زعلانـــه بيت اهلي وانا عروس :(

[فوفو22]

سمي بالرحمن

انتي عروس

وهو يتحلى عليج

ويتمنى تنزلين وزنك

قولي له

حاضر والغنيمه

رايك وطلباتك على راسي

تعلمي الرد والبدل

ليش عيالنا يحبون السوريات لانه دايما يردون على ملاحظات الزوج

أمرك يا ابن عمي .....

مش الحل تروحين بيت اهلك وتصيرين حجوه الموسم بين العايلتين

الثقه الزايده مو حلوه

وصدقيني بعد ما تجيبين عيال بتصيرين بعينه

حلوه حتى لو وزنج 100

فوفو

 

[love love]

سوري بس في نقطه مو فاهمته شكو ربعه يقولون له اهلنا يقولون مرتك احلى من مرت اخوك؟؟؟؟


الجمال مو كل شي هذا انتي قلتيها اهي وريلها متفاهمين وريلها مقتنع بالي عنده


سوري حبيبتي بس حسيت اشوي اتقارنين ميخالف خلي لج شخصيتج ولا تقارنين لانه بتتعبين


اما عن سالفه ريلج كلامه صح عن الدراسه واليهال واهو بيستانس اشوي وياج وصدقيني ماراح تتحسفين عن تجربه اهتمي بدراستج ولي قرب التخرج حملي

اما عن الوزن كلميه دقي عليه الحين وقوليله مرني خل نروح مكان نتناقش فيه وقعدو وتفاهمو وحلو كل شي

ز تطلعين وتنامين بيت اهلج من بدايه زواجكم ترا بيتعود وبتتعودين


الله يوفقج

 

[اميره1980]

من صجج تاركه بيتج علشان جذي؟؟
اخذي ريلج على قد عقله و قوليله ان شاء الله بضعف و نزلي مثلا 2 او 4 كيلوات و راح يبين عليج الضعف علشان يستانس
و على سالفه العيال معاه حق خلصي جامعتج علشان تتفرغيت للحمل
وايد بنات حملو بالجامعة و ما قدرو يكملون و انتي و ريلج اتفقو على ظروفكم بس لالالالالالالالالالالالا تطلعين من بيتج ابدا ابدا الا بسالفه كبيرة

 

[امووووما]

اسمحيلي اذا انتي عروس على قولتج ومن بداية حياتج زعلانه على موضوع عادي وقاعده عند اهلج وفوق هذا تبين عيال وازني امورج مع زوجج بعدين فكري بالعيال بأجر مع الايام وبلاويها شنو بتسوين من يقولج رجعي ورى بتاخذين عيالج وتروحين عند اهلج




اما عن مرت حماج أهي شكو مسكينه اشعليج فيها اذا أهي بنظرج مو حلوه تلقينها ملكه بعين زوجها


طولي بالج والله الامور ما تمشي جذي اذا ما طوفتي اليوم والله بأجر بتتعبين وايد والريال لو ما يحبج وشاريج جان مو قاعد يقولج اللي يبي غيره يسكت ويطوف وتلقينه عينه على فلانه وعلانه

 

[حآلية الذوق ~]

حبيبتي الريال مبين فيه غيره مايبي احد يمدحج وخصوصا ربعه يقولون له

اما سالفه الوزن ترا اغلبهم اول اشهر يسوون جذي وريلج الي سواه شوي صدقيني بيمشي رايه وبعطين يطخ سالي مجرب
ولا تهدمين بيتج على هالشي قوليله حاضر وبضعف وسمعي وطلعي من الاذن الثانيه ترا اغلب الرياييل جذي ويطخ
تلقينه مهتم لصحتج اكثر ماتدًرين

واما عن الدراسه اهوا صاج مايبيج تتعبيو والوحام حده صعب

دام شاريج لا تتغرين وانتي باول زواجج قاعده عند اهلج ترا الريال بسرعه يتغير

 

[Creamy Girl]

توج شهرييييييين

تبين تحملين!!! ليش ترى صج معاه حق استانسي ودرسي واذا تخرجتي يصير خيييير

الجسم عادي لو ضعفتي جم كيلو عشانج مو عشانه حتي لو جسمج عاجبج بس ضعفي اقل من الوزن المطلوب عشان اذا فكرتي تحملين يكون احسنلج وعندج مجال تزيدين على راحتج

صارلج شهرين متزوجه من توقيعج وزعلانه اسبوعين!!!! ترى وايد غلط
انتهزي اي فرصه بيراضيج فيها وردي بسرعه بيتج
الله لا يقول باجر صارت مشكله اكبر شبتسويييين؟؟!!

 

[miss swan]

ترى وايد انتي حساسه ومصعده الامور
وريلج ماقالج شي غلط ولاسبج ولاكلامه يزعل انا ريلي عكسج كان يبي يمتني غصب طيب اول الزواج
بس مازعلت ولارحت بيت اهلي شحقه انتي لو واثقه من نفسج شحقه تزعلين لا قالج ضعفي قوليله انا رشيقه ومااشوف محتاجه ضعف
وشحقه مستعيله على الياهل استانسي بنفسج وونسي زوجج ​

 

[شادن33]

ريلج يبيج تضعفين اضعفي ياختي انتي اتشوفين عمرج حلوه لكن ريلج في وادي ثاني
وهذا بلا ابوك ياعقاب <<<<<شكو

 

[السليلة]

حياتي ترا في ريايل يحبون البنت ضعيفه هالدرجه حتى العضام تبين والله يوفقج حبيبتي وتوكم معريس استانسو

 

[english muffin]

وايد بالغتي بردة فعلج

 

[بحر الذكريات]

الله يهديكم يارب

بس شكو تقارنين بينج وبين مرة حماج تو الناس على هالسوالف

 

[FDITNIE]

حبيبتي الريال لي الحين ما عرف شخصيتج عدل عطيه مجال يعرفج ونصيحه خليه يتعلق يشخصيتج ونسيه المظهر ومومشكله تضعفين شوي والله يهديه:yaaaaaarb: لج ياااااااارب

 

[Miss^NeozZ]

لاتضعفين ولا شي بالعكس قوليله جسمي عاجبني ومحد ينتقده غيرك :/

لاتضعفييييييين انبطت جبدي

وسالفه الحمال امبيه شلج بالحمال من الحين من صجج انتي ؟ :/


لااااااااااتضعفيييييييييييييييييييييين

 

[ام كوثر2007]

ريلج يبيج ضعيفه ضعفي عشانه ... ما تسوا السالفه كل هاللويه وشايله قشج الله يهديج من اولها

باجر لا صار شي جايد بحياتكم شبتسوين ؟؟ اذا انتي من سالفه سخيفه مثل هذى ما تحملتي ؟


عيل اشلون بتحملين مشاكل الحياه الزوجيه ؟

 

[أعرفك نفسي]

حبيبتي لا تزعلين انتي فعلا متينة وزنج فوق المعدل الطبيعي ب 12 كيلو
رياييل هالايام ما يحبون المتينة المتروسة يحبون الضعيفة الرياضيه

واذا على العيال قعدي وتفاهمي معاه وبينيله رغبتج انج تبين عيال وانتي تتحملين مسوولية قرارج
اما عل الجسم انا مع الريال انصحج تضعفين ولا تنسين وراج حمل وولادة ف حافظي عل جسمج

 

[كريستال]

الله يهديكم ويصلح الحال

 

[قموشه21]

انا ماحب المقارنــآآأت .. << مو موضووعنــآآ

الحين الحياه الزوجيه تبي لها مشاركة وتفاهم وانسجــآآآم تــآآآم .. اخذي واعطي معــآآه

جامـليـه < ماتعرفين تجاملين ربعج؟ جاملي ريلج قولي من عويناتي ابششر بضعف بعد تبي شي ثانـي..!!

عاجبج جسمج وماتبين تضعفين جامليه قولي رحت وشفت وزني نزلت .. اشفيها لو تقولين جذي.. بالنسسبه للحمال لاحقة علي الششقــي..

انا ريلي من خذيته يوسوس لدرجه كان يراقبني مثثلج بس والله شسويت كنت اكل شويات جدامه وبس يقوم انا اروح للمطبخ وبالخمس لوووول..

وبالاخير يقولي شفتي ششلون خليتج تضعفين مع ان زدت 3 كيلووو عادي ..

المسأله يبي لها مجاراه وتحمل وصبر ومجاملة وتطنيش علي اتفهه سبب شلتي شلايلج ورحتي لامـج.. نصيحه خلي مشاكلج ابيتج لاتطلع ,..

 

[سكوون انثى]

حبيبتي توج ع الزعل أنتي وريلج

ردي لبيتج وضعفي لج كم كيلو واليهآل توج عليهم صغيره

اذا خلصتي دراسة جان زين ابدي فكري !

 

[ناتشوو]

انا مستغربة
من غيرتج المبكرة من مرت حماج
لا تقارنين بين حياتج الزوجية وبين علاقتها مع زوجها

الناس اذواق
يعني زوجج يبيج تضعفين
هذا مو اهانة لج
و بصراحة المتزوجة جسمها مو ملك لها بروحها
ومن اهداف الزواج الرئيسية للرجل انه يعف نفسه
فلازم تكونين ع مزاجه عالاقل من الناحية الجسدية في بداية الزواج
بس انت يمكن مصدومة لان العادة العروس لازم تنمدح
لا تكبرين السالفه
بالعكس بيني له انج بتضعفين علشانه
بالنسبة للشغلة الثانية المفروض يكون في اتفاق مسبق ويفهمج
وانا اشوف اسبابه مقنعة
واتمنى لا تعيدين سالفة الزعل ف بيت الاهل بدون سبب يسوى
وبالتوفيق

 

[Flower20]

الله يهديج تو الناس على الزعل
انا نفسج توني عروس وريلي عكس ريلج ىلوووووووووووول

رياييل ما يعجبهم الغعجب شتسوين
واول الزواج كله اسمع انهم يحاولون يفرضون رايهم

بس لازم تردين بيتج ولا تزعلين على اي شي
ترا بعدين يصير زعلج عادي عنده