زوجة اخو زوجي

[د. فاطمة]

ماراح أزيد على كلام البنات
ابدي بزوجج وكلميه
ولاتسوون لنفسج مشاكل
الله يوفقكم يارب ويجمعكم بالخير

 

[wajan]

اشكركم خواتي والله لا يحرمني منكم ان شاء الله دوم نكون مكملين بعض بالمشورة وانا فعلا كلمت زوجي ووضحتله وحذفها بس سويت شي بدون علمه اني رسلت لها مسج من تلفونه وقلت لها يافلانه حذفيني من عندك لاني انا حذفتك اشوفها ما حلوه تراسليني من الاساس وهو ما يعرف اني راسله من تلفونه وهي ماردت يعني اكيد حذفته بنات انا ما قصدي غير اني اغار ع زوجي يعني مثلا اول الصبح ترسل صباح الخير للغالين وغيره عموما ارتحت من ارائكم والله اني احبكم من كل قلبي

 

[شادن33]

اشكركم خواتي والله لا يحرمني منكم ان شاء الله دوم نكون مكملين بعض بالمشورة وانا فعلا كلمت زوجي ووضحتله وحذفها بس سويت شي بدون علمه اني رسلت لها مسج من تلفونه وقلت لها يافلانه حذفيني من عندك لاني انا حذفتك اشوفها ما حلوه تراسليني من الاساس وهو ما يعرف اني راسله من تلفونه وهي ماردت يعني اكيد حذفته بنات انا ما قصدي غير اني اغار ع زوجي يعني مثلا اول الصبح ترسل صباح الخير للغالين وغيره عموما ارتحت من ارائكم والله اني احبكم من كل قلبي

اشوا افتكيتي
وعامليها عادى لاتبينين لها شي

 

[wajan]

ان شاء الله شادن٣٣ اهي اتصلت يوم الخميس تعزمني عالعشا عندها لان كل العايله هناك وانا تعذرت وقلت لها زوجي عازمني وبيطلنعا نتمشى واسمحيلي وطبعا طلعت مع زوجي والف شكر لكل الاخوات حبيباتي والله

 

[al-musk]

شدعوة عليج كبرتي الموضوع عادي اذا ه متعودين من اول جذي وحيل العيلة قريبة من بعض ..انتي جذي جنج تشككين ان بينهم شي وهالشي مايصير وبعدين المرة لوبراسها شي ماطلبته منج..

صراحه تسرعتي وماله داعي الي سويتيه هي حسبة اخته .. واذا هالشي يضليقج فشغلج مع زوجج مو مع اخوه ومرته واخته !!

 

[فيفي محمد]

اللي سويتيه عين العقل حبيبتي والشيطان مانام ومن خاف سلم

 

[خوخة سمسم]

والله هالمرض منتشر وايد فزماننا

يسمون هالاشكال الديوث

الله ييعينج نفس الشي معي نفس الحاله بالضبط

ووضحت لها الف مرة ترى يابنت الناس الرسول يقول (لحمو الموت)
بس مادري ليش تعاند وليش مختارة زوجي من بين باقي اخوان زوجها

ودني وجيبني ورجعني ومادري شنو

الله يهديها بس


عموما اختي انتي تصرفي مع ريلج ووقفيله وقفه وقوليله ترى لادين ولا شرع يرضى بهالشي

واهي كلميها قوليلها مارضى عليج تراسلين ريلي
واذا مانفع كلمي ريلها

ترى لعلمج انتي إنسانه طبيعيه وهم المختلين مو انتي

والله يوفقج

​

 

[KOKO_284I]

سويلها بلوك من تلفون ريلج وخل ادز براحتها

 

[om mannor]

كلمي رجلج مالج شغل برجلها
خلي كل شي بينكم ترا بيفهمونج غلط
واذا كلمتك وقالولج ليش الغيره قولي الغيره مالها شغل أنا أتكلم من باب الحيا والدين

 

[احلام q8]

انا مع بعض البنات ليش ادخلين اخت ريلج بالموضوع
حلي الموضوع بينج وبين ريلج
وهم لا تحاجين مرت اخو ريلج بالسالفه

 

[فلسفة جرح]

شلون مايغارون خو الانسان بطبعه يغار على زوجته مو مرض يسمونه طبع بعدين شلون تتجرأ مرت حماج تضيف ريلج شتبي فيه لا اخوها ولا ولد عمها والله من حقج تزعلين صارحي زوجج واذا ماصارحج تاكدي ان في شي بينهم لا سمح الله

 

[منو انت]

والله احراج شنو ممكن ترسل له انا معاي حريم كبار ومن فتره لفتره ارسل احس مو اي شي اقدر اطرشه لهم

شلون عاد لو كان اخو زوجي جد احررررراج

 

[PuPa^^SWeeT]

ليييش بلغتي احته


جذي طلعتي السالفة برة واهيا مافيها سالفة يمكن



تنحل بنقاش ويا زووجج
هدي بالج وتعوذي من ابليس

 

[روائع الجوري]

يعني انا بفهم شغله بس زوجج شنو بتكون ردة فعله مالج شغل بلمره والغيره الزايده هذي ترا مو لصالحج شنو يعني اذا كلمته حالها حال اي احد لانج انتي غير انتي زوجته وحبيبته وملكه بيته ماراح يطالع لاي احد خصوصا لمره اخوه الموضوع بسيط لاتكبرينه وانتبهي تبينين لها نقطت ضعفج والله لتقعد كل ماتبي تضايقج تجيب طاري زوجج عشان تحرج خليج طبيعيه وما اشوف انها حلوه انج تبدين بلمشاكل وكلي امرج لربج​

 

[أم ميميتو]

مادري يمكن لانها من زمان معاهم يعني عشرة عمر بينهم انا ساعات اسولف مع حمواني بالواتس اب و ندز حق بعض نكت او ادزلهم صور ولدي يعني مو ضروري يكون في شي بينا او اكون وقحه حماي الي انا وايد معاه و علاقتي في زينه متزوج و علاقتي بزوجته وايد زينه ما فيها شي لما نكون نضحك و نسولف مع بعض بس بحدود و اهم شي الاحترام موجود بينا

 

[شوق الوليف]

لاتبطلين على روحج باب المشاكل انتي كلمي زوجج باسلوب حلوو

 

[دلوعه ناعمه]

شنوووو يعني بطرشله احبك اكيييد سوالف عااااااااااااااااااااااديه شنوووو غيره وماااا غيييره مرت اخوووو حسبة اخته واهي متزووجه قبل عشررر سنين اكيد متعووودين عليها ومتعووده عليهم واكيد يايتهم من اهووو ياااهل شتبي فيه مثلا حب وما حب اكيد لا وشكووو الوقاحه بالموضوع اللحين وبهالزمن النااااس ماتبي تكوون متيمعه وتسولف وتناااقش شنوو بطرشله نكت ووقصص وهالشغلات وترااا عباره تغارين من اخته لانهاا مرت اخووووه ويايتهم من اهووو زعطووووط بس صراحه مالوومهمم اذا قالواا معقده حبيبتي راجعي حساباتج قبل التهووور والغيره البايخه اللي مال امها داااعي

 

[يا كويتنا]

لا تكبرين الموضوع


حاجي زوجج بهدوء

ولازم اتكون عندج ثقه بزوجج اذا الواحد بيغازل مو راد علينا

انا حاسه فيج

بس ما حلوه ايطلعونج غلطانه وتخربين ابيوت

وانسي فكرة انج اتقولين لزوجها


حزتها ما تعرفين شبيصير

 

[الملازم أيمي]

حبيبتي يمكن عايلتهم صج جذى .. ومو شرط تكون وقحه عشان تضبط زوجج يعني لو مهما كان هي لهم معاهم عشر سنين . يعني عمر .

وريلج اكيد اصغر منها وحسبت اخوها .


ليش الغيره اذا اهم بينهم عادي . اهي اساسا لو فيها بلا جان ما قالت لج من البدايه ابي البن ماله . جان طلبته منه اهو شخصيا .


بعدين لو صج انتي مو متحمله السالفه وحاسه انها بتأدي لخيانه والاعياذ بالله . المفروض تشوفين ريلج وتكلمينه . شنو الهدف من اضافتها . ولو اني حاسه انه بيقولج هذى منا وفينا وعشره عمر ..


ولا تكلمين ريلها حبيبتي هذى فيها خراب بيوت وبيقولج ريلها شنو يعني بتقولين انه مرتي حاطه عينها علي اخوي وبتنقلب السالفه عليج مثل ما قالولج البنات .


حكمي عقلج والمفروض انج تعرفين عايله ريلج عدل .. وانتي ابخص فيهم اذا اهم فعلا فري وعندهم هالشي عادي بتطلعين انتي اللى ما عندج سالفه ومعقده ..

كلامها عين العقل

احسج بالغتي في غيرتج

اوكي المره تغار .. من وحده اصغر من ريلها وفيها حركات مني مناك

بس مرة اخوه !! واكبرمنه ولها عشر سنوات معاهم .. ابدا ما اعتقد نيتها شينه

لو النسوان بس يخففون من غيرتهم جان المشاكل بتقل الف بالميه

موفقه

:
:

الملازم ., كانت هنا

 

[نونه المنكوشه]

يمكن متعودين ع بعض مع انه انا مومع هالشى لكن فى ناس وايد جذى انتى فهمى ريلج هلشى يضايقج وان شاءالله يتفهم