زوجج عطاج هديه شلون تصرفين

[white**angel]

انا لمن يعطيني هديه اشهق لوووووووول هالشهقه دااايما حتى لمن اهلي ايبولي هدايا او يفاجئووني فيستااانس واعطيي البسمه اللي مبين اني متشققه وبس الما وابوسااا حيل

 

[شذى الحب]

خليه يجيب الهديه وبعدين يصير خير واقولكم شنو صار معاي :ch12:


بس تهقون متى يجيبها لي هو يوم ميلادي ماهدااني :bbbiu:

 

[قمرية الفيس]

انا بالعكس حيل استانس لما زوجي يجيبلي هدية

 

[بطوووطة$بيضة]

لازم يكون فيه ردة فعل

حطي نفسج مكانه

اصلا راح يستانس

 

[mrs.abk]

أنا تعلمت من أمي ..

تستانس.. تبتسم طول الوقت ..

تقول : من إيد ما أعدم عطاياها يا رب .. تعيش وتيييب لي وتعطيني وتدللني ..
ولو الهدية عطر تقول: طيبك الله من طيب الجنة
ولو الهدية ذهب : كساك الله من الزين وكثر جمايلك

وكانت على طول تلبس اللي يايبه أبويه لها الله يرحمه إلا إذا يايبنه لمناسبة

(( هاللي كنت أشوفه ))

وأمي تقول لي إنها بينها وبينه تبوس إيده من باطن الكف ..

وأنا جذيه بسوي إن شاء الله .. وحاليا أسوي الجزء اللفظي بس .. لأن بعدنا ما عرسنا ..

 

[مولاي الفرج]

^^ الله يخليها لج يارب

ولا مرة عطاني هديه بس دايم يقول كل عام وانتي بخير بالمناسبات وهالشي يفرحني ربي يخليه

 

[منـــاي]

حسب الهديه اذا بسيطه ورومنسيه لا ايراديا المه مع بوسه

اذا كبيره انط انط وبعدين المه وبوسااات لوووول ماادري ليش تتوهقين شي يصير بالفطره

 

[منـــاي]

مس والله عورتي قلبي الله يرحم ابوج برحمته الواسعه احسه كان زوج حنون وطيب

 

[om . alzeen]

انا اغلب هداياه معيوده وقديمه يعني جابلي ساعتين بمناسبتين ورا بعض وكلهم نفس الماركه بس اللون يختلف هههههههه فديته بس ماقدرت اسكت انقهرت لانهم مو رخاص قلتله طبعا مشكور ولميته وحسسته بالوناسه بعدين قلت بسلوب حلو ترا نفس الذهبيه الي جبتها لي بعيد ميلادي شرايك اروح المحل اخذ موديل ثاني بنفس سعرها


مارضا قالي لا انا متعمد عشان يصير عندج كل الالوان هههههههههه


فسكت والله كريم

 

[قـــمـــرهم]

امبيييييه بنات انا جذي يخوووني التعبير

ولا اعرف اتصرف ولا اتكلم اصير حدي حدي بارده

بس ابتسامه عاديه وشكرا والا يعطيك العافيه

احس جنه احد كات علي ماي باااااارد حزتها ):



هههههههههه

ام الزين ضحكتيني ع الساعه

اهم شي يصير عندج كل الالوان هههههه




Mrs.mbk

الله يرحم ابوووووج ويغفرله يارب

ويخليلج اميمتج حسيتها طيبه وحنونه

 

[*مطبخ الذواقة*]

أنا مع باتشي ...


ومع الوقت بتعودين وينطلق لسانج لا تحاتين ...

أهم شي ...انج تذكرين الشي الي عطاج اياه هديه ..وما تنسين باي مناسبه كان ...

حتى لو الهديه متكرره بعد يكسرون خاطري ما يعرفون شنو يهادون ههههههه

 

[om MaRyooM]

لوووول .. شنو تشكرينه وتمشين ؟؟

لا يابابا لا .. هذا زوجج
طيريه من الوناسة
طيريه فوق السما عشان يحس ان مسوي شي عظيم ويحس انه ريال . وعشان يتشجع ثاني مرة اييبلج شي
هذا ريال وجذي تفكيرة .. يبيج من اليوووم لي شهر جدام تتشكرينه وتناقزين من الفرحة والوناسة عشان يحس انج مستانسة عالهدية

ههههههه

ادري قاعدة ابالغ
بس باختصار بينيله فرحتج وعطيه من هالكلام المعسووول اللي يرظيه
وبس


انا ماشوفها مشكلة !

 

[Patcholli]

تم مسح المشاركه .............

يحليلي
طلعت مشاركه بالموضوع من قبل

 

[غــ طلال ــلآ]

ام الزين عجبتيني انتي وزوجج الله يخلية لج بس حرام يمكن ماعرف انتي شنو تفضلين بس ماتدرين يطلع بطلع حق جزر المالديف هههههههه والله طيب

وانا رجلي عطر ساعه اكسسوار ذهب فون بلاك بيري بورش وفوق هذا كله مافي ردة فعل ابتسامه ومشكور وادنق راسي ومن داخل ودي اسوي كل شي بس يخوني التعبير مادري ليش دمعتي تطيح