زوجة حماااي الوقحه

[dectora 7elwa]

عاد وقحه مره وحده
زوجج يكلم امه ولا اخوه
انتي لا تتدخلين

 

[فطووومة]

لا يمعودة لا تقولين لها ولا شي




اهم يسمعون وساكتين انتي شكو تدخلين نفسج وانتي يديدة ببيتهم


وزوجج اذا متضايق خل يكلم اخوه مو انتي تروحين لبنت

الناس تقولين لها هالسالفة المحرجة خاصة ان مابينكم كلام وليش

يحطج بوجه المدفع الزوج اخوه واهو المفروض يتحجى


عن العيارة يستحي هذا اخوه اكيد ميانة معاه

 

[تبطي عظم!]

اذا ماكلمتيها بنفسها لا تكلمين احد يوصل لها الكلام لان عيب بحقج دام سمعتي

انتي قوليلها قصري زوجج واصل لي غرفتي ما اقدر انام وهي بتفهم

 

[سعوديه مصدومه]

لو مانك اطنشها وش عليك منها بالطقاق

 

[أنهار الورد]

يمكن مو حاسه ان صوتها عالي
بس مايصير تقولين لخالتج او حماتج الستر زين حبيبتي
لو حسيتي انها قاصده خليه زوجج يقول لزوجها لما تصير من جهة الاخوان يصير الخجل اكثر وبوصل لها المعلومة اكيد
اما تقولين لها يمكن تاخذ موقف ولا تزعل منج

 

[أنهار الورد]

جني قاريه نفس هالمشكله بالقسم قبل فتره !! نفسها بالضبط !!!!!!!!!!!

اي انا نفسج حبيبتي

 

[اسرار الغلا]

فشله

 

[blue rain]

افتكي منها ولاتكلمين احد
اخاف باجر تبلشج وتقلب السالفه عليج
حاولي تعلين التلفزيون اوشي
والله عيب فضيحه
الله يعينج

 

[blue bunneh!!]

مكانج اكلمها بويهها
مافيها شي حلو الانسان يكون سياسي صريح
واللي مو عاجبه افتحله يدة الباب و فوقها بوسه "لووول"
اختي ترا صوتج عالي قصريه

 

[Beauty is Me]

لاااااا تقولين لها شي

المفروض زوجها ينبهاا على هالشي

بتفتحين باب المشاااكل

الله يعينج حزتهاا

ترا يمكن مو مستوعبه اهيااا

يعني سواء ما تقصد او تقصد لا تحطين ببالج

وابتعدي عن المشاكل خصوصا بهالشي موضوع حساس

 

[قفشـه]

يااااااااااااااااااااااااااااااي من صجج!!

فشله خخخخخخخخخ

يبا توج عروس تحاشي المشاكل قد ماتقدرين لي سنه جدام

خلي ريلج يكلم اخوووه يقوله يهدي اللعب شوي

 

[جيكره(و)تتغلى25]

تدرين على كثر ماهو موضوووع محرج ويفشل

ضحكت ضحك هههههههههههه


شوفي اتوقع ماااتدري وتمثل لان حامل ب7 شدعوا هالحماس؟؟وزوجها مايعرف يسكتها؟؟

انتي قولي لها فلانه ماااحب اتدخل بخصوصياتج لاكن حبيت انبهج انه صوووووووووتج عالي

امبيه فشله

شوفي انا صارلي موضوع نفسه انا شقتي بروحي وكنت وايد اتابع فوزيه دريع مالت علي وحبيت اغر الجو سوينا في صاله وحظي ردي لان سوينا مقابل المر ايه والمرايه طوفتها على جارتي وبعد سنه لما تعرفت عليها قالتلي مت مت مت وزعلت عليها قلت المفروض من ثاني يوم وزوجها سمع بعد والله صوتي مو عالي بس طوفتي على طوفتها وكانو سهرانين


يمكن هذي ماتدري بس كل مره!!!

 

[جيكره(و)تتغلى25]

بنات شنو مشاااكل على شنو\ خو صوتها عالي متخيلين الموضوع مو صوت هواش لا صوت يفشل

والله اقول لها وعادي وشنو تقلب الموضوع على شنوو


قولي لها والله عيب

 

[coralia]

حبيبتى ابعدى عن المشاكل انتى توج عروس ماتدرين عن ردة فعلها اذا قلتيلها اهو صج عيب الصوت العالى فى بيت الحمولة مو بروحهم الله يهديها طنشى وخليها على الله بعدين فشلة تقولين لخالتج او اى احد غيرها فششششلة حرام لا تفضحينها

 

[-*دلع*-]

خلي زوجج يكلم اخووج

انا اعرف وحده تقول في شقه في بيت حمولتها مافيها عازل تقول كان فيها حماي اللي اكبر من زوجي وكنا نسمعهم
وعقب طلع وسكن حماها الاصغر توه متزوج وتقول هم يوم طلع صوتهم راح زوجها يكلمهم

الرياجيل يتفاهمون مع بعض واهم اخوان لو يتهاشوون بيرضون
لكن انتي اذا كلمتيها بتقلب السالفه عليج او اذا كلمتي خالتي بيقولون ماتستحي عروس جديده وادور المشاكل

فكي عمرج وخلي زوجج يكلم اخووه

 

[عنودهـ ~]

يؤؤؤؤؤؤؤؤ
من جد شهالجراءة
ربي يهديها بسس
اذا مالج علاقة فيها ومن بعيد لبعيد صعب تقولين لها لان
مابينج وبينها ميانة وهالشيئ بالذات يحتاج لميانة بينج وبينها عشان تقولين لها وماتزعل اوشيئ
وان قلتي لخالتج بتقول غيرانة منها او شيئ
يعني اهي معهم من زمان يمكن متعودين عليها لووول
بس انا اقولج الرجال عندهم ميانة اتوقع لو زوجج ملاحظ
ماراح يسكت بيقول لاخوه او عالاقل بيلمح له يخف اللعب شوي :
لاتشغلين بالج وماعليج منها
ربي يرزقج بالذرية الصالحه يارب
وكوني احسن منها ولاتقولين شيئ
طوفي طوفي لين تتعب وتترك سوالفها
توج عروس انتبهي منها عشان لايقولون عنج تبين المشاكل اوشيئ
والله يهديها ويوفقج

 

[الله كريم @]

من صجج تبين تقولين حق خالتج او حماتج ؟

وشنو الي بتقولينه
لا عيب مهما كان الفضيحه مو حلوه
ودام البنت ما شفتي منها شي لا تفتحين باب المشاكل بينج وبينها

سولفي معاها ومن باب الغشمره قوليلها اي شي بس بينج و بينها من غير لا تحرجينها جدام احد

الستر حلوو

انتي صراحه صح كلامج فشششله وعيييييييييب امبيه بس انا اتذكر رفيجتي كانت تقولي عن مرت اخوها تقول والله صوووتها عاااالي واهيا بالدور الي فوقهم
وزوجة اخوها الثانيه مالها حس والله يحبونها اكثر و يحترمونها حيييل

ف انتي خليج بعييييده و الله يهديها

:eh_s(15): كلامج صح يالغلااا

والله يعيينج

 

[كادي2011]

ويه لا موصج
فشله من قلب
جد ماتستحي على ويها
شدعوه مو لهدرجه
ابييييييييه آنا قريت الموضوع استحيت شلون انتي

 

[ورده الكرستال]

زوجها عادي عنده؟؟!!!!!!!!!!!!!!!!!!!!

@@

 

[MissChoco]

انا بفهم يعني مو ليهدرجه في اصوات !!!!!!!!!!! ولا انا مو طبيعيه!!!


حبيبتي احسن حل تدرين شنو؟؟؟ سولفي معاها وقوليلها فلانه ماتسمعون صوتي بشقتي عاد انا صوتي عالي وضحكي
واذا قالتلج لا قوليلها عاد تدرين انتو مرات اسمع صوتكم شكله ماكو عازل وخلاص ,, والبنت راح تفهم واذا مافهمت انصحج خلي ريلج يكلم اخوه يقوله ترا صوت هواشك مع زوجتك نسمعه ,, لايقوله صوت شيسمووونه مهما كااان لا يصير هواش بينه وبين زوجته