زميلة زوجي

[reem alflla]

يمكن ريلج زميل عمل ونيس يمكن تحب مقعده عاادي احس شخباري وحده تحط عينها على ريال مو من زينهم وياكثرهم الريايل
طووفي يمعوده وكبري راسج

 

[M!ss CoLoRz]

صيري ذكية

بس صج تعالي شلون على طول تسمعنيها؟؟!!!

طرشي حق زوجج باقة ورد للدوام واذا عندكم ايدبل ارينجمنت طرشي له بعد... زوجج بيتشقق وبيقعد يتفرر فيها على الموظفين يراويهم ويووزع عليهم وجوفوا شنو سووت لي مرتي .. طبعا اهيه بتجوف وبتنقهر

جوفي من عقب هالحركة شيصيير؟؟؟ اذا تم الوضع على حاله ريلج مو مقصر مو ماعطها ويه ودامها في الاربعين مادري الخمسين صبري ومردها بتطلع تقاعد مبكر ان شالله

 

[زوجة عزيز]

بناااات بلا مثالية زايده


البنت تقولكم تنعم صوتها وتدلع وكل هذا بحسن نية !!!


أختي أصحي من غفلة البنات محد بينفعج اذا فرت راس رجلج تالي العمر وطلقتج منه وخذا البيت !!!


انتي ما تسمعين عن بلاوي الحريم !! حتى لو زوجج كبير بالعمر ولو هذا ما يعني ان زوجج نزيه وماعنده خرابيط


يمكن اليوم ماعطاها وجه ولا لقى بال لها باجر بتجذب انتباهه وتأخذه منج


أختي دام زوجج سلمج العصمه وقالج تصرفي معاها معناته انتي تدقين عليها وتهددينها اذا ما ضبطت نفسها قوليلها أدق على عيالج واعلمهم الصج دام ما وراج والي


نصيحتي الحين هدامات البيوت على قفى من يشيل !! والحياة سهله عندهن


بنت عمج الي هي قريبتح ماتثقين !! شلون وحده مع زوجج بالدوااااام



وانتي ابخص بحياتج

مشكوره حبيبتي هذا اللي كنت اقصده بالضبط انا مو توني ترا طوفت لها وايد ماييت وكتبت سالفتي بنات لا كل مره واقول مايخالف زميلة عمل بس انا زدت قمت اتعمد اسمعها اول ماتدش وريلي موموجود واول ماتدش والله سيدة تسأل عنه واشمعنه مااتييب الا له ريوق وماتعزمه الا اهو ومعاها موظفين غير وفوق ذي اتنعم صوتها احنا الحريم عارفين اشلون اذا الوحده قصدها شي شلون اتغير نبرة صوتها ومشكورين كلكم فديتكم

 

[i'm so happy]

اكره شي الخلط فالشغل من غير قسم نساء وقسم رجال

حلاته الريال يايشتغل بالجيش او مكان مو خلط

هذي فري شكلها الحياه حلوة عندها اي والله تعزمة بعد

لا حبيبتي وقفيها عند حدهااا او اهو خله يتصرف اهو ريال عنده لسان يقدر يوقفها عند حدها

نسوان اخر زمن بعددد صاروا قويات عين

 

[بنت الكويت 25]

يمكن المره نيتها صافية مو قصدها شي و معتبرته زميل و يمكن يكون اصغر منها بوايد و بحسبه اخوها الصغير
اذا ريلج مو مهتم فيها و لا حاطها في باله لا تلحين عليه بسوالفها عشان السالفة لا تصير صج و يفكر فيها

اتفق معاك ...

 

[popa]

بيخلي مرته الصغيره وبيجابل ام 40 اكيد لا وثاني شي تقدرين تسيطرين على امورج بسهاله
اول شي ترسي عينه واجتهدي بهالشي
وخليه يسولفلج عن دوامه بدون ماتعصبين وتزعلين يعني ظحكي وحسسيه انج مرته ورفيجه بنفس الوقت

 

[ناتشوو]

زوجة عزبز
اشلون تعرفين تفاصيل دوامه ؟
انت معاه بنفس الدوام ؟

 

[modern]

خلاص ليش تهتمين مادام زوجك مو معبرها

 

[قَلبڪْ صًخرْ]

شلون سمعتيها ؟
لايكون ريلج يتصل عليج ويسمعج
يمكن بيحرج !

 

[al-musk]

ريلج هو الي يدقرها ويوقفها عند حدها .. لاتدخلين انتي وخلي لج برستيج بعد ماتدرين شترد عليج

 

[ام زاكي]

خلي زوجج يكلمها احسن عشان مايكون في موقف محرج من ناحيتج لانه راح يقولون سكانه مرته ماقدر يوقفها عند حدها وجات مرته اهي الي بتأدبها
اهي كلمتين يقولها نعم شتبين يا بنت الناس انا عندي مره تسوا الدنيا ومافيها شوفي غيري لو سمحتي وخلي يطالعها بنضرات يبين لها انه لو تقرب منه مره ثانيه راح يتصرف معها بتصرف ثاني

 

[orange blossom]

اهي صج حركاتها بايخه و موعدله
بس دام ان ريلج حاقرها
لاتشغلين بالج
بس هم ريلج خل يسمعها كلام يخليها ما تقرب صوبه

 

[اميره^_^بحلآها]

حبيبتي زوجج ما يعطها وجهه خلاص مالج شغل فيها خليها تقعد و بعدين هاذي وحده كبيره بالسن يعني اكيد ما رااح يلتفت فيها خوفج من هذوول البنات الصغار بالعمر
اما هاذي اكيد عندها ما عند جدتي

 

[MiSTaKe]

خلاص انتي لاتواجهينه بهالموضوع وتفتحي علينه عليها وتنبهينه
واهي مادري شالحل معاها بس الله يبعدها عنج ويفكج منها

 

[رنيم الروح]

لله يعينك حبيبتي بس حاولي تكسبين زوجك اكثر واهي الله اعلم بنيتها ممكن اتكون
نيتها زماله بالشغل وترتاح لانه محترم وممكن يكون شي ثاني بس انتبهي منها وخلي عينك عليها
لانه حتى اذا زوجك مطنشها وحاقرها بس مايدوووم لانه كثر الدق يفك اللحام
يعني كثرة التكرار والمحاوله تغيير كل شي فانتي استودعي زوجك يوميا
والله لا يغير عليكم

 

[دلوعةمآمآ]

حبيبتي اهم شيء ان زوجك مو معبرهاا

ارتاحي الله يريحك

بالنسبه لها اهي تقهر !!


الله لايفرقكم

 

[زوجة عزيز]

مشكورين كلكم فديتكم اللي سئلوني اشلون اعرف انا اتصل على دوامه واقولهم لحظه واتم اسمع انا اشلون ياتني هالفكره لانه مره سمعتها صدفه اتكلمه ولفتت انتباهي فكررت الحركه وعرفت ان اهي اتعمد تتقرب منه اهو بالذات مع ان في موظفين غير معاهم بالمكتب وترا سمعتها اتقول عنه يازينه هالريال طيب يعني اهي صج كلمه عاديه بس والله تقهر خاصة اذا انتي زوجته تسمعين هالكلام اهي عقب ماقالت له تعال تريق معاي واهو قال مابي سيده طلع من الدوام سديت الخط ورديت اتصلت وسئلت موظف عنه وقالي طالع ارتاح قلبي المهم انا ماسكت وقلت له اشتبي فيك قال ماادري بها وماعلي منها انا ياي اترزق الله ومالي شغل باحد اهني ومالي شغل فيها وسئلت رفيجه قال ماعليج منها اهو مايعطيها ويه اهي كل مره اتكلمه واهو يطلع وقالي ان زوجي قال له يقولها لا اتكلمني الا اذا في شي يخص الشغل انا صج ارتاح قلبي من ناحيته بس اهي حاسه نواياها مو طيبة

 

[مييريآ]

^^

لاتكثرين السؤال عن ريلج بالدوام ، ترا يمكن يوصله كلام او يدري وبعدين بيقولج ليش تشكين فيني وتخلينه يبتعد عنج

مثل ما قتلج عطيه الثقة وطنشي موضوعها ، بس قربيه منج ودلعيه ودلليه ولا تعورين راسه بالاسئله عنها او عن غيرها

حاولي تراعينه هالفترة وكثري من اهتمامج بدون ما تلفتين انتباهه انج تدرين عن شي ، لانج لو نكدتي عليه وتميتي تسئلين من وراه راح

يدري ، وراح يحتاج وحده حنونه تسمعله ويشكيلها ان زوجته مش مهتمه فيه او منكده عليه ، وما بيلاقي غيرها ، ولو كانت نيته طيبه هي

بعدين راح تستغل هالشي ، فانتبهي ترا نيتها مو صافية .

والله يهدي قلبج حبيبتي ويبعدها عن حياتكم

 

[زوجة عزيز]

مييريآ
مشكوره حبيبتي لاهتمامج بمشكلتي انا ماقمت اسوي جذي الا يوم شفتها تمادت ابي اعرف شنو نيتها !! واذا على الثقه بديت اثق فيه اشوي لاني مااحب احط كل ثقتي بريال وتالي انصدم

 

[مييريآ]

^^

والله محد له امان الحين

الله يبعدها عن حياتكم يارب