زوجج فيه التهاب الكبد الوبائي ؟ ابي رااااااااايكم حريم .. وبنات

[ما يوصفني قصيد]

هلا حبيبتي انا بعد نفس حالتج
عقب فحص الزواج بين ان عنده فروس الكبد الوبائي الخامل
وخلوني اشوف دكتور الصحه الوقائيه واللي شاف نتايج زوجي
وقالي دامه خامل لا تخافين
بس لازم انسوي لج فحص دم عشان نشوف اذا عندج مناعه ضد المرض
واذا طلع عندج خلاص توكلي على الله وتزوجيه ومب معاديج
وطالما هو مب معاديج معناته الاطفال بالمستقبل مب صاير لهم شي
اما اذا طلع ماعندج مناعه تاخذين 3 تطعيمات
تاخذين الاولى الحين والثانيه عقبها بشهر والثاله عقب الثانيه ب 6 شهور
وانا بعد كنت متمسكه فيه لان رجال طيب وفيه خير والحمدلله سويت فحص الدم وطلع عندي مناعه ومااحتجت التطعيمات
وحتى لو بحتاجهم بعد عادي باخذهم دام ان في النهايه هو مب معاديني
انتي سوي نفسي شوفي دكتور الصحه الوقائيه وخله يشوف نتايج زوجج ويفحض دمج
والاهم من هذا كله استخيري والله ايسر امورج حبيبتي
ولا تخافين اكثر البنات مروا باللي انا وياج مرينا فيه والموضوع جدا عادي
وترى هالمرض مب مبرر لرفض هالرجال اللي متقدم لج لان مب معاديج اذا سويتي اللي قلتلج عليه
واسمحيلي عالاطاله بس حبيت افيدج باللي عندي وموفقه

 

[العز58]

انا ولد عمي فيه بس ماادري خامل او لأ وعندة بنتين وسمعت ان وحدة من بناته فيها وتاخذ ابر
ياقلبي صغيرة عمرها 3 سنين وماسمعت ان المرض اصاب زوجته ماادري بس هذا اللي اعرفه

 

[العز58]

سمعت انه وراثي يعني يصيب عيالهم

 

[s7ab]

حبيبتي اسألي دكتوور احسن

 

[Zaina-al-zaina]

الله يعينج خيار صعب

حاسه فيج حبوبه

الزواج موسهل هالايام ...!!

بس صدقيني الامراض الجسديه اهون بوايييييد من الامراض النفسيه !!!

يعني لو على هالمرض بروحه ! قلت لج عادي اخذيه بس لازم تستخيرين !!!

خوفج هالمرض يخليه كئيب ويعيشج بوسواس على نفسج انتي وعيالج !!!

اذا تبين بدايه حياتج جذي كيفج !
واذا لج قدره على التحمل وافقي عيه !
ترى محد كامل !
اما اذا حاسه ان بس عندج رغبة بالزواج ونزوه من خوفج على مستقبلج عيدي الحسابات ....
لان الارزاق بيد الله وحده

الله يرحم حالي وحالج وحال جميع المسلمات ويعافينا ويعافي ازواجنا وذرياتنا

 

[سمر شمر]

الله يسهل عليكم ويشفيه ياارب

 

[ريوم قلبي]

بنااااات لاااازم تفرقون بين الالتهاب الكبدي لانه انواع بي له تطعيمات اما سي ماله تطعيمااات للتوضيح فقط

 

[أم غيثة]

استشيري طبيب متخصص و الله ييسر اموركم و يكتب لكم الي فيه الخير و الله يشفيه ان شاء الله و استخيري الغالية و ادعي ربج يوفقج للي فيه الخير لج

 

[مناتي22]

السلام عليكم

غاليتي اذا الي خاطبج سواء فيه نشط او حامل الفيروز الكل اللي يتطلب منج اذا انتي قبل مواليد 90 انج تاخذين تطعيم واحد فقط لا غير لحد يقولج لازم ابر وكل ماحملتي ولا شي انا يالغاليه كان فيني التهاب الكبدي بااء وكان نشط واثر الكبد بس ولله الحمد تعالجت والحين مافيني الا العافيه متزوجه وعندي عيال وماضرهم !!
وعن اغراضه الشخصيه عادي ماياثر فيج مادام مطعمه
عسى ربي يوفقج

 

[حلمي وامالي]

صديقتي زوجها معاه الكبد الوبائي الله يعافينا اجمعين
اسالها لك واشوف لو قدرت

 

[Amlly Ent]

انا زوج اختي فيه هالمرض و الحمدلله اختي مافيها شي مع انها متزوجة من اكثر من 15 سنة و عندها عيال و مافيهم شي
و اخوي فيه هالمرض و خامل و كاهو تزوج و عنده بنت و ولد والحين زوجته حامل و زوجته مافيها شي و عياله سليمين بس اول الزواج زوجته خذت ابره وحده بس
و بعدين دام انه خاااامل و النوع اللي فيه b هذا ماينخاف منه و اذا خامل يعني حاله حال اي واحد طبيعي ماياخذ أدوية و لاهم يحزنون
واذا حابة تطمنين روحي للدكتورة اللي بالفحص الطبي قبل الزواج و اساليها اللي تبين او روحي للصحه الوقائية عشان تتاكدين

وعسى الله يكتب لج اللي فيه الخير *

 

[فراولة زرقاء]

حبيبتي انا زوجي فية و انا الحين حامل و احنا من واحنا صغار مطعمين ضد هالفيروس لكن مع الوقت و الاكل الغير صحي قلت المناعة اول شي سويت تحليل و طلعت سليمة مافيني شي و بعدين سويت تحليل الاجسام المضادة لفيروسات الكبد و طلعت ضعيفة لازم انشطة و عطوني تطعيمه و بعدها بثلاث شهور تطعيمه ثانية و بعدين سوو لي تحليل الاجسام المضادة و طلعت منشطة و قال ماله داعي التطعيمة الثالثة و فيروس بي ينتقل عن طريق الجماع و نقل الدم و مدام اخذتي التطعيم لاينتقل الا عن طريق الدم فقط يعني ماينفع ينقل لك دم و مدام ما اخذتي التطعيم لازم الاحتياط من فرشاته و امواس الحلاقة و قصاصة الاظافر

و تعالج زوجي ياخذ كل يوم على الريق عسل مع حبة سوادء و القسط البحري الي لونه بني تخلطين الحبة السوداء و القسط مع عسل اصلى و يشرب كل يوم كوب زنجبيل و كوب كركم لانه ينشط الكبد و كل شهر يسوي حجامة و من اول حجاكتين انخفض متوى الفيروس قال رسول الله صلى الله علية وسلم ( خيروا ما تداويتم به الحجامة و القسط البحري ) و العسل الاسود و عصير قصب السكر ممتاز لفيروس الكبد

 

[بنت الكويت &]

الله يشافيه يارب

 

[رفيقه الأمل]

أختي خذت تطعيمات والحمد لله عايشه لاىمايعادي حبيبتي
انتي اسألي الدكتورة علشان ترتاحين
الله يكتب لك اللي فيه الخير

 

[latkt7as]

الله يشافيه يارب

 

[Perfume]

حبيبتي هالنوع يعدي عن طريق الاتصال الجنسي ومن الام للجنين
نصيحة راجعي الطبيب وخل يفهمج بالتفصيل

 

[ام الشقى]

انا خطبي فيه نفس خطيبج ومالجه
بس انهم يعطونج ثلاث ابر ع ثلاث اشهر مره بالعمر كله بس احتياط بعد خمس سنين تشيكن ع المناعه هندج عن الفايرس
بس واذا ع الحمل عادي بس طفل بعد ولاده مباشرة يعطونه ابره وخلاصً

دعواتج ان الله يسهل لي امواري ويزقنا باليي اتمناه
واي استفسار حاضر ه ع خاص اسئلني

 

[" ذوق "]

لازم تطعمين لااااااازم وبعدين في فحص الزواج يبين معقوله ماكنتو تدرون
الله يحفظج ويحيمج

 

[" ذوق "]

اذا بس خطبه وماتزوجتي ارفضيه لانه خطر وراح تتعبين بزواج ودامج ع البرر افتكي والله يرزقج بالي احسن منه وهذي صحه وعافيه لا تتهاونين فيهااا

 

[ام البنات123]

لا تعليق