زواج الأخت الصغرى قبل الكبرى !!! مع أم ضد ؟

[MaZyOoOoNa]

بالعكس بتمنالها كل خيير هذا نصيب مافي رووح تعال ماخليها تتعطل علشاني هاذي اسمها انانيه واذا بشوف حجي الناس ولله مابخلص كل شي طاف علشان سعادة اختي ووناستها

 

[نور-الدنيا]

معني اصغر وحده من خواتي وما جربت اختي الصغيره تتزوج قبلي بس احس عادي مافيها شي هذا نصيب

 

[زري منثور]

بالعكس والله بفرح لها

والزواج قسمه ونصيب وهو الشي الوحيد اللي مااحد يقدر يقرر متى تتزوج الصغيره ومتى تتزوج الكبيره

يعني شي مكتوب لك ومقدر

 

[Virginia-Rose]

لا دقرة ولا بطيخ عادي مافيها شي ..يعني الزواج الحين صار بالترتيب تنازلي ؟

 

[noorq8]

اذا جى النصيب مايرده شي أنا عرست وعرست اختي الأصغر وعيلنا وسبحان الله أختنا الكبيره عرست باسبوع واحد مع أصغر اخت النصيب بالسما عند رب العالمين وكلن ياخذ نصيبه.

 

[camilia]

استغرب اانا ان شلون الوحدة تقدر تييلها مشاعر الحسد والزعل لمجرد ان اختها بتعرس قبلها ! مادري على شنو مستعيلين ترا موضوع الزواج قسمه ونصيب واللي بيتحجى من الناس خل يتحجى الحجي ببلااااش واذا انا بحط ببالي كلام هذا وهذاك ماراح اعيش عيل !

 

[sondos]

انا ماشوف مانع ............النصيب الزين اذا دش البيت ما ينرد عشان صغيره ولا كبيره


انا تزوجت قبل اختى اللى اكبر منى .................واهى اكثر وحده فرحتلى وقامت بعرسى ......اهى اصلا اللى لزمت على العرس

وانشالله الله يرزقها بزوج صالح يدللها ويحطها بعيوونه.....

 

[hello!]

حدددددددداااااا عادي شنو لهالدرجه في ناس بهالوقت تتفكر جذي؟والله بفرح لها وبستانس حيل حيل عادي وبالعكس ما ياثر ولا يجرح المشاعر ولا شي كل وحده اذا الله كتب لها نصيب تروح له مو مساله الكبيره قبل الصغيره

 

[مهاوي البحرين]

انا هالسالفه صارت معي تزوجت اختي اللي اصغر مني انا ما زعلت ولا حطيت بخاطري بس اللي حز بنفسي كلام الناس وبعض الاهل وبعدها بسنتين تزوجت وحملت قبل اختي بس بعد اختي سمعت كلام يوم حملت حز بخاطرها مع انها حملت معاي بنفس السنه يعني اعيالنا صار ما بينهم بس اشهر شوفوا رزق رب العامين

يا خواتي سالفه الزواج والحمال والخطبه كلها قسمه ونصيب ولا تدرين نصيبج ورزقك وين

 

[‏"الجازي"]

استغرب انه في ناس لي هالوقت يفكرون بهالتفكير

يعني اختي اكيد بفرح لها من كل قلبي بالعكس الله يهنيها و يسعدها
خاصه اذا كان الريال كفو و يستاهلها

و الي اتقول بتتعب نفسيتها ماعندها سالفه
هذا رزق من الله مثل الصحه و المال و غيرهم

الانسان لازم يكون مؤمن انه رزقه محد بياخذه غيره
و اختي من لحمي و دمي اذا انا ما فرحت لها مافيني خير الصراحه

و الناس ما تشبع من الكلام .. كل واحد عارف تربيته و اخلاقه

السلام عليكم
كلامج عيين العقل هذارزق من الله كل واحدالله كاتب نصيبه بالدنيا شنو راح ياخذوشنو يخلي
وأشكرج أختي على الموضوع

 

[Athwaq]

عاااادي مافيها شي

اختي اللي اصغر مني تزوجت قبلنا احنا الكبار

وفرحنالها و جهزنالها الله يوفقها و يسعدها

ليش الغيره و الحسد و ضيقة الخلق ؟ هذا زواج قسمه و نصيب

ونصيييبك يصيبك


يعني لو فرضنا الكبيرة ماياها نصيب للحين نفس وضعنا انا واختي .. والصغيره خطبوها ناس .. ليش تنطر ؟

يمكن انا ماراح اتزوج طول عمري مالله يكتبلي نصيب .. اختي شنو ذنبها تنطر ؟

حرام اصلا هذا قطع ارزاق

لا والله ... الله يوفقهم و يسعدهم يارب

 

[اوراد العشق]

لو عندي اخت صغيره اكيد بستاانس لها

مع العلم انا تزوجت قبل اختى الكبري وعااادي لان هذا نصيبي

(((((((((((((بس تطلقت ههههههههههههه)))))))))))))))))

 

[*peace*]

مره رفيجتي شكت لي ضاق خلقي عليها والله

تقول ان اختها اللي اصغر منها تزوجت وبعدين اللي وراها واهي الكبيره ليلحين ماتزوجت

تقول انا مستانسه لخواتي بس شي يحز بالخاطر خاصه ان مجتمعهم ينقد على هالشغله

يعني الناس ماراح تخطبها بتفكر تقول ليش ماتزوجت؟وخواتها اللي اصغر منها تزوجوا؟

اكيد فيها عله او شايفين عليها شي مايعجبهم

هذا كلامها اهي يااااااااااي قطعت قلبي بنت مافيها شي مؤدبه وحلوه وشاطره :0bee2e8d89:

طلعوا الناس عليها مليون سالفه

وهمن السالفه قسمه ونصيب واللي ربي كاتبه بيصير ​

 

[احلى البنات25]

عادي مافيها شي

 

[بنت الشوامخ]

مافيها شيء كل واحد ونصيبه .. انا ما جربت هالشعور لاني اصغر بنت .. بس اذا بتخييل انه عندي اخت اصغر مني وتزوجت قبلي .. يعني اكيد راح اتأثر شوي .. يعني مادري انا احس احلى انه الاكبر تتزوج قبل بس كل واحد ونصيبه وايد بنات تزوجوا قبل خواتهم الكبار

 

[شيخة الزين كله]

أفــــــرح لها من كل قلبي


اشوف انها عادي

 

[الأمومه حياتي]

صارت فيني بس كنت مخطوبه قبل عرس اختي بايااااااااااااااام يعني ربكم ستر من عيون الناس

بس سبحان الله ربي يوفقها انشالله و انا ريلي توفا ورا العرس باشهر

 

[سعوديه تعشق الكويت]

صااجه والله ..
أنا قبل كنت أقول عااادي و مافيها شي .. بس أمي كانت تقول لي كلام الناااس ماايرحم ودايمآ الصغيره اذا انخطبت قبل الكبيره ييقومون النااس يطلعون بالكبيره العذاااريب .. ويقولون أكيد فيها و فيها عشان جذي طافوها وخطبو الاصغر منها وراح تطيح بجبد أهلها ..!!! طبعآ كنت أقول لأمي لااا مو صج النااس أكيد تفهم .... بس يوم شفت الواااقع ولا حجي أمي هو الصح ..
انا أعرف اكثر من بيت زوجو الصغيره قبل الكبيره جان تطيح بجبوده الكبيره .. والنااس قامت تطوفها ويخطبون الباجي اللي الاصغر .. بيت جيراننا و رفيجة خالتي أقرب حالتين أعرفهم ...!! وبناتهم الحين طافو الـ32 وللحين الناس يخطبون الصغار ويطوفونهم ...!!

من اهني غيرت نظرتي وقلت لأ .. الصغيره تنطرررررر .. على الاقل احترامآ لإختها الاكبر ....!!!!

هلا قلبي
لا انا مو معاش يهالنقطه
ليش اوقف بوجه اختي الصغيره ليش اقطع روقها هذا نصيبها وجاها وليش تتأثر نفسيتي بالعكس عادي جداااااااااااا
وكلام الناس بزواج الغصيره قبل الكبيره رااااح هذا قبل ,بس الحين كل شي عادي واغلب البنات الحين يعرسون الصغيره قبل الكبيره لانه لو دايما يرفضو عشان الكبيره بيطيحو خواتها اللي اصغر منها في جبود اهاليهم
واشوف الاغلبيه لما تتزوج الغصيره خووووووووووب على طول بعدين وراها يخطبون الكبيره والله يوفق .
الله مايقطع برزق احد
تقبلو مروري