- إنضم
- 2 سبتمبر 2010
- المشاركات
- 170
- مستوى التفاعل
- 0
- النقاط
- 0
السلام عليكم والرحمة
شخباركم؟؟
مادري شلون أبدي ومادري شقول
يعني انا نفسي محتاره بحياتي
انا ماني ناكرة جميل او رافسة للنعمة ...
اول بقولكم عني انا
انا بدوية وماخذه واحد من نفس القبيله ماعرفه ولا اعرف اهله ولا ادري عن بيئتهم .. وطبعا ماكان في نظره شرعيه لانه ماطلب هالشي مع ان ابوي ماعنده مشكله لو طلب هالشي لانه من حقه .. وانا بعد من حقي اشوفه
كنت ليلحين ماتخرجت من الثنويه وتوني صغيره اهلي وافقوا عني
ترددت قبل الملجه وقلت لامي مابي اخذه انا مابيه حسيت لحظتها اني مو مرتاحه
ولا عطتني وجهه وقلتها اوكي اوكي وبعدها ماتكلمنا بالموضوع لما قالتلي ترى باجر ملجتج .. انا حزتها لا تشوفون حالتي امبيه تضايقت حدي .. وقعدت ابجي شنو مو بكيفكم يمه انا مو قايلتلج مابيه شنو انتي بس بتقطيني قط .. الحمدلله ماعلي قاصر ماني طايحه بجبدج عشان تمشيني جذي
جان تقعد تبجي امي وتقول حرام عليج انا اعرف اخته خوش وحده وزوجج دراسته قويه واول مايخلص دراسه بيتزوجج يعني لاحقه عالعرس استانسي على ماتتزوجين
انا والله حزتها اكسرت خاطري امي ووافقت عشانها بس .. ولا انا اللي بداخلي والله مايعلم فيه الا ربي
وملجت
ماحسيت بالفرحه يعني كنت عادي
انا ماعندي شي ضده او سبب لرفضي كل شي كان اوكي
بس انا من داخلي مو مرتاحه
مع اني صليت استخاره اكثر من مرحله بس مادري شلون
وربي اني من ملجتي لي العرس ولا مره حسيت اني مستانسه اني باخذ هالشخص
المهم
خلصنا من قصة ملجتي
حياتي قبل لا اتزوج الحمدلله ماعلي قاصر من كل النواحي الماديه والمعنويه
يعني كنت البس اللبس اللي مقتنعه فيه
وكل شي عادي عند اهلي مافي شي ممنوع .. وانا الحمدلله عارفه حدودي اللي متربيه عليها فماكنت اتخطا هالحدود
المهم
وتخرج سي سيد
وتزوجت :eh_s(13):
وشفت بيئه ثانيه
ماكنت اتخيل اني راح اعش جذي
احس اني مبالغه بهالشي
اول شي قالي تحكم بلبسي .. لو دين على عيني وعلى راسي .. بس لانه عيب ويشوف هالشي مرجله
خلاني البس عباية راس ودسوس ونقاب
وانا بالاساس كنت البس عباية جتف ملونه كشخه ببيت اهلي .. بس بكيفي مو اهلي اللي افرضوها علي .. لاني كنت اشوف انها استر واقدر اكشخ فيها .لوول ادري ان الحرام حرام
وادري ان عبايه الراس فرض ومجبوره البسها وراح اخذ اثام اذا مالبستها
بس مو البسها عشان زوجي قالي البسيها واستحي اذا مشيتي معاي من غيرها ,, يتفشل الاخ
المهم
خنخلي عباية الراس على صوب
احنا عايلتنا صغير واقاربنا محدودين
فماعندي بنات من عمري الا وحده وعلاقتي فيها زينه لان اهي اصلا نفس حالتي :eh_s(3): لووول
فوين كنت اروح وارد!! .. عند رفيجاتي ..ورفيجاتي امي تعرف عدل .. واهلي يثقون فيني وباختيارتي ,, فمايمانعون لما ازور رفيجاتي
بالله عليكم رفييجاتي من نفس عمري وانا مختارتهم بنفسي اكيد انهم نفس تفكيري ومستانسه معاهم ومرتاحتلهم
>>> احلفكم بالله حاسين بهالنقطة .. الانسان اجتماعي بطبعه واحنا عايلتنا مافيها احد من عمري يا اكبر من او اصغر مني
يعني مهما بطق صحبه معاهم اكيد ماراح يكونون اهم اساس حياتي الاجتماعيه لانهم اهم جيل وانا جيل ثاني
منعني منهم ومن زيارتهم
صارت حياتي بس الويك ايند اروح لبيت اهلي مع امي وخواتي ماكو شي جديد كل اسبوع نفس هالشغله
وبعدها ارد لبيت زوجي اللي مافيه الا انا وخالتي بالبيت وحماي الاصغر من زوجي مو متزوج عمره 16 يعني يبيلي مده على ماانطر مرت الحمى هذي والله يعلم بعد تكون زينه ولا شرانيه .. لووول اصلا قاعده افكر انا اللي اختارله وحده على مزاجي خخخخ بس ادري مو حاصلي اصلا بيملج وانا بدري حالي حال الناس ..
وعمي ابو زوجي متوفي من زمان
شنو الحياة الممله اللي اعيشها ...؟!!!!:ch12:
كان عندي قبل العرس بلاك بيري
كان ممتع بالنسبه لي لاتقولون سخافه
قبل ابيت اهلي كان وناسه .. شلون الحين بالحياة الرتيبه اللي اعيشها ..؟!!!
ممنوع بي بي سواء بخدمة او بدون خدمة
وايفون بعد بس الايفون اهون من البي بي ... يعني بالنسبة لزوجي اهون عليه يجيبلي ايفون من غير خدمة ارحم عنده من البي بي لانه خلقه من الله مايطيقه
وممنوع انترنت عنده .. اذا ابيت اهلي اشبك عادي مو مشكله عنده
بس انا ابيت اهلي شبي فيه بالله عليكم ؟؟
ابيه ببيتي يكسر الممل شوي
نروح لشغله ثانيه
من كنت عروس .. والعروس معروف روحات وجيات ومطاعم والحياة تكون اكشن
قالي انا الطلعات ماحبها يعني حدج حدج مره يالشهر لووووول
واذا رحت اشتري للشتى قالي شوفي خلصي شغلج مو بعدين تقولين ابي السوق ترى ماراح اوديج
بوضحلكم شغله بخصوص هالشغلتين الاخيرات
مو شديد فيهم مية بالمية
لالا يتنازل شوي .. شوي بس
وبشكل عاد مايونسني
اقوله فلان مشتهيه دونات مرهم يقول فاضيه ماعندي وقت واهو ورب الكعبة انا ادري انه ماعنده شي
بس مايبي يجيبهم
باختصار كلمة ((لا)) اسمعها واجد
لا لا مو واجد اسمعها على طول
قالي من قبل حطي ببالج مو كل شي تطلبينه اقول اي حطي انج راح تسمعين كلمة لا
بلعت كلامه
بنات والله العظيم انا قنوعه وماني هبله كل شي اشوفه او ابيه اقوله ابيه اوجيبه لي او سوه لي
لالا والله اني افكر واوزن الشغله قبل لا اقولها
اصلا انا طلباتي سخيفه وعاديه
بس اهو الظاهر حاط بباله انه مايبي يعودني على الدلع .. لووول انا وين والدلع وين
والمشكله انه يقولي انتي دلوعتي .. تدلعي ياقلبي لما ادلع يكرهني بالدلع كله
قطيتها بوجهه قلتله فلان انت تقول تدلعي وتكسر فيني بالاخير
تدرون شيرد علي
يقول انا قايلج مو كل شي تطلبينه اسويه قلتله بس انا اعرف شطلب وادري ان طلباتي سهله
ومااطلب الا الشي القليل واللي ادري انك تقدر تسويه رد علي قال بس اذا كل شي تطلبيه اقول اي جذي راح تخربين وتتعودين على هالشي وبعدين اذا قلتلج لا بتصير سالفه لابج ماتعودتي على هالشي
ووانتي نفسج بتملين كله اي اي اي
قلتله لا ياقلبي ماراح امل
وعلى فكره انا ماحب احد يرفضلي طلب
قلتله شالحل يعني اي شي يطري ابالي اقوله لك
عشان ترفض وتستحي من نفسك كلته تقولي لالالا
زوجي باعتقاده ان الرجال رجال والمره مره اهو القوي واهو اللي له حق يسوي اي شي وانا مالي كلمه او حق
اذا تفضل علي هذا يكون كرم منه
يبي كل شي على كيفه اهو
وعلى مزاجيه اهو
مرات احس انه مقصر بواجباته معاي
انقهر مايعطيني اللي ابي
اقوله انا سويتلك وسويتلك ولما جت علي ماتبي تسويلي
شوف اي شي انا ماني مجبورة فيه ماني متعبه نفسي عشانه
قال لا مو بكيفج تسوينه وغصب عليج
قلتله لا كل شي وله حدود
انا علي واجبتي اللي لو انت تقصر ماني انا ماراح اقصر بواجباتي لاني اخاف الله
وعندي حقوق تدري اني مااقدر اخذهم منك بالغصب
بس شي مو من واجبتي ماني ملزومه في ولا تقدر تغصبني علي
بنات
ياناس
انا مو مرتاحه بحياتي
اتمني لو الزمن يرجع عشان مااوافق عليه
والله مادري شسوي بعمري احس انها خلاص راحت علي
شخباركم؟؟
مادري شلون أبدي ومادري شقول
يعني انا نفسي محتاره بحياتي
انا ماني ناكرة جميل او رافسة للنعمة ...
اول بقولكم عني انا
انا بدوية وماخذه واحد من نفس القبيله ماعرفه ولا اعرف اهله ولا ادري عن بيئتهم .. وطبعا ماكان في نظره شرعيه لانه ماطلب هالشي مع ان ابوي ماعنده مشكله لو طلب هالشي لانه من حقه .. وانا بعد من حقي اشوفه
كنت ليلحين ماتخرجت من الثنويه وتوني صغيره اهلي وافقوا عني
ترددت قبل الملجه وقلت لامي مابي اخذه انا مابيه حسيت لحظتها اني مو مرتاحه
ولا عطتني وجهه وقلتها اوكي اوكي وبعدها ماتكلمنا بالموضوع لما قالتلي ترى باجر ملجتج .. انا حزتها لا تشوفون حالتي امبيه تضايقت حدي .. وقعدت ابجي شنو مو بكيفكم يمه انا مو قايلتلج مابيه شنو انتي بس بتقطيني قط .. الحمدلله ماعلي قاصر ماني طايحه بجبدج عشان تمشيني جذي
جان تقعد تبجي امي وتقول حرام عليج انا اعرف اخته خوش وحده وزوجج دراسته قويه واول مايخلص دراسه بيتزوجج يعني لاحقه عالعرس استانسي على ماتتزوجين
انا والله حزتها اكسرت خاطري امي ووافقت عشانها بس .. ولا انا اللي بداخلي والله مايعلم فيه الا ربي
وملجت
ماحسيت بالفرحه يعني كنت عادي
انا ماعندي شي ضده او سبب لرفضي كل شي كان اوكي
بس انا من داخلي مو مرتاحه
مع اني صليت استخاره اكثر من مرحله بس مادري شلون
وربي اني من ملجتي لي العرس ولا مره حسيت اني مستانسه اني باخذ هالشخص
المهم
خلصنا من قصة ملجتي
حياتي قبل لا اتزوج الحمدلله ماعلي قاصر من كل النواحي الماديه والمعنويه
يعني كنت البس اللبس اللي مقتنعه فيه
وكل شي عادي عند اهلي مافي شي ممنوع .. وانا الحمدلله عارفه حدودي اللي متربيه عليها فماكنت اتخطا هالحدود
المهم
وتخرج سي سيد
وتزوجت :eh_s(13):
وشفت بيئه ثانيه
ماكنت اتخيل اني راح اعش جذي
احس اني مبالغه بهالشي
اول شي قالي تحكم بلبسي .. لو دين على عيني وعلى راسي .. بس لانه عيب ويشوف هالشي مرجله
خلاني البس عباية راس ودسوس ونقاب
وانا بالاساس كنت البس عباية جتف ملونه كشخه ببيت اهلي .. بس بكيفي مو اهلي اللي افرضوها علي .. لاني كنت اشوف انها استر واقدر اكشخ فيها .لوول ادري ان الحرام حرام
وادري ان عبايه الراس فرض ومجبوره البسها وراح اخذ اثام اذا مالبستها
بس مو البسها عشان زوجي قالي البسيها واستحي اذا مشيتي معاي من غيرها ,, يتفشل الاخ
المهم
خنخلي عباية الراس على صوب
احنا عايلتنا صغير واقاربنا محدودين
فماعندي بنات من عمري الا وحده وعلاقتي فيها زينه لان اهي اصلا نفس حالتي :eh_s(3): لووول
فوين كنت اروح وارد!! .. عند رفيجاتي ..ورفيجاتي امي تعرف عدل .. واهلي يثقون فيني وباختيارتي ,, فمايمانعون لما ازور رفيجاتي
بالله عليكم رفييجاتي من نفس عمري وانا مختارتهم بنفسي اكيد انهم نفس تفكيري ومستانسه معاهم ومرتاحتلهم
>>> احلفكم بالله حاسين بهالنقطة .. الانسان اجتماعي بطبعه واحنا عايلتنا مافيها احد من عمري يا اكبر من او اصغر مني
يعني مهما بطق صحبه معاهم اكيد ماراح يكونون اهم اساس حياتي الاجتماعيه لانهم اهم جيل وانا جيل ثاني
منعني منهم ومن زيارتهم
صارت حياتي بس الويك ايند اروح لبيت اهلي مع امي وخواتي ماكو شي جديد كل اسبوع نفس هالشغله
وبعدها ارد لبيت زوجي اللي مافيه الا انا وخالتي بالبيت وحماي الاصغر من زوجي مو متزوج عمره 16 يعني يبيلي مده على ماانطر مرت الحمى هذي والله يعلم بعد تكون زينه ولا شرانيه .. لووول اصلا قاعده افكر انا اللي اختارله وحده على مزاجي خخخخ بس ادري مو حاصلي اصلا بيملج وانا بدري حالي حال الناس ..
وعمي ابو زوجي متوفي من زمان
شنو الحياة الممله اللي اعيشها ...؟!!!!:ch12:
كان عندي قبل العرس بلاك بيري
كان ممتع بالنسبه لي لاتقولون سخافه
قبل ابيت اهلي كان وناسه .. شلون الحين بالحياة الرتيبه اللي اعيشها ..؟!!!
ممنوع بي بي سواء بخدمة او بدون خدمة
وايفون بعد بس الايفون اهون من البي بي ... يعني بالنسبة لزوجي اهون عليه يجيبلي ايفون من غير خدمة ارحم عنده من البي بي لانه خلقه من الله مايطيقه
وممنوع انترنت عنده .. اذا ابيت اهلي اشبك عادي مو مشكله عنده
بس انا ابيت اهلي شبي فيه بالله عليكم ؟؟
ابيه ببيتي يكسر الممل شوي
نروح لشغله ثانيه
من كنت عروس .. والعروس معروف روحات وجيات ومطاعم والحياة تكون اكشن
قالي انا الطلعات ماحبها يعني حدج حدج مره يالشهر لووووول
واذا رحت اشتري للشتى قالي شوفي خلصي شغلج مو بعدين تقولين ابي السوق ترى ماراح اوديج
بوضحلكم شغله بخصوص هالشغلتين الاخيرات
مو شديد فيهم مية بالمية
لالا يتنازل شوي .. شوي بس
وبشكل عاد مايونسني
اقوله فلان مشتهيه دونات مرهم يقول فاضيه ماعندي وقت واهو ورب الكعبة انا ادري انه ماعنده شي
بس مايبي يجيبهم
باختصار كلمة ((لا)) اسمعها واجد
لا لا مو واجد اسمعها على طول
قالي من قبل حطي ببالج مو كل شي تطلبينه اقول اي حطي انج راح تسمعين كلمة لا
بلعت كلامه
بنات والله العظيم انا قنوعه وماني هبله كل شي اشوفه او ابيه اقوله ابيه اوجيبه لي او سوه لي
لالا والله اني افكر واوزن الشغله قبل لا اقولها
اصلا انا طلباتي سخيفه وعاديه
بس اهو الظاهر حاط بباله انه مايبي يعودني على الدلع .. لووول انا وين والدلع وين
والمشكله انه يقولي انتي دلوعتي .. تدلعي ياقلبي لما ادلع يكرهني بالدلع كله
قطيتها بوجهه قلتله فلان انت تقول تدلعي وتكسر فيني بالاخير
تدرون شيرد علي
يقول انا قايلج مو كل شي تطلبينه اسويه قلتله بس انا اعرف شطلب وادري ان طلباتي سهله
ومااطلب الا الشي القليل واللي ادري انك تقدر تسويه رد علي قال بس اذا كل شي تطلبيه اقول اي جذي راح تخربين وتتعودين على هالشي وبعدين اذا قلتلج لا بتصير سالفه لابج ماتعودتي على هالشي
ووانتي نفسج بتملين كله اي اي اي
قلتله لا ياقلبي ماراح امل
وعلى فكره انا ماحب احد يرفضلي طلب
قلتله شالحل يعني اي شي يطري ابالي اقوله لك
عشان ترفض وتستحي من نفسك كلته تقولي لالالا
زوجي باعتقاده ان الرجال رجال والمره مره اهو القوي واهو اللي له حق يسوي اي شي وانا مالي كلمه او حق
اذا تفضل علي هذا يكون كرم منه
يبي كل شي على كيفه اهو
وعلى مزاجيه اهو
مرات احس انه مقصر بواجباته معاي
انقهر مايعطيني اللي ابي
اقوله انا سويتلك وسويتلك ولما جت علي ماتبي تسويلي
شوف اي شي انا ماني مجبورة فيه ماني متعبه نفسي عشانه
قال لا مو بكيفج تسوينه وغصب عليج
قلتله لا كل شي وله حدود
انا علي واجبتي اللي لو انت تقصر ماني انا ماراح اقصر بواجباتي لاني اخاف الله
وعندي حقوق تدري اني مااقدر اخذهم منك بالغصب
بس شي مو من واجبتي ماني ملزومه في ولا تقدر تغصبني علي
بنات
ياناس
انا مو مرتاحه بحياتي
اتمني لو الزمن يرجع عشان مااوافق عليه
والله مادري شسوي بعمري احس انها خلاص راحت علي
