الجزء إلـ [ 1 ] ،
بغرفة البنات
مي : منى ماخلصتي ؟
منى : لا ماخلصت ليش شتبين
مي تقعد جبالها وتتافف : بعد شبي امي طرشتني
منى : تكفين لاتقولين خطاب
مي : اكو غير هالسيره امبي احسها تمشي ودلل فيج
منى تقط الكتاب وبعصبيه : هذي شفيها جم مره اقولها مابي اتزوج
مي : منووه لأول مره اوقف مع امي بشي يعني لي متى بتضلين جذي ؟ اذا انا الياهل انخطبت انتي شنو
منى : مالكم شغل فيني
مي : مناوي مايصير جذي اذا مايبيج شكو يلعب عليج ويعلقج
منى : اووف منو قال مايبيني بس نطري خليه يرجع من السفر وراح ياخذني
مي : والله يخوفي يرجع من السفر واييب لنا بلوه معه
منى : شقصدج ؟
مي : الصراحه اهو بدوله غريبه ويمكن يمكن الشيطان يقص عليه و
منى قاطعتها : لاااء ! محمد مايسوي جذي اهو ولد خالتي و حبيبي و واعدني بالزواج
مي تنزل من السرير : والله كيفج انا قلت لج هذا خامس واحد تقريباً ترفضينه وانتي مافيج شي ولا يعيبج شي
منى بدت عينها تدمع لفت ويها : طلعي بره
مي زفرت وطلعت من الغرفه
منى قامت دموعها تنزل مثل الشلال تعبت وزهقت من حجي الناس عمرها 26 سنه وليمه الحين ماتزوجت وكله هالمحمد الي ناطرته !
تحت ،
ام محمد تبخر الصاله
مي : الله الله شالريحه السنعه
ام محمد تبتسم : بعد تبون الخطاب ايون وريحة الصاله ريحتكم
مي تتخصر : اصلاً يحصلهم يشمون ريحتنا
ام محمد : هههه اكيد لا وخري عن ويهي بس
مي : اقول يمه تتوقعين مناوي توافق على عبيد ؟
ام محمد : شفيه عبيد شناقصه ! ولد عمتها احسن لها ، وفيها خير ترفض
مي يت بتتكلم بس رن تلفونها واستحت ،
ام محمد : ردي عليه خو ريلج هذا مو غريب
مي ابتسمت بحيى وردت : الوو
خالد : هلا والله بحياتي
مي بحياوه : هلا خالد
خالد : شنو خالد ماكو حبيبي حياتي شي مني مناك !
مي : خــــالد !
خالد يضحك : والله بتذبحيني انتي وهالحياوه الي فيج
مي : بعد تبيني اصيل جليلة حياا
خالد : لا بس خلي فيج جراءه لو شوي
مي : ماابي
خالد : ههههههه هين انتي نطري بس صيري تحت رحمتي هييهاات والله لاوريج
مي بحيا : اووف خـــالد خلاص
خالد : ههههه زين خلاص خلاص هم سكتنا .. المهم شلون حبيبتي
مي : تسلم عليك
خالد : الله يسلمها من كل شر يااااارب
مي ابتسمت : ياارب ، ها وينك ؟
خالد : ماكو طالع اقز بالحب
مي : شنهو !
خالد : شنو شنهو ؟ سابج اناااا
مي : لا والله شكو رايح الحب
خالد : كيفي طالع بقز وارقم لي جم وحده تقولي حبيبيييييي وحياتيييييييي وعمرييييي
مي : لا والله !
خالد : اي بعد اذا زوجتي ماتقولي هالكلام شسوي ؟
مي : اووف خالد لا تبط جبدي
خالد : ههههه اشفيج يبا ؟ لاتبجين علينا
مي : خلص وييينك وقول الصج
خالد : ولين بدينا عاد تدرين شمسيج بالتلفون
مي : همم شنو ؟
خالد : الـمعزبه !
مي : ههههههههه خوش وتدري انا شمسميتك
خالد بحماس : شنووو ؟
مي : خالد
خالد باحباط : حلفي ؟
مي : هههههه والله
خالد : مالت عليج
مي : المهم لاضيع السالفه وينك
خالد : رايح ماك بييب حق رغوده اكل
مي : اي صح شلونها الحين ؟
خالد يتنهد : والله ماكو الحمدالله بخير بس ايدها تعورها
مي : ايي الحمدالله على كل حال
خالد : ويت ويت .. نوو نوو ذيس ون .. يس يس ولك يرحم امك افهم قلت لك ذيييسسس وننن
مي : ههههههههههههههههه
خالد : اووف يس يس ثنكيو .. شفيج انتي تضحكين بعد ؟
مي : ماكو بس شنو ذييس ؟ الي اعرفه ذس
خالد : والله انا حمار بالانقلش بعد شسوي
مي بدلع : فدييت الحمارين انا
خالد @@ : شنو فديت الحمارين ؟
مي : هههههه شنو مو تبيني ادلعك
خالد : يالله يالله باي الشرها علي اكلمج
صكه بويها .. مي :هههههه مينون
بالدوانيـه ،
حسين : ولك صييده وراسك
عزيز : اوف حده ها !
حسين : جيك جيك يبووي طاع الجسم
محمد : الحمدالله والشكر ناس رديه
عبدالله : مالومهم طاع شحلاتها
محمد يدزه : هيي هي تراك بتصير ريل اختي يعني عيونك سيده
عبدالله : ههههههههه زين زين اوف ماسوت علينه
محمد يطالع : اممم
عبدالله يرفسه : طاااااع يطالع بعد ويسفل فيني
محمد : ههههههه ولك هذي انجلينا جولي بعد
عبدالله : جب جب ههه
..
طبعاً قبل لاتضيعون خنعرفكم ،
عايلة ام محمد
محمد 24 سنه - منى 26 سنه - مي 19 سنه
عايلة بو عبدالله
عبدالله 28 سنه - وليد 19 سنه
عايلة بو خالد " امهم تصير بنت خالت ام محمد 
"
خالد 20 سنه - رغد 17 سنه
..
رغد قاعده بغرفتها وتراجع حق الامتحان
رن تلفونها وشالته : هلا يمه
ام خالد : شفيج يمه ادق على غرفتج ماتشيلين ؟
رغد : يمه مارن عندي يمكن فيه شي
ام خالد : وين اخوج ؟
رغد : راح ماك اييب لي اكل
ام خالد : وابوج ؟
رغد : تحت بالدوانيه عنده رفيجه
ام خالد : خير ماني مطوله انا
رغد بملل : ان شاءالله
ام خالد : يمه ماكو شي يعورج ؟
رغد : يمه والله ماكو شي يعورني
ام خالد بخوف : خلاص اوكي باي
صكته رغد وكملت مراجعه
" رغد سوت حادث بالسياره مع السايق .. انقلبت فيهم السياره وتقريباً نص جسمها صار مشوه ريلها وايدها انكسرو وضهرها بعض المرات تشكي منه وبفخوذها شق طويل ! .. بس الحمدالله الحين صارت بخير بس ايدها الي تعورها "
ملت وقطت الاوراق ونزلت تحت اتشوف ابوها
بس انصدمت من الي شالفه : يبا منو هذي ؟
-
لااتنسون التشجيع
