زهقت من هالحالــة ..!!!

[Brora ~]

السلام عليكـــــــم ..



بختصر لكم مشكلتي ...


انا عمري 13 سنه وعندي اخت اكبر مني متزوجه عمرها 22 وعندها بنت صغيره . المهم
وعندي 3 اخوان صبيان وواحد متزوج اهوه وزوجته يدرسون براا ..

مشكلتي اني عايشه بملل فظيييع .. اخواني الصبيان يطلعون وقت اللي يبون ومايرجعون الا بليل 1 و 12 بالليل ومحد يقولهم شي يروحون مع ربعهم يحجزون كره ينامون بيت يدي بيت عمامي وعماتي وخالاتي ..
اختي مع زوجها كل جم يوم طلعة ومطعم .. " يعلي ماحسدهم .. مشالله " ويستانسون ويشترون اللي يبونه ..

بسسسس انا حياتي ممله ... امي وابوي مايحبون يطلعون وايد وانا احس بملل فظيع احس اني مو مثل الناس كل اسبوع طلعه ووناسه ويمعـة بنات خالات ومادري شنو .. لانه احنا بعد مانتيمع مع بنات خالاتي وجذي في مشاكل شويه .. اشوف بنات المدرسه شاليهات و افنيوز و 360 وانا .. بالبيت بالبيت ..
لا واذا بطلع الجمعيه ..
اختي توعدني وماتوديني
ماطلع الا من شهر لي شهر لا واكثر وكل اسبوع بيت يدي و " موووو وناسه "
اختيي مرااااات اطلع معاها كلش كلش " سوق شرق ولا جمعيه "
ليش اهلي مايحسون فيني ؟
يعني ترى انا ابي اكون نفس الناس اطلع حالي حالهم واستانس وغير جو :eh_s(2):

حتى اختي توعدني وبعدين ولا شي




حياتي ملل بملل ماتفرق معاي العطله من المدرسه وخصوصا اني 24 ساعه بالبيت



عطوني حلول شسوي ..

يمكن تحسون انه شي تافه بس انا اشوف الناس يطلعون وانا لا .. ليش ؟
وانا امي وابوي مايحبون يطلعون وايد اوكي بس اختي اهيه اكثر وحده معاي ومرات نطلع ..

بس من مددددددددددددده لي مدددددده .. :eh_s(2):


اللي بتضايقني لاترد .. يمكن في بعضكم ماراح يحسون لانه مانحطو بهالمكان

وشكرا

 

[Ms.Candy]

حاولي تسولفين مع صديقاتج وتكونين لج صداقات ودايما ابتعدي عن الملل سوي نشاطات وشوفي لج هوايات تمارسينها مع اهلج وبما انج في البيت استغلي الفرصة وبعد حددي هدفج يعني مو تقعدين كل متمللة سوي لج جدول تنظمي فيه اوقاتج وشوفي لج عدة انشطة تخلصج من الملل واذكري ربج او ادعي ربج في اوقات فراغج يمكن ربي يستجيب دعائج وما انسى حافظي على صلواتج دايما ودايما روحي عن نفسج مو كل تحبسين روحج يعني مثلا طلعي حديقة بيتكم وشمي هوا ولا تبتعدي عن اهلج حاولي تندمجين معاهم تتواصلين معاهم بشكل اكبر ومثل ما قلت رفهي عن نفسج باللعب وتعاملي بشكل صحيح مع الوقت لا تضيعين وقتج على انج تقولين ملل او مثل هالشي لان ما بفيدج ابعدي الافكار السلبية عنج سوي رياضة اكتشفي تعاليم دينج او تعلمي التكنولوجيا او اذا تحبي الازياء او المكياج روحي حطي لج ميكب وتسلي بهالشي بتكتشفي لج هواية وتجنبي الاشخاص السلبين المملين الي يجلسون بدون شغلة ولا مشغلة اتصلي باصدقائج اطبخي استرخي شوي واعملي نشاطات واحين بقولج اشياء تتجنبيه القنوات الفاسدة لا تحاولين تتابعنيها ولا تقارنين حياتج بحياة الغير كلن وله حياته ودايما احمدي ربج عالنعمة ولا تصيرين كسولة لان الكسل مو زين روحي سولفي مع اهلج اقري كتب تفائلي بحياتج استخدمي خيالج بشكل صحيح يعني لا تخخيلين لو انج غنية او جذي لان هذا يزرع السلبيات

 

[رحيل المرافيء]

خل يكون عندج هوايات
القراءة الرسم / اشغال فنية / الرسم على الزجاج / الخزف / الطبخ سوي كيك وحلويات وايد شغلات تعلمي دام فاضية
روحي لبنات جيرانكم تعرفي عليهم صادقيهم

اخذي امج وابوج انتي طلعيهم قولي بروح الافينوز امشوا معاي بروح كوفي شوب والحين الجمعيات صايرين مولات
اخذي امج وابوج وروحوا تمشوا بالجمعية
روحوا البحر حطوا مدتكم وقعدوا

 

[ساكنة بقلبك]

اقري القران الا بذكر الله تطمئن القلوب وادعي الله ان يشغل وقت فراغج فيما يرضاه
وان يبعد عنج الكابه والملل

 

[el.mlkaa]

كلللمممي اامممج قوووليلهااا ابي اطلع ابي استانسس انا بعطله الحين ...

طلعي مع رفيجاتج اذا اهلج يرضوون ! خلي اقرب وحده من بنات خالاتج تنام عنننددج او تنامين عندهااا قولي حق امج احسس بملل فظييييييع اكييد بتكسرين خاطررهاا وموفقه حبييي

 

[Patcholli]

حبيبتي تقدرين تمارسين هوايات ونشاطات بالبيت مو شرط طلعه ..!!

 

[دنيا جديدة]

هلا اختي
صاجه الوحدة تقصر العمر

بس كوني لج صدقات زوريهم ويزورونج \قعدي مع امج سولفي معها حطي لابج يمها
ولا تقارنين نفسج بالا ولاد الشباب غيررر

واختج لا تلومينها ترى المتزوجه حياتها وزوجها تحكمها يعني تواعدج ومناك تطلع لها الف شغله

وامج قولي لها انا من حقي اطلع اشوف الدنيا بسلوب هادي لا شفتيها رايقة

وخير جليس القران والله تحسين براحه مو طبيعية
وعليج بالدعاء والا ستغفار ان الله يشرح صدرج ويسخرلج اللي حولج

 

[Ka8Ko8a]

اقضبي ارضج ابركلج بتهبهبين عمرهاا ١٣ وتشتكي يرحم حاااالي اللي ماطلعت الاا لماا تزوجت اوووووف بنات هالوقت يعنني

 

[سسارونه]

حآولي تلهين نفسك باللاب توب ولا تتعمقين كثير ب المواقع مو زين لك

حاولي تتقربيين من اخوانك وامك وابوك عشان يلبون الي تبين ولا يردونكك

الله يعينُ .. حآلي زي حآلك وشوفيني متقربه من اهلي هالفتره وشحليلهم ويآي .. =)

الله لا يغير علينا ..

الله يسعدك يارب ويشرح لك صدرك حبيبتي

 

[frozntouch]

حبيبتي حاسه فيج لانه بايام صغري مريت بنفس حالتج تقريبا
خواتي الي متزوجه واللي تدرس برا
وانا بروحي في البيت
كنت اخلي امي تطلعني او مرات انادي رفيجاتي البيت عشان نطالع فلم ونسولف ونتعشى مع بعض
لانه اهلي ما كانوا يرضون سوالف طلعه رفيجات بس في البيت
ف انتي سوي جذي عزمي رفيجاتج ببيتكم
وقولي حق اهلج يحجزون شاليه ع الاقل تغيرون جو
واذا احد من اخوانج الصبيان قريب عليج وتحسينه يونسج بالطلعات قولي له يطلعج
يوديج سينما او تروحون بولينج
او كلش كلش ليدام الحين عطله اشتركي بمعهد منها تتسلين ومنها تتعرفين علا بنات من مقادج

 

[دلوعة أبوهآ]

مآقصروآ البنآت ...

 

[Miss Eteket]

مآ قصصرو

 

[Brora ~]

اقضبي ارضج ابركلج بتهبهبين عمرهاا 13 وتشتكي يرحم حاااالي اللي ماطلعت الاا لماا تزوجت اوووووف بنات هالوقت يعنني

شتبين يعني !! والله انا كيفي اطلع ما اطلع انتي بتنحبسين بالبيت شي راجععلج

استغفرالله

 

[*باربي*]

اقري القران الا بذكر الله تطمئن القلوب وادعي الله ان يشغل وقت فراغج فيما يرضاه
وان يبعد عنج الكابه والملل

:rerrerek::rerrerek::rerrerek:

وكوني صدقآت و علآقآت
اعزميهم بيتج و روحي لهمم
سوالفي اهتمي بالاشيااء ..او مثل مالقوو بنات اقعدي على لآب
اقري رويات يعنني اهتمي باشيااء ..
افتحي مواضيع او قروبااات ..
سوالفي حاولي تهتمين بهوآياات
امممم مثل حاولي تتعلمين ميك اب
دشي يوتيوب و طبقي يعني احسسن
من القااعده استغفري الزمي الاستغفاار لا تتكرينهاا وشوفي حيااتج بعده !!

 

[لمى الهاجري]

انا نفسج لا جمعات مع بنات والما اطلع بروحي دام اختج متزوجة طلعي معاها مافيها شي

 

[لميس نفسي]

حبيبيتي عادي

يكون بعلمج نص يطلع ونص يقعد


انا بعد قاعده بالبيت علئ طول مع ان متزوجه وخواتي يطلعون ويدخلون ولا اذا جمعه تكون برى وانا محرومه منها



انتي بين فتره وفتره طلبي من امج وابوج يودونج للسوق

واشغلي نفسج بشي


انا الحين قعد اصمم تيجان وملابس للبنات

وماشاء الله الوقت يضيع


تجمعي مع بنات خالج بنات عمج

قولي لاخوج يطلعج ولاختج


وترى العطله تزهق الواحد


طلبي من ابوج يسفركم

 

[Luv u]

أنا عمممري 15 ومثلج والله

بس أنا الي ارفض اطلع

جذي مدري ماحب الطلعات

وصح والله إذا انتي ماتطلعين ماتفرق المدرسة والعطلة

المهم تقدرين تحاجين امج وابوج قوليلهم يطلعونج

طلعي جم دمعه ع انج مسجينة ومظلومة << مجربة

وبتكسرين خاطرهم اكيد

إذا مانفع .. قولي لي وانا بدور لج حلول << عندها خبرة

Good luck 8lboo

 

[Şhώasha . . ~]

انتي يايبه الملل حق نفسج !!!

الوناسه مب بس بالطلعه !! ...
اول شي رفيجاتج وينهم ؟؟؟ .. ماعندج رفيجات !!
تعلمي لج شي و هواياتج شنو ماعندج هوايات ..؟؟
مايستهويج شي معين رسم ، شعر ، ...آلخ

وبعدين رفيجاتج آعزميهم بـ بيتكم .. و لا انتي روحي لهم ( آّذآ آهلج يرضون )
و سوي يمعات من فتره لين فتره كلكم حفلات بين بنات الصف ..
وناااسه ترى .. جيبوا مثلا ملعب صابوني ولا نطاطيه وحطوا فيها ماي و صابون حتى البنات اللي مخلصين جامعه ومدرسه يستانسون ... جوفي اذا امج ترضى تاجرين ملعب صابوني ولا نطاطيه .. وتلغلغوا والعبوا واستانسوا ... بتحسيييين بوناااااسه .. او اذا اهلج مارضوا عطي الفكره حق وحده اهلها يرضون و سويها ... او سووا حفله عاديه استانسوا و ارقصوا ...

وبعدين ماعندج بنات عمام او بنات عمام ..؟؟ ....

خلاص اذا ماعندج رفيجاتج بعد ههه رايحه وراده ع الرفيجات لانهم يونسون والله .. انا ع البيبي ام 24 ساعه اسولف ويا رفيجاتي وبعد اشتاق لهم والله مكااانهم مبين وكبيرر .. وتقريبا كل يوم اجوفهم وبعد اشتااق لهم ...

وبعدين روحي ناادي صيفي ولا معهد مثلا يقوي الانقليزي عندج اذا ماتعرفين انقليزي ولا لغه ثانيه ... اذا تحبين التصوير دشي معهد تصوير .. وبعد واايد اشيااء عندج ...

وتيمعي معاهم وجوفو افلام واضحكو و ارقصو و العبو وسولفو ...

 

[روانتي 12]

وعليكم سلام . .

هههههههه شتقولين عني عيل . . بالسنه اسافر شهر بس . . خليني ساكته احسن

 

[حبيبه ببي]

اناشقوول متغربه لاصديقه ولاهم يحزنون اخ قهرقلب ياارت القى صديقه اناتعبت اكثرمنج والله بس انطرايمع فلوس وارجع ديرتي