زواج المسيار

[رنيم الروح]

بدال اتفكرين وش في الموقع وليش ومتزوج ولا لا وتفتحين ابواب جهنم سعني نفسك وحاولي تجذبينه من غير ماتقولين له اي شي لانه اذا تكلمتي وعرف انك اتنبشين من وراه بتزيدين المشكله وممكن يعند وبدال مازواج مسيار ممكن يصير زواج علان قدام الناس وبعدين اذا يبي يتزوج بيتزوج بس شوفي وش ناقصه فيك وحاولي تغيرين حياتك للاحسن مو الاسواء

 

[رنيم الروح]

مسيار يعني مثل الزواج العادي بس يكون زواج سري ولاغلبيه يتزوجون من باب الوناسه

 

[توني انتبهت]

الله يعين


ويسخره لج ياااااارب

 

[om_3azoz]

ربي يهديه

 

[انثى عاشقة]

مو شرط يبي يتزوج
كل مواقع الزواج مواقع خياس
تعارف وقلة حيا ..​

 

[فاطمة3]

انزين هل الزواج موثق بالعدل ولا لا

 

[رنيم الروح]

انزين هل الزواج موثق بالعدل ولا لا

اتوقع ايه لانه عقد زواج رسمي وعليه اشهود بعد

انتي لا تزرعين هالفكره في بالك وتصدقينها ممكن من باب الفضول دخل هالموقع او يبي يعرف وش فيها

 

[سكوتي بذوقي]

لا اختي الغاليه كوني واثقه من نفسك

حتى لو يقط كلام يغثك لازم تتحملين

رجعي إهتمامك بنفسك علشان مايروح لغيرك

الله يهديه ويحنن قلبه عليكِ يارب ويسخره لك

وحسبي الله على اللي يسوي هالمواقع اللي تدمر بيوت الناس الله لايوفقه يارب

 

[فطوم 84]

انتي قلتي اهو حاط كاميره. انا اشوف يمكن داشه تعارف. يبي يتعرف ويتسلي لويبي زواج. مايدش منتديات يروح. في مكاتب في خطابات حتي ريايل نفس طريقة الخطابات نفس ابو احمد الخطاب. لويبي زواج

اهو شكله داش تسليه سوالف ويشوف سوالف الحريم. يتعرف. تقزيره. ترا. في بعض الريايل. اذا قاعد ويا ربعه. يقولون له شفت الموقع ""الفلاني. فيه حريم. وفيه وفيه. ويدشونه من باب ""ربعي. دشوه. ابي. ادشه

وانشالله مايكون متزوج. وحاولي تتقربين منه واالله يهديه لج ويسخره ويبعد عنه الحرام

والله ييسر امورج. حبيبتي فطووم

 

[Bloom]

حاولي تعرفين السبب وتصلحينه واذا مافي سبب الخلل منه

 

[((shoOoshoOo))]

استخفوووو هالرياييل

الله يفرج همج

 

[فاطمة3]

شل الفضول الي يخلية يدفع فلوس ويدش هل الموقع اشوف فلس علي بالحسرة البة يخليلي معاشي