زميلتي بالمكتب شالحل معاها تكفون والله تدمرت منها

[عسل حدي]

نفس حالتي الله يكىن بالعون
قمت اتجنب الدوام والزملا الله كريم

 

[sky angel]

وقفيها عند حدها هذه ماتستحي قطيعة بالوجه عطيها ما اسمح لج تتدخلين بخصوصيتي مثل ماتقط عليج حجي سميها بالحجي مره مرتين راح تلزم حدودها وانتي ولا اتحطين ابالج هذه وحده قليله ادب يبيلها لسان طويل عشان تعرف قدرها
الله يرزقج بالخير وكل شيء لحكمه من رب العالمين وكل شيء بوقته حلو استانسي وعيشي حياتج ولا يهمونج هالاشكال سفيها

 

[دآآآنــه]

وقفيها عند حدها و ربي قادر يمحيهم من جدام عينها و شوفي اللي ارسلت لج ع الخاص

 

[Kocheko]

اولا عسى الله يروزقج بالذرية الصالحه المعافاه
ثانيا .. هالانسانه مريضه بمرض الحقد .. تغار منج نفس العله اللى معاى بالدوام هذول أمراض يمشون على قدميين ..
انا لو منج كل يوم اشتري شي وأراويها وان قالت لج ما عندج عيال قولى لها أى أحسن متفرغة لنفسي وزوجي أدلع روحي أنتي خلج للهم والكرف .. عشان تنطم هالحسووودة

 

[keka89]

حبيبتي شفيج حقريها وخلاص وحاولي لاتحتكين فيها وايد وحتى لو كانت قاعده يمج قصري معاها بالحجي ولا تعطينها ويه قطيعه في ناس وايد ملاقيف حمدي ربج انها بنيه مو ريال ويكون ملقوف وقاعد يمج ويتسال ويرز ويها

 

[Nokia N95]

حطي سماعات بـ اذونج ... و بيني لها انج مشغولة ...
تسمعين محاضرة ... اناشيد ... تحفظين قرآن ....
او اخذي معاج كتاب تقرينه بالدوام ....
او في طريقة ثانية ....

انتي اللي ابتدي بالسوالف ....
وسئليها ... شلون قادره تتحكم بحياتها وهي ام و موظفه ....
انا ما انصح تتدخلين بحياتها الشخصية ....

بس يمكن اذا انتي تدخلتي ....
راح تفج عنج شوية ...

سئليها ... وين راح تسجل عيالها بالصيف ... وان لازم تدخلهم نوادي او تسفرهم
عيل هي تشتغل وتاخذ معاش ليش ؟؟ مو علشان وناستهم ....

وسئليها كل يوم ... ويبي لها اغلى النوادي ( مثل اللي بمجمع ديسكفري ) و حني فوق راسها تسجل عيالها ...
كل يوم سئليها عن دراسة عيالها ...

واذا قال لج ... يابختج ماعندج عيال ...
قولي ... اي الحمدلله كل تأخيرة وفيها خيرة ....

 

[ليدي بجد]

فكري بنقطه ضعف لها او نقص ولو ما تعرفين خليها تفضفض باي طريقه وجاريها على الاخر كم يوم عشان تقول كل التفاصيل وتتأكد طن انه اكثر شي جارحها او معذبا بحياتها او شايله همه
مثلا زوج خائن او حنى عينه زايغه او يضرب او يعايرها شي معين او ما يعطيها وجه من ناحيه الجنس
او ما يصرف
او عيلتها ام اب إخوان خوات
طبعي مجموعه شغلات وخذي الأقوى وحبذا شي يتعلق بالزوج
وبعد جمع المعلومات عن العيوب المهمه
ابتدي سوي نفس أسلوبها وقطب كلام عن الموضوع بكل سالفه داخليه غصب شوي بشوي ببتعودين وتتعلمين تتجرئين تقطين لما تذكرين حره كلامها
وظلي فتره لين تحسين تعذبت وبتبطل لانها بتحس بشعورك وانت زيدي شوي ربيها وبعدين بطلي وارجعي وقت الزوم اذا رجعت ريمه لعادتها
تصدقين الي قلته لك من من طبعي ابد بس حاسه فيك جدااااااا
والحقيقة ان الحل مع الوقح اذا مضطر ماتقدر تفارقه تعامله بالمثل
وبالهطريقه ماراح تخسرين نصايحها او صداقتها بس بتربينها فتره لين تبطل حركاتها




الي عندها نقص وانت شخص النقص الي عندك يخليها تشعر انها عندها شي مؤ عندك فترتفع معنوياتهم هذا سبب حبها لك
مارسي معاها المثل وراح تحس على دمها وتعيد تحديد شكل علاقتها معك انك زميله او صديقه مش دواسه تدوس عليها برجلها لما تحس بحاجه لدفعه للإمام

 

[كتكوته عسوله]

الله لا يسلط عليكم اللي ينزل دمعة قهر من عيونكم يارب اختي (ليدي بجد) الله يوفقك ويهنيج زجاج الله الف خير علميتيني ووعيتيني طبعا ما ودنا نجرح احد ولكن انا عزت علي نفسي يا اختي

 

[ليليان ..]

يمكن شايفه فيك شي احسن منها
و بتحسسك انها هي أحسن منك

يمكن يكون زوجك افضل من زوجها
نسبة جمالك بالنسبه لها
علاقتك مع زميلاتك

و تغار منك !

و استغلت فرصة عدم إنجابك كا فرصه تحسسك بكذا
ولا ليه كل مره وثانيه تقط عليك هالنغزات
الا عشان شي قاهرها فيك : )

الزبده , لا تلفين باللي ناقصها و تحسسينها بمثل ما تحسسك
لأن هالشي تسيئن به لنفسك ولأخلاقك
هي تتصرف كذا عشان تستفز أعصابك
فلا تسمحين لها كذا
واذا طرت لك هالشي مره ثانيه
حسسيها ان الموضوع ما يأثر فيك و خذيه بشكل عادي
و تجاوبي معها بشكل طبيعي و إيجابي

والله يرزقك بالذريه الصالحه ~

 

[نجمه السيد]

الحريم مايجوز عن كلامهم هي ما جربت الأمرين الشأن تقول مرتاحه يوم من الأيام كنت بمكانش والكل يقول مريحة ماعندش عيال وهم أساسا يقطو نغمات وأسكت صبرت ونلت مرادي الله يرزقش بجاه باب المراد

 

[Japanese]

ماله داعي للآعيب والخطط

قوليلها بويهها انج ماتتقبلين الآسئله الشخصيه من هالنوع بغض النظر عن النيه من ورا هالآسئله

الناس اللي ماتوقفينهم عند حدهم يتمون يتمادون وايد ويحسبون ان الطيبه وغض النظر والإحترام ضعف

ف لاتسمحين لها تاخذ هالفكره وتعاملج ع هالآساس

بالعكس قوليلها بكل احترام والله فلانه كيد وكيد وكيد

بالله يمكن هي يايه من عيله جذي يتكلمون مع بعض وعادي ؟؟

الله يوفقلج ان شاء الله وكلش لاتتضايقين انتي اهم شي تبنين موقفج وتوضحين شاللي يريحج واللي مايريحج تتكلمين

وتتناقشين فيه وبجذي هي تسكت عنج وانتي ترد لج سكينتج وراحتج النفسيه بمكان شغلج عشانج وعشان

الشغل اللي راح تضطرين تجابلينه بمخ صافي :> ​

 

[مودي كويتي]

وعليكم السلام ورحمة الله وبركاته
او لا الله يرزقج الذريه الصالحه وحبيبتي انتي عطيتيها مجال شلون ساكته عنها كل هالمده هالاشكال الخايسه تتمادى مع الطيب
انتي لاتكلمينها ولاتواجهينها تفكرينها بتستحي صدقيني بتزيد وبتعرف شلون تستفزك اكثر نصيحه قطعي علاقتك فيها نهائيا ولو تقدرين تنتقلين من مكان ثاني ابرك انا اختي تهاوشت مع وحده بالدوام وماتبي تكلمها لكن الثانيه تحاول تتلصق وتسولف غصب ماعندها كرامه ولا احساس اظن زميلتك نفسها ماعندها دم ولاتخلين هالاشكال تاثر عليك تبين تحرينها اكشخي اكششخي ولاتتشكين لها ولو مر يوم كنتي طفشانه او متضايقه لاتبينين خليك قدامها اسعد وحده غصب الله ينصرك ع هالاشكال الخايسه

 

[ماسة]

لا تحكين لها عن حياتك كلش هذا اولا ً .. ثانيا تحصنين نفسك لانه اللي يسوي بحركاتها انسانة مريضة نفسياً
والظاهر تبي تغطي بكلامها على مشكلة معها .. ومو بعيدة انها مو ممتهنية بحياتها رغم الزوج والاولاد ..

انتي طنشيها واحقريها ..
انا مااشجع على الرد لانه اخاف لو رديت يمكن فعلا اجرح وانا مابي احد يزعل ..

لكن لو زودتها حيل تقدرين تقولين مثلا والله رحت الصالون ودلعت نفسي او رحت او بسوي اواو
وقوليلها اوه صخ انتي الله يعينك عاد ماتقدرين لازم تقعدين بعيالك عاد والله البلشة
ولو قالت ماعندك عيال وو قوليلها كش من عيونك حاسدتني على راحة بالي

في ناس ماتسكت الا لما تنقرص او حد يرد عليها ..
هي شافتك ضعيفة قامت فيها .. حسسيها انه رأيها مايهمك كلش واحقريها وانه كلامها والتراب واحد
واهتمي بنفسك واتدلعي واتكشخي .. وعامليها كانها مب موجودة ولو كلمتك قوليلها يافلانة ابي اركز بشغلي او قوليلها سوري بسوي مكالمة او اي شيء .. هي بتاكل بنفسها