زهقت من هالحالــة ..!!!

[نونه المنكوشه]

والله صاجه الروح تبي الارواح حاولي اتقولين لامج ابي اروح بيت خالتي ابي اقعد مع البنات وله طلعيني اتمشي موشرط كل يوم

 

[عسل حدي]

البنات ماخلو شي نقوله كفو ووفو

 

[ام الدرر]

اشتركي بنادي صيفي
النادي العلمي يسوي دورات حلوة
عالاقل تستفيدين من وقتج وماتحسين بالملل
وفي نوادي تسوي رحلات اسبوعية لاماكن ترفيهيه ​

 

[غلآ نوآف]

ههههه حالج ارحم
في غيرج وايد
لا دراسه ولا شغل ولا شي
وحتى مايشوفون احد
عالاقل انتي تطلعين بره عندج دوام تشوفين بنات تقعدين معهم
بس حياتي قريبة منج
قبل لا اتزوج كنت جذي
قطعت فترة عن الناس ولي الحين
بس عالاقل في عندي اشياء مشغولة فيها
وعندي اهل ريلي وخواته اتونس معاهم
راح يتغير الحال
حاولي تكوني صداقات بالمدرسة
ويمكن بعدين تطلعون سواء المجمع
او حديقة او عالبحر
بس هاه اختاري ربع كفو وعدلين
مو صيع وتافهين

 

[نستيلا]

وعليكم السلام ورحمه الله وبركاته


لا والله حاسه فيج احنا 3 بنات وبعض المرات نحس بخنقة نقول لأمي وابوي نبي نطلع ويرفضون كلهم يكرهون الزحمه ومرات يكونون مشغولين او تعبانين
وأهل امي وابوي مو طبعهم طلعات وحتى لو بيطلعون امي ما ترضى =(
وحالياً انا انطر الوظيفه وأمي ما ترضى اطلع بروحي او مع خواتي او رفيجاتي فأحس إن صج مقموته ومجابله 4 طوف
بالنسبه لي وأتمنى افيدج بإلي اسويه
مرات قول لأمي يما عازمتج ع الريوق الصبح لا نتريق بالبيت خل نتريق بره نغير جو >>>>> ومرات وايد تطاوعني نتريق بالأبراج او الأفنيوز
ومرات اقول لخالي إذا فاضي اطلع معاه >>>> الفرق العمر بيني وبينه شويه فنروح سينما او ناكل بره
انا من هواياتي الرسم فمرات وايد اقعد طول اليوم بس ارسم وشيق حلو لو عندج رفيجه تعرف ترسم وتشجعون بعض >>> أغلب رفيجاتي من النت
وآخر شي إن طقت نفسي خلاص كلش اشوف مسلسل كوري او تايواني اتابعه واكون مدمنه عليه وبجذي يمر اليوم

بس اهم شي لا تقعدين بروحج حاولي تستغلين يومج بأي شي ممكن تقرين او تطبخين

والله يوفقج إن شاء الله =)

 

[أم خشم]

انا نفسج عندي خوات و بنات عم
بس اقدر اقول اني بروحي ,, لاني من الناس اللي تحب تقعد مع اللي يفهمها و يحس فيها
يعني وحدتي و قعدتي بروحي بالبيت احسن لي من القعدة مع ناس ما يقدرون وضعي او يواسوني اذا تضايقت وبس يوبني اشاركهم امورهم بس اهما لا
بس الحق ينقال عندي اخت وحدة اصغر مني بس مااقولها كل شي
اللي ما يحس فيج و يحطج ضمن اهتاماته لا تروحين له اللي يبي يحبني يدل خدي مثل ما يقولون
بس هم حاولي تخلقين لج عالم من الوناسة هواية او اشتركي بنادي او دورة اي شي ترى مثل هالاماكن تولد الصداقات حاولي ,, لا تنظرين احد ييبلج الفرص انتي روحي لها بس تكون بما يرضى الله

 

[طموحه بزياده]

لما كنت كبرج كانت هذي مشكلتي بالضبط


مادري احس هذي نسخه من مذكراتي هههههههه

عموما انا لي الحين نفس الحاله ملل وزهقه

صبر جميل والله المستعان

 

[قمر بيت أبوها]

حبيبتي تعلمي الطبخ واطبخي لاميمتك وابوك واستانسي معاهم اصنعي جوا من نفسك
واختك ودي اهاوشها المفروض تطلعك انتي اختها والله اني اطلع عشان خواتي ولاانا تمر السنه مو مشكله عندي الطلعه
واخوانك اطلبي واحد منهم يروح معاك لسوق تمشي مع اخوك وانبسطي
واعزمي بنات خوالك وعمامك ولا بنت جرانك اهم شي وسعي صدرك ولا تضيقينه يضيق
واميمتك وابوك حبي راسهم قولي ودوني اي محل ابي اتمشي معاك ترا ينبسطون لانهم يحبون يكونون هم الامر والناهي
واسجلي بدورات لتحفيظ القرآن لو بالنت ولااقري كتب دينيه ترا عمرك احلي عمر للقراءه
والله يسعدك حبيبتي

 

[katalee]

الله يفرج عنج بس قولي ان شاء الله مب انشالله
اللهم صلي على محمد صلى الله عيله وسلم