم طرف ثالث يعرف المشكلة من الطرفين.. ما يكفي انج تشكين لنا بروحج هني لازم حد يكون شايف الموضوع عن قرب.. و متكلم مع الريال.. لذلك انصحج قد ما تقدرين انج تروحين معاه لدكتور نفسي ثقة

هذا واجب عليه اصلا و حراااام الي يسويه..لا تتنازلين عن ابسط حقوقج كـ زوجة ولا تطنشين الموضوع

والله يفرج عليج يا رب

 

[نـعـومـه]

استشيري دكتور ثاني يمكن يفيدج

 

[عذبة الأوصاف]

والله مادري شقولج بس نصيحتي لج لاتربطين العلاقة الحميمة بعلاقتكم ككل ييمكن الرجال مايفكر بهالشي عندة مشكلة ومايقدر يقولج عنها لكن دامج تحسين انة يحبج ومكفي بيتة وعيالة ومسؤولياتة كاملة خلاص مو لازم عيشي وتأقلمي ع هالأساس غيرج يجي سكران ويضربها الليل والنهار يعني لوتشوفين مصايب غيرج تهون عليج مصيبتج انسي وعيشي هذي نصيحتي لج صدقيني كل رجال عاهه لازم فية عيب

 

[banota_kuwaitya]

كويتيات بعد قلبي.. شكرا لكل من شاركني بالرد والدعاء لي.. ربي يفرج هم كل وحدة فيكم ويعطيها فوق نيتها.. قولوا آمين يارب وسامحوني إذا نسيت ذكر اسم وحدة فيكم يمكن سقط سهوا



عَيارة اي والله للحين أحبه وهذا اللي مسكتني

قلب الزعابي صدقتي والله يسهل يارب

سمراء كويتية مشكورة حبيبتي

أنيقة الملامح اي رحت وعطوني أدعية وأذكار وماي مقري عليه وطبعا قراءة القرآن الكريم

MinnieMouse حبيبتي والله انتي اللي عورتي قلبي، الله يسهل علينا يارب ويفتحها ويفرجها يارب، ما خاب من قال يارب

Red El Rainbow هذا اللي أنا مسويته دورات وجمعيات نفع عام ومنشغلة بنفسي وعيالي ورفيجاتي وإن شاءالله بستمر ع الشي هذا لأن خفف من اللي فيني الحمدلله

al-musk شكرا حبيبتي على مرورج

انت العمر كله مشكورة

أمونيتا ماقدرت أرد عليج بالخاص بس ماقصرتي على مساعدتج، ربي يعطيج خير مافي هذي الدنيا ويرزقج الجنة يارب

أميرة الورد شكرا

حواري الله يعينا كلنا يارب

أسما كلامج عين العقل وأنا مني بس حبيت أفضفض وأشوف البنات اللي مثل حالتي شنو سووا، شكرا ع نصايح الطيبة ويارب الله يوفقج بكب خطوة

دلع الشمال الله يمسح ع قلبج، دايما افكر باللي مثلج شلون استحملوا واخاف من هاليوم اللي عيالي كل منهم ما يكون بحاجتي واقعد أندب حظي.. الله يعينج مادري شقولج والله

سندس شكرا لمرورج

أذوب بكلامه شكرا حبيبتي

عزيز قلبي أنا أبدا مو شاغله نفسي فيه، لي حياتي مع عيالي وأهلي ورفيجاتي بس مشكلتي لي ياه الليل اهني اللي كل شي ينقلب.. الله يسهل ومشكورة ع ردج

كياني المجروح هذي الجملة اللي تبط الجبد اييج من نفسي وماكو شي بس سالفتج صعبة دام وصلت لحد الطق فماظن يستاهل العذاب اللي تعيشينه، الله يسهل أمورج ويعوضج خير يارب وياريت حد يساعدنا ويقولنا شلون نتواصل مع د. ناعمة الهاشمي

تحب أختها شكرا ع مرورج

Mamselle اهو شايل من راسه فكرة الطبيب النفسي عقب ما جربه مره مع انه مدحه !!!!!

العش دلع الجزء المفقود أنا بروحي قاعده أدوره ومو لاقيته ولا جان عرفت الحل من زمان، حتى منه ما فهمت شي

نعومة استشرت دكتورة نفسية وقريت وبحثت والله يسهل

عذبة الأوصاف كلامج عدل بس هذا الشي الصعب عندي إني أتعامل معاه بشكل منفصل، ساعات أتحمل وساعات أفصل وأين وأربط كل شي مع بعضه، وصح والله الحمدلله ع اللي انا فيه، غيري الله يعينه ويفرج همه

 

[rose2012]

قوة حبيبتي
شوفي بساعدج باللي اعرفه *انشالله الحل موجود
من رايي لا تهدينه لا تستسلمين جربي وايد اشياء و كلمي شيوخ الحل موجود*
انا اتوقع مسحور والسحر مذكور بالقران بسوره البقره :فيتعلمون منهما ما يفرقون به بين المرء و زوجه
لا تستبعدين ان مسحور نهائي وللا تشيليه هالاحتمال من بالج شكثررر رياييل مايقربون من حريمهم بهالسبه و في انواع *** اسود قوي مايتاثر بسهوله وفي سحره زاهبين بس ينفك السحر يجددونه*
اعرف واحد مسحور صارت مشكلته ببدايه هالسنه ين و قعد مايبي يداوم بيذبح اهله يقول بيقص راس امه محد مقتنع ان مسحور يقولون انفصام *صوتي راح وانا اقولهم و هما لا شلخرابيط *** من طبيب لي طبيب من فحص للغدد و هرمونات و تصوير مخ كله طبيعي و دكاتره *نفسيين ويعطونه حبوب وجلسات يخربطون على راسه و يقولون في انفصام و اكتئاب بعدين لجئو للمشايخ ملوت * فك *السحر في بعضهم حطو ايدهم على راس و يقرون و ماكو فايده لدرجه كان يحط ايده على راس الشيخ و يقرا يقوله شفت مافيني شي ويضحك عليهم ومشايخ الكويت مو وايد يعني راح يمكن ل 15 شخص بالكويت و في منهم قال اقص ايدي اذا فيه انا فيني واهوا لا لان يقرا عليه بالساعات وماصار شي *
بعدين رحنا للمشايخ الاقوى ملوت حفر الباطن السعوديه وبعضهم يتعاملون مع الجن يعني يدزون جني يكلم قرينه و يقولج في *** بس قوووي اسود مايتاثر باي شي ومن فلان*
فهالمشايخ شنو قالوا ؟ في عين قويه و مس و ***
وبالكويت قالو مافيه شي *
وخل يقرا هالايات *اتوقع اول سبعه من سوره الصافات يكررها وايد و صج قام يقرا و صوته يقلب بنت صغيره مرا معصبه مره سوري*
وعطوه ماي مقري و شوي شوي رد مثل اول*
الكل انصدم دوري بالنت في مشايخ قوين و تيبينهم الكويت يبون اقامه بفندق يستلموونه ليمن يتشافا اول شي يقولج اذا في شي او لا*
ولا تستبعدين السحر نهائي الولد اللي قلت لج عنه مشكلته يقولون صاكينه عين قويه و جن حابينه وساحرينه *
يمكن انتوا منصكين عين لان تحبون بعض*
الله يفرجها عليج
واذا تبين حل سهل روحي مكه بس عينج تروح عالكعبه رفعي ايدج ادعي باللي تبينه*
انا و ثلاث بنات جربناه *وكله صار لازم اول ماتشوفينه اللي تزوجت و اللي نجحت و اللي تخصصت مكان تحقيق المعجزات للامنيات المستحيله*
بس ديري بالج من هالمشايخ في سحره لا تعطينهم صورته او لبسه*
في يبون بالاف وخرطي
بس ترد امي من الدوام بعطيج رقم الشيخ اللي درا ان في *** و خلاه يتكلم بصوت بنت شي عجيب
واهيا خذته من وحده امها تشافت من *** قوي خدامه ساحرتها*
وترا هالشي وايد يجرح الريال *بالصميم *ويحسسه بالنقص يعني تلقينه يبجي وهوا بروحه ومايدري شسالفه يعني مو بايده الحل*

 

[الـجـميلة]

في بينكم حب وعيال بس مشكلتة مرضية راعية حاولي تساعدينة حلك مو انفصال لان في بينكم حب وعيال ليش تعذبين نفسك اكثر لا تستعجلين وتندمين انا من رئيي شاوري اخصائيين واهو يتعالج لو ماتعالج اليوم بكرا ان شالله ولسى انتي فبداية مشوارك معه لا تخلينة نصيحة والله يشفية ويخليكم حق بعض ويسعدكم

 

[شيخة آلغيد]

حبيبتي .. ربي يسخره لج ويهديه ويجعلج قرة عين لزوجج

انا من ناحيتي دام المشكلة مب طبيه ولا فيه مرض لا سمح الله

اشووف لو تروحون حق مطووع احسن يمكن معاه عين من احد

يعني يكون زوجج بخاطر احد وانتي ماتدرين العين حق

والزمي سورة البقره بس شهر كاامل وخلج واثقة ان الله قاادر يغير من حال الى حال

واتركي موضوعج لربج واشكي له العباااد محد بيغير لج شي

وربج كريييم

تحيااااتي

 

[ماريا.]

الله يعينج يارب أنا أخاف الموضوع فيه سحررر يارب يكون بعونج
ويفرجها عليج وعلينا يارب

 

[ماريا.]

أنا ضد الطلاق