زوجة اخوي ناشبت لي بحملي

[دلوعة صلوح]

يمكن مو قصدها شئ احسنى الظن ان بعض الظن اثم.. الله المستعان.

 

[عيش و مرق]

سكتيها باسلوب حلو قولى لها بنت وله ولد نعمه

والله يخليج لاتجيبين طارى الحمل والسوالف فى ترا تعبانه ابى انسي الوضع شوى لانى تعبانه ماحب كل شوى احد يذكرنى

 

[REOOM]

فديتكم بنات والله وسعتوا صدري بردودكم احبكم وااااااااااااااااااااجد


عاد تدرون امس وش مسويه ؟؟؟

جايتني تقول ريوم فيه وحده حامل زيك ومرت من حديدة بغرفتها كان تشق بطنها نصين
وجاها نزيف وتوفى الطفل
بنات امانه وش هالسالفه اللي تخوف الحمد لله ولشكر مو حزتها اساسا انا عاد قلت يمكن خيره لها يموت اللي ببطنها ماتدرين
وقمت منها

وقبله جايه تقول باقول لك شيء ماتصدقين البارحه حلمت انك مسافره امريكا وانتي حامل وكلنا نبكي عليك وامك تصيح عليك وااااااااااااي حلمي فيك يخرع وهي تضحكككككك حيل يابنات ملامحها تتلخبط اذا جات تسولف معاي يمه يمه
يبيلها صقعه على راسها هذي ؟؟؟؟

​

 

[أم نواف غير]

الحمدالله علي نعمه العقل اخذيها علي قد عقلها وافضل ماتقعدين معاها عشان ماتغثج

 

[الحياه أحلى]

حبيبتي أرقي نفسك وأي شي تقوله طنشي وعطيها أجابات مختصره أهم شي راحتك وراحه البيبي الله يقومك بالسلامه

 

[نفـــائس]

كان قلتيلها ان شالله اروح امريكا وافتك من لقافتك وحشريتك

الله يعينك هالاشكال ماتتادب ولاتحترم نفسها مهما سويتي

 

[نفهمها صح]

قوليلها
ياحلووووووووووو
البنات

 

[PuPa^^SWeeT]

ليش انتي فيج ولد ولا بنت ؟؟؟؟

 

[درة أهل الطولات]

ما عليج منها بنت ولد المهم يكون بصحة زينه

 

[I`m Yours]

طنشي ولا تهتمين ومثل ما قالتلج الاخت نهر الامل حافظي على الاذكار واقري سورة البقره والله الحافظ ان شاء الله​

 

[جديده 1]

ان طلع فيج ولد جذبي عالكل و قولي انها بنت .. عشان تفتكين منها اخاف اتقولين ولد اهي عينها حاره !!
بس حق امج قولي لها اذا تضمنينها !

 

[غلا-زوجي]

حبيبتي هالنوعيه لاتعطينها وجه زياده عن اللزوم
قوليلها انج سويتي سونار وماراح تعلمين احد شنو فيج مفاجأه للكل خل تنبط جبدها
او قولي حق زوجج يسكتها

 

[شندوخه]

لاتشغلين بالج بكلامها​

هذا طبع بأغلب الحريم ​

ويمكن اهي صج مهتمه فيج مو غيره اختي احسني الظن فيها​

واذا خاايفه من عينها على قولتج دااايم حصني روحج واللي ابطنج منها او من غيرها​

ربي يتمم عليج حملج ويقومج بالسلامه ويرزقج ماتتمنين​

مع كلام الاخت :eh_s(7):

 

[مآمآتي]

الله يكفيييج شرررهاااا

 

[نونو العصله]

انا اول ما تزوجت مرت اخوي طاحتلي ااسئله عن زواجي و ريلي وحياتي والله لدرجه مره كنت اتحجى معاه بلتلفون ويوم خلصت جان تقول شنو تسولفون صارلكم ساعه
بس صرت احقرها وبعدت عنها مالي خلقها

مدري ليش هلقافه
بس تكلمج عن حملج غيري الموضوع يمكن تحس على دمها


بعدين الحين مافي فرق بين البنت والولد
شخباري ابي ولد

وعلى فكره البنت احن على الاهل من الولد
الحمدلله والشكر بس

 

[LuLiTa]

طنشيها ...و حاولي اتجنبينها و اتلهين عمرج بشي ثاني

 

[NEW WOMEN]

ربي يعينج

 

[هيبة ملك]

لاحلمت ولا شئ بس هي ميته عشان تعرف شنو ببطنج

فضول

الله يكفيج شرها

 

[Om_Ksha]

بالعكس حتى لو فيج ولد قوليلها فيني بنت عشان تطفين فزتها فيج
وحقريها
واذا يابت طاري بنت مابنت قوليلها كلهم خير ونعمه من الله اهم شي الصحه والعافيه وانهم سليمين وعطيها اكبر طاف

 

[دلـع آل مـرّه♥]

وآآآآآآآآآآآي قطييييييعه حقوووده !!!
اقرييي على روحج لا تصكج بعدين اسم الله علييييك
الله يرزقك باللي يريح قلبج