زوجتي تكرهني وماتبيني رغم انها تقول اني كويس وافضل رجل بالعالم !!!

[سندس 90]

اهم شي لا يستعجل ويصير يمكن في شي البنت خايفه تقول حرام لا نظلمها

الله يستر علينا ويفرج هممهم يارب

 

[زوجة عزيز]

يمكن بينهم مشكله قديمه وتراضو بس اهي لي الحين اتفكر فيها ماتدرين شنو اللي بقلبها يمكن مومريحها بشي ثاني المفروض اهي تفتح قلبها حق زوجها واتصارحها مهما كانت صراحتها بس على الاقل اهو يعرف شسالفه

 

[كليـ دلعـ]

لوكان لها ربع خاطر فيه جان قالت انت سويت كذا

لكن اهي مختصرتها من الاساس ويزاها الله خير ماجحدته

قالتله انت زين ومافيك عيب بس انا مابيك!

بعد وااضحه مثل الشمس ماتبييه ولاخلتله مجال

او نتفه مجال انه يتاسف او يراضي لانه بلاساس

ماضرها كل مافي الامر انها ماتبيييه والبغيه من الله

موحلوه يفرض نفسه غصب! ويتمسك غصب

ماتبيه لاتقولون يمكن زعلها يمكن من زمان

خلاص البنت مااااااتبيه عاد اذا هو بيتقضب

فيها وغصصصب!!!

الله يعينها​

 

[ميس الورود]

استغفر الله العظيم

يخليها عالاقل 3 شهور عند هلها وبعدين يعيدوا قرارهم يمكن تعبانه نفسيا الله واعلم

 

[يستفزني غلاك]

ماتطلب الطلاق الا و لها نيه بشي يعني يمكن اكتىاب و يمكن عين و يمكن شي الله يعلم فيه غريبه هالبنت

 

[نـعـومـه]

خلاص بعد ماتبيه القبول من الله.، يمكن ماشافته عدل بالشوفة الشرعية ويمكن اصلا مافي شوفة وماتقبلته بعد خلاص

وبنات لو سمحتوا انتوا سمعتوا القصة من طرف واحد فلا تقولون تبي غيره اتقوا الله ماتعرفون المرا ولاتعرفون القصة من كل جوانبها

ماتبيه تصبر شهر شهرين ثلاث يلااا اربع بس مو سنه كامله وحملت منه !!! توها تحس انها مومتقبلته عقب مايابت منه الياهل

 

[M!ss CoLoRz]

يعني اهوه بيقعد على يمكن ويمكن


يروح يقعد مع زوجته يتناقشون مع بعض بهدوء وتقول له كل اللي في قلبها

وعلى هالأساس يتصرف

 

[محبة1]

جزاكم الله خير يا بنات كل وحده قالت كلام يثلج الصدر واحب اشكركم جميعا يارب يفرج همكم تعرفون احلا شيء ردودكم ونقاشكم


معلومه اخيره بالموضوع/// الرجل طلق البنت وكمان بعد الطلاق رمت ولده عليه وقالت ماليه شغل بولدك ربيه انت والحين هوه محتاس وولده حاطه عند امه ولا عمرها سئلت عن ولدها من هذاك اليوم تقريبا شهر وشوي .... شيء غريب ؟؟!!!!!!!

 

[Royof]

انا اقول خل ينطر عليها دامها ام ولده ينكن صج اكتئاب
الله يهدي سرهم الطلاق كاثر اكثر من الزواج اعوذبالله

 

[Bio_reem]

اهي عمرها ١٨ يعني ياهل ما مداها تستانس الا طاحت بمسؤوليه وخاصة الطفل بهالعمر جدا متعب وسهر وشقا وتحس ان خلاص مافيه راحه ووناسه بعد اليوم
والاكتئاب هذا يخلي الوحده تكره الطفل وتفكر تذبحه يعني مًو شي هين وعشان جذي يمكن قطته عليه، بما انه طلقها، خل ينطر جم شهر ويشوف اذا لها نيه ترد له او لا، اذا ليلحين يبيها على الاقل يراجعها بموضوع الولد حرام ينحرم من امه

 

[مـآلي شبيه~]

قطت ضناها عند ابوه ولا سالت !!!!!!! شهالقلب اللي مايرحم

 

[Um Tuki]

انا اقول مدام كانت قبل الولادة تمام ..
و بعد الولادة انقلبت حالتها يعني اكتئاب بعد الولادة

و ترى اغلب الظن فيها اكتئاب يعين 90%

خل يكلم دكتورة .. و يقول لها بطلقج بس بشرط اتيين معاي للدكتورة .. وبعدها خلاص بطلقج بس باخذ الولد

خل يجوف يشلون ردها !

18 سنة ياهل و بتربي ياهل .. عذروها يا ناس

 

[Zinab BH]

الله هو العالم اللي جك بم ماتبي ريلها واهو مو مسوي لها شي وراها مصيبة

 

[Zinab BH]

جزاكم الله خير يا بنات كل وحده قالت كلام يثلج الصدر واحب اشكركم جميعا يارب يفرج همكم تعرفون احلا شيء ردودكم ونقاشكم


معلومه اخيره بالموضوع/// الرجل طلق البنت وكمان بعد الطلاق رمت ولده عليه وقالت ماليه شغل بولدك ربيه انت والحين هوه محتاس وولده حاطه عند امه ولا عمرها سئلت عن ولدها من هذاك اليوم تقريبا شهر وشوي .... شيء غريب ؟؟!!!!!!!

وي وي وي ماصدق تقط ولدها؟ شهالام شهالقلب عفية قلب والله ياخويتي الحمدالله الله فكه منها صدقيني وراها مصيبة هذي و باجر تجوفون نطروها تطلع من العدة لين ماتزوجت هذا ويهي :eh_s(4):

 

[انت حب حياتي]

لا حول ولا قوة الا بالله العلي العظيم .... الله يكون بعونه الصراحة ...ممكن مثل ما قالو البنات انو عندها اكتئاب ما بعد الولادة واهو درجات ممكن يكون بسيط وممكن يكون قوي لدرجة انها ممكن تاذي نفسها والطفل وهذا مذكور في كثير من قصص الجرائم وممكن يكون سبب انو وحدة من المقربات منها خلتها تعمل هيك وطبعا هالشي عن تجربة انو في مقربات من البنت يقولون لها سوي وسوي ويصير خاتم وانتي تستاهلين احسن وافضل وتلف مخها وهي شوفتها من بنت كان عمرها حوالي 22 سنة تطلقت من زوجها وعندها 3 اطفال وتركتهم الو وكانو خواتها وصديقاتها يقلبونها عليه وخربت بيتها وقعدت .... فكل شي جايز وكل شي ممكن

 

[نـعـومـه]

جزاكم الله خير يا بنات كل وحده قالت كلام يثلج الصدر واحب اشكركم جميعا يارب يفرج همكم تعرفون احلا شيء ردودكم ونقاشكم


معلومه اخيره بالموضوع/// الرجل طلق البنت وكمان بعد الطلاق رمت ولده عليه وقالت ماليه شغل بولدك ربيه انت والحين هوه محتاس وولده حاطه عند امه ولا عمرها سئلت عن ولدها من هذاك اليوم تقريبا شهر وشوي .... شيء غريب ؟؟!!!!!!!

مادري شقولج

خييره

دام عافت ولدها معناته عادي عندها كلشي

ماله الا يربي ولده ويعيش حياته والأيام راح تبين شفيها

 

[نـعـومـه]

انا اقول مدام كانت قبل الولادة تمام ..
و بعد الولادة انقلبت حالتها يعني اكتئاب بعد الولادة

و ترى اغلب الظن فيها اكتئاب يعين 90%

خل يكلم دكتورة .. و يقول لها بطلقج بس بشرط اتيين معاي للدكتورة .. وبعدها خلاص بطلقج بس باخذ الولد

خل يجوف يشلون ردها !

18 سنة ياهل و بتربي ياهل .. عذروها يا ناس

نعذرها انها طلبت طلاق بدون سبب وقطت ولدها @

موعذر لو حابه زوجهل جان سوت كلشي عشانه

 

[نبض قلبي M]

اختي يمكن البنت

جتها عين بعد الولاده ترا تصير عيون الناس ما ترحم

خليها تروح لمطوع يقرا عليها اتوقع هذي اعراض العين

 

[سمراء كويتية]

ممكن يكون اكتئاب و ممكن صج ما تبيه الله يهديها