زهقت :(

[جوري 2007]

حبوبة ريلج يبيله كيد النسا ، صيري ذكية شوي وفجري طاقاتج الانثوية

الدلع والحركات والهمس والكلام الانثوي الرقيق ، حاضر وعلى امرك على نظرات خجولة على جم دمعة _03BA:

الريال بداية الزواج تاثر فيه هالاشياء ، لاتسوين روحج قوية وايد وعندية ، شوية دلع بهالمواقف راح اييب نتيجة :tomato2:

لبس على حركات على ليالي رومانسية على لعب وشوية شقاوة على ابتسامة بالطلعة والدخلة ، لاتنسين انه اللي تنشغل عن ريلها وماتحاسبة ولا تناجره وتبينله انها مستانسة ومستغلة وقتها ومشغولة اهية اللي تملك قلبه ويتمنى قربهااااا

مثال :

حبيبي مشتهية دونت ؟ مااستاهل يعني ؟ اشدعوة انت كريم واحنا نستاهل ؟ يالا حبيبي خبري فيك ماتقصر ؟ هيك يعني

 

[حبيبه بدر]

شوي شوي وراح تغيرينه يس لاتعاندين وصبري عليه

 

[ديانا سبنسر]

مثل راي البنات مع الوقت راح يطخ بس يبيله مسايس الله يهديه لج ويسخره

 

[Miss McDonald]

رد : زهقت



:"(

كل يوم اكره الزواج اكثر من اللي قبله !!!

 

[الغلاااااا]

الاغلبيه جذي ببداية الزواج انا كان جذي مع الوقت بدا يفج ويقتنع ان لي راي مو ماخذني من مكتب يبيني اهز راسي بدون مناقشه

بس اكييييد فيه ميزات شي زين مني ولا مني تذكري مو كله سلبيات.!!
بس عليج بالدعاء
اللهم سخره لي كما سخرة البحر لمسى والنار لابراهيم
واذا بغيتي تطلبين شي او كان معصب عليج قولي (( اللهم اجعل من بين ايديهم سدا" ومن خلفهم سدا"))

 

[ريمية مزيونه]

الله يعينج ويسخره لج

 

[FANTAST!K]

عسى الله يهديه ويسخره لج

 

[Dancing^Queen]

رد : زهقت

السلامم عليكم ورحمه الله وبركاته
اختي تسمحيلي اسالج شكثر لكم متزوجين؟
اللي قاعده اشوفه مو مشاكل صعبه
اهي اختلافات وتكيف علي الحياه اليديده والبيئه اليديده
الموضوع فضفضه اكثر من مشكله
كل هالتغيرات اللي ذكرتيها البنات يمرون فيها لما ينتقلون من حياه لي حياه ثانيه
ومن بيئه لي ثانيه
زوجج يبي يعودج علي طبعه ويبي الحياه اللي راسمها فباله كحياه زوجيه مثاليه ويبي يشكلج مثل مايبي
وهالشي مو عيب ولاحرام
ادري ان الحياه اليديده صعبه وان تحسين ان زوجج قاعد يضغط عليج

بس صدقيني مع الوقت ولما يعرفج عدل عدل ويعدي الوقت بتلقين كل هذاااااااااااااا يتغير
بس انتي الحين حاولي تعرفين مفاتيحه اللي تينه فيها
لاتعاندينه
لاتجادلينه اذا معصب حاولي تهدين الامور
بعدين تعالي كلميه وناقشيه
قوليله يافلان حبيبي ووالله ترا ذاك اليوم ظلت بخاطري حييييييييييييل ماتشرهه عليك ادري مشغول حبيبي بس حيل حيل ظلت بخاطري

حاولي تعرفين طريقه الطلب منه للي مايردها والوقت المناسب
هذي يبلها وقت علي ماتعرفينها
شكلكم حبيبتي فبدايه حياتكم الله يوفقكم


ترا كلنا كنا جذي والله العظيم مثلج ومرات ادري بس الوقت يطوف وتصير هالسوالف سواااالف شخباري
ويه ذكرتيني قبل ريلي شسوي ففيني علي المكياج
وعلي الطلعات وعلي اللبس
مع الوقت وصلنا لحل وسط بيني وبينه
لما بطلت اعاند بطلت افرض الشي وبديت اتفاهم بوقت مناسب

اي هذي شغله مهمه
شفتي لما قلتي عن الدونتس؟
وقلتي طلباتي بسيطه وليش يعاند
والمفروض

ترا الريال مو داخل راسج ولايعرف شنو تفكيرج ولا يعرف احساسج اللي حسيتيه
انتي قاعده تيمعين هالمواقف بقلبج وتشيلين من بدون ارادتج يعني تراكمين هالحوادث وتنفجرين بعدين علي اشياء صغيره
الريال بالنسبه له الموقف نتهي بنهايه المكالمه واثبات موقفه وبنهايه الموققف نفسه وخلاص يعدي ويمشي


مايدري شنو داخل نفسج
الا لما تشاركينه
لاتفرضين ان يدري وحاس اللي انتي حاسته شاركييييييييييييييه بهالشي ضروري