زعلانه مع زوجي على أسم البيبي .. يبي يسمي على أمه ..=انتهى الموضوع=

[أحلى عيون]

رد: زعلانه مع زوجي على أسم البيبي .. يبي يسمي على أمه ..

بس كلمه وحده قولي له انت ترضى ليما تكبر انشالله البنت واغلط على اسم امك

احنا بالعايله جذي ما يرضون يسموون على اسم امهم يقولون لانه ما تغلطين على اسم امي واقعد اسب امي ههههههه احسن شي يسوونه

على العموم مثل ما قالوا الاخوات كل شي بالهداوه ومو مشكله اذا سمى على امه بالعكس تكبرين بعين اهله وبعينه

والله يشرح صدرك ويشفى بنتك اللهم امين

 

[طال السكوت]

رد: زعلانه مع زوجي على أسم البيبي .. يبي يسمي على أمه ..

الله يهديـــــــــــــــــــــــــــــــــــــــــــــــــــــــــــــج بس


نكدتي على الريال اول فرحته وبكر عياله

لا حول ولا قوة الا بالله؟؟؟؟

يعنى مو كافي ان البنت مريضه ومعوقه وبعد نكددددددددددد على اسمها

الحمدلله على كل حااااال

يا بنت الحلال خلي الناس يذكرونك بالخير ويفرحون ببنتك ... مو تروحين

تتشكيـــــــــــــــــــــــــــــــــــن عند ابو ريلج ........يا عيبي والله فشيله

 

[sHa6o0ra]

رد: زعلانه مع زوجي على أسم البيبي .. يبي يسمي على أمه ..

حبيبتي الي بحالتج لازم تدعي حق بنتها بالشفا مو تتهاوشون على الاسم

الاسم مايودي ولا اييب

حماي عنده اربع بنات واساميهم كلها غلجه وقديمه ايقول بناتي صارو مميزين
بسبب اساميهم يعني بنته بالروضه اسمها غنيمه وكل الابلات مستانسين عليها
عشان اسمها واهيا ماشالله جميله ومحليه الاسم

خليه يسمي عن خاطره وان شاء الله بتيوبون درزن بنات ودرزن صبيان وسمي
على كيف كيفج لين تشبعين من الاسامي

الله يشفيها ويقومها سالمه

 

[عاشقة السراب]

رد: زعلانه مع زوجي على أسم البيبي .. يبي يسمي على أمه ..

يا مرحب اختي لعلج اقتنعتي بكلام الأخوات صراحة لا تجعليها من أول بنت ترزقون بها نكد شفتي ردود البنات كلهم أجمعوا على أن اهم شيء سلامت بنتج وأن الموضوع ما يستاهل كل الزعل على ريلج قولي له مثل ما قالت الأخت زهرة الربيع كمحاولة بس واذا شفتيه ما رضي لا تصري عليه راجعي نفسج وحكمي عقلج لأن رضا الزوج من رضا الله سبحانه وتعالى وطمنينا على بنتج الله يشفيها

 

[نوت]

رد: زعلانه مع زوجي على أسم البيبي .. يبي يسمي على أمه ..

بصراحه ولاتزعلين مني..........شنو من الاهميه بالاسم اللي مخلي الزعل
وشنو افرقت بالاسم يعني مو عارفه همنا من قبل لانولد الاسم ونتناجر ليش يبا كله اسم يعني بس الاهم انه مايكون اسم مكروه وبغيض بس........................
وصدقيني لازم نكبر عقولنا بخصوص هذي المواضيع البسيطه

 

[girl_in_abottle]

رد: زعلانه مع زوجي على أسم البيبي .. يبي يسمي على أمه ..

لا حول ولا قوة إلا بالله
الله يشفيها و خليها لج ذخر
و الاسم مو مصيبة كلش
قوليله هذة بنتي و انا تعبت عليها و انا ابي اسميها هل اسم و انت كيفك
و بس
ليش امتعبة نفسج عل الفاضي

 

[jolie_q8]

رد: زعلانه مع زوجي على أسم البيبي .. يبي يسمي على أمه ..

أول شي الله يشافيها ويرفع عنها الضر

اتفق مع البنات ان الاسم ما يودي ولا يجيب وما يسوى انك تسوين خلاف علشان اسم !!

ولكن في نقطه مهمه الظاهر انك نسيتيها أو ما عندك علم فيها

وهي

أن التسميه حق للأب ، لا للأم

هذا مما لا نزاع فيه بين الناس .. وان الأبوين إذا تنازعا في تسمية الولد فهي للأب

كما أن الولد يدعى لأبيه لا لأمه ، فيقال : فلان بن فلان

قال تعالى : ادعوهم لآبائهم هو أقسط عند الله - الاحزاب:45

والولد يتبع أمه في الحرية والرق ويتبع أباه في النسب

والتسميه : تعريف النسب والمنسوب ، ويتبع في الدين خير أبويه دينا


هذا الحكم شرعا - وطلعت هالكلام من كتاب(تحفه المودود بأحكام المولود) لابن قيم الجوزيه

وان شاءالله ان يرتاح بالك وتسمين البنت بالاسم اللي ابوها اختاره لها

وتدعين الله ان يشافي بنتك ويقر عينك فيها


وشكرا

 

[جروح تبتسم]

رد: زعلانه مع زوجي على أسم البيبي .. يبي يسمي على أمه ..

اول شي الله يشافي بنتج يارب ان شالله ماعليها الا العافيه وتعيش بصحه وعافيه ولا تعوق ولاشي ... ثاني شي انتي قلتيها بعظمه السانج ( يمكن لو طالب الإسم برضى بس يجي يجبرني عليه ؟؟ ) مادري احس ان المسأله مومسأله اسم بس!!
انتي فكري شويه ترى والله العظيم اعرف وحده وقسما بالله اقعدت اهي وزوجها يتهاوشون على اسم المولود ( وهو في بطنها ) لين ولدوها واختنق وصار معاه نزيف بالمخ وتوفى على طول يادافع البلا .. ترى الحنه موزينه
الاسم الحين لازم مايهمج اللي يهم هو صحه بنتج ... والحمدلله ع السلامه ومبروك عليكم الكتكوته ولي كبرت واحد ماعجبه الاسم قولي لهم بكل فخر ابوها مسميها

 

[كندية]

رد: زعلانه مع زوجي على أسم البيبي .. يبي يسمي على أمه ..

انا اقول سموها اسم عادي وبس ...لاتسمونها على احد ...
ومثل ماقالوا البنات ...بنتج مريضه وانتوا تتهاوشون على اسم....

 

[ii DareeN ii]

رد: زعلانه مع زوجي على أسم البيبي .. يبي يسمي على أمه ..

الله يشافي البنيه بس والله مو وقته زعل على اسامي الواحد اهو يحلي اسمه مو الاسم يحليه

 

[رمانه كويتيه]

رد: زعلانه مع زوجي على أسم البيبي .. يبي يسمي على أمه ..

ذكرى الله قولى لااله الا الله محمدا رسول الله خلى بنتج بين عينج لاتتهاوشين على اسم ان شاءالله يسميها اى اسم اهم شيى هالبنت اللى تحت ايدج انا اعرف وحده وعليه عليها تدرين ريلها اشمسه بنتها عليه سمها على حبيبته انجمعت وسكتت وتدرى اهيه انه على حبيبته بس اللى خفف عليها اشوى انه اسم حبيبته على اسم امها اهيه

 

[Dancing^Queen]

رد: زعلانه مع زوجي على أسم البيبي .. يبي يسمي على أمه ..

الصراحه مادري شقولج؟
مابجاج وضيق خلقج مرض بنتج؟ همج الاسم بيجبرني اسمي علي امه؟وخير ياطير سلامه بنتي انشاااااااااااااااااءالله وتكبر وتعيش بصحتها وسلامتها وخل يسمونها انشاءالله عاتكه !!!!!
الله يقوم بنتج بالسلامه ويعافيها وتفرحين فيها عروس ويبلغج بذريتها يارب
حبيتي شفتي شلون امج غاليه عليج وماترضين عليها وتتمنين برها ، ترا ام ريلج بعد ام واهو ولدها ويعزها ويحبها ويبي يبرها مثل ما انتي بتسمين علي امج اهو بيسمي علي امه وان صارت البجريه علي امه بتعزها وتغليها وترتفعين ا نتي بعينها
وحبيبتي سمحيلي ترا حق الام بالولد اكثر من زوجته يعني لو يقولوه اختار امك والا زوجتك اللي فيه خير وسنع يقول امي لان اللي مافيه خير ورحمه وولاء حق امه اتهقينن بيصير فيه حق مرته وعياله؟؟ امه اللي ربته وسهرت عليه وتعبت وشقت ومستكثره ان يسمي عليها؟ ترا الدنيا سلف ودين حبيبتي وكما تدين تدان باجر مرت ولدج تيي وتقول ماتجبرووووووووووووني اسمي علي اسسم امك (اللي اهي انتي اللي متي وحيتي بولادته وفرحتي فيه يوم اول ماخطا ومشا وفرحتي فيه يوم تزوج وتمنيتي تشيلين عياله بايدج قبل لا الله ياخذ امانته واللي تعطينه عمرج لي بغا) اسم امك عتيج انا بسمي علي امي والا اسم امك عتيج موحلو لاتجبروني اسمي عليها وتروح اتكلم ريلج وتتشكاله ولدك يبي يجبرني اسمي علي اسم خالتي (اللي اهي انتي) بيقولها وشفيه الاسم يابنتي؟ بتقوله مولحو قديم انا ماكنت مفكره بنتي تتسما بهالاسم مابي <<<<< شرايج؟ لو مرت اخوج تسوي هالشي بامج/ ا بوج شبتقولون عنها؟ لي وقفتلكم وقالتلكم مابي اسمي حفيدكم علي ابوكم اسمه موحلو وانا مو متصوره اصير ام فلان مابي (سواءا يتكم بهداوه وبادب وقالتلكم مابي اسمي او صرخت وسوت سوالف) شبتسوون؟ ياتتهاوشون وياها وتطردونها يابتخلونها وبتسمي بس من بعدها شنو قدرها بيكون عندكم؟ وشلون تطالعون ويهها؟ والياهل كل مايقبل تنذكر هالسالفه


ترضينها لج؟ اذا انتي راضيه باللي انتي قاعده اتسوينه انه يصيرلج تفضلي حبيبتي سمي بنتج اللـــــــــــــــــــي تبين والله يشافيها لج ،اناا دري انج قلتي هالشي من عصيبتج من حرتج علي بنتج موقصدج اكيد
حبيبتي خلي ابالج اللي بير امه باجر عياله يبرونه

 

[الجــادل]

رد: زعلانه مع زوجي على أسم البيبي .. يبي يسمي على أمه ..

انا كلامي من كلام سبائك وطوق البنفسج

 

[جرح الليالي]

رد: زعلانه مع زوجي على أسم البيبي .. يبي يسمي على أمه ..

ادعي حق بنتج الله يشافيها

و الاسم لا بيقدم ولا راح ياخر

 

[لباس التقوىk]

رد: زعلانه مع زوجي على أسم البيبي .. يبي يسمي على أمه ..

خليه يسميه بالاسم الي يبيه وانتي سميها اسم ثاني
يعني بالبطاقه اسم الي اختاره ابوها وبالبيت اسمها الى سميتيه
وانشري عند الناس اسمج الي اخترتيه
وشوي شوي ليمن توصل ابتدائي غيريه بالبطاقه مع الهداوه
انا كنت نفس حال ة بنتج
ابوي مميني على اخته وامي اختارة اسم حلو
حتى أعمامي وعماتي يموني=باسمي=الدلوع
ومافي
حساسيات
وهونيها وتهون

 

[رنين]

رد: زعلانه مع زوجي على أسم البيبي .. يبي يسمي على أمه ..

حبيبتي حطي شغله وحده ببالج ....الولد مسمى عند ربه قبل لا ينخلق...

تزعلين ترفضين تطق جبدج مسمى مسمى!

فلا تحطين ببالج كل ها الهم و تجيبين لروحج الاكتئاب من ورى شغله أصلا مقضيه من زمان .


أنا جذيه كنا متفقين على اسم طول أشهر الحمل و لما ولدت غيره.
عيزت منه خليته يأجل التسميه 7 أيام محد يعرف فيهم شسم الياهل على أمل أغير رايه مااااااكووووووووووو فايده.

بس بصراحه ما نكدت على نفسي و لا نكدت عالريال ...
حاولت بكل طريقه سمحه ما نفع خلاص أمر الله و كان!

مع اني بيني و بين نفسي مو عاجبني كلش ...فقمت اذا بناديه أدلعه بطريقه تبعد الاسم عن صيغته موليه جنه اسم ثاني

بعدين ركب عليه و تعودت ما عاد للموضوع كل ها الاهميه!


بس انتي ادعي ربج يسلم ها البنيه و يحفظها ....
و رضى يدتها بونسج انشالله ....و الله أحسن ماتبينين لهم انج رافضه اسمها و مرد البنت تتسمي عليها و يبقى بينكم فجوه مايردما شي....
خل الامور تمشي بمحبه و تفاهم أحسن لج.

لا تكسرين بخاطر خالتج حرام. هم اهي غاليه عند ولدها.

 

[ضوى العيون]

رد: زعلانه مع زوجي على أسم البيبي .. يبي يسمي على أمه ..

معقوله الاسم مو عاجبج لهدرجه
ليش شنو الاسم شوفي وطلعي معناته

 

[استغفرك يارب]

رد: زعلانه مع زوجي على أسم البيبي .. يبي يسمي على أمه ..

اولا الله يشافي بنتك ويبعد عنها كل شر
ثانيا تري سالفة الاسم مو سالفة جايدة لدرجة انك تدعين على البنت تموت اشدعوة اشصاير بالدنيا وبعدين دام انتي تبين تسمينها على امك قولي له من الاول مو تسوين روحك اسكت يعني راهية سمها مثل ما تبي وعقب ما راح يركض حق امه يبشرها تعصبين ... شكووووووووووووووو

 

[رماديه]

رد: زعلانه مع زوجي على أسم البيبي .. يبي يسمي على أمه ..

آنا حاسه ان الاسم مو حلو كلش من جذي انتي متضايقه وايد.

بس شوفي اهي بنته وامسجله باسمه مو باسمج فخليه يسميها اللي يسميها اذا راسه يابس و ( ادماغه ناشفه ) وانتي حبيبتي سمي بنتج اسم دلع مثل نونو والا لولو والا سوسو اختاري حرف من الاسم ودلعيها فيه.

ما اقول الا الله يشافي بنتج ويبعد عنها الامراض والسوء ويحفظها هذا اهم شي.

 

[nonia]

رد: زعلانه مع زوجي على أسم البيبي .. يبي يسمي على أمه ..

أدري يمكن يكون كلامي ثقيل بايخ شوي بس صراحه ماعندج سالفه كلش والله خليه يسميها على اسم امه حتى لوانتي مستثقله الاسم ولو شنو بيسميها بتظل اهي بنتج حشاشة يوفج وأدري شي بايخ ان احد يفرض عليج شي بس والله جربي وقولي انا برضى بهالاسم عشانك يا رب العالمين علشان ارضي زوجي ووامه واحتسبي الأجر عند رب العالمين وادعي ربج ليل ونهار يشفيلج الحلوه الصغيره وشوفي ربي شلون بيجازيج كل خير واتعوذي من ابليس لأن ابليس يستغل الزله اللي بينج وبين ريلج ويسويلج مشكله عسى ربي يشفي بنتج ويسعدكم انتي وزوجك وحمولتج .