زواج الصغيره قبل الكبيره عيب .. أم ماذا ؟

[نــggر]

السلام عليكم ورحمة الله وبركاته
اليوم جايبه موضووع مهم
وابي اشوف رايكم با الموضوع
واهو زواج الاخت الصغيره قبل الكبيره
انتي بنت في عمر الزواج
وسمعتي انه عندكم خطاب
والاكيد خطر ببالك انه انتي العروس
وبطبع البنت تفكر في كل الاشياء
الزواج
الزفه
وشلون تعيش
وكيف يكون شكله
بس تتفاجين
ان الخطيب متقدم لاختك الصغيره
وش راح تكون ردة فعلك
راح تتقبلين الموضوع
او لا
واذا تزوجت الصغيره قبل الكبيره البنت الكبيره
ما تتزوج
لان تفكير بعض الناس يقولون
لو ما في الكبيره عيب
ما زوجو الصغيره قبل الكبيره
يعني
هذي عادات وتقاليد
او انوه عيب تتزوج الصغيره قبل الكبيره
او ايش الموضوع
تكفون ابي ارائكم بصراحه
بناااااات :eh_s(17):
​

 

[PO PO22]

انا خواتي ثنتين اكبر مني الصغيره تزوجت قبل الكبيره والكبيره كاهي تزوجت وعرسها ان شاءالله مابقاله شي


لاهو عيب ولاهو حرام وشكثر بعد ناس من عايلتنا جذي اذا الوحده جا نصيبها ليش نقول لا

 

[sweet.sanfoora]

لا موعيب

هذا النصيب

وبثث

ثانكيوو

 

[عيون روحي]

اللي يقول انه عيب هذا اكبر متخلف


انا تزوجت اختي الاصغر مني قبل ٣ سنين و انا اللي جهزتها ماكانت تروح السوق لا انا كنت اروح اشتريلها كل شي بعدين كنت ادري الناس لما كنت امر من جنبهم يرمون كلام و نظرات سخيفة بس انا ما اهتميت انواااااع الطاف و انا تزوجت بعدها بسنتين و الحمدلله مافينا الا الخير

 

[(كويتيه عسل)]

ليش عيب اختي اصغر مني متزوجه

وانا مومتزوجه

 

[7elwa&3soola]

موو عيب طبعا

كله نصييييب

 

[عطر المدينه]

لالالانصيب ورزق كل وحده يجيها رزقها ومحد ياخذ رزق احد

 

[~ بنت الهدى ~]

للأسف للحين في ناس تفكر هالتفكير...

عاااادي كل شي قسمة و نصيب شذنب الصغيره ماتتزوج عشان اختها

 

[دلع العتبان]

كل انسان ياخذ نصيبه من الدنيا واذا وحده تزوجت قبل الكبيره فمعناتها قسمتها جذي والله كابتلها تتزوج اختها قبلها

اهم شي الرضا بالقضاء والقدر ولاتظنن يابنات ان الزواج راحه ههههههههاااي

يسلموووو حياتي عالموضوع الحلو مثلج ،،،​

 

[نــggر]

مشكووورين حبايبي نورتوا الموضوع :eh_s(7):
واكييييييييييد قبل كل شيء النصيب
بس اعرف ناس ماتزوجوا لي الحين عشان هالسبب
يقولون اكيد فيها شيء مادام تركوها
مدري متى الناس عقولهم بتنفتح

 

[آدمنت قربككِ]

لا طبعا مو عييييب
مساله نصييب
=)

 

[pinkoosha]

لا عادي لا عيب ولا شي, نصيبج يصيبج وين ما كنتي

 

[سراب فوفو]

كل شي قسمه ونصيب بس اعتقد مو حلوه بحق الكبيره انه الصغيره تزوجت قبلها لانه بلنسبه لي انه بتخرب على كبيره

 

[جنون الهوى]

لا مو عيب هذا نصيبهاا

والحين حماتي اخت زوجي بتعرس وقبلها ثلاث ما بعد تزوجوا

سبحاان الله هذا نصيب​

 

[انا و بس]

انتي من صجج ولا تتغشمرين :krkrkr:
سوري بس والله حسستيني ان احنا الحين عايشين بسنة 1950
لوول
تدرين ليش انا رفيجة امي عندها بنتين المهم بنتها الكبيرة تيننن حلوة والاصغر جداا عادية بس اخطبوا الصغيرة وتزوجت قبل الكبيرة لا وبيوم ملجة اختها الكبيرة شافوها ناس واخطبوها
شفتي شلوون كل شي نصيب

 

[فوز السعودية]

هو صح نصيب بس في ناس تفكيرهم كذا ولو جلسنا نسمع لكلام الناس بنضيع بعضهم يقولون فشيله ليش الصغيرة قبل اكيد الكبيرة فيها شي الله يهديهم لاهو عيب ولا حرام عااااااااااادي

 

[جيرازksa]

عاااااااادي

الي يجيها نصيبها ربي يوفقها ان شاء الله

 

[^^ريهام^^]

هي عادي ما فيها شي

اذا الناس جايين عمدا للصغيرة , يعني شايفينها , او الولد شايفها وعاجبته

بس مو حلوة اذا الناس داشين البيت يبون يخطبون من بنات فلان ويقعدون ينقون على كيفهم كأنهم بفاترينه

صار هالشي لعايلة نعرفها , جو ناس يخطبون على سمعة الأهل

ودشوا البيت وكان فيه 4 بنات وكلهم حلوات ومافي وحدة احلى من الثانية , شي طبيعي تطلع الكبيرة

الخطاب اقعدوا يتشرطون لا احنا نبي نشوف الكل ونختار على راحتنا

طبعا ما صار نصيب

 

[{ شيوخهـ ~]

لآهو عيب ولآهو حرآم ولآهو فششله..
هذآ نصيب ومحد يتدخل فيه..
وآلي مآزآل يفكر بهآلتفكير؟ مع آحترآمي متخلف..

 

[الليدي ديانا]

عادي مافيها شي

كل واحد ياخذ نصيبه

لو اختي الصغيره تزوجت قبلي استانس لها و ادعي الله يوفقها