زواج البنت بالمحكمه

[bnt q8 in usa]

للاسف احيانا يكون الوالدين والاخوان متحجرين برايهم يعني والبنت من حقها تتزوج بدل لاتنحاش ولا تطيح بالمحضور بس هذا مايمنع انه الاهل لهم وجة نظر في الموضوع .......................والله يستر علينا جميعا يارب

 

[كويتيه مذهله 87]

مشكووووره

 

[@ الرسامة @]

رضى الوالدين قبل سعادتي

 

[استغفرك يارب]

صعبة حيل صعبة أدخل ابوي المحاكم عشان واحد ، اهي صج لها حق تتزوج و تكون اسرة و بيت و عيال بس ما فكرت باجر لا سمح الله و باعها هالزوج إللي باعت أهلها عشانه شبتسوي و وين بتروح ، البنت مالها غير اهلها و بالاقناع تقدر تاخذ إللي تبي بس مو بهالطريقة ...
الله يستر عليها و علينا و على بنات المسلمين يارب ...

نفس راي الاخت زيزفون

 

[^ليلاس^]

صعبه الوحده تبيع اهلها عشان زوج

بس لكل بنت ظروفها ما اقدر اعمم عالكل

 

[aBoOoRa]

بصراحه انا مانصح اي بنت تسوي جذي حتى لو تظل عانس طول عمرها

لو شنو ماكسر كلمه ابوي لو شنو يصير ما اطلع من طوره وهذا امر وصى فيه الرسول وامر فيه الله الا بمى يعصيه

وقصه البنت الي حاطتها المحاميه ان الابو معاه الحق شلون يزوج بنته لقيط الكل يبي لعياله الافضل والاحسن من كل النواحي لانكم ماتدرون اهو شعوره شنو بالحياة

يعني متعود ان العائله وترابطها مو ضروري والا لو واحد ثاني جان ماوصل السالفه للمحاكم لكن اهو عنده عادي

وجذي البنت ضيعت عليها اهلها عشان زوج الله يعلم مايخفيه زواجها منها

بصراحه غلطانه

 

[julanar]

القانون هذا ما وضع الا لحل مشكله
لأن البنت ماتقدر تتزوج الا برضا وليها .. فلو كان ظالم أو أو أو شلون ما تتزوج ؟
ودام انه المحكمه زوجتهم يعني زوجها مافيه شي يعيبه عشان الأبو يرفض
ومثل ما قالوا بعض البنات البنت لها حق تتزوج وتكون أسرة

 

[فدى لتراب الكويت]

الله يستر عليها و علينا و على بنات المسلمين يارب ...

 

[beauty]

اعتقد انكم فهمتم الموضوع غلط

مافي بنت ترضا تطلع عن شور اهلها والي تلجا للمحاكم هذي سالفتها سالفه الله يستر عليهم في اهل يعارضون زواج بناتهم من غير اسباب تلاقين بسس الابو رافض والاهل مقتنعين والريال ما ينعاب بسس ردى من الابو الي حابس بنته ببيته من غير عذر بسس طق بباله ان ما يبي يزوجها لاي شخص عناااد والبنت تنعس موو حرااااااام

في قصه سمعتها من مصدر ثقه في وحده كويتيه ابوها موراضي يزوجها اي واحد يخطبها على طووووول يرفض حتى من غير مايستشيرها لين البنت عنست ولما ياها واحد زييين طبعا ابوها رفض لكن عمامها واقفين بصفها وكلم الابو بس موراضي مالقوا حل غير المحكمه وطبعا عمامها واقفين معاها
برايي الي سوته موغلط اذا ابوها متخلف والبنت عنست من حقها تكون اسره وتستقر خصوصا اهلها بصفها

اما البنت الي تعاند اهلها واهم يبون لها الزين هذي من غييييير شك غلطانه وباجر تندم قد شعر راسها وزووووود بعد

 

[المحامية هبة السهلي]

بيوتي كلامج صح والله

 

[قايد الغزلان]

بتكلم بشكل عام مو بس عن هالحالة

مافي بنت بالدنيا ماتتمنى تتزوج برضى اهلها وتفرح وتسوي احلى واكبر عرس

وتتمنى يكونون اهلها سند لها بكل حياتها بس مو كل اهل نفس غيرهم

ياما اهالي منعو بناتهم من الزواج لاسباب تافهه ومالها اي معنى


وتلقون هالبنات ما لجأو لهذا الحل الا انهم لمرحلة يأسو فيها من موافقة اهلهم على زواجهم

ومادام هالزواج يصير بالنور وحلال الله يوفقها وبالاخر اهي تتحمل مسئولية قرارها خصوصا ماتقدر الوحدة تتقدم بقضية عضل الولي الا لما تبلغ 25 سنة يعني كبيرة وعارفة شنو تسوي مو مراهقة وطايشة

اوافق القلوب الساهية بردها والله يعين ويصبر البنات على تخلف بعض اهاليهم بتحريم الحلال عليهم

 

[girl_in_abottle]

مشكورة على الموضوع

و لكن لا ننسى انة الدين الاسلامي عطى البنت القرار الاول و الاخير للزواج
و مشاورة الاهل هي فقط لمكانتهم و خبرتهم
يعني مو اهم الي يقررون

فمن حق البنت اذا شافت الريال يناسبها تاخذة, و اذا وليها مارضى, القاضي هو و ليها, لانة بالدين اهم شي الاخلاق
مو الفلوس و الحسب و النسب

فالقاضي الي حكم بالزواج قاضي عادل
و الاب الله يحاسبة

 

[نووووونا]

بصراحه اذا الوحده تزوجت بدون رضى اهلها اشلون الريال

بيحترمها !! اذا ربوها وعاشت مده طويله معاهم ومااحترمت رايهم

وتزوجت غصب عنهم اشلون بيقدر يمرر هالموقف على خير

بالكثير سنتين ثلاث ويمل منها شوفى عاد المعاير والمشاكل

وواكيد الكل بيتشمت !!!! هذا اذا ما دعوا عليها !!!!!!!

من حرت قلوبهم انا افضل انها ما تتزوج الا انها تقنعهم وتتناقش

معاهم نقاش ودى وتوصل لهم وجهة نظرها وانها كبرت او انها شايفه

انه انسان مناسب (( اصلا اذا الريال متربى ما ياخذها بدون رضى اهلها))

وانشالله اكيد اهم يبون مصلحتها منو ما يحب يستر على بنته !!

 

[Om_RayooMa]

والله الموضوع صعب
بس في ابهات يستاهلون يسوون فيهم جذي

 

[رقي]

هلا مرحبا محاميه

انا اعرف وحده تزوجت بهالطريقه
واللي خذته يقربلي
والسبب انه امها مطلقة وابوها عناد في امها ماكان يزوج بناته
اصلا مايدري عنهم كلش
فاهيا تزوجت بالمحكمه

 

[eman-77]

ترى ساعات البنت معاها حق مو بكل الاحوال بس ساعات الاهل يكونون صج متعسفين

اظن العدد اللي فات من مجله سيدتي كان في ام تطلق بناتها ال٣ وترجع تزوجهم كل مره علشان تقبض المهر

يعني في بعض الاهل الله يهديهم قصصهم تشيب الراس

 

[المحامية هبة السهلي]

حيا الله رقي انا الحين عندي قضية بالمحكمه من هالنوع الصراحه كنت متحرجه اقبلها بس وايد انكسر خاطري عليهم

الاب ماخذ عراقيه ورافض يزوج بنته 4 تقدمولها كل واحد احسن من الثاني ورفضهم الى ان رفعتلها قضية واليوم القاضي اليوم سمع شهودنا لاثبات الكفاءه عند الولد والاب ما قدر اييب شهود نفي الكفاءة فان شاء الله شكلها بتاخذ حكم وانفرحها

الا اتهقون ايبب لما يطلع الحكم بالزواج جني ام العروسه

 

[أميرة الورد]

أصلا الله ما يبارك له الزواج اذا كانوا الأهل مو راضين بس ساعات الاهل الرفض مالهم يكون مو منطقي وفيه ظلم للبنت او الولد انا اعرف وحده تحب واحد ويبي يتقدم لها خلاص مافي أذنه ماي واهله مارضوا طلعوا ستين ألف عيب بالبنت والبنت مسكينة ما تنعاب وولدهم الحمدلله والشكر اهو الخربوطي بس هالبنت صابرة عشان تحبه الله يهديها عاد يننوا الولد لما زوجوه وحده ثانية وكل يوم داق على البنت يبتبجبج يبي يتزوجها بالسر عاد قالت له لو اموت ما أخسر اهلي عشانك انت رحت ورا شور أهلك خل يفيدك <<<<< حدي محترة على البنت والله ذهبة الله يهديها

 

[المحامية هبة السهلي]

اميرة الورد الله يهديها وايكملها بعقلها شرته بس باعها خلي يتحمل اللي ايي

 

[نووووونا]

انت اخبر ببعض القضايا بما انك محاميه تشوفين علوم غريبه

بس انا راى كان عالعموم بس والله سوالف الناس ايللى متطلقين

ويتعاندون بمصلحة عيالهم هذى شغلات ثانيه لها حسابات غير

والحمد الله الناس مشاكل !!!!!!!

ياليت حبيبتى محاميه تحطين لنا من بعض القضايا الغريبه

عشان نتعض ونعرف النعمه ايللى احنا فيه !!!